Kamngah: "Khasiangtho’ gah in itna, lungdamna, kilemna, lung duaina, mi hehpihna, gitna, diktatna, lung nemna, pumpi deihna kham-nate ahi uh hi. Tua bang a agamta mite thukham in akhamm kei hi." (Gal. 5:22, 23. NASB).
Khasiangtho gah in Christian nuntakzia a akitangsamh ngiat teng ahihi. Nungzuipi Paul in hih gahte nam 9 in akhen hangin agah hi a, pum khat sung a akihelkhawm teng bang a ih muh ding ahihi. Khasiangtho gah in Khasiangtho silpiakte leh talent te tungtawn a apiang thei thute agen hi bek mawk lo hi. Topa adingin koici nuntak cih hong lak hizaw hi. Ami kua hiam cih hong thei sak hizaw hi. Gal. 5:22, 23[1] sung a kikhil suk thu hoih thuphate Zeisu Khazih ah omkim hi. Tua hi a, Khasiangtho gah icih in ih sung a tengg Zeisu khazih' nuntakzia hi a, Khasiangtho vangliatna tungtawn a hong piangthei thute ahihi.
Khasiangtho gah pen mihing hanciamna tungtawn a kingah hi lian lo hi. Ei lungsim hatna tawh apiang thei ciang zong om thei mah hi. Ahi zongin Khasiangtho in ih sung a hong sepna tawh akibangh hi lo hi. Ei hihtheih ciang pen kimanna nei lo gahte bang ahihi. Kimanna neilo gahte pen bawltawm gahte ahihi. Agamla pan in etlawm veve ahih hangin alimna pen teh theih hilo hi. Agahte pen akibawlkhia tawm hilo hi. Kikholhkhawmna pan a hong piang ahihi. Khasiangtho in Zeisu tawh ei hong zopkhop ciangin, Ama kammal Laisiangtho tungtawn in ih nuntakna ah Ama zialehtongg te hong kilangh ahihi.
*Feb. 18, Nipini adingin tu kal sinnate hong kiging in maw.
Nimasani (Sunday) Feb. 12
John 15:1-11 sim in. Anungta lengguipi ahi Zeisu tawh kizopna pan bek in bang hang a gah hong piang thei pan hiam? Zeisu sung ah belh cin-ten ding bang hang in thupi mahmah hiam? Ama sung ah koici belh ding ih hi hiam?
__________________________________________________________________________________________________________________________________________________________________________________________
Christian gah diktak gah theihna thusim masapen in Khazih belhna ahihi. Khazih lo tawh, kha gah diktak kinei thei lo hi. Khasiangtho gahte apualam pan a gah theih hi lo in Khazih ih sung a hong nuntakna pan hizaw hi. John 15:1-11[2] sung ah, Zeisu in gah igahna pen lengguipi ahi Khazih nuntakna pan ahiangte ahi thu-um mite tungtawn a hong luanna hang hi cih hong gen hi. Tua gahte akhan theih nangin Khazih tungtawn a Pasian nasep ahihi.
Thu-um mite masuanpi pen in Khazih belh cin'ten ding ahihi. Ih ngaihsutna ah Khazih tengg leh ih gamtatnate ah Amah muh theih hong hi ding hi. Zeisu in eite sung ah hong nungta hi. Khazih nuntakzia ei nuntakna ah hong kilangh in, Ama ziate ei zia hong suak ding hi. Khasiangtho gah ih cih pen Khazih zialehtongg hi a, Khasiangtho in Khazih nungzuite sung a apian sak ahihi. Khazih ih sung ah hong ten ciangin Khasiangtho tawh ih kalsuan ding a, cilehsa deihnate kisem kibawl nawn lo ding hi” (Gal. 5:16, NASB).
Zeisu cihna ah singkung hoih in gah hoih gah a; anget singkung in gahpha gah lo ding hi. Akung hoih in agah aphalo gah, gah theilo a, sing-kung nget in gahpha gah theilo hi.” (Matt. 7:17, 18, NASB). Gah hoih gah pha in Khasiangtho tungtawn a Zeisu tawh kikholhna tung pan a hong piang agah ahihi. Ih lungsim sung a Khasiangtho hong huzaapna tawh ih mapan ciangin ih nuntakna ah Khasiangtho gahte hong kilangh ding hi. Zeisu' zia leh tongg sun in ih zia ih tongg Khazih a bang in hong kikhel ding a; igen ihawm, isep ibawl leh ih ngaihsutnate nangawn ah Khazih isunn ding hi. Khasiangtho in gualzo tak a nuntak theihna vang hong pia in Pasian tate' zi-alehtongg hong neithei sak ding hi.
2 Timo. 3:5 sung ah, nungzuipi Paul in, "Amau apicing sak vaangg nial in biakna vai tak a, gamta mi pawlkhatte thu na gen hi" (NLT). Biakna vai nuntakna leh Khasiangtho adim nuntakziate’ kilamdanna bang hi-am? Ih nuntakzia ei leh ei kikoici muh thei ding?
Ninihni (Monday) Feb. 13
Gal. 5:22 leh 1 Cor. 13 sim in. Bang hang in itna pen Khasiangtho gah thupipen khat suak hiam? Koici bangin itna in hih gah tawh kisai vaii teng sukha kim hiam?
__________________________________________________________________________________________________________________________________________________________________________________________
Itna in etlawm tak in tua gah i vaidang teng makaih in lomhkhawm in picing sak hi. Adang teng pen itna' omzia tuam-tuam teng bang khat hong suak hi. Pasian in ki itna hi a, (1 John 4:8), Chrisitian omzia thupipen zong itna mah ahihi (1 Cor. 13:13). Pasian itna in hoihna dang teng‟ bulpi leh phulkhiatna ahihi. Khasiangtho tungtawn in Pasian‟ itna ih lungsim sung ah hong ki sungg hi (Rom. 5:5). Itna in Pasian tate ihihna alak ahihi.
Hih itna in mite kipaktatna kheng hi. Mihing hanciamna tawh apiang thei hilo hi. Khazih sung ibelhna tungtawn ahihi. Hih bang itna pen ei ki-lawmna hang hi lo in hong kideih piak ahihi. Tua in kikhel sak theihna vangg nei hi. Anun nem ahat akhauh pianphung anei Pasian itna in mawhne-ite kisiikna lam zuatpih in aphazaw lunggulh sak hi. Itna in nidang a aki gal-neihte nangawn kigawm kik thei sak hi (Luke 6:27, 28; Rom. 5:8). Tua bangin, khat leh khat kitna tungtawn in Christiante pen Zeisu Khazih i nungzuite ihih lam mite in hong thei ding uh hi (John 13:35). Hih itna gah in Christiante midangte tawh kitelsiamna leh kideihsakna lam ah hong kha hi.
Itna vai kigencianna pen 1 Cor. 12 leh 14 kikal alian 13 ah na om a, lunglawp huai khat suak hi. Tua tegel pen Khasiangtho silpiakte‟ vai ahihi. Alian 13 pen Khasiangtho gah vai ahi: itna vai ahihi. Silpiak thupi zaw te nangawn itna lo tawh bangmah hilo hi. Khasiangtho gah lo tawh Khasiangtho silpiakte in vangg nei lo in Pasian geelna bangin thupha suak theilo hi. Itna in Khasiangtho gah sung a om teng khuikhawm, matkhawm in pumkhat asuah, isep ibawl khempeuh apicing sak ahihi.
Na nuntak sung itna vai ah na picinlohna aom kha hiam? Nisim a na kimuhpih mite tung ah itna na neih theih nang in Khasiangtho in itna tawh hong dip nang in ngen in. Pasian in mite tungtawn in hong itna hong lah lam phawk in. Midangte tung ah itna koici lah ding? Khasiangtho gah sung a kigen gah dangte, itna in koici sukkhak hiam?
Nithumni (Tuesday) Feb. 14
Lungnopna, Lungmuanna (Kilemna),leh Lungduaina (Thuakzawhna)
Rom. 14:17 sung a: “Pasian gam in nekleh-dawn hilo a, Khasiangtho sung a dikna, lungmuanna, leh lungnopna ahihi” (NASB). Tua hi a, lungnopna in Pasian thuphate tung ah, itna tungtawn a sepkhiatna, alian mah-mah Pasian hehpihna leh maisakna vaite ahi hi.
Mihingte lungnopna pen leitung vaite tungtawn hi a, kiim leh paam omziate tawh kipaikan thu ahihi. Khasiangtho gah sung pan a hong piang lungdamna, Pasian leh Ama hong sepsaknate‟ tungtawn ahihi. Ih kiim ih paam tawh kisai hi lo hi. Pasian mite ihih man a alungdam dingte ihihi. Nui thapai ding cihna hi lo in kimaitai den thei hi. Pasian ih muanna in gen theihloh zah a lungdam-dingte ihihna thu, eite ading leh ih sung a hong sep-sak thute hangg ahihi. Upmuanna picing ineih ciangin khalam lungkimna inei thei hi.
John 14:27 pen Rom. 14:17 tawh simkhawm in. Lungmuanna leh Khasiangtho nasep ki koici zop hiam?
__________________________________________________________________________________________________________________________________________________________________________________________
Lungmuanna pen lungnopna sangin sawt vei kinei thei zaw hi. Lung-muanna pen To Zeisu sung a upmuanna tungtawn a diktanna ngahna pan ahihi (Rom. 5:1), Pasian sung ah ih lungmuan ciangin, Khasiangtho in mi tawh akilem, mi lungduai hong suah hi. Khasiangtho tungtawn in lungmuan-na-Pasian in eite tawh (Philip. 4:9) hong omkhawm ding a, mi tawh kikam-tam, kigalneih, cih te hong om nawnlo ding hi. Lungmuang takin mi khempeuh tawh ikikhawl theita ding hi (Rom. 12:18),
2 Pet. 3:9 sim in. Lungduaina in Pasian zia koici bangin kilangh sak hiam?
___________________________________________________________________________________________________________________________________________________________________________________________
Lungduaina pen mihingte zia ah akilangh-vatlo zia khat ahihi. Mite thu omziate tawh deih abat loh hun ah zong, kikholh-khawmna ahihi. Haksat hun nangawn in ei bek ihi kei hi. Pasian in Akhasiangtho tungtawn in hong ompih a, hun tawp misiangthote‟ zia ahi thuakzawhna hong nei-thei sak hi (Mang. 14:12). Ngimna kician neite bek in thuakzo thei uh hi.
Lungdamna, lungmuanna, leh thuakzawhna gahte bang zah na nei ngei khin hiam? Bang pen kisam lai pen na hi hiam?
Nilini (Wednesday) Feb. 15
Dikna (Mihehpihna), Lungnemna,Hoihna(Migitna), Muanhuaina1 Cor. 13:4 sim in. Dik-takpina in midangte tung ah etlawmna bangh hang in hong pia hiam? Mihingte tawh aki thuahna vai ah Pasian’ dikna koi ah na mu hiam?______________________________________________________________“Dikna” cih kammal pen Pasian mite tawh aki thuahna thu ah kizangh munn hi. Lungnemna pen mite tuahsiatna vaite ah ih omzia zong ahihi. Ih khialhnate ah Pasian pen thuak-hak ih sa kha phial zongin itna tawh adim Pa in Atapa abawldan ahihi (Hos.11:1-4)[4]. Ih Christian teci panna pen lungnem-lohna sang a hong guallel sakzaw thudang omlo kha ding hi. Ih lungnem nangin sum akisap loh, abei loh hangin mite lungsim kongkhak hong thei hi. Hilhna taina ah ih khauh mahmah hangin, akhialhnate uh leh athupiangte mah tawh amau tung a ih dik-loh kuul tuanlo hi. Lungnemna tak tawh hilhna taina pen omzia picinna lianpen hikha zawlai thei ding hi.Eph. 5:9 sim in. Hih thu ah hoihna tawh bang hong ki pawlkhawm hi-am? ________________________________________________________Hoihna in itna omzia ahi hi. Khasiangtho gah ahi hoihna tawh akhangkhawmte‟ lak ah ahoih apha gamtatnate zong kihel hi. Sepna bawlna tawh akilak hoihna ahihi. Khasiangtho ih sung ah hong om ciangin ih kikholh pih mite tung ah hoihna hong luangkhia ding hi.Gal. 5:22 sim in. Pasian tawh ih kalsuan-khopna ahi Christian nun-takna ah bang hang in muanhuai a cihtak ding thupi hiam?______________________________________________________________Hih mun a ih gen thu pen Khasiangtho tungtawn a hong piang gamtat kampau omziate ah cihtakna ahihi. Cihtakna in muanhuaina ahihi. Acitakte in akamciam bang un sem uh hi. Muanhuaina pen Zeisu Khazih i omzia khat hi a, “amuanhuai teci” kici in (Mang. 1:5, NASB) Pa Pasian in akamciamte kemcing in Amasuan ah muanhuai hi (1 Cor. 1:9, 10:13, 1 Thess. 5:24; 2 Thess. 3:3). Ih muanhuai ciangin, Pasian limleh-mel asunn ihihi. “Athupi gualzawhna ngahnavai hi pah lo in, ih sepkhiatna ah ih lungsim puak pen Pasian tehzia ahihi. Asepkