Sim Dingte: Job 1:1, 8; Job 29:8-17; Job 31:1-23; Paikhiat. 20:17; Matt. 7:22-27; Matt. 5:16; Eph. 3:10.
Kamngah: “Upna in ama gamtatna tawh bawlpha khawm a, gamtatna hoih hangin aupna akicing hi ci in na thei ta un” (James 2:22).
Job thu a vai thupi kawmkal ah, ih phawk ding vaidang khat in Job ngiat ahihi. Pasian in hih zah a amuan asuan, acihtak zia dawimangpa tawh hong kikhap liangna mipa kua hi mawk hiam? Amanh lah thei kha peuhmah lo a; ama theihsun pen ama thuaksiatna vai diklo ci kisa in phunciak gawp in heh liang napi‟n, atawp dong in muantak cing pha mahmah bilbel ven; kua hi mawk hiam?
Job thubu bel thuaksiatna thu athuak khit thu hi pipen mah leh tua hun ma a anuntakzia kimu thei veve hi. Job‟ nungthu leh ama nuntakzia ih tel ciangin bang hang a Topa tung ah muanhuai takpi, thuaksiatna lomhtang teng kawmkal ah Satan in Pasian a nungngat nangin hanciam lailai mah tase leh muantak‟ cing veve hi.
Job a bangci mi hi a, ei zong Topa nungzui muan huai ih suah nang in amah koici nuntak cih thute in eite muantak acing dingin hong koici panpih thei ding hiam?
* Dec. 24, Nipini adingin tu kal sinnate hong kiging in maw.
Uz a Teng Mipa
Job 1:1 leh Job 1:8 sim in. Hih munte in Job zialehtongg bang hong gen hiam?
______________________________________________________________
______________________________________________________________
______________________________________________________________
Hih bang thusia atun theih nangin sepkhialh bawlkhialh khat peuh nei ding hi teh a kicih thapaih hangin ataktak pen tua tawh naki lehbulh tuak hi. Ama hoihna, muantak cin‟na keek mah in Satan muitumpi a suaksak na hizaw hi. Amah bangzah in hoih in muanhuai hiam? A masapen ah, Zeisu bang a “paubang lo” cih hong kigen hi. Hih kammal in, Zeisu bang a “mawhna neilo” cihna hilo hi. Kicing, thumann, citak cih nopna hi a, midangte tawh etkhawmna dan ahihi. Topa mai a “pau bang lo” mi in hun khat lai takin Pasian muhna ah ama khantohzia ding a vantung‟ ngaihsutna tan tung cihna suak hi. Hebrew kammal in “pau bang lo” cih pen tam hi a, “Greek kammal in teleios hi in, “paubang lo” ci in Laisiangtho thak ah kiteikhia a, “khangcing” ahihkeh “picing” cihhuai zaw hi.” -The SDA Bible Commentary, Vol. 3, p. 499. Job anuntak tawpna lam ah "paubanglo taktak sam lo cih kilangh hi. Citak in thutang a khang toto lai hi.
Anihna ah amah “thutang” kici hi. Tua kammal khatna pen “tang, tamkim, thumann, dik” cihna hi. Job nuntakzia pen “gam mi hoih khat” cih theih hi.
Athumna ah, “Pasian zahtaak” na kici hi. Laisiangtho lui in Pasian kihtak pen Israel diktak khat omzia ding hi a, Laisiantho thak ah bel muanhuai taka Israel Pasian abiate genna zong ahihi (Sawl. 10:2, 22 en in).
Atawpna ah, Job in thusia “pell,” ahihkeh tang cihna hi. Hih bang pen Topa ngiat in Job agen dan hi a, Satan kiang ah, ka sawltak Job na thei kha hiam? Leitung ah amah bang mi omlo a, a paubang lo leh a thutang mi, Pasian zahtak in siatna tang hilo hiam? (Job 1:8).
Atawpna ah, Job pen Pasian mi, anuntakzia tawh aup muanna akilangh mi hi a; van mite leh mihingte mai a teci hi in, (I Cor. 4:9) Khazih sung ah aom mi khat omzia anei mi ahihi.
Job thubu pen nang thu kigelhna hi leh, athu patna akikoici gelh tam? “_________ gam ah _________ kici mi khat om a; amah _________ a _________ Pasian a _________ mi khat hi a, siatna peuhmah __________ hi.”
