Sinna 6: Tua Hamsia in Hang Nei lo Maw?

Nipini (Sabbath) Nitak lam Oct. 29
Sim Dingte: Late 119:65-72; Job 2:11-13; Job 4:1-21; Rom. 3:19, 20; I Cor. 3:19; Heb. 12:5; Matt. 7:1.
Kamngah: Pasian mai ah mi khat peuh paubang lo in om zo ngei ding ahi hiam? Amah’ abawlpa’ mai ah sit bang lo in om zo ngei ding ahi hiam? (Job 4:17).

Nung kal in Job mun ah om bang a ahi thei zahzah a kingaihsut ding vai ih lim gen hi. Thu khat ah bel ahaksa lua ding zong hi lo hi. Bang hang hiam ci leh tua bang pian veve mah ih hi mai a, thuak-siatna kawmkal ah nungta in nuntak bel lungkim huai lo hi.
Hong pai lai ding sinnate sung ah hih vai sut toto pipen ding ih hih hang Job dahpih a, alunghihmawh midangte‟ vai zong ih suut kawm veve ding hi. Tua zong bel thu haksa hi sam kei. Midangte‟ thuaksiatna muh loh cih omlo hilo hiam? Mi ahehnem ngeilo zong om sam kei ni maw? Bang gen leng kilawm ding ci a, ih ngaihsut kawm in amau tauna in ih lungsim hong vut mahmah theih mawk hi lo hiam?

Job thubu bel Job leh alawmte holimna vai ahi, khiatna nei mel lo a ngaihsut, mihing nuntak vai; khiatna nei sak nuam a: abei theilo mihingte thuaksiatna leh adah huai thute pan itna, vangliatna, leh akhual Pasian piansak leitung a piang vaite kigen hi.
* Nov. 5, Nipini adingin tu kal sinna hong kiging in maw.

Nimasani (Sunday) Oct. 30
Dotna Lianpite

Amasa alian 2 te ah athupiang vai kilanghpen hi. Hih mun ah ih theih khak ngei loh ding vantung vai pawl khat, leitung vai tawh kimemat in ahuampi hong en pak thei sak hi. Gamlapi etnate in bang zah dong in agamla nate hong musak mah zongin tu ma kum tul tampi lai a, hong kilak hih thubu sung a thupiang vai pen tu lai Saudi Arabia kiim, sehnel gam sung a thupiang vai ahihi. Job thubu in vantung vai, Pasian leh van mite vai leh leitung leh ei leitung a atengte‟ vai ahihi.

Tua alian 2 khit ciang bel TV a, apaupau lutangte acih theih dan vua khat khit khat pauna, thu genna vai; Job leh amah aveh a hong pai alawmte holimna thu leitung nuntak thubuaipite vai akikupna uh ah: Pasian thu, natna sihna, ngaihsutzia, upmuanna, nuntakna leh sihna vaite ahihi.

Job tung a thupiangte vai zong hi pha diak lo dia maw? Leitung thu-piang vaite kibuaipih kha thei den a, nisim nuntak vai teng hi in, alian athupi vaite kimangngilh khazel hi. Ei vai ahi a, midangte vai ahi zongin, tuahsiat-na vaite in ih kha lam thu ngaihsutnate lingg sak in dotna thupi tampi hong dong sak zel hi.

Late 119:65-72 sim in. La phuakpa’ gen bang hi mawk hiam?
__________________________________________________
__________________________________________________
__________________________________________________
____________________________________

La phuakpa‟n bel khialkhemna sung a tuah khak thute pan ahoih mu thei hi. Tam veipi, haksatnate in lim piandang thuphate hi thei a, Topa kiang hong zuatpih kik ahihkeh, Ama kiang hong zuan thei sak masa pen suak thei hi. Nuntakna ah vai haksa in hong donggkhak ciang bek in Pasian kiang zuan kik ih hih leh Pasian tung ah kiaap masak-penna zong piangsak thei hi lo hiam? cih tangthu zong kiza ngei tek hi lo hiam? A lauhuai leh a dahhuai khialkhemnate, thu hoih pianna ding hong suak cih zong ih mu thei zel hi. Khat veivei bel khiatna nei lo apiang ngeu mawk zong om thei mai hi.

