Dec. 24 - 30
Sim Dingte: 2 Cor. 5:7; Job 1 - Job 2:8; Matt. 4:10; Matt. 13:39; John 8:1-11; Heb. 11:10; Heb. 4:15.
Kamngah: “En un, athuak zo mite in thupha angah mite ahi uh ci in ih gen hi. Job thuakna thu na za zo uh hi. Pasian in Amah thu azawh khit ciangin ahehpih theih mahmah na thu zong na thei khin zo uh hi” (James 5:11).
Tu quater Job thubu sinna nunung pen tung ta hang. Asung a thute tampi ih et khak hangin, ih et lai ding ih sin lai ding tampi om lai cih ih thei hi. Leitung thu vai tuamtuamte ah zong pawlkhat ih theih khit ciangin ih zon ih theih ding atam zawk sem lam ih thei hi. Aksite thu, atom te thu, ngasa nipnelte leh tuatzia tuamtuamte nangawn ah tua ci ahih leh Pasian kammal vai ah nasia zawtham lo ding maw.
Alamdang Ama geelnate tello ihih man in Pasian kammal ih muanmawh nading thu omlo hi. Pianngei thute ah ih telsiam zawhloh na lamdang tuamtuamte‟n hong kimvel hi. Vantung thute a ih lunggel‟ theih vetloh thute ih tuah khak ciang, lamdang sak ding hilo hi. Ahaksa thu pen mihingte lungsim thanem in kawciik ahih man ahihi.” -E.G. White, Pilsinna, Ed. p. 170.
Job thubu bang diakte ah thu tel hak leh tel zawhloh thu tampi om thei a, nuntak thu haksa tampite kidongh zel hi. Ahita zongin, hih tangthu vaite pan Job bang a eite hong huh hong panpih thei ding thu pawlkhat Topa tung a muanhuai tak a, ih nuntak theih nang in ih en ding hi.
* Dec. 31, Nipini adingin tu kal sinnate hong lim sin in maw.
Muhna Tungtawn Hilo in Upmuanna Tawh
2 Cor. 5:7 leh 2 Cor. 4:18 sim in. Athupi bang thumannte hih mun ah hong kilangh hiam? Topa’ nungzui muanhuai ih suah nang in hih thumannte in hong bang ci panpih ding ahi hiam?
______________________________________________________________
______________________________________________________________
______________________________________________________________
2 Cor. 4:18 sung a thute pen hun nunung vai hi a, hong ki kamciam hong tung nailo thute ahi sihtheih-nawnlohna ih silh ding hun vai ahihi. Tua te pen upmuanna tawh ih lak akul kamciamte hi a, hong tung nai lo ahih manin muhna tawh hi thei lo hi.
Tua bang mah in, Job thubu in ih muh theih sang ataktak pen vai na sahzaw tham cih hong lak hi. Hih bang thute leh natethute in ihkiim-ihpaam a om muhmawh na tampite‟ hong lah, tu hun nunung a nungta mite adingin san hak thu hi lo hi.
Khuapi khat a biakinn khat ah thu gen sia khat ding hi. Mipi dai dingin gen hi. Tawm no cik sung hong dai pak hi. Radio khat la in hong a, apeina pei in atuamtuam amunmun pan ging ngeingai a, Radio panin hong kiza thei hi.
Thuhilhpa in, “hih aw te koi pan a hong pai hiam ci in dong hi. Radio sung pan a kipankhia aw ging maw? Hi lo, hih awte ih kiim ih paam ah om a, Radio aw, tu a kei aw mah bang a ataktak ahihi. Ei thu in tuate tawh kizom theilo hi hangh. Ih muhloh man, ih zakloh man, ih lawnkhak theihloh manin aom lo hi lo hi, hi mah lo maw?” ci in gen hi.
Ih muh theih loh dangdangte (leitang’ huupna ahihkeh atuam pian khuavak tuamtuamte) ikiim-ipaam ah om hi lo hiam? Hih aki mu theilo hih nate om takpi bek lo in nuntakna vaite hong sukha sawnlai hi.
______________________________________________________________
______________________________________________________________
Job thubu in hong lah bangin, amite in bang piang cih zong ngaihsun kha beek lo uh hi. Amaute in Pasian um in Pasian leh amazia leh piansakna vang hong telsiam thei sak hi. Tua atakpi thute mu theilo uh a, -ie, Job thuaksiatna -bang ci bang a hong piang cih thei lo uh hi. Ei zong tua mah bangin muh theih loh vaite telsiamlo zel hilo ihi hiam? Tua hi a, Job thubu in, ih muh ih theih bang zah ta in tawm a, bang zah in thanem cih ki thei in, upmuanna tawh nuntak ih kisin ding ahi hi.
