Sinna 12: Job Atankhiapa

Dec.  10 - 16

Nipini (Sabbath) Nitak lam

Dec.  10
Sim  Dingte: Job 19:25 - 27; Job 1:1 - 14; Job 10:4, 5; Luke 2:11; Gal. 4:19; Luke 9:22; Isa. 53:1 - 6.

Kamngah: “Amah in eite natna teng thuak in, eite gimna teng puakhin taktak hi; ahi zongin eite in Amah pen, Pasian in agimsak, avuak, gimna athuakpa in ih ngaihsun hi” (Isa. 53:4).

Alian 38 a kipan Topa hong kilat ciangin Job thubu atungkhum atung hita hi.  Topa Pasian Job kiang ah vanglian tak leh lamdang tak in hong kilangh a, Job kisiikna leh mawh pulakna hong piang hi.  Topa in Job lawm 3 te akammal diklote hang un tai a, Job in thu ngetsak hi.  Alawmte ading thu anget sak khit ciangin “Topa in Job supna bainate din kik hi.  Topa in Job neihleh lamh azah nih pia a (Job 42:10,, NKJV), tua khit Job sawtpi khangcing in nungta lai hi.

Atawpna ah alungkim huai zo lianlo thu pawlkhat tawh hong tawp hi.  Pasian leh Satan vantung ah kinial uh a, leitung ah hong kido in Job nuntakna leh pumpi in thuak hi.  Job in laithuak‟ lai dihmawk cih bel lungkim huai mel kei, Pasian in lah van pan en hithiat hih tuak lai sawn.  Hih vai bel azom omlai ngel leh kilawm.  Om takpi ngei mah hi.  Kum zatampi khit teh hong kilangh a, Zeisu singlamteh ah hong si hi.  Zeisu sung bek ah alamdang hehnepna, Job thubu sung a kidawng nailo dotna‟ dawnna, hong kimu theita hi.

* Dec. 17 Nipini sinna ading tu kal hong kiging in maw.

Nimasani (Sunday) Dec.  11
Kei Hong Tanhpa Nungta Hi

Alian 38 ah Pasian hong kilat ciangin, Job tung ah piangsakpa “adimlet tuite zawlhna azon sak,” “keek lampi asial‟ sak,” “kuama omlohna ah guah azusak Topa ahihi” (Job 38:25, 26, NKJV).  Ih Topa in piangsakpa bek hilo in athupi mahmah panmun leh min zong nei hi.

Job 19:25 - 27 sim in. Hih kammalte in Job’ hotkhiat lametna bangh hong lak hiam?
______________________________________________________________
______________________________________________________________
______________________________________________________________
Hih akithei kim munte tawh Job in tatkhiatna thu thei a; mite asih hang hanmual khen ah tanhkhiapa tungtawn in, lametna om in, nikhat ni ciang leitung ah hong pai ding cih kamciam hong pia hi.

Hih Job  kammalte  in  Laisiangtho  sung  a  athupipen  leh  akitanggsamhpen kawk a: Pasian pen tankhiapa na ci hi.  Pasian pen hong piangsakpa hi mah hi.  Mawhna hang a, tawntung siatna athuak ding mawh nei te adingin piangsakpa ban ah tankhiapa ih kitanggsam lai hi.  Tua bang lian in ih Pasian:  piangsakpa leh tanhkhiapa (Isa. 48:13 - 17 en in) hi a, tua thu 2 tawh ama  tungtawn in tawntung nuntakna, lametna picing inei hi.

John 1:1 - 14 sim in.  Hih mun ah, John in koici bangin Zeisu pen piangsakpa leh honkhiapa ahih khawmna khih khawm hiam?
______________________________________________________________
______________________________________________________________
Pian 1:1 sung a Pasian pen Piangsakpa ahihna hong kitel siang hi.  Tua te  kicing  isak  kei  leh  hih  kammalte - “amah  leitung  ah  om  a,  ama  bawl" ahihi. . . . Amah asangte khempeuh in Pasian tate cihna thu angah theih nading thuneihna pia hi”. (John 1:10 - 12, NKJV) - cih thute ah Zeisu pen Piangsakpa leh tanhkhiapa ahihna khen theih hilo hi. Piangsakpa ahihna thu in tanhkhiapa ahih theihna thu hi lai zaw hi.

