Sinna 3: “Job in Pasian Amawk Zahtak Hiam Leh?”

 

  

Nipini (Sabbath) Nitak lam Oct. 8

Sim Dingte: Job 1, 2; I Cor. 4:9; Pian. 3:1-8; Philip. 4:11-13; Matt. 4:1-11; Philip. 2:5-8.

Kamngah: “Ahih hangin amah in azi kiang ah, “numei haite kampau bangin na pau hi. Pasian tung panin ahoih sang ih hih ciangin, siatna sang lo ding ihi hiam?” aci hi. Hih thu khempeuh ah Job in akampau nangawn in khial lo hi. (Job 2:10).

Job thubu in vai thak khat hong pholaak hi. Hih thu in Khazih leh Sa-tan kikal kikingkalhna hong musak thei pak hi. Tua bang kawm mah in, haksatna, lungmanhna, lauhuainate ih tuah ciangin ih tenna lei-tung omzia hong mu, hong encian, hong lungngai thei sak hi. Job thubu hong lah thudang khat ah hih kikingkalhna thu in mite kitotna vai khat peuh himawk lo in, ei sep ei bawl ding vai zong hong om to hi. Tua hi kei leh eite in, “agum thuak ding ihi hi! Bang hang hiam ci leh dawi in thangpaihna lianpi tawh hong pai in hun tawm bek aneih lam thei hi” (Mang. 12:12, NKJV). Hih leitung leh tuipite ah hong pai a, athangpiahna bel nasia mahmah hi cih kimu thei hi. Tua bang athuak kha lo ki omlo hilo hiam?

Tu kal in Job thubu 1 leh 2 ki en lai ding a, tua alauhuai vaite sung ah ei ikihelzia ih encian ding hi.

*Oct. 15, Nipini ading kiging in tu kal sinnate hong lim sin in maw.

Nimasani (Sunday) Oct. 9
Job, Pasian Nasempa

Job 1 sim in. Satan in Job amawh kawkna diakdiak tel et in. Satan in bang agen hi mawk hiam? Ama mawhkawkna vai koici bang hiam? Ataw-pna ah Satan in kua alangdo hi mawk hiam?
_____________________________________________________________________
__________________________________________________________________________
___________________________________________

“Amah pum mahmah, a innkuanpihte, leh aneih alam khempeuh cin‟ sak in kep sak hi lo na hi hiam? Asep abawlnate ah thupha na pia a, aneih alamh na khangsak hi.” (Job 1:10, NKJV). Job thubu patna ah ama dikna leh agamtat hoihzia te bek hi lo in aneih alamhte leh a innkuanpihte‟ vai zong hong mu thei sak hi. “Nisuahna gam lampan alianpen” akizahtakpen ahih theihna thu zong hong gen ahi hi. (Job. 1:3, NASB). Hih thu pen Satan in Pasian amaitang a amawhkawkna thute hi a, hih bang thu teng hang a, Nang na asem hi, aci ahihi.

Hih ngawhbawlna thu ah Pasian in tua teng lakkhia leh Job in “Na mai teek ah hong kosia taktak ding hi” aci suk hi lo hiam? (Job 1:11, NKJV). Hih thu pen Pasian langdona thu taktak ahihi. (Kikingkalhna ih cih vai hilo theilo hi). Pasian dik in hoih takpi leh Job in thumang in zahtak in itna leh lung-damna tawh bia ding hi. Tua zah ta a, ama ading a asep sak Pasian kua‟n it lo mah ding? cih nopna ah, Job in Pasian tung ah amuan huai nang in golhguk ngah aci suak hi. Tua hi a, Job in Pasian a itna tungtawn hi lo in; ama angsung vai akhualna hi, acih sak ahi hi.

A huathuai pen ulianpi pawl khatte‟ lawmhoihte in amau tungah sih dong in amuanhuaina thu uh pen amau tung ah dik ahih man uh ahihi. Topa in adik, a it takpi, adon takpi hi leh bel Job in aneih alamh teng atan hang in Topa na sem veve ding hi. Job zong muanhuai lo ding hi, acihna tungtawn in Satan thu kawi genna ah Job nangawn in amuang takpi hilo a, apiaksa nate hang bek hi aci nuam ahihi. Job thumanna zong amah ang sung vai ahoih ding bek lametna a suaksak ahi hi.