Daupai Mahmah (Paina peuhah bawngnawi luang)
Job hong tuahsiat ciangin anun luite hong lungngai kha kik hi. Hun masa teng bel “daupai mahmah ing”, Job in ci hi (Job 29:6, NKJV).
Gentehna in Job 29:2 a, Job genna ah, “Pasian in hong cingg in hong kem hi‟ ci hi (NKJV). Hebrew kammal a “cingg, kem” cih kammal pen Laisiangtho lui sung a kizangzangh kammal ahihi (Late 91:11, Gamlak 6:24 en in). Job bel nunnuam takpi mah hi. Athupitna ah, nunnuam zong ngahkha kisa hi.
Job 29:8-17 sim in. Hih munte in mite’n Job koici muh a, amah’n nuntak ahaksa te koici bawl cih hong gen hiam?
______________________________________________________________
______________________________________________________________
______________________________________________________________
______________________________________________________________
Job pen kizahtak mahmah cih zong mu thei hang. “Kuampi sung ah tu” cih kammal in (Job 9:7, NKJV) upa hausa sem in ukpite lak ah kihel cihna hihtuak hi. Tua bang mun pen kizahtak khangham upate kipia hi.
Ahi zongin mi “tualniampen” te in zong it in zahtak hi. Azawng angau, mittaw khelbai, meigong tagahte -Job bang a thupha sanglote‟ tung ah hehnepna leh panpihna pia hi.
“Hih mun ah Pasian in mi nuamsa -gualtung atuang, van leh lei in apahtak mi omzia hong pulaak hi. E.G. White, Pilsinna Ed.p. 142.
Hih bang munte leh adangdangte pan in Job pen Pasian muhna leh mite muhna ah lungtup
-tung mipa ahihi.
Ahau aliante leh aminthangte zahtak bawl ding haksa lo hi. Hong piak ding bang mah anei ngiatlote na koici bawl a?
______________________________________________________________
______________________________________________________________
Lungtang leh Mitte (Lungsim leh muhzia)
Et masak in bel Job aki pumphat, adik ahoihna teng apholaak tawh kibang hi. Hih bang lungsimpuak pen Laisiangtho in deihlo hi (Matt. 23 en in). Hih mun ah Job tua bang hilo hi. A thupaizia limh-et leng: abeisa hun sung, anuntak pen sialua ahihziak a, thuaksia bangin ki mawhko hi. Job in lah tua bang hi peuhmah lo cih thei a, ama tung a thupiang teng thuak ding a kilawm hi peuhmahlo hi. Tua hi a, a nunlui teng suutna in hun hong zangh a, bang ci mi ahih hong gen hi.
Job 31:1-23 sim in. Hih bang a athuaksiat ma in bang ci nuntaak cih hong gen hiam?
______________________________________________________________
______________________________________________________________
______________________________________________________________
______________________________________________________________
Hiah Job‟ gen-dan pen a gamtat-khiatte bek agen zongh hilo hi. “Ka lungtang in ka mitte zui hi” (Job 31:7, NASB) cih kammal in sianthona‟ khi-atna thuuktheih in akhial amann vai leh Pasian thukhamte thuuk theih hi. Pasian in lungsim ngaihsutnate leh gamtatnate api ngaihsut lam thei hi (I Sam. 16:7, Paikhiat. 20:17, Matt. 5:28 en in). Numei tawh mawhna bawl ngiatlo bek hilo in, lunggulh loh ding ahihna thei hi (Israelte thuciam mipawl, teci ding a aki saptuam ma in amann Pasian theihna ditak om khin hi cih kitel hi.)
Job 31:13-15 sung ah Job in bang gen hiam? Hih thupuak bang hang in thupi mahmah hiam?
___________________________________________________________
______________________________________________________________
______________________________________________________________
Hih mun ah Job in mi khempeuh akitual-kim zia ama hun leh hun dangte adingin atelzia nasia mahmah hi. Tangglai hun in leitung a kizangh thuneihna leh thukham cih om nailo, kithei khalo in kizui lo hi. Mi honte, midangte sang a thupizaw kisa kha pahpah uh a, mi kim ngah ding a kilawm hamphatna midangte ngah loh vai khawng thu in ki donlo hi. Job in hih bang thute atheihzia leh tua te pen ei hong piangsak Pasian tawh kizomh ahih zia thei hi. Job in bel ama hun leh ei hun nangawn sang in thu theizaw lai hi.