Siatnate’ Pu
Mihingte‟n ngaihsutpi a aneih uh dotna lian pen te lak a khat in siatna vai ahihi. Thu ngaihsunte leh biakna uk pawl khatte‟n siatna cih omlo a, tua kammal zong bei sak ding hi acih uh hangin mi atam zaw thukim lo ding hi. Siatna ih cih atakpi hi a; hih leitung tawh kinahvawh hi. Siatna vang hi a, bang hi a bang hilo hiam cih ih kinial theih hang U.S. Supreme Court Justice in acihna ah “ih muh teh kithei” ci hi.
Siatna pen nih in kikhen diak a, pianngei leh lungsim cih ahihi. Pian-ngei siatna pen thuthang sia pianngei vaite pan a kipante hi a; zin ling, tui khang, pul natna cih bang thuaksiatna piangte ahihi. Lungsim vai siatna pen mi khat in midang khat tung a abawl vai hi in ki thahna leh gukna, suhna te hi.
Siatna a omzia nidang lai hun pan tu dong mah ngaihsutna tuamtuam kigen toto hi. SDA te‟n piansak Satan puukna pan kipan ci in kihilh hi. Tu lai gamtat omzia, neih leh lamh vai angaihsun diak pawl in Satan cih om kei ci uh hi. Laisiangtho nialte bek in kici thei lo a, Laisiangtho in lah Satan in mite bawlsiat theih tawp in bawlsia cih hong gen hi. Hih pen Job thubu sung a, hong kilang thumann ahi hi.
Job 1:1 pan Job 2:8 dong sim in. Hih alian 2 te in akilang mahmah siat-
na vai a, Satan sepna hong koici telsiam thei sak hiam?
______________________________________________________________
______________________________________________________________
______________________________________________________________
Job tungtang ah bel hih apiang siatna thu ah Satan ngiat hi a, lungsim vai leh pianngei thu vai a athuakte Satan hang ahihi. Ahi zongin thusia piang khempeuh dawi nasep cih kim ding hi sam lo hi. Job thubu sung a mite mah bangin tua thusia pianna ahangg ih thei taktak kei hi. Amin “Satan” cih mahmah zong Job thuaksiatna vai ah hong dawk lo hi. Agente‟n bel Pasian ngawh uh a, Job zong ngawh in, Satan bel ngawh kha ngeilo uh hi. Ahi zongin Job thubu in atawpna ah leitung a siatna piangte vai ah kua khutma cih hong lak ding hi.
Anuai a munte in Satan aom takpi lam bangh hong gen hiam?
Mang. 12:12; Matt. 4:10; Matt. 13:39; Luke 8:12; Luke 13:16; Luke 22:3, 31; Sawl. 5:3; I Pet. 5:8.
Athupi zaw lai ah, na nuntakna sung in Satan huzaap na genteh ding bang na nei hiam? Ama kiang pan koici kidal ding nahi hiam?
Hih Bang Lawm leh Gualte Tawh . . . .
Job thubu sung a mi 3 leh 4 te, Job veh ding a hong paite bel thuhoih a hong pai uh hi bilbel hi. Ama thuaksiatnate za uh a, amah tawh dahkhawm ding, hehnem ding, a hong pai ahi uh hi (Job 2:11). Ahi zongin Job hong pau kipat ciangin ama thuak gimnate‟ hangin tauna thu hong gen ciangin alawmte in anat vehpa uh in Pasian amuhzia genpih phat mahmah kul dingin muzaw uh a, hanthot a lunglawp sak ding vai dapkoih phot uh hi.
Agen kikkik uh hangin khial kinken uh hi. Amann gen kha le uh e? Ama kilawm bang a athuak hi mawk leh? Biakna thu vai ah bel adik amann kha phial zong un bangh kimanhna nei peuh mah ding? Job pen Pasian zia theihna diktak (theology) akisap laitak maw? Ahihkeh adangpi khat akisamh zaw maw?
John 8:1-11 sim in. Hih mite kisap bang hong pulaak hiam?
______________________________________________________________
______________________________________________________________
______________________________________________________________
Hih tangthu ah, amawh laitak a kiman kha nu leh amante vai, leh Job leh amawh sakte vai, pen thu tuampi ahihi. Tua nu in mawhna bawl hi. Amah amawhnate sang akilawmzaw phial zongin, ama mawhna pen athupiang tuamtuamte kawmkal ah dot kul vet lo hi. Job leuleu amawh kawkte' mawhsakna bangin bel mawh hetlo hi. Hih numeinu bangin mawh mah leh zong Job kitanggsap pen hih numei nu kitanggsap bang mah hi a; athuak sia mite in: hehpihna leh maisakna kitanggsamh uh hi.