Topa’ na nasepna ahang bang hi mawk hiam? Na lungsim puak picing kei in, apicin’ dong ngak ding hi le cin nang leh na upmuanna vai bang suak ding ahi hiam?
________________________________________________________________________
____________________________________________________

Ninihni (Monday) Oct. 10
Thuak Kha Taktak Ta: Gal Veng Nai lo

Job 2:1-3 sung a om thute pen Job 1:6-3 sung a thu teng mah hi phial a, Job 2:3 ah hong kilaih in Topa‟n Job cihtakna, thuaksiatna kawmkal ah amu-anhuaiziate hong genta hi. Tua bangin Job 2:3 ih tun tak ciang, Satan mawhkawkna pen dik lo cih hong kilanghta hi. Job muanhuai tak in om a, Satan cih bangin Pasian kosia hetlo hi.
Job 2 sim in. Hih mun ah bang thu piang hiam? Job 1 leh 2 sung ah “Pasian tate” in Pasian leh Satan kikal tatzia hekziate en in mu gige cih vai in bangh khiatna nei hiam?
_____________________________________________________________
_____________________________________________________________
_____________________________________________________________
_____________________________________________________________
“Vun leh vun” cih kammal pen Laisiangtho siamte alung buai sak kim mahmah kammal khat ahihi. Cih nopna pen, Job tung ah thu hong piang taktak leh, ama lungpona hong kithei lel ding hi. Apumpi, acidamna siasak inla bang hong piang cih mu in, cih banghdan khat suak hi.

Alungluthuai thu ah, bang mah piang peuhmah lo mawk hi. Hih mun tegel a vai kikingkalhna thu pen, Job thubu ah hong kilahna tawh kituak in, van mite leh Pasian kikal vai bangkhat ahihi. Hih bang mawhsakna “mihon mai ah” Satan in agen ahi hi. (I Cor. 4:9, Dan. 7:10; Mang. 12:7-9 en in).

Tatkhiatna vai geelna in mihingte hotkhiatna sang a zaizaw leh athuukzaw vai nei hi. Hih vai bek tawh leitung ah Zeisu hong pai hilo a, hih leitung a ateng mite in Pasian thukham ahi ding bang a amuh nang cih bek zong hibek lo a; vannuai ah Pasian zialeh tongg kilat sak nang cih abulpi ahi hi. . . . Mihingte honkhia ding a Khazih hongsihna in mihingte vangam luah sak ding cih bek hi lo in, vannuai ah Pasian leh Atapa in Satan‟ langdona vai a atatzia uh ah diktangg sak ding hi. Pasian thukham akip den ahihna kipsak ding a mawhna‟ omzia leh mawhna‟ piansak thute kilangh sak ding hi.” - E.G. White, Tuulpite leh Kamsangte, P.P. pp. 68, 69.

Nithumni (Tuesday) Oct. 11

Topa Minthang Ta Hen

Satan in Job asuk khit, atung a piang thusiate hong tun vai thute khit ciangin Job in koici dawn kik hiam? (Job 1:20-22 en in). Hih bang thu-siate kawmkal nangawn ah Job “mawh kha lo in, Pasian zong ngawhkhial khalo hilo hiam?
______________________________________________________________
______________________________________________________________
______________________________________________________________
Pasian‟ ukna ah a laigilpen thu in itna bulphuh ukpi sepna vai ahihi. Eite in Pasian it ih hih man a, Ama na asem hong hisak nuam bek a, hong tangsawl nuamlo hi. “Job in angsung vai tawh Pasian abia bang khat in ngawh bawl hi . . . . Biakna diktak pen itna leh Pasian zialeh tongg ah lung-kimna hi a, abia taktak te in athu deihna leh itna hang hi in, thamanh ngah nang hilozaw a; thumann ahih man hi zaw in, vantung pen vangliatna tawh kidim ahih man bek hizaw lo a; Pasian pen it taak muan taak in belh tak ahih man hi zaw a, thupha pia ahih man bek peuh hi mawkmawk lo hi.” 3 SDA B.C. p. 500.
Job thubu ah Job in Satan kawkna khial hi cih hong lak hi. Ahi zongin, Pasian in apiang ding atheih kholh hang in Job in ama tatzia ding tel thei hi. Mawhna bawl thei in, “Pasian ngawh khial lel thei hi.” Pasian in Job atua ci sak hi lo hi. Ama muantak‟ cinna, ahun amun a et in mihingte leh vantung mite mai ah thulamdangpi ahihi.
Job 1 a thupiang leh Pian. 3:1-8 a thupiangte tehkakk in koici bangin amawhnate uh lipkhap huai sak hiam?
______________________________________________________________
________________________________________________________________
____________________________________________________________
Adam leh Eve te, Paradise ah mawh nei lo in om uh a, Job in natna sat-na leh dahna kahnate kawmkal ah Satan in asimh hangin muanhuai tak in hong om thei hi. Tua thute ah, deihtelna vai gentehna nasia mahmah ih nei hi.
Ih paulap mawkmawkte khawng, dik het lo ahihna Job omzia in hong koici lah hiam?
______________________________________________________________

