Sinna 1: A Tawpna Ah

Nipini (Sabbath) Nitak lam Sept. 24

Sim Dingte: Job 42:10-17; Pian. 4:8; Matt. 14:10; I Cor. 4:5; Dan. 2:44; Job 14:14, 15.
Kamngah: “Zeisu in, Kei mah in thawhkikna leh nuntakna ka hihi. Kei hong umte in asih hangin anungta kik ding hi” aci hi. (John 11:25).

Lai at sinnate ah athu gelh uh atawpna ahoih lam ahih ding athupitzia kihilh hi. Phuahtawm tangthute diakdiak ah, avekpi in bawltawm vive hi a, lai-at siate in alungkim huai tawh thu akhup ding uh ahihi. Phuahtawm ahi lo te ah zong atawpna hoih thupi mahmah hi.
Ahi zongin ataktak e leh? Nuntak ih cih laimai tung peuh lim tang the-ite sung peuh ah hi lo in cilehsa sung ah kinungta hilo hiam? Ei tangthu mahmah zong koici tawp ding a koici mahial ih hi hiam? Apatna leh ataw-pna kituak tak pi maw leh?
Tua ciden lozaw mawk hi lo hiam? Ei tawpna pen sihna peuh hi mai ahih teh koici hoih tawp thei ding? Tua bang lam in en leng hoih tawp thei ngei lo a, sihna ah kilungdam ngei lo hi lo hiam?
Job tangthu zong tua bang mah suak hi. Amah thuak-siatnate tawh atawpna ih et ciangin ahoih a ih ngaihsut hangin hoih thei taktak tuan lo a, sihna mah tawh athu kikhum veve mawk hi.
Tu kal sung in Job thubu ih sin patna ah atawpna tawh ih patna thu in ei tawpna vai zong hong dongh hi pah a, tu tawm vai hi beklo in, tawntung vai hi pipen zawlai hi.
*Oct. 1, Nipini adingin tu kal sinnate hong lim sin in maw.

Nimasani (Sunday) Sept. 25

Lungdam Tawntungta Maw?
Naupang tangthute atawpna laigual ah, “Tua khit nungsang lungnuam tak in om uh hi” peuh kici den pian pong hi. Cihnopna ah, bang tangthu hi ta mah leh - aki gukmat kumpipa tanu, atatsia keivom, kumpi gilopa ahi zongin - tua honkhiapa, leh azi peuh tawh ahi zongin hong gualzo den pong hi.
Et masak in bel Job thubu zong tua bang dan mah a tawp bangh hi. Ama tung ah bang teng piang mah leh Job thubu bel ahoih lam a tawp dan mah hong hisam veve hi.
Job 42:1-17 sim lecin, abu bup tawpna vaite ahihi. Job nuntak tawpna lam hunte vai bangh hong gen hiam?
____________________________________________________________
________________________________________________________________
______________________________________________________________
Laisiangtho sung a atangthu paipi ah apangpite ading a, ahoih tawp thubu kidongh leh bel Job thubu mah kigen lian kha ngel ding hi.
Atawpna ah Job neihleh lamhte en leng bel hi mawk mah hi. Lawm leh gual, behlehphungte bel (Eliphaz, Bildad, zophar, Elihu leh Job zi cih te lo buang) athuaksiat sung in hong pai in hong hehnem uh hi. Amaute pen cingh mahmah uh a, sum leh paai tampi tawh zong panpih uh hi. Atangthu tawpna ah athuaksiat cil zah nih neihleh lamh hong nei hi. (Job 42:12 leh Job 1:3 enkaak in). Amah‟n ta 10, tapa 7 leh tanu 3, aneih masakte tangg nei kik a, (Job 1:2, 18, 19, en in), “Job tanute sang a hoihzaw tua gam kiim teng ah om-lo kici in,” (Job 42:15), amasate ki tuaci gen lo hi. Sih ding hun bek angak a om bang a aki ngaihsun‟pa kum 140 nungta beh lai hi. Tua bangin Job pen khansau a, hong si ta hi” (Job 42:17). Hebrewte‟n “akhansau” acih uh ciang (“kum tampi tawh kidim ci thei uh a”) Abraham‟ nuntak tawp lam (Pian. 25:8), Isaac (Pian. 35:29), leh David (IKhangtangthu 29:28) ah na tua ci gen hi. Asih hun, dahhuai a kituat hun in, lungnop huai tak in nungta cihna suak hi.
Atawpna hoih tangthu za nuam tek hang, hi lo hiam? Atawp hoih tangthu na theih bang thu teng om hiam? Tua te pan bang sinna ngah thei ding?
___________________________________________________________________
_________________________________________________________