“Zeisu in hih numei nu mawhna maisak in mai lam hun a nuntak pha nungta dingin hanthotna tungtawn in apha Zeisu zialehtongg dikna picing tawh hong tangkhia hi. Amah in mawhna neuseek lo in kisuanna kiamsak tuanlo sa in mawhkawk lo in honkhia hi. Leitung in bel hih mawhnei mi mawhsak in, neu et a koo ding bek thei uh a, Zeisu in ahih leh hehnepna leh lametna kammalte genkhia hi.” EG White, Khangcin Lunggulh, DA., p. 462.
Job thu in midangte tung ah amau mun a om hi leng ih deih ding bang a, amau ih bawl ding hong hilh hi. Ahun leh amun zui a, kitai kihat hun kital-sik hun, cih bang om thei mah a, tua bangte ihih ma in tua mite mun ah kiniamkhiat tak leh lungnem takin ei mahmah mawhnei ihih lamtak phawk kul hi.
Athuaksia mite adingin amau mawhna hang a athuak mite tung ah zong hehpih theihna koici sin in, koici neih thei ding ihi hiam?
Liing leh Sote Ban ah
Ih theihsa leh pawlkhatte‟ theih luat mah bangin, nuntak pen baih lo hi. Puukkhit lam, Eden ah zong, bang zah a haksa ding cih hong kigen a, ipu ipi masate Topa‟n bang piang ding cih agensa ahihi (Pian. 3:16-24 en in). Hih te bel athem neng bek hi pan hi. Leitung a ih tuah haksatnate ling leh sote bek hi leh tulai nuntak tawh kilamdang ngel ding hi.
Ih kiim ih paam thuaksiatnate, natna satna, zawnna ngauna, galvai savai, siatna leh haksatna apawlpawl, leh thumann lohnate imu hi. Tanglai thukansiam Herodotus gelhna ah mite kidahpihzia gen a, naungek asuah ciang atuah ding dahna haksatnate leh thuaksiatnate adingin thuumna tauna nei uh cih hong gen hi. Thupi lo khat bang na pi, nial theih hi lo in thudik hi lo hiam?
Job thubu ah mihingte omzia vai na om hi. Job pen mi khempeuhte gentehna bangkhat suak cih ih mu a, tua bang mah aki thuaktek hi in -aki-lawm akituak lo pipi, adiklo pipi kituak hi. Job thuakna dik lo in ei thuaknate zong dik tuanlo hi.
Hi mah leh hih bang vaite ah Job thubu in Pasian om in, Pasian thei a, Pasian in hong kamciannate pan hih te mawkna lo ding hi cih thu ahihi.
Leitung laigelh siamte, Pasian umlo te in sihna tawh abei suak leitung nuntaknate in khiatna a neihloh vai tawh buai uh hi. Akhiatna kan thapai in hun bei a bangmah theihna lah aom theih tuanlohna thu in, ama thuin bangmah hong pia thei lo ahih man ahihi. Pasian umlote ngaihsutna ah, “bang mah lo,” nihilism acih uh Latin kammal nihil akhiatna "bang mah lo" ahihi. Bang mah lo cih ngaihsutna in leitung leh ih nuntakna in khiatna neilo hi cih thu ahihi.
Job thubu in nihil ban a athupi ataktak thu, mihingte alung himawh sak thu khat om cih hong lak hi. Pasian cih hong theisak a, tua tungtawn in lametna ih nei theita hi. Hong piang thute amawk pian hilo in, hih apiang vaite khempeuh athei Pasian om a, ni khat ni ciang avekpi in adik bangin thu hong piang ding in hong kamciam khin hi. A thupipen dotna Job thubu in dawn loh a akoih hangin khut hawm in hong koih lo a, ih nunlui vut leh vai tawh ih om hi (Pian. 3:19, Job 2:8 en in). Eite tung ah lametna lak a alianpen lametna hong pia in tu a itheih ingaihsut khak loh lametna ahihi.
Hih leitung hong piak theih khempeuhte akhengval athupi lametna hong hilh Laisiangtho mun bangh mun hiam?
Zeisu leh Job
Nidang pek pan Laisiangtho siamte in Job leh Zeisu tangthu kibatna zongkhia theiden uh hi. Job pen biakpiakna gannote bang a Zeisu “liimla” lian ahih loh hangin, kibatna pawlkhat om mawk mah hi. Hih sinnate ah Job thubu pan sinna dang khat kimu thei a: eite hotkhiatna ngah nang a, Topa thuakna thu ahihi.
Job 1:1 pen I John 2:1, James 5:6, leh Sawl. 3:14 tawh tehkaak in koici bangin kivalaak hiam?
______________________________________________________________
Matt. 4:1-11 sim in. Zeisu leh Job kibatna bang teng om hiam?
______________________________________________________________
Matt. 26:61; Luke 11:15, 16 leh John 18:30 sim in. Hih thute leh Job tuah thute kikoici bat hiam?