Na tuah ngeisa khialkhemnate pan apha apiang na mu kha ngei hiam? Phattuam a piangsak lo khialkhemnate na koici hiam?
____________________________________________________
____________________________________________________
____________________

Ninihni (Monday) Oct. 31

Mawh Peng Siacip Om Ngei Maw?

Job 2:11-13 sim in. Job alawmte’n ama thuakna vai amuhzia uh bang hong gen hiam?
__________________________________________________
__________________________________________________
__________________________________________________
____________________________________

Job tung ah thupiang azak uh ciangin alawmte “kiciam in” (Job 2:11, NKJV) hong kituah uh hi. Amuh uh ciangin lamdangsa-lua in amah tawh thumkhawm taukhawm uh hi cih kidawk hi.

Paulo phunlo in tucip uh hi. Job thuakna bang vai ah bang va gen mawk mah ding? Ahi zongin, Job khat vei hong paukhiat khit teh gen ding tampi hong nei tek uh hi.
Job 4:1-11 sim in. Eliphaz in Job kiang a agen bulpi bang hiam?
__________________________________________________
__________________________________________________
________________________

Eliphaz genteng bel thuaksiate kiang ah gen ding thupatna a genloh dingte lak ah hel ding in kilawm khasop ngel ding hi. Apatna lam pan “athuaksiate kiang a gen loh dingte” cih thulu piak huai ding hi. Job ahehpih lua hi sam na pi‟n khengval kha mawk hi. Eliphaz in athu gen omzia lim ngaihsut zaw in hehnepna lam vai phalo mawk hi. Job thuak bang a thuak khat kiang ah, Pasian pen thuamann a midik lote bek in hih bang dante tuak ahihteh, atuak ding a kilawm peuh zong hi kha mawk lo ding na hi hiam? va cih ding bel ngaihsut hak veve hi.

Tua bangdan in ngaihsun takpi hi mah leng; Job vai ah bang phattuamna om thei ding hiam? Mawtaw nawhhawl-lua pa khat in a innkuanpih teng khuaii mang hi leh, mawtaw nawh hawl lua na hih man a Pasian in hong dan-tat hi, va ci dingin kingaihsun le cin, Eliphaz thugente pen a lungngaihzia ngaihsut huai bek lo in; Job thuaksiatna vaite thuakpih in ngaihsut pih kha vetlo bang khat suak hi.

Supna baina vai a hong kihehnemm dingin kingaihsun in. Bang gen uh a? Hong koici gen in, tua pan in nang midang khat hehnem ding hi le cin, bang sinna ngaihsun khia thei ding nahi hiam?

Nithumni (Tuesday) Nov. 1
Mihingte Leh Apiangsak Pa

Eliphaz in bel athupatzia tawh gensiam hawmsiamna letsong ngah lo kha ngel ding hi. Job acih theih laitak in mite hehnem ding leh mite adingin etteh huai suah ding baih hi. Tu‟n bel thusia tuak in linglawng gawp loh theih hilo hi. Ahi zongin, Pasian pen thumann a, ih thuaksiatnate zong ih kilawm man hi lel hi. Patauh ngaihsut ding hi kei aci nuam hi pipen hi.
Job 4:12-21 sim in. Eliphaz in Job kiangah bang thudang sung lai hiam?
___________________________________________________
___________________________________________________
___________________________________________________
_________________________________

Hih lai ah angaihsut huai tampi om a, Israel mite om malim a, amann Pasian‟ zialeh-tongg leh apianphung vai zong kihel hi. Tuulpite leh anung lam ciang Israel mite sim loh Pasian zia athei midangte om uh cih hih thubu in hong lak hi. Hih mun ah, Eliphaz in Pasian zia apanpih den suak hi.

Eliphaz in “zan a amangmuhna vaite” pen thudik mah ahi hi (Late 103:14; Isa. 64:7; Rom. 3:19 20 en in). Mihingte lei ih hi a, ei pen aom pak hi in, lungno bang khat ihi lel hi. Tua hi a, Pasian sang in dikzaw thei mah ding maw?