Ninihni (Monday) Sept. 26

Dah Huai Thu tawh Atawpte
Job thubu pen thu hoih tawh hong tawp in “sawtpi nungta” na ci hi. Mi tampite adingin na tua ci hetlo mawk cih thei mahmah mawk hangh. Amu-anhuai, apaktat huai leh aphat huai mite Job bangin tawp lo zel hi.
Laisiangtho sung a anuai a mite ading in athu uh koici tawp hiam?
Abel (Pian. 4:8) __________________________________________
___________________________________________________________________
Uriah (2 Samuel 11:17) ______________________________________
_________________________________________________________________
Eli (I Samuel 4:18) _____________________________________________
_____________________________________________________________
Kumpipa Josiah (2 Khangtang 35:22-24) _______________________________________________________________
__________________________
Tuiphumpa John (Matt. 14:10) ____________________________________________________________
_____________________________________
Stephen (Sawl. 7:59, 60) _______________________________________
_______________________________________________________________
Ih muh mah bangin Laisiangtho pen atawp hoihlo tangthu tampi tawh kidim hi. Ahang pen leitung nuntak ahoih a tawplo tam mahmah hi. Thu-mann ading a thah thuak, ahihkeh alauhuai natna tawh si, ahihkeh natna sat-na thuak a thapai Job bangin tuate tung ah gualzo kim lo uh hi. Job bangin tua te ahoih tawp‟ tawm pha mahmah mawk hi. Hih thu ih theih nang in Lai-siangtho zong akisam lo zah hi mai hi. Atawp hoihlo athei khalo om kei hang maw?
Atawp hoih mello na theih bang thute hiam? Tua thute pan bang na sin kha hiam?
_____________________________________________________________

Nithumni (Tuesday) Sept. 27

Ditkikna (Pawlkhat)
Laisiangtho sung a mite leh midangte vai ah Job bang a ahoih tawp tam lo hi. Laisiangtho siamte in Job aki “ditkikna” vai gen thei uh hi. Na tampi aki ditkikna om takpi mah hi.
Tua teng tawh tawp leh tua tangthu picing kim takpi ding hiam? Job ading in bel hoih zaw takpi mah na ven, Job hong si lai veve hi. Atate zong si uh hi. Atu ata sawnsawnte zong kisi suksuk hi. Ei tuah bang hehna dahna kahnate mah tuak uh a, tuate pen asiahuai leitung paizia hi mawk hi.
Ei theihna ciang ah Job in atuahkhak thute ahang thei kha lian lo hi. Tuu leh tate tawi kik mah na ven, asih suah atate vai aheh adahnate e leh? Anuntak sung a tuate aphawk kikna apawnte e leh? Job bel thu hoih tawh tawp na ven. Hoih suak thei tuan samlo hi. Thu nawngkai tampi leh akidawng kha lo dotna tampi om lai veve hi.
Laisiangtho in bel “Job tuahsiatnate hei khiat sak” (Job 42:10), ci a atuahsiatnate pan heikhia mah hi. Ahi zongin acingtak lo akidawng kha lo, leh ataktun nai lo zong om hi.
Hih pen lamdang sak ding zong hi lo hi. Tu lai leitung omzia, ih tawp hoih leh hoih lo dingte kawmkal ah, apicing zolo, dawn khak loh, leh atangtung lo cih peuh om veve mawk hi.
Tua hi a, thu khat pan in Job vai khupna pen akician khol kei zong in mihingte‟ thuaksiatna teng abeina hong lak ahi hi. Zeisu Khazih‟ lungdamna thupha tungtawn a ih lametna leh hong kikamciam thute hong lak khol hi a, tua te tawh teh in Job ngah khak thuphate gen tham hi nai peuh mah lo hi.
I Cor. 4:5 sim in. Ih leitung nuntak sung in hong kidawng kim lo, apic-ing lo, leh akiim lo om lai thapai ding cih hong koici gen hiam? Bang lametna hong kawhmuh hiam?
_____________________________________________________
______________________________________________________
_____________________________________________________
________________________________________
_______________________________________________

