Sinna 7: Thuhkik Dantatna

Nipini (Sabbath) Nitak lam Nov. 5 

Sim Dingte: Job 8:1-22; Job 11:1-20; Isa. 40:12-14; Pian. 6:5-8; 2 Pet. 3:5-7.

Kamngah: Pasian thuthuukte thei khin zo ding na hi hiam? Vanglianpa’ hihtheihna thei khin zo ding na hi hiam? (Job 11:7).
Thuaksiatna vai in mite hong lungneu sak den hi. “Midik” thuaksia mahmah mu in, misiahuaite noptat mahmah thei mawk hi. Tu ma kum tawmkhat lai in “bang cia midikte‟n vaisia tuak?” cih laibu hong om hi. Kum tul tampi a dotna vaite telsiam nading a ngaihsut hi napi‟n tua ci hetlo mawk hi. Laigelh-siamte leh thungaihsut-siamte‟n mihingte‟ thuaksiatna vai aphutkhakna vaite uh gelh hi. Adik a gen thei kuamah aom lo himai hi.

Hih vai keek mah Job thubu‟ thubulphuh hi a Job bang a “midik” khat in bang hang a hih leitung ah tuahsia mawk. Job thubu leh adangte kibat lohna pipen in Job pen mihingte‟ muhzia vai hi lo in (tua vai tampi zong om mah na ven); Laisiangtho ahih mah bangin Pasian in tua vai amuhzia hi zaw hi.

Tu kal Job thuaksiatna mu ding a hong pai mite gennate leh adangte pawlkhat ih sim ding hi. Amau kiang pan bang sinna ngah in, amaute leh midangte khialhnate pan diak in, athuakte tawh kituak in thuaksiatna koici muh thei ding ih hi hiam? *
Nov. 12 Nipini adingin tu kal sinnate hong kiging in maw.

Nimasani (Sunday) Nov. 6 

Mawhsak Na Dangte 
Eliphaz gen teng siahuai zolo bang keek in Bildad genna Job in hong thuak beh lai a, Eliphaz cih mah bang pian ahihi. Bildad bel Eliphaz sang in Job tung ah khakngalzaw laisawn hi. Atate‟n asih san mi khat kiang ah va pai in: “na tate‟n Topa tung ah akhialh uh leh, amau khialhnate hang a aki paikhia hi” (Job 8:4, NKJV) aci bangh hi.

Lehcihna bangkhat suak ding hi. Ahang pen Job in tua hang keek mah in atate adin‟ biakpiakna piaksak in amawh khak uh leh aci ahihi. Tua hi a, Job sepna bawlna ih muh bangin Bildad ngaihsutna tawh hehpihna thu atelsiam dan ah: athu patna kammal limlim pen thukham vai in thuhkik vai tawh khakngal mahmah hi. Pasian apanpih a kinei hi sawnlai a, suuksann hi.
Job 8:1-22 sim in. Bildad in bang gen a, agen thudik bangzah om hiam? A thupiang ngaihsun lo in athu kigen bek en leng, a kammalte pan bang khialhna mu thei ding na hi hiam? ____________________________________________
__________________ ____________________________________________
__________________ ____________________________________________

 Hih mun ah agennate bel kua‟n mawhsak mawk ding? “Zan mah a piang ihi a bang mah ih thei kei hi. Ahang in leitung nuntak pen limm bang ahi hi” (Job 8:9, NKJV). Tua thu nasia in dik a Laisiangtho tawh kituak hi (James 4:14). Ahih leh, hong vauhilhna thu ahi Pasian neilo Ama lametna leitung nate ah akoihte in “maimom thangg” sang a tozaw tuanlo khat amuang suak hi (Job 8:14) acihna thu ah bangh khial hiam? Laisiangtho vai mahmah hi..

Bildad in Pasian zialeh-tongg lak a, khat bek gen a nei ahih man hi khangel ding hi. Hih bang pen lampi nawl guam sung khat ah om ahihkeh anawl khat lam zaw a om bang suak hi. Alang nih in omna ding mun hi lo hi. Gentehna in khat peuh in thukham, thumann, leh thumanhna lam bek lim gen in, adang khat in hehpihna, maisakna, leh ih tangg a hong thuakna vai bek lim gen kha thei hi. Alang lam bek limhgen kha leng Pasian zia leh thumann kimu khial thei hi. Hih mun ah zong tua bang mah suak hi.

Mihingte in Pasian thu ih gen ih hawmnate leh mite tawh ih kizopna vai ah akilekkim ding a ih ngaihsut den ding kisamh hi. Mite tawh ih kizopna vai ah khial kha ding hi leng (aki tua cih khak zel mah bangin) koi lam pan a khialh hoih zaw ding hiam? Bang hang hiam? 