Thu khat pan in akammalte in thu bun lo in vaidang suak hi. Hih vai pen Pasian sang Job dik zaw maw cih thu hi lo hi. Job phunna zong hih vai hilo hi. Amanh bel thuak haksa sa in thuaksia ing aci hi a, Pasian sang dikzaw ing aci hilo hi.

Eliphaz in bel, Job kampaute pan amuh dan hi ding hi. Pasian pen adik hi a, asia pen thusia pan hi in Job in athuakte athuak mah ding a kilawm hi ding hi. Tua hi a, Job phunna pen diklo hi. Pasian lam a pang kisa in; Elip-haz in Job thuhilh kipan hi. Pasian zia akhoptuah thumannte ban ah adang zong anei khat bangin kigen a, mangmuhna anei dan a kigen ahihi. Ahi zon-gin athu gen leh avai kibangh lo hi.

A ngaihsut dik mahmah taleh mi phattuamna ding, mi thangah nading lam in kigen khalo thei hi cih thu hih vai pen bang ih sin thei ding hiam?
_________________________________________________
_____________

Nilini (Wednesday) Nov. 2
Haina in Zunggkha

Alina 5 ah Eliphaz in athusunn zom hi. Agen masak teng mah hi mai in: thusia pen misiatte tung bek ah piang hi ci hi. Hih thu in ama thuak ding kilawm lo, dik lo hi aci Job thuakna suuk sak ngel ding hi.

Ahi zongin hih lai ah Eliphaz gen teng akhial hivek lo hi. Hih bang dan ngaihsutzia Laisiangtho mundangte ah dawk zelzel hi.
Anuai a thute in Job alian 5 sung a thuguite bangci len’kik hiam?
Late 37:10 __________________________________________
___________________________________________________
_____________________
Paunak 26:2 _________________________________________
____________________________________________________
____________________
Luke 1:52 ___________________________________________
____________________________________________________
____________________
I Cor. 3:19 ___________________________________________
____________________________________________________
__________________
Late 34:6 ____________________________________________
____________________________________________________
___________________
Heb. 12:5 ____________________________________________
____________________________________________________
___________________
Hosea 6:1 ___________________________________________
_____________________________________________________
___________________
Late 33:19 ___________________________________________
_____________________________________________________
__________________


Ningani (Thursday) Nov. 3
Thu Khen Kha Pahpah

Eliphaz in Job agente tampi mann hi. Adik thu tampi om a, Laisiangtho mundang a kidawk kikte zong om hi. Ahi zongin Job adawn kikzia ah khat pen khial pha mahmah hi. Athu gente ah hi lo in; ahun leh amun vai hizaw hi. Agen thute, athumann pulaakte, tua hun tua mun tawh kituak lo hi (Kal kik sinna en in).

Ih leitung bel abuaicip hi. Vai khat en in akituahpih a na ngaihsut Laisi-angtho mun pawlkhat om pah hi. Hi takpi thei in zong hi lo thei lel hi. E.G. White gelh thu, ei tung a thupiang tawh ih bulh den khat om hi. “Ih sepkhi-atnate bel ei zia tungtawn ahihna hong gen siang sang a dik zaw thumann Laisiangtho in gen lo hi. Nuntakna vai tampite ah ih tuah khak thute in ih lungsim leh ih sepziate‟ gah hi mahmah mawk hi.” - E.G. White, Pilsinna, Education, p. 146.

Hih thu in adik mahmah thumann ahihi. Deihsakna tak tawh Job thuak bangdan a athuak khat kiang ah, tu a mun E.G. White laigelh ava sim dingin kingaihsun leng? (tua ci takpi thei lai hi.) Tua bang mi khat in hih lampina mang zaw leh maw? “Mi tampite in Pasian thumannzia abang ka hi ci kawmsa in ama lungnemna leh ama itna sunn kha hetlo thei hi. Amaute in amawh sak mahmahte uh in haksatna kawmkal ah zeetna athuak hi thei hi. Satan in hih bang mite buaisak gawp a, kam khauh, hehpihna omlo kammalte in amaute lungkia sak in ze et pa vangliatna sung ah em‟sa suak thei hi.”- E.G. White, Damhna Thupha, M.H. p.163.