Piangsakpa bek nei in, tanhkhiapa nei kei leng, bang lametna om thei ding?  Zeisu tanhkhiapa ahihna bang hang in thupi cih na dawnna in bang pulaak hiam?
______________________________________________________________

Ninihni (Monday) Dec.  12
Mihing’  Tapa

Job  thubu  patna  ah  Khazih  leh  Satan  kikal  kikingkalhna  vaipi  hong dawk hi.  Ih theihsa mah bangin, tua pen vantung a kipan khinsa leitung hong tung suk ahihi (Mang.
2:7 - 12 en in).  Job thubu ah tua bang thu piang mah imu a: van a thubuai leitung hong manawh ahihi.  Leitung ah bel thubuai in Job phualpi in nei citciat hi.

Job 10:4, 5 sim in.  Job tauna bang thu hi a, ama vai akoici dan hi mawk hiam?  
______________________________________________________________
______________________________________________________________
Job tauna vai pen hih bang dan hi.  Nang mah in Pasian na hi a, vannuai ukpipa, Piangsakpa na hihi.  Mihingte vai nang bangci tel mawk mah ding a, ko thuak bang koici thuak thei ding?

Anuai a munte in Job tauna koici dawn hiam? Luke 2:11; John 1:14; Luke 19:10; Matt. 4:2; I Timo. 2:5; Heb. 4:15.
______________________________________________________________
______________________________________________________________
______________________________________________________________
Pasian lah mi hilo a, mite thuaksiatna koici theih thei ding, cih thu pen Zeisu mi bang a hong pianna in dawng siang khin hi.  Pasian hihna taanlo in mihing  takpi  hong  suak  a,  tua  mihing  hong  hihna  ah  mihingte‟  phutkhak thute Job leh midangte bangin hong thuak hi.  Lungdamna thubute ah Khazih mihing ahihna leh athuaksiatnate atakpi ahihna imu hi.  Zeisu in Job tauna teng dawng khinta hi.

“Khazih mi bang a hong pianna pen akineih hi peuhmah lo hi.  Mi bang in hong piang a, mi bangin hong nungta hi.  Mi bang a hong piang bek hilo in, mawhnei mite bangin hong piang hi”. - E.G. White, Comments, The SDA Bible Commentary Vol. 5, p. 1124.

Zeisu mi bang a hong pianna in bang khiatna nei cih ngaihsun in.  Tu mahmah a na thuak haksatnate hong thuakpih thei takpi ahih lam bang hong theisak hiam?  
______________________________________________________________
______________________________________________________________

Nithumni (Tuesday) Dec. 13
Khazih  Hong Sihna

Anuai a munte in Zeisu leh amah ih muhzia ding bang hong gen hiam?  
I John 2:6 _____________________________________________________
______________________________________________________________
Gal. 4:19  _____________________________________________________
______________________________________________________________
Zeisu pen mi takpi in hong piang hi. Ama nuntak leh Ama zialehtonggte pen anungzuite in Pasian hehpihna tawh, iki latkhiat-sak ding ahihi.  Zeisu pen Pasian hong deihsakna tawh kituak a, ih nuntakna ah apicing ih etteh ding ahihi.

Zeisu  pen  etteh  ding  a  hong  pai  hi  bekmawk  lo  hi.  Mawhnei  eite dinhmun pen zialehtongg picinna ahi, kipuahpha a Ama limleh meel sutna akisamh hi bekmawk lo hi.  Iki tanggsap-pen, ei aiawh, imawhnate' thamanh hong  piaksak  ding  atanggsam  ihihi.  Ih  etteh  ding  a  nuntaak  picing  hong nungta bek hi lo in; ei kilawm' sihna hong thuakna tawh Ama kilawm nuntak picing ei a‟ asuah theih nading ahihi.

Anuai a munte in Khazih eite’ tangg a hong sih akulna bang hong hilh hiam? Luke 8:31; Luke 9:22; Luke 24:7; Gal. 2:21.
______________________________________________________________
______________________________________________________________
______________________________________________________________
Zeisu hong sih akulna thu in thukham thu bang manhna pen Christian nuntaak ah alaigil ahih hangin tua in hong honkhia theilo hi.  “Tua hi leh thukham pen Pasian kamciamte alangdo hiam leh? hi peuh mah lo hi!  Nuntakna pia thei thukham om thei hi leh dikna pen thukham hangg hi ding hi” (Gal. 3:21, NKJV).  Thukham khatpeuh in mawhneite honkhia thei hi leh, Pasian thukham ahih kull a, ahi zongin, tua thukham nangawn in hong honkhia thei lo hi.  Paubanglo ih etteh nuntakna ahi Zeisu bek in eite hong honkhia thei a, Khazih in eite tangg a tawntung adingin hong kipumpiak ahihi” (Heb. 10:13, NKJV).