Suang Tung a Inn
Job 21:24-34 sim in. Job thu ih theih ding bang teng om lai ding?
______________________________________________________________
______________________________________________________________
______________________________________________________________
Topa‟n Job agen zia pen ahi mah ding hi mawk hi. Amah bel a upmuanna bang a anungta takpi hi a, asep abawlnate in Pasian tawh aki-zopzia lak hi. Hih thu in hih bang thu teng agenkhia sak hi a: ken bang cia hih bang teng thuak dih laizang? aci hi a, alawmte gen teng ahawmpi suaksak hi.
Athu mang, muantak a cing Job kiang pan isin ding thupuak athuukzaw leh a thupizaw omlai hi. Abeisa huna a nuntak leh ama tung a hong tung hih thuaksiatna vaite ah athum' ataunate ngaihsun in. Job in kamphatna tawh ahihkeh, alung khauhna tawh, a tuakkha mawk hi peuhmah lo hi. “Pasian samsia in la si in” cih thu(Job 2:9) anialna thu in, nungsang a muanhuai taka a nuntakna sung ah bangbang apiang zongin Topa muang thei dingin a upmuanna leh zialehtongg nei thei zo dingin Topa muanna neithei sak ahih
man ahihi.
Matt. 7:22-27 sim in. Hih munte pan Job muanhuai taka a omtheihna thu bang hang cih kimu thei hiam?
______________________________________________________________
______________________________________________________________
______________________________________________________________
Hih banga a thupi gualzawhna Job in hong ngah theihna pen angahsa “aneu zaw” te pan in ahihna kimu hi (Luke 16:10 zong en in). Job pen amann banga a semnuam, a deihkaih mawk lo, mipa ahihi. Job nuntakzia pen upmuanna tawh anungta mite omzia James gendan bang lian hi a: “upmuanna in sepna tawh atonkhopzia na mu hiam, sepna tawh upmuanna picing hi lo hiam?” (James 2:22, NKJV). Hih mun ah Christian nuntak paizia athupi thugui hong kilangh hi. Job tangthu pan hih bang thuguipi vang nei takin kimu thei hi. Job zong ei mah bang a cileh-sa nei mah hi a; hi mah leh, Pasian hehpihna tungtawn in amah ngilnei tak leh muanhuaitak in thu-mang in nungta hi.
Job bang a nuntak cingtaak a nungta ding in bang ci bang teelna na bawl ding kul hiam?
Apicing Pasian’ Ciimna
Job thubu patna lam a, mi teng kinialhna vai ah, Teman mi Eliphaz in Job kiang ah: “nang dikna in vanglianpa adingin bang kimanna nei hiam? Kawk na ban'lohna tawh amah'n bang meetna ngah?” (Job 22:3, NKJV). Vantung a thupiang ih ngaihsut teh hih dotna pen alehpai pikhat ahihi. Job' dikna pen Pasian lungkimna hi a, Job kawkbang lo a a nuntak pen Pasian meetna hi peuhmah hi. Hih thu Job ading bek a thudik hi lo in -Topa
nungzuite khempeuh adingin zong tuabang mah ahi hi.
Matt. 5:16 sim in. Eliphaz in Job apiak dotna thu tua kammalte in koici dawn hiam?
______________________________________________________________
______________________________________________________________
Job thubu a vai bulpi pen Job atak tai tam maw? cih thu hi a; Satan in taktai‟ kenteh ci in; Pasian in, tak tai ding hi; ci hi. Job‟ muanhuaina leh tak-taina pen Pasian adingin phatuam takpi ahih vai ah bel phatuam ngiat hi.
Hih tangthu pen vaipi thu sung a thu neuno khat ahih hangin vantungmi khatna‟ tangkona in Pasian “minthang sak” ding ci (Mang. 14:7) a, Matt. 5:16 ah: Zeisu in isepna hoihte tawh Pasian min ki thangsak thei cih hong tellah hi. Job hih dan pen ei‟ hihdan ding zong ahihi.
Eph. 3:10 sim in. Hih thuguipi Job thubu ah hong koici kilat, akawciik zawdeuh in maw?