Nilini (Wednesday) Oct. 12

Job¡¯ Zi (Lawmnu)

Tun bel hih vai a thuak Job tangthu sung ah azi thu gen ding hunpha hong hita kha ding hi. Amah Job 2:9, 10 sung bek ah hong dawk hi. Tua khit teh, a tangthu leh atuan thu sung pan hong mang dildel hi. Ama thu hong kigen beh lo hi. Ahi zongin, athupiang teng ngaihsut in, hih nu thuak haksatnate ngaihsut ngam huai lo zah hi. Ama thuaksiatna, atate. thuaksiat-na leh alian khat sung a athuaksia dangte vai teng in thuaksiatna in van nuai ahuam ahihna hong kilangh hi. Ih vekpi in hih kikingkalhna vai ih tuak ciat a apeng ih om kei hi.
Job 2:3 leh Job 2:9 saikaak in. Pasian leh Job zi in agen kammalte ngaihsun leng tua kammal azatzia uh i¡¯ thupitna bang hiam?
_____________________________________________________________
_____________________________________________________________

Hih thu ah ama °cihtakna leh muan huai zia hong kilatzia pen vai khat thu hi lo hi. Hih mun ah ¡°cihtakna¡± cih kammal pen Job 1:1 leh Job 1:8 te ah kawk bang lo kici hi. Akammal bul in cihtakna leh kidimna kawk hi.
Pasian in Job apaktatna vai keek mah ah atawngg pen azi ngiat ahih citciat bel khasiat huai peuh mah hi. Akhasiat alunglen vai teng mah tawh Pasian in Job tua ci lo ding acih vai keek mah ahih dingin tawsawn mawk hi. Amah ih cihna lian ahih tuan loh hang, midangte adingin palkhialh khak ding ih hih loh nang kidop huai peuh mah hi (Luke 17:2 en in).

Job 2:10 sim in. Hih mun ah Job in avang nei bang ci teci panna hong nei hiam? (Philip. 4:11-13 zong en in.)
_____________________________________________________________
_____________________________________________________________

Job in a upna picinzia hong lak hi. Phat hun siat hun in Topa na asep ding thu hong pulaak hi. Alungdam huai mahmah thu khat ah, Satan pen hih mun ah hong mang dildel in hong kilangh kik nawnlo hi. Hong kigen lian loh hang Job dawnkikna tungtang ah Satan. sinsona leh thangpaihna ki-lungngai thei hi. Adam leh Eve te leh midang tampite awlno tak in zo thal lel hi. ¡°Ih sanggamte amawhkawk pa¡± (Mang. 12:10) in Job ahi lo midang khat amawh kawk ding azon hong kul ngiau mawk ta hi.
Phat hun siat hun a Pasian tung ah muanhuai den ding in ki koici sin thei ding ihi hiam?
_____________________________________________________________

Ningani (Thursday) Oct. 13

Sihna Dong ah Thumang

Job 1:22 ah ¡ hih vaite ah Job in mawh lo in Pasian ngawh khial lo hi (NKJV). Job 2:10 ah: ¡ hih vaite ah Job in kampauna tawh khial kha lo hi. (NKJV). Amun 2 ah, mawhsaknate kawmkal pan Job pen Topa tung ah muanhuai hi. Job mawhlo cih amun 2 in hong telgen thu in gamtatna leh kampauna tawh khial lo cih thu ahihi.
Job thubu in bel Job pen mawhnei mi hi kei hong cih hetlo hi. Zong hong ci ngei beek lo ding hi. Laisiangtho in ih vekpi in mawh neite hong ci hi. ¡°Mawh ngei keng ih cih leh amah amawh sak ih suak a, Ama kammal ei sung ah atengg lo ahi hi (I John 1:10, NKJV). ¡ Kawk bang lo in picing, ¡ Pasian zahtak in siatna pell (Job 1:1, NKJV), cih thu in mihingte mawh neilo suaksak lo hi. Midangte mah bangin Job pen mawhna sung ah suak a, honpa kitanggsamh hi.

Ahita zongin, ama tung a thupiang teng kawmkal ah, Topa tung ah mu-anhuai in om hi. Hih bang teng tawh, Job pen ahi milmial ahi zongin Zeisu limla khat hong suak a, (Sinna 14 en in), alauhuai khialkhemna kawmkalte ah lungkia lo in, mawhna sung ah puuk lo a, Pasian tung ah Satan. mawhsakna nialthal zo hi. Khazih hong sepkhiatna pen lianzaw, picingzaw, leh vai tampi vatsiang mang zawtham hi. Hi mah leh tehkaak theihna khat bel om hi.