Na thukham zuihna omzia in nang tangg khat akitanggsap vai hong 
koici lah hiam?  
______________________________________________________________

Nilini (Wednesday) Dec.  14
Mihing’  Tapa’ Hong Thuaknate

Isa. 53:1 - 6 sim in.  Topa in singlamteh a athuakna vai hih mun in bang hong gen hiam?
______________________________________________________________
______________________________________________________________
Isa. 53:4 ah Zeisu in ih khasiat ih lunglenna teng hong thuaksak hi.  Tua sung ah Job a zong kihel bek lo in leitungmi khempeuh ah kihel siksek hi.  Leitung a nungta ngei mite khempeuhte‟ ading a, singlamteh ah asi ahihi.

Tua hi a, singlamteh bek ah Job thubu akim suakthei pan hi.  Hih mun a Job kiang a kilangh Pasian mah hi a -mu-vanlaite lenn asin sak, khuavak sung ah mel namkim agawm -Job leh mihing dangte khempeuh sang thuak-theih thuakmawh athuak Pasian ahihi.  Mihingte khat sim in athuak theih khempeuh thuakpih a; thuaksiatna vai ei sang‟ amanh theizaw lua a, ei hilh ding hilo a, leitung bup akizel thuaksiatna om khempeuh thuakpih hi.  Eite in ei thuak khasiat lunglennate leh hehna dahna kahnate bek ih theih hangin singlamteh ah, Zeisu in tuak khin gai siksek hi.

Job kiang a “vantung paizia leh geelnate na thei kha hiam?  Amau thuneihna  na  pia  thei  hiam?” (Job  38:33,  NKJV) ci  a  adong  Pasian  ahi  hi.  “Vantung khuasakziate apiangsak pa mihing hong suak in hong sihna in up ngamhuai peuhmah lo zah a, alamdang thu ahihi.  Tua bang a, hong sihna in “sihna vang aneipa ahi, dawimang asiatcip nang ahi hi (Heb. 2:14, NKJV).

Singlamteh tungtawn in en leng Job thubu pen hong picing semsem a, tua sung a aki dawnglote singlamteh in hong dawnsak khin vek hi.  Dotna omteng lak a athupi-pen, alianpen, leh amuibun-pen dotna ahi Job in silah nungta a athuaksiat luat lai takin Pasian in vantung ah om na pi‟n; Job in lah  sidek mangdek athuak dingin ki dapkoih cih mawk pen Job i picin muanhuaina vai dawimangpa nialna vai ah anak pan lua na hi zawsop hi. Singlamteh hong lahna ah, leitung mite in bang zah ta in thuaksia lualiang mah tase leh ih Topa in Amah kiphal tak a, hong thuaknate tawh teh theih hi nai peuhmah hi lo a, eite tung ah lametna leh hotkhiatna hong piaknop luat man' ahi hi.

Job in Pasian pen piangsakpa in thei a, singlamteh khit ciangin Piangsakpa, honkhia pa (Philipp. 2:6 - 8); adiakdiak in -tanhkhiapa hong suak Piangsakpa hong hizaw san lai hi. Tua bang apian theih nangin amah in Job leh kuama dangte thuak theih ngeiloh mawhna thamanh hong thuak hi.  Tua hi a, Job mah bangin, leh ama sang a nasiazaw in tua thu ih muh theih ciang, kiko in: “kikih ngiat in vutlak vailak ah kisiikna” (Job 42:6, NKJV) lak lo ding maw! (Job 42:6, NKJV)

Ningani (Thursday) Dec.  15
Satan Kipholaak

John 12:30-32 sim in.  Satan vai Zeisu in singlamteh leh kikingkalhna vai ah bangci gen hiam?
______________________________________________________________
______________________________________________________________
______________________________________________________________
Zeisu singlamteh a hong sih vai agen khit ciangin, E.G. White in vantung leh vannuai khempeuh muhna ah vanggnei takin a muibut zia hong gen hi.  “Satan in Pasian zialetong leh auk akep zia vai a zuauthu teng a diktak in hong kilangh ta hi.  Amah in Pasian pen amahmah ki tawisang mawkpong in a piansakte' tung ah, thumanna leh ki-apna phamawh sak in tua Piangsakpa in adangte khempeuh kiang pan, Ama neih Ama hih vetloh angsung-
nialna leh kipum-piakna phamawh sak hi.  Tu'n ahih leh mawhnei apuksate honkhia dingin vannuai khempeuh apiang sak, auk, aneipa in itna‟ piaktheih lianpen  kipumpiakna bawl khinzo hi.  Bang hang hiam cih leh “Pasian in Khazih tungtawn in leitung bup tawh kileptuahna abawl ahihi.  Tua ban ah, Satan in leitung mawhna hong lut nading kongpi ahi minpha deihna leh liatpen nopna hong tonpih a, Khazih in ahih leh mawhna susia dingin hong kiniamkhiat in sihna dong in thumang hi.”  Kikingkalhna Lian, G.C.p. 502.

