KHA SIANGTHO LE KHALAMVAI NUNTAKZIA

KHA SIANGTHO LE KHALAMVAI NUNTAKZIA

Principal Contributor: Frank Hasel
Editor: Clifford R. Goldstein
Associate Editor: Soraya Homayouni
Publication Manager: Lea Alexander Greve
Editorial Assistant: Sharon Thomas-Crews
Pacific Press Coordinator: Wendy Marcum
Art Director and Illustrator: Lars Justinen
Ateikhia: Dr. K. P. Gualnam

THU OMTE
1. Kha Siangtho leh Topa’ Kammal ................................
2. KHA SIANGTHO: MUHLOHNA PAN MAPANG ···············
3. KHA SIANGTHO PASIAN AHIHNA THU ·····························
4. PUMPI TAWH AOM KHA SIANGTHO ·······························
5. KHA SIANGTHO’ TUIPHUMNA LE KIDIMHNA ··············
6. A SIANGTHO NUNTAKNA LEH KHA SIANGTHO···········
7. KHA SIANGTHO LEH KHA SIANGTHO’ GAH ·················
8. KHA SIANGTHO LEH KHA SIANGTHO’ SILPIAKTE ····
9. KHA SIANGTHO LEH PAWLPI ············································
10. KHA SIANGTHO, TOPA’ KAMMAL LEH THUNGETNA
11. KHA SIANGTHO DAHSAKNA LEH KHAMMNA ············
12. KHA SIANGTHO’ NASEP ······················································

Kha Siangtho leh Khalamvai Nuntakzia Ih vekpi phial in: “Pa min, Tapa min, Khasiangtho min tawh tui sung ah kong phum hi” cih kammal za ngei tek hang. Ih ki tui phum khit leh tui sung ah hong kiphum suk ma in ih za tek hi (Matt. 28:19 en in). 

Pa min, Tapa min, Khasiangtho min ah tui ih kiphum hi. Khasiangtho pen Pa leh Tapa tawh kigen khawm den hi. 

SDA upna guipi ngana, “Kha Siangtho Pasian” ah: “Tawntung Khasiangtho Pasian pen Pa leh Tapa tawh piansakna vai, mi banga pianna vai, leh tatkhiatna vaite ah mapang khawm pha mahmah hi. Laisiangtho gelhte‟ lungsim huzaap hi. Khazih nuntakna vangliatna tawh dimh hi. Mihing tampite kiphawk thei sak a, athumangte thaksuak sak in Amah mah bangin puahpha hi. Ata te tawh omkhawm dingin Pa leh Tapa in hong puah hi. Pawlpi tung ah Khasiangtho silpiakte pia in, Khazih‟ teci pang dingin vangliatna pia a, Laisiangtho tawh kituak in thumann khempeuh ah makaih hi.” 

Laisiangtho lui sung ah, Pa Pasian sepna bawlnate ih mu diak a, vai khempeuh ah mapang hi. Laisiangtho thak, lungdamna thubute diak ah, Zeisu sepna bawlnate kimu diak leuleu hi. Zeisu nuntakna, sihna, leh vantung a mapanna vai teng tawh Laisiangtho kidim hi. Laisiangtho lui leh thak ah Khasiangtho nasepna kitang gen phalo diak hi. 

Hih thu ahang pen Khasiangtho in apangpi mun ah kilaak tuanlo ahih man ahihi. Muhlohna mun ah gamtang bang dan in kilaak hi. Pa leh Tapa kitang gen diak hi. Ahang pen Khasiangtho in amah hi lo in Zeisu leh, Zeisu in eite ading a asepna hong kawh muh hi. 

Kha Siangtho nasep ih sin ciangin, ei kha lam nuntakna vai ah piding ahihna ih mu ding hi. Pasian mah ahi Kha Siangtho in Pasian pen mite‟ tel theihlohnate khempeuh ah ih tel theih nangin Pasian amuanhuaizia picing takin hong lak hi. Kha Siangtho in Laisiangtho agelhte humuap a, tua Kha Siangtho mah in tu in Ama humuapte ih sinnate ah hong theisiam sak hi. Kha Siangtho in Zeisu Khazih lungmuanna hong pia a, (Rom. 8:16), ih sung a Pasian nasep kilangh sak hi (1 John 3:24). Kha Siangtho in zong mawhnate pan hong siangsak in siansuahna hong pia hi. Note hong kisawp in Topa Zeisu Khazih leh Pasian Khasiangtho sung ah hong kisiansuah a, diktanna hong kipia hi)” (1 Cor. 6:11, RSV). Kha Siangtho in khantawn sianthona ah khantohna piangsak a, ih sung ah Khasiangtho gahte piangkhia sak hi - “itna, lung damhna, lungmuanna, lungduaina, lungnemna, hoihna, muanhuaina, picinna, pumpi deihna khamnate ahihi.” (Gal. 5:22, 23, NA SB).  

Khasiangtho pen hong phonglo ding a hong kipia hi a, tua lo in Khazih hong kipumpiakna in manh nei lo ding hi. Siatna‟ vangliatna in akum za sim in tha tawm khin a, Satan matcipna sung a mite kipumpiakna pen lamdang mahmah hi. Mawhnate pen Too thumna‟ vang bek tawh kidal in ki zothal thei bek a, Amah in thudangte tawh hi lo in Pasian vangliatna buppi tawh hong pai ding hi. Leitung tanhkhiaPa‟ hong patkhiat apicing sak pen Khasiangtho ngiat ahihi.” E.G. White, Khangcin‟ lunggulh, D.A., p. 671. 

Thu um mite nuntakna sung ah apoimawh ama huzaapna in tu quarter sung a sinnate Kha Siangtho silpiak sung a, ih neih lianpen ih telsiam zawk nang in hong panpih ding hi. 

Frank M. Hasel, Ph.D., in Europe a Austria gam Bogenhofen Seminary a Pasian‟ thusinna lam makaipi hi a, tua mun a om Ellen G. White study center ah zong thuvanpipa ahihi. 2009 kum in azi in cancer tawh nusiakhin hi. Tua hun a kipan amah in Pasian hoihna athak in hong muang thei sem a, ama nuntakna sung ah nisim in Khasiangtho hehnepna, lungmuanna leh puahphat semna ngah to semsem thei den hi. 

===============