 Ninihni (Monday) Nov. 7 Na Mawhna Zah Sang a Phadawm Zaw

“Pasian’ thusimte zongkhia thei ding na hi hiam? Vanglianpa hihna ciang na thei zo ding hiam? Vantung sang in sang zaw a bang cih thei ding na hi hiam? Hankhuuk sang in thuuk zaw a, bang thei thei ding na hi hiam? Leitung sang sau zaw a, tuipi sang zai zaw hi” (Job 11:7-9, NKJV) Isa. 40:12-14 en in. Bangh thumann kipho lak a, bang hang in ih phawk den ding thupi hiam? ______________________________________________________________ ______________________________________________________________

Hih mun a kammalte in Pasian thu ih theihloh tam lua mahmah a, ei thu a hanciam in kankhia mah leng zong ih theihzawh nak tawm lua mahma lai ding hi. Angaihsut huai thu khat ah, kum zalom 20 sung a minthang pen hong nusiasa Richard Rorty, genna ah, eite in ataktak leh thumann thei zo ngeilo ding ihih manin dapkoih vet ni. Ataktak ih theih nang ih hanciam sang in tua tawh ki zawitawn a ih nuntak ding pen ih hih theih sunh hi. Hih pen thupi huam mahmah thu hi a: kum 2600 sung bang asauvei khin nitumna -lamte‟ ngaihsut paizia in agual lelhna uh hong pulaak uh hi ta hi. Hih leitung nuntak vai thutak kankhiatna pen in khuamial sung ah hong ompih lai leh ei zonkhiatna tawh kua in tua ataktak atung apat a abawlpa pen tua sang lianzaw a, kua‟n thei zo peuhmah mawk ding? Rorty in Laisiangtho pan a ih sim thu akipsak hong suak hi.

Hih thute thulian hi in, Job lawm thumna Zophar genna pan hi a, amanh bel hih thu Job tung ah amannlo nialna in zangh hi.
Job 11:1-20 sim in. Zophar genna sung a adik bang thu om a, ama nialna buppi ah bangci khialh hiam? 
______________________________________________________________ ______________________________________________________________

Job banga a thuak mi khat kiang ah khat hong pai in, na thuaksiatnate bel bulkalh to ni ci leng athuak ding a kilawm nai veh ci mawk leh bel telsiam haksa mahmah ding hi. Nang kilawm zah sang aphadawm zawlai hi. Asuukzaw thu ah adang nihte mah bangin Pasian hoihna leh aziaatongg aki langsak nuamlua hilai hi. Pasian zialehtongg theihna bek in Ama hong sunnsak thei pah tuanlo hi. Bang dang teng kisamh lai ding hiam?

Nithumni (Tuesday) Nov. 8 Pasian Thuhkikna

Job‟ lawm 3 te in Pasian‟ zia pawl khat bel thei mawkmah uh hi. Ama lam ah zong panh sawm pha mahmah uh hi. Ahun, amun tawh kizui a, ih et ciangin akammal zatte uh ah thumann thuukpi pawl khat genkhia mah uh hi.

Amau gen bulpi ah bel Pasian pen thumann a, mawhna siatnate‟ vai ah thuhkikna piang sak in dikna ah thupha tuamdiakte kingah hi. Hih mite‟ khan hun ih theih khak lian loh hangin paikhiatna hun ma, Moses midian a aom lai a, a at ahihi. Tuiciim tun khit bel hih tuak hamtang hi.

Pian. 6:5-8 sim in. Hih mite in tuiciim tun vai bang zah dong Eliphaz, Bildad, leh Zophar te’n thei cih ih tel sak loh hangin aPasian thu ngaihsut vai uh ah tua thu in bang zah dong in huzaap hiam? ______________________________________________________________ ______________________________________________________________

Tui ciim tun pen mawhna‟ hang a piang ahih lam bel hi pha mahmah hi. Tua bang thuak ding a kilawmte tung ah atung zong bel ahihi. Ahi zongin, ahehpihna vai ahih zia Pian. 6:8 ah hong kilangh hi. E.G. White gelhna ah zong, “tembaw lamhna sekgingte in tua mihingte tung ah teci pang in thu ahilh ahihi?” na ci hi. - Spirit of Prophecy Vol. 1, p. 70. Hih mite in Job tung ah ahilhhilh uh bang thute kimu thei hiam?