2 Cor. 5:19 sim in.  Khazih hong sihna in bangci bangin Pasian leh apuuksa leitung tawh kilem-kikna piangsak thei hiam?  
______________________________________________________________
______________________________________________________________
______________________________________________________________
Leitung pen mawhna leh langdona sung ah puuk khinta a; Job thubu a muhsa bangin Satan geelna sung ah akipumpei ding hita mai hi.  Zeisu ahih leh, Pasian hihna tann lo in mi bang a hong pianna tawh van leh lei pen a kisia theilo khau tawh hong hen khawm a, Ama sihna in mawhna leh Satan maiman nading ahihi.  Singlamteh ah, Zeisu in mawhna‟ dan hong piaksak a, apuksa leitung, Pasian tawh lemhtuah hi.  Sihna lam zuan mawhneite ihih hangin, upna tungtawn in Zeisu sung ah tawntung nuntakna kamciam inei thei hi.

Na bawl mawhnate thamanh Zeisu in singlamteh ah hong piak sak hi.  Alamdang hih thudik in ama thu mang dingin na nuntakna bang hang in akhel kul hiam?

Kiginni (Friday) Dec.  16
Ngaihsutbeh   Ding:

“Tu  hun  in  leitung  thu  khen  hun  hi  a,  leitung kumpipa  kinotkhia  ding  hi.    Kei,  leitung  pan  hong  ki  sangkhai  leh,  mi khemnpeuh ka huup ding hi.  Hih thu in Ama sih nading zia agenna ahihi.  Leitung buaicip hun ahihi.  Mite' mawhna tang ding in mawh suutna ka suah leh leitung ah khuavak ding hi.  Satan in mite akhihna khau kitat ding hi.  A
mual'mangsa Pasian meel angei bang kik ding hi.  Thu-um innkuante'n van innpi luah ding hi.  Hih thu in Khazih‟ sihna hang ahihi.  Gumpa in a ngah ding  gualzawhna  ah  lungtai  takin  om  hi.    A  muhdah  huai,  alau  huai  leh akhakngal singlamteh vangliatna tawh taang hi.

“Ahi  zongin  mihingte  tatkhiatna  pen  singlamteh  a  gualzawhna  tawh aman‟ hi nailo hi.  Pasian itna vannuai ah hong kilangh hi.  Leitung kumpipa kilawnkhia hi.  Pasian tung a Satan‟ mawhkawknate nialsa suak hi.  Vantung a el‟kona khempeuh kilawnkhia mang hi.  Van mite leh mihingte tanhkhiapa kiang ah kihuaii hi.” -E.G. White, Khangcin Lunggulh, D.A. pp. 625, 626.

Kikup Dingte:   
1. Job thubu in dawnloh a, a nusiat dotnate Zeisu nuntakna leh sih-
na in adawn kikna vai na ngaihsut khak, vai dang leh lampi dang bang 
om hiam?
2.  Eite ading a hong si pa in hong piangsakpa ahih lam theihna in 
Pasian zia singlamteh in hong lah zia ngaihsun pha in.  Ih tuahkhak khi-
alkhemnate kawmkal ah, hih thu in bang hang in eite tung ah lametna 
leh hehnepna lianpi hong piak kul hiam?  Hih alamdang thumann in 
Pasian hoihna muan ding hong koici hilh thei hiam?
(Rom. 8:32.)
3. Job thubu in ih muhsa bangin, kikingkalhna thu in huihlak vai hi 
a, Khazih leh Satan kikal  vaite in leitung vaite akhengval thu ahihi.  
Zeisu pen vantung mangpa ahih lam bek athei vanmi khat adingin sin-
glamteh dong a athuaknate amu ding in ngaihsun in.  Hih a piandang 
thu in Zeisu tungtawn a hong kipia thute ah lungkim’ mahmahna hong 

koici neihsak thei ding hiam?  

*******77777777********