______________________________________________________________
Job 1:22 leh Heb. 4:15 tehkaak in. Bang ci kivalak hiam?______________________________________________________________
Hih munte in Zeisu leh Jobte tuah thute kivalakna hong kilanghsak hi. Job bel Zeisu bang a mawh neilo hilo a; ahi zongin a muanhuai leh adik, ama nuntakna in Pa tung ah vangliatna pia hi. Job pen suuksia takin dawi in Zeisu bangin ze-et hi. Job thubu sung teng ah Job in diklo tak in mawhsakna thuak a: Zeisu zong tua bangmah ahihi.
Atawp khakna ah, athupi pen zong hi thei ding a, apiang thute khempeuh kawmkal ah Job in Topa tung ah muanhuai hi. Eite ading a athupi mahmah vai ah, Zeisu muanhuai takin hong nungta hi. Bang bang piang tase leh Topa Zeisu pen mawh neilo in hong nungta a, Zeisu pen, “Pasian lianlian abang” hi a (Heb. 1:3, NKJV) hotkhiat nading a kisamh dikna amah bek in nei a, “Zeisu Khazih upmuanna tungtawn a, thu um mi khempeuhte ading hi
a, kilamdanna om lo hi” (Rom. 3:22).
Anasia tateu zongin, Job, ama thuaksiatna leh thuaksiatna kawmkal a amuanhuainate in Zeisu, amah atankhia pa, Job leh eite tangg a athuak ding thute hi a, amah hong tun' hun nunung ciangin leitung ah eite tanggin hong ding ding hi (Job 19:25). (Gentehna in Heb. 11:10, Mang. 21:2 en in).
______________________________________________________________
______________________________________________________________
Ngaihsutbeh Ding:
Nidang pek pan in Job thubu in mihingte lawp sak, thu telsiam sak, leh lai simte kan nuam sak in Jews biakna, Christian biakna leh Islam biaknate (alaisiangtho uh ah amau atek tuamdiak tek hi). Kan nuam sak ih cihna ahangg pen, ih muhsa bangin tua thubu in dotna tampi dawnloh in koih hi. Thu khat pan in hih thu lamdang sak luat ding hilo hi.
Piancil pan Mangmuhna dong ah dotna a nusialo thubu omlo hi. Laisiangtho bup in zong dotna adot khempeuh dawng kim tuanlo hi. Agen thute, mihingte puukna leh hotkhiatna gelna thute pen tawntung hun sung teng a ih sin tohtoh ding thute hi a, (Kikingkalhna Lian, G.C., p. 678), laibu khat bek Pasian humuap laibu khat in zong (2 Timo. 3:16), na khempeuh tun hong koici dawn' sak kim thei mah ding?
Job thubu, atanggdin hi lo hi. Pasiang hong lah atam zaw tham thute lak a tawmkha ahihi. Anasia khalam thubuaipi hi a, athupi mahmah thupuak hong genkhia in, Pasian nung azuite diakdiak leh mikim‟ zaknop thu ahihi. Tua thupuak in: langdona kawmkal ah, muanhuaina thu ahihi. Job in Zeisu bang a nungta mite omzia hi a: “atawp dong a thuakzote in hotkhiatna ngah ding hi.” (Matt. 24:13, NKJV). Zeisu a um, diktak a gamta nuamte‟n khat vei ngeingei telsiam zawhloh, diklo tak a thuaksiatna ngahlo in omlo hilo
hiam? Zeisu a um, amuanhuai nuam upmuanna sittelna thuaklo omlo hilo hiam? Zeisu a um, hehpihna‟ zong kimlai mawhsakna athuak zawsop omlo ngeilo hilo hiam? Hi mah leh, Job thubu in tua bang athuak kawmkal a, upmuanna leh cihtakna a khahsuahlo mi hong musak hi. Job leh eite ading a hong si Pa' upmuanna leh hehpihna ih muan ciang in, ei hong kipia thupuak in, “pai in la tua bangin sem in” (Luke 10:37, NKJV)cih hong hita hi.
Kikup Dingte:
1. Jew mite ngaihsutzia tawh, Job thubu thei a, Zeisu hong kum ma a nungta ding bangin kingaihsun in. Tua mi in tu lai a ei ngaihsut khak loh bang dotna nei ding hiam? Tua hi a, Zeisu thu leh eite ading a hong sepsakna in Job thubu hong koici telsiam-sakzaw hiam?
2. Job na muh ciangin, bang thu dongh masa pen ding a, bang hang hiam?
3. Job gen lak a ih sukkhak loh dotna leh thupiangte bangte khawng hiam?
4. Job thubu ih sinna pan a na ngah athupipen khalam ngaihsutzia bangh hiam? Na dawnna na lawmte gen sawn ve.
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.