Anuai a munte ah thuhkik thukhenna vai hong koici dawk hiam? Pian. 13:13; 18:20-32; 19:24, 25? ______________________________________________________________ ______________________________________________________________

Eliphaz, Bildak, leh Zophar te in hih vai thei uh a, Pasian in A thukhenzia ah thusia tunga A thukhenna hong kilangh sak hi. Pasian in mawh neite amawhna sung uh ah nusiacip in mawhna in amau asusia sak zong hi samlo hi. Tuiciim vai ah Pasian bel amawhnate uh ah thukhenpa hi mah hi. Hih mun ah thukhenpa leh siatna asusiapa zong ahihi.

Pasian itna, hehpihna, leh maisakna ziate ih limhgen nop hangin ama thukhenna dik tak zong mangngilh loh ding bang hang in kul hiam? Thamanh ngah lo mawhna tampi om hi. Hih thu in Pasian thuhkikna pen Ama hong pai hunhun in akisamh, akul ngiat ahihna; hih thu in bang hong gen hiam? 

Nilini (Wednesday) Nov. 9 Topa In Athak Khat Bawl Leh

Pasian in siatna adantatna, leh muanhuaina vai thupha apiakzia, thu tampi Laisiangtho sung ah tua mite sih khit lam teh ki limgen hi.

Thumanhna a dingin bang kamciam thupi hong kipia hiam? Thuhilhk. 6:24, 25. ______________________________________________________________ ______________________________________________________________ ______________________________________________________________

Laisiangtho lui pen Amite‟n Athu mang leh Pasian in apiak ding thuphate leh hamphatna tuamtuamte tawh kisai kamciamte tawh dim hi. Tua hi a, hih mite in Job kiang a agen uh thu ahi, ama thu leh thukhamte amangte‟ muanhuaina leh paubang lo nuntakna tawh anungta te tungtawn a, Pasian thuphate agennate uh kimu thei hi.

Laisiangtho lui ah Pasian‟ thumanglote dantatna vai tampite zong kimu thei hi. Laisiangtho lui ah Sinai mual a thuciam vai khit ciangin Pasian in Israelte tung ah thumanhlohna hang a thupiang dingte‟ vai gen hi. “Topa thu manglo a, Ama thupiakte na langpan uh leh na pu na pate bang mah un note‟ lang kong suak ding hi.” (I Sam. 12:15, NIV).

Gamlak. 16:1-33 sim in. Hih mun a thupiang pan Pasian thuhkikna dantatna thu vai bang hong kigen hiam? 
______________________________________________________________ ______________________________________________________________ ______________________________________________________________

Langpangte‟ kisuksiatna vai hong gen a, “mawhna in ama dantatna hong tonpih cih bang vaite tawh kigenkhawm thei lianlo hi.” Hih mite in Pasian kiang pan in mawhna dantatna thu alangdona vai uh hangin thuak uh hi. Hih bang mun ah Pasian in vangliatna tawh hong lak a; pianngei thukham paizia akikhel hiam? cihnop huai mah hi”. “Pasian in athak piangsak in, leitang in kamka a, aneihsate uh valhtum ahih leh; hih mite in Topa nial uh cih kitel hi.” (Gamlak. 16:30, NKJV).

Hih mun a “piangsak” cih kammal pen Pian. 1:1 a tawh kammal bul kibangh hi. Topa in hih thu piang dantatnate ama bawl ngiat ahihlam theisak nuam hi.

Ningani (Thursday) Nov. 10 Nihveina Sihna

Thuhkikna thukhenna nasia pipen leitung bei hun ciang kimu ding a, mi ginalote ki susia in “nihveina sihna kici hi” (Mang. 20:14). Hih sihna pen mihing Adam‟ suanleh-khakkte‟ sihna tawh gawm khak ding hilo hi. Hih sihna pen Adam nihna ahi Zeisu Khazih in hun bei ciang a midikte a gupkhiat nang thu ahihi (I Cor. 15:26). Nih vei sihna ahilo Laisiangtho lui sung a akisiik lo, Zeisu hotkhiatna angahlo, mawh neite‟ thuak bawlsiatna tawh kibangh lo hi.

2 Pet. 3:5-7 sim in. A mangthangg dingte thute Laisiangtho in bangh hong gen hiam? ______________________________________________________________ ______________________________________________________________

“Pasian kiang vantung pan meii hong kia hi. Lei kitamkham hi. Lei sung a kisel galvante hong phulkhia hi. Mei kuangte tuate sung pan hong puakkham hi. Suangtumte mahmah akuan in kuang hi. Meiphualpi bang in a kuan‟ hun tungta hi. Na khempeuh leitang mahmah nangawn tui suak in suangtumte zong kangtumm hi. Malachi 4:1; 2 Pet. 3:10. Lei maitang khempeuh meiampi khat bangin meilipi suak hi. Thukhen hun tungta a, midiklote‟ siatcip hun hi in - Topa‟ thuhkik ni, Zion tung a lehtatte thuaksiatni hong tungta hi. Isa. 34:8.” - E.G. White, Kikingkalhna Lian, G.C. p. 672, 763.