Nilini (Wednesday) Sept. 28

Kumpi Gam Nunung Pen
Laisiangtho bel tangthubu lianpi khat mah hi mawk hi. Tangthu bu bek zong hi lo hi. Hun beisa thute, leitung thupiang vai thupite tawh kha lam thute hong hilh suak hi. Tu hun a, ih nuntakzia dingte thupiangsate tungtawn a, hong hilh ahihi (I Cor. 10:11 en in).
Laisiangtho in abeisa thute bek agen hi lo hi. Mai lam vaite zong gen lai hi. Thupiangsate gen bek lo in apiang dingte zong gen hi. Mai lam hun leh hun beina dong in hong gen hi. Laisaingtho siamte‟n hun beina vai agen-na uh “escathology” ci uh a, Greek kammal pan a hong pai hi a, “atawpna” cihna hi. Khat vei sihna, thu khenna, leh vantung leh hell khukte vai zong kihel hi. Leitung thak a nuntak omzia vaite zong kihel thei hi.
Laisiangtho in hun tawp vai thu tampi na gen hi. Job thubu pen Job sihna tawh tawp a, tua bek tawh thubu teng tawp hi leh midang tawh akilamdanna omlo ding a, atawpna pen sihna hi veve mawk ding hi. Ih gen theih ih muh theih dang omlo a, ih lamet ding dang zong hong om thei tuan lo ding hi.
Ahi zongin Laisiangtho in thudang khat hong hilh hi. Atawpna hun ciangin Pasian gam hong kiphut ding a, bei hun nei lo in tatkhiatte‟ tawntung gam hi ding hi. Hong piang a, abei zel leitung kumpi gamte bang lo in tua pen tawntung gam hi ding hi.
Dan. 2:44, 7:18 sim in. Bang ci bang hun tawp lametna vai hih munte’n kawk hiam?
______________________________________________________________
______________________________________________________________
______________________________________________________________
“Tatkhiatna vai geelna in hih leitung pen Pasian tawh akituah kik theih nang ahihi. Mawhna hang a akitannsa khempeuh kidinkik hi. Mihingte bek hi lo in leitung mahmah kitanhkhia kik a, thumangte atawntung a atenna mun ding uh ahihi. Kum 6000 sung Satan in hih simlei akhut nuai ah mancip hi. Tun ahih leh piansak hun a Pasian deihna tangtung khinta hi. Sangpenpa‟ misiangthote in tua vangam nuam luah tawntung ding uh hi (Dan. 7:18)”. E.G. White, Tuulpite leh Kamsangte, P.P. p. 342.
Job thubu bel amah sihna tawh tawp mawk mah hi. Eite leh Job ading a alungdam huai thu in Job thubu tawpna pen Job‟ tawpna hi lo hi. Ei sihna zong abeina hi tuan lo hi.

Ningani (Thursday) Sept. 29

Thawhkikna Leh Nuntakna
Job 14:14, 15 sim in. Job in bang thu dongh a, amah mah in koici dawn kik hiam?
______________________________________________________________
_______________________________________________________________
_____________________________________________________________
Job thubu pen sihna vai tawh kisai hi. Ahih lo mawk a? Mihingte‟ thuaksiat vai ngaihsutna ah sihna vai akihel lo thei hi lo hi, abulpi hi zawsop hi. Job in misite atho kik ding hiam cih dotna adot khit teh ama kikhel hun ding angakna thu hong gen hi. Hebrew kammal ah “ngak” cih kammal ahi lametna kihel hi. Ngak pong tang hi lo in, tua vai ah lametna anei ahihi.

