Job Thubu: SS Lesson 4th Quarter 2016

Thulu: :Job Thubu


Principal Contributor
Clifford R. Goldstein
Editor
Clifford R. Goldstein
Associate Editor
Soraya Homayouni
Publication Manager
Lea Alexander Greve
Editorial Assistant
Sharon Thomas-Crews
Pacific Press Coordinator
Wendy Marcum
Art Director and Illustrator
Lars Justinen


THU OMTE
1. A Tawpna ah ············································································ 5
2. Kikingkalhna Lianpi ························································ 12
3. “Job in Pasian Amawk Zahtak hiam leh?    ··········· 19
4. Mihingte Thuaksiatna leh Pasian      ························· 26
5. Tua Ni Hamsia Paih ························································ 33
6. Tua Hamsia in Hangg Nei Lo Maw?. ·························· 40
7. Thuhkik Dantatna  ··························································· 47
8. Mawh Bang lo Sisan  ······················································ 54
9. Lametna Pulaak (Theisak)     ········································· 61
10. Elihu Lunghamna ··························································· 68
11. Pinggpei Kawmkal Pan  ··············································· 75
12. Job Atanhkhiapa  ···························································· 82
13. Job’ Zialehtongg ··························································· 89
14. Job Kiang Pan a Sin Ding Thute  ································ 96

Dotna Meiinei (Dotna Zunggpi)
Aleh lam akigengente kawmkal ah, Christiante‟ ngaihsutna leh ngimna geelnate ah Pasian a uphuaina thu tam mahmah hi. Leitung a apilpen a ngaihsutte‟n “pianngei tungtawn a telkhiatna” (natural selection) leh “azah kim a kikhelna” (random mutation) acihte uh in alamdanzia, abuaihuaizia leh nuntakna‟ ahoih aphatziate mi tampite‟n sang lo uh a, a tua ci ding mah zong ahihi. “Natethu kankhiate‟” genkhiatna nunung pente ah vannuai nate khempeuh “bang mah lo” pan hong piangkhia acih uh hangin mi a tamzaw tham in atawntung a anungta den Pasian om cih ngaihsutna nei veve uh a, piansakna thu pen thulam-tawnzaw leh a lungkim huaizaw suak hi.
Tua bang a akhauh akip ngaihsutziate kawmkal ah, thusia vaisiate in hong nelhsiah thei veve lai hi. Tua bang in dotna meiinei: Pasian om takpi a, diktakpi in, itna tawh kidim a, vanglian takpi ahih leh bang cia thuaksiatna tam mahmah hiam? cih dotna hong phulaam hi.
Tua hi a, tu quarter sung in: Job thubu, asin ding ih hihi. Hih thu meinei (zunggpi) vai genna bulpi pen Laisiangtho sung a kigelh masapen ahih zong lungkim huai mahmah khat suak hi. Pasian in zong hih vaibuai bulpi, atuung pek pan adawnna pawl khat hong hilh khol na hi gige hi.

Avekpi bel hilo in pawlkhat hong hilh hi. Laisiangtho thubu khat bek in tua dotna khempeuh dawng thei kim lo ding a Laisiangtho bup in zong dawng kim thei lo khasop ding hi. Hi mah leh, Job thubu in dalna khat hong honkhiat sak a, ei ngaihsut phak loh thute omzia khat, pilna siamnate gal khat pek a thu omte‟ omzia hong lak ahihi. Hih vaite thu khat ah ei tawh kigamla mahmah khat abat hangin hong naih lua peuh mah thei zel hi. Job thubu in Laisiangtho budangte hong gente zong hong lak a: pianngeite leh tua te galkhat lam thute‟ kizop khak zia hong thei sak hi. Job thubu in tua khit kum tul lomh khit ciang a, Paul hong gen thuguipite leh vau-hilhnate ahi: “eite in cileh sate bek tawh kido ih hi kei a, vangliatnate, thuneihnate, tulai khuamial ukpite leh vantung khalam siathuaina tuamtuamte tawh aki-langdo ih hihi.” cih bang thute hong pulaak hi (Eph. 6:12, NKJV).

Job thubu pen mi khat vai bek abat hangin, eite khatsim in zong khiatna omlo kawmkal ah athuaksia khazelte mah ihihi. Akiang ah hong pai mi 4 te vai zong ikiim ipaam a mite thuaksiatna vaite ah ih kihel khak zel zia hong langh sak suak hilo hiam?

Ahi zongin, Job thubu pen thuaksiatna vai mite tellahna bang bek a ih ngaihsut khak leh adeihna bulpi athei khalo suak mawk ding hi hang. Hih tangthu pen Khazih leh Satan kikal kikingkalhna vai atel nop theipen ding a hong kilak suak hi. Hih thu in vantung pan a hong kipankhia kidona takpi ahi mi khempeuhte‟ phutkhak lungsim, ngaihsutna, leh pumpi galdona vai teng mah ahihi.

Tu quarter sinna in Job thubu, a thupiang liann pan leh agal pan a ih etkhop ciangin athu paizia abul pan kimu kim khawm thei sak hi. Ei Laisi-angtho bup zong athei khin te adingin hih sung a om vaite khempeuh lomh-et a abul abal ih kan siang ding ahihi. A hithei zah a ih kankhiat ding thute in hih siatna adim simlei ah ei bang hang a om kha sese cih thute bek hi lo in, eite koici bangin nungta in khuasa ding cih vai hi pipen zaw hi.

Job thubu leh Laisiangtho bup ih sin khit ciangin zong dot ding leh dotnop adim in om lai hi. Ahi zongin tunglam pan amuanhuai mahmah thu khat, adawnna zungpi ahi, asisan tawh hong tanhkhiapa, “Zeisu Khazih” tungtawn in dawnna khempeuh kicing takin hong phulkhia hi.

Clifford Goldstein in khangcing Laisiangtho sinna endikpu ahihi. Amah pen 1984 pen G.C. ah om paisuak lai hi.

Clifford R. Goldstein