Mawhna in ama dantatna hong tonpih thei na ven, Job tangthu alang gente cih bangin mawhna leh mawh neite, Pasian mahmah in adantat hun zong om takpi hi. Leitung a thuaksiatnate mawhna pan a hong phulkhia hi mah hi. Ahi zongin thuaksiatna khempeuh Pasian dantatna hi lo hi. Job vai bang hi lo pahlian a, thudang atam zawte ah zong hilo hi. Athu bulpi pen eite, kikingkalhna kawmkal ah ih om a, eite hong bawlsia nuam gige galpa khat ih nei hi. Alungdam huai thu in, hih bang teng kawmkal ah Pasian in eite lam ah hong pang cih ih thei hi. Zeetna ih thuak khak khempeuh leh tuate pan a piangsawn thute khempeuhte kal ah Pasian hong itna, thuaksiatna khempeuh a beisak ding in Zeisu in singlamteh ah hong thuakna in lametna hong pia hi.

Mi khat peuh thuaksiatna pen Pasian kiang pan hi, koici cih thei ding ih hi hiam? Tel lo ih man mah in, tua bang a thuak’-siate khatpeuh koci bawl ding hoih pen ding hiam? Ei ma thuaksiatna vaite ah e leh?

Kiginni (Friday) Nov. 11 Ngaihsutbeh Ding:

Tu quater patna lam a kigensa mah bangin, tua bang a thuaksiate mun ah ei mah ih kikoih ding akisapna in amau ngaihsutna leh omziate hong telsiam sak thei hi. Amaute in ei muh bangin muhlohna a thupiang thei kha lo uh hi. Amau mun ah kikoih leng Eliphaz, Bildad, leh Zopharte muh bang a Job vai muhkhialh ding haksa lo ding hi. Amau hih theihloh thukhenna abawl uh suak hi. “Mihingte‟n bel thuaksiatna lianpite mawhna lianpi‟ hang hi ih cih khak ngeina mah hi a; tua bang dan in mihingte in mi zialehtongg ki tehkhial kha mah hi. Eite bel thuhkik thukhenna sung a nungta ih hi kei hi. Asia apha kihelzau a, tuahsiatanate kituak kim hi. Khat veivei mihingte in Pasian huutna pualam kitung kha thei a, Satan in anasep nop hong sep ciangin Pasian in hong donlo tawh kibang hi. Job in nasia tak in thuak a, alawmte‟n lah kamawhna hang hi acih ding deih uh a, mawhna‟ hang a thuak kisa sak nuam uh hi. Mawhna lianpi bawl bang khat in nei uh a, tua banga a muanhuai mipa a mawhsakna uh hangin Topa in amaute taii hi”. E. G. White Comments, The SDA B.C. Vol. 3 p. 1140. Thuaksiatna vai ah ih kidop mahmah kisamh hi. Vai pawlkhatte ah abaihzaw tawh kibangh thei hi. Mi khat in zaa teep in tuap natna ngah hi. Ngaihsut baih zaw tham hi lo hia? Tua bel hi mah, ahi zongin akhantawn teep a, natna angah lo te e leh? Pasian in khat dantat a khat dantat lo maw? Atawpna ah, Eliphaz, Bildad, leh Zopharte mah bangin bang hangin thuaksiatna hong hi ci pai cih ih thei kei hi. Thu khat ah bel ih theihloh zong phamawh tuan se kei. Aphamawh khat bel, ih muh thuaksiatna vai koici bawl ihi hiam cih thu hi. Hih mun ah tua mite hong khial kha uh hi.

Kikup Dingte: 
1. Tu a, ih tuah khak thute’ lang khat ah thuhkikna’ dantatna vai omzia tungtawn in Pasian thumanna amuanhuai takpi lam koici muan thei ding ihi hiam? 

2. Job thuaksiatna tung tang ah hih mi 3 te in abangci cih telsiam lo uh hi. Eite vai ah zong, tua bang pian mah hi mawk lo hiam? Mihingte thuaksiatna ahang ih thei khin khol kei hi. Hih thu in mi thuaksiate ahehpih thei sakzaw thei ding hiam? Atung a hong kigen ih muh bangin ahang ih theih zong bang hang in thupi veve hiam?