Ama lamet pen a “kikhel” ding vai ahihi. Hih kammal pen Hebrew lai-mal ah “puahthakna” ahihkeh “laihna” cihna zong suak hi. Puan laih vai genna in kizangh pipen hi. Tua kammal in tampi ahuam hangin athu pai in en leng - sih khit ciang a, “puahthak kikna” ahi Job lamet thu agen hi a, sihna pan nuntakna a kikhelna “ama sepsa batkikna hilo hiam?” (Job 14:15, NKJV).
Eite lametpi thu in, sihna pen atawpna hi lo ding cih vai hi a; Zeisu nuntakna, sihna, leh hong sepsakna thute tungtawn ahihi. “Laisiangtho thak ah Khazih in, mihingte‟ gal lianpen ahi sihna tung ah gualzo cih hong hilh a, Pasian in thukhenna nunungpen ah thokik sak ding hi. Hih upna gui pen Khazih thawhkik khit ciangin laisiangtho thu zungpi hong suak hi. Khazih in sihna tung ah agualzawh khit ciang in hong kitel siang hi.” - John E. Hartley, The Book of Job, NICOT, Accordance Electronic ed. (Grand Rapids: Eerd-mans, 1988), p. 237.
Zeisu in, “Kei mah in thawhkikna leh nuntakna ka hihi. Kei hong muang mi in asih hangin a nungta kik ding hi (John 11:25, NKJV) ci hi. Hiah Zeisu in bang hong gen himawk hiam? “Tawpna” hun vai lametna leh lungmuanna hong pia Job theihloh ih theih bang om hiam?
______________________________________________________________
_______________________________________________________________
_______________________________________________________________
____________________________________________________________

Kiginni (Friday) Sept. 30

Ngaihsut beh Ding: Alipkhap huai.thuaksiatnate kawmkal ah, amah Pasian tung ah citak bek lo in asuplawh teng kidin kik lai hi. Hih vai ah Job thu tampi hong kigen hangin dotna tampi dawn loh in omlai hi. Job thubu pen Laisiangtho sung a bu khat bek hi a, tua tungtawn a Pasian zia genkhiat ding pen kim zolo ding hi. Laisiangtho thubu dang tampite in Job thubu sung a dotnate vai hong telsiam sak tuam mahmah a, Laisiangtho lui hun lai a, atel zawhlohte uh Laisiangtho thak hun ah ih tel muh theih zawk tampi hong om hi. Tuate lak ah a thupipen biakbuuk vai leh adeihna thu omziate hi khangel ding hi. Amuanhuai Isreal mitampite in biakpiakna vaite leh tuuno sihna thu pan Zeisu singlamteh a hong sihna leh Ama hong tellahnate tung-tawn in theisiam tuam mahmah ding hi. Hebrew thubu in tua sepna bawlna tuamtuamte‟ khiatna hong telsiam sak hi. Tu hun a eite in “tu lai thu-mann” (2 Pet. 1:12), thei kha in, Job sangin khuavak tampi ngah zaw himah taleng dot nop tampi mah tawh anungta toto lai ihihi. Thumann hong ki-lahkhiatzia pen ahunhun in khangtoto a tampi hong kilah lah hangin ih theih ding tampi om to lailai hi. Tatsa misiangte in leitung khat khit khat ah baang kawikawi in tatkhiatna thuthuukte zonkhiatna in ahun uh atamzaw zang toto lai ding uh hi. Tawntung hun teng khempeuh ah hih vai thuleh late theisiam telsiam to semsem lai ding uh hi.” E.G. White, R.H. March 9, 1886.

Kikup Dingte:
1. Lahkhiatzia khang toto cih thu in bang khiatna omzia nei hiam? Tua bang zia ahihna gentehna thu bang dangte khawng hiam? Gen-tehna in, tuatsiamna ih sin ciangin nambat sinna tawh ih pan hi. Tua khit teh tua nambatte agawm, adawhkhiat, akhansak, ahawm ih sin hi. Tua khit ciangin sehsawnna, teh-sawnna leh tuat sawnnate tua nambatte mah tawh ih sin beh toto hi. Hih vai omziate in Pasian thu ih ngaihsutna ah zong ih telsiam theih toh semsem zia hong koici telsiam sak thei hi-am?
2. Job 42:11 sim in. Nidang pek pan a, gensawn asiam siapite in Job meltheihte leh lawmleh gualte in ama kitanggsap pipen hun in koi ah om mang mawk uh hiam? cih dotnapi nei den uh hi. Avai teng ditkikna angah khit teh hong kilangh pan mawk uh hi. Hih thu omzia ah bang kisamh hiam?
3. Asia lam tawh atawp thu bangzah thei kha nahi hiam? Thusia tawh atawp hih thute pen atawpna ahih lohna thu ah singlamteh in bang lametna hong pia hiam?