______________________________________________________________
______________________________________________________________
Hih mun leh Job thubu ah ih muh thute pen, Pasian in Ama nungzuite'n Ama minthanna ding a Ama liimleh-mel asunn dingin amau nuntakna ah na sem hi. “Pasian meel ngiat mihingte'n asut ding uh ahihi. Pasian leh Khazih minthanna pen Ama mite' zialehtongg paubanglo a suahna ding zong ahihi.” -E. G. White, Khangcin Lunggulh, DA. p. 671. Tu ma kum tul tampi lai ahih hangin Job nuntakna pen mihingte in tua bang nuntakzia aki latsak ding uh ahihi. Bang hun ahi zongin, Pasian mite in tua bang nuntakna nei thei dingin hunpha ngah uh hi.
Na nuntakna ah bangh in Pasian min thangsak hiam? Na dawnna in nang thu bang hong theisak a, na khel ding bang teng om hiam?
Ngaihsutbeh Ding:
Protestant puahpha pawlte in upmuanna tungtawn a alian hotkhiatna thumann hong tangko pha kik uh hi. Hih thumann Eden huan pek a kipulaak thu hi a (Pian. 3:15 en in), Abraham nuntakna ah hong ki telgen kik khit ciangin (Pian. 15:6, Rom. 4:3 en in)Paul in hong phuang kik lai hi. Ahi zongin upmuanna tungtawn a hotkhiatna pen Khasiangtho in thu-um mite tung a asepna pan hithei den a, hotkhiatna ngah nang hilo in aki latkhiatna hizaw hi. Job nuntakna leh aomziate in tua bang thute pianzia lahna pi khat hong suak hi. Hot-khiatna thukansiamte in hih pen “kisiansuahna, sian‟thosakna” ci uh a, “sian'thona” vai hi pipen hi. Hih thu Laisiangtho ah thupi mahmah ahih manin hanciam dingin hong hanthawn a (Heb. 12:14, ESV) tua lo tawh kuamah in Topa mulo ding hong ci hi. Sian'thosakna khiatna bul in “asiangtho a zat dingin kituam koih” cihna hi a, gentehna in, Topa in athuciam mipawlte kiang ah “Kei na Topa uh siangtho ka hih man in, na sian'tho ding uh ahihi, Kei na Topa Pasian uh ka siangtho hi (Siampi 19:2, NKJV). Hih thu kammal tampi tawh Laisiangtho lui leh Laisiangtho thakte in hong gen uh hangin tua thu in ih sung a Pasian hong sep thu ahihi. Hih thu pen hoihna thu lam a, lungsim khantohna ahihi. Hih thu pen adawldawl a Khasiangtho vangliatna tungtawn a, lungsim kipuahphat tohtohna ahihi.” -Handbook of SDA Theology,p. 296.
Hih thu pen Pasian bek in eite sung a hong piansak theih ahih hangin kisiansuah dingin hong kisawl hamtang ahih loh bangin dik hongtangg sak hamtang zong hi tuanlo hi. Dik hong tanggsak Topa tung ah ih kiaap a, tua Topa mah in Job bang mah in hong siansuah, ong puahpha in ahithei zah ciangdong, Ama limmleh-mel sunn ding in hong siansuah hong puahpha hi. Tua hi a, Paul in: “note sung ah Khazih hong pian hong suah dong in nausuah gimna ka thuak lawh ka tanote aw” (Gal. 4:19, NKJV) a ci a, E.G. White in zong: “Khazih in apicing, asiangtho eite etteh ding a, hong kipia ahihi. Ih etteh ding pa tawh kibang zolo ding ihi ta zongin, ei siam' theihtawp in Amah tawh ih kisut semsem ding ahihi” na ci hi. -
That I May Know Him, p. 265.
Kikup Dingte:
1. Eite sung ah Topa in na hong sep theih nang a, huzaap anei thei dingin bang teelna nei thei ding ihi hiam? Lungtang pen Pasian bek in khel thei cih ih theih sa ahih man in Amah tawh ih pankhop ding ahihi. Tua pankhawmna koici bang hi ding a? Hong koici kilat ding ahi hiam?
2. Col. 2:6 sim in: “ Khazih Zeisu na san khit uh ciangin Amah tawh nungta khawm in kalsuan khawm un(NKJV). Hih kammalte in upmuanna leh thumanhna tawh ih nuntak nangin hong koici panpih thei ding ahi hiam?
3. Mihingte leh van mite mai ah mimal bek tawh hi lo in ih pawlpi tungtawn in Topa’ vangliatna koici kilat sak thei ding ihi hiam?
3337777777333
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.