Matt. 4:1-11 sim in. Job tuah khak thu hih mun ah thupiang tawh koici bangin kihuang hiam?
______________________________________________________________
______________________________________________________________

Kiim leh paam lauhuai ban ah, ann lo tawh pumpi thanem sawnlai, Zeisu in kiniamkhiatna tak tawh ¡ mawhneite bang keek in¡ (Rom. 8:3), hong omna ah dawi hihsak nop bang asep loh bang kek mah in Job in zong hih lo hi. Job muanhuaina hong kilat khit ciangin Satan hong mang. dildel mah bangin, Satan in Zeisu a ze-et khit ciangin ¡ dawi in nusia hi ci in Laisi-angtho in hong gen hi (Matt. 4:11, NKJV; James 4:7 zong en in).

Gampalak ah Zeisu. thuakna pen akipatna hi pan lai hi. Apipen sin-glamteh ah hong pai ding a, hih mun ah zong, bang bang amah tung piang mah leh (Job thuakna sang siahuai zawtham mah leh) Zeisu pen sihna dong ah muantaak cing takpi hi.

Philip. 2:5-8 sim in. ¡Zeisu in sihna dong a, Athumanhna¡± in eite bang lametna hong pia a, Ama thumanhna ngaihsun in ei koici nuntak ding cih hong gen hiam? 

Kiginni (Friday) Oct. 14

Ngaihsutbeh Ding: Job thubu asinte in Hebrew lai a a et ciangin alin lawn huai thu khat tuak kha uh hi. Job‟ zi kammal te akiteikhiatna ah “Pasian kosia in si in” (Job 2:9, NKJV) na ci hi. Job 1:5 a kiteikhiatna ah: “katate in mawh in Pasian kosia kha le uh” (NKJV) na ci hi. Job 1:11 ah akiteikhiatna ah: “tu in ahih leh, na khut zann in aneih alamh khempeuh lawng le teh, na maitang ah hong kosia ding hi!” (NKJV) na ci hi. Tua munte ah, “kosia” cih kammal pen “thupha pia” cih kammal hi zel hi. Kammal bul ah brk pen “thupha pia” cihna in kizang in kitei hi. Piansak ganhingte‟ vai genna (Pian. 1:22) a kizang “thupha” pia cih kammal hi. Tua kammal mah Late 66:8 ah “O, mihingte aw, Topa phat (thupha pia) un!” (NKJV).

Tua hi leh, “thupha pia” cih kammal “kosia” ci in bang cia kiteikhia mawk hiam? Amasa pen in Job thubu ah “thupha pia” aci nuam hi leh khiat-na nei lo ding hi. Job 1:5 sung ah, Job in atate‟n Pasian “thupha pia” ci nuam hi leh bang cia mawhmai biakpiakna bawl‟sak mawk ding hiam? Athu tawh kizui in akhiatna hong kilamdan‟ kul hi. Job 1:11 leh 2:5 zong tua bang mah ahihi. Job in siatna tuak leh bang hang in Pasian phat mawk ding? Amun leh azia tawh kituak in akhiatna pen “samsia” cihna ahih kul hi. Tua ban ah, Job in azi pen Pasian phat ding acihna hangin tai ding hiam (Job 2:9, 10)? Azia zui in, “samsia” cihna hi leh khiatna nei pan hi.

Tua hi leh bang cia lai gelh pa in “samsia” cih kammal ngeina zang ziau lel lo hiam? Laisiangtho kan siamte upna ah hih pen kammal zol tawh genna hi a, Pasian samsia cih pen lai atpa‟ biakna thu ngaihsutzia tawh kilawm theilo ahih man in hih bang mah in 1Kumpi. 21:10, 13 ah zong kosia cih pen “thupha pia” cih kammal mah ahihi. Tua hi a, Moses in “thupha pia” cih kammal “samsia” cih tangin acih nopna kitel in na zangh hi.

Kikup Dingte:
1. Hun buaihuaite ah bang hang in mihingte in Pasian om takpi maw cih ahihkeh Pasian akoici dan hiam? peuh bang hang in kici khathei mawk hiam? Mawhna sung a kidiahcip hih leitung ah ih nun-tak ciang, kikingkalhna vai ih tuah taktak ciangin, singlameh’ omzia diktak ih lungnaih den bang hang in kull se hiam?
2. Job tung a thupiang omzia ei’n pawlkhat ih theih hangin Job in thei kha peuhmah lo hi. Ama theih pen athuak gimnate ahihi. Ahuampi thei kha lo hi. Hih bang khialkhemnate kawmkal ah ih phawk hamtang ding thu in, ih phawk ih theih khak loh ahuampi thu khat om a, hih thu ih ngaihsut theihna hangin bang sinna lawhtak thei ding ihi hiam?