Hih bang vaite ah Eliphaz, Job leh midang tampite theih sang a atam zawtham thuleh laa om gige hi. Tua hi a, Eliphaz in khentat ziau in, athu gen adik hangin ahun amun a et in ahih huai lo pi khat hi gige hi.

Anuai a munte in bang hangin ih lungsim ah amawh akhial a ih ngaihsut mi khat vai ah amasa pen a ih ngaihsut masak pen dingte hi mawk hiam? Matt. 7:1, 2; Rom. 2:1-3; I Cor. 4:5.
_________________________________________________
_________________________________________________
__________________________
Eliphaz man ta mah leh, Job pen ama kibawl hi phial mah leh zong, akammalte ciim vai lo in ahun zong hi lo hi. Job pen mi khempeuh tang a ding suak a, eite in kikingkalhna kawmkal ah awkk kha thei in zong ih tua-hsia mai hi. Ih vekpi in, hun khat teitei ah, hehpihna leh deihsakna ih mamawh a, thu hilhna ih kitangsamh kei hi. Thuhilh ih kitangsap hun bel om thei mah hi. Vut leh vai tung a atu mi khat anuntak buaicip, ata teng in lah sihsan apumpi meima dim - hih bang hun a gen ding thu hilo hi.

Kiginni (Friday) Nov. 4
Ngaihsut beh Ding: Ih muhsa bangin, Eliphaz in Job ahehpih lo hi sam lo hi. Hehpihna ngaihsut masak a nei kha lo in Pasian zia tawi sang ding kis-am sa zaw kha hi. Job thuaksia mahmah in; Pasian lah athumann mahmah hi a; tua ahih manin Job bel athuak ding a akilawmna om hi mawk ding hi. Pa-sian thumanna ih cih hih bang hi ci a, Eliphaz in akhentat hi mawk hi. Tua hi a, Job bel aphunphun pen akhial ai veh.

Pasian bel thuman mah lo dia. Ahi zongin Pasian in Ama thumanna pen mawhna tawh kidim hih leitung ah kilang sak den ding hi peuhmah lo hi. Eite‟n ih thei taktak kei hi. Thumanna leh thukhenna hun hong tung ding a, tu‟n hi nailo phot kha ding hi (Mang. 20:12). Ih muanna tawh nungta ding ih cih ciangin tu a kisam mahmah thumanna pen ni khat ni ciang hong kilangh ding ci a, Pasian ih muan ding ahihi.

Eliphaz zia bang pen laitheite leh Phariseete‟n Zeisu tung a alungsim puak uh bangh hi. Amau pen amau biakna ngeihnate ah “muanhuai” nuam kisa in Nipini a Topa damsakna (Matt. 12) pen cina khat in damna ngah a athuaksiatnate pan damhna ngah cih lungdam ding hizaw hi. Khazih kammalte kician mahmah a, athuguipi in Pasian a it, ama ading adeih sakte‟n ih phawk den ding thu hi a: “akineih-khem Phariseete leh laitheite aw kingaihsun un! Lenmui, lonamsiate, leh zasante ah sawm a khat na pia uh a, athupi zaw thukhenna, hehpihna, leh upmuannate na phawk kei uh hi; hih dingte hih ding hi mah a, hih loh peuh neih mawk ding hi lo hi” (Matt. 23:23).

Kikup Dingte:
1. Mi khat peuh in hehpihna leh deihsakna akisap hun leh hilhna taina akisap hun koici khen thei ding? Thuaksiatna athuak mite tungah, amau mawhnate leh gamtat khialhnate hangin athuak hi phial mah leuh hehpihna leh deihsakna lam ah ikhialh khak pen bangh hangin phazaw thei ding hiam?

2. Alian 4 leh 5 sung Eliphaz kammalte sim kik in. Hih mun sangin bang ci bang mun ah hih kammalte kilawm zaw ding hiam?

3. Nang pen Job lawmte khat hi in vut leh vai lak a tuu a va en ding a pai in kingaihsun in. Bang gen ding na hi hiam, bang hang in maw? Amau mun a aom hi lecin nang tung ah bangh hong kicih ding na deih ding hiam?

$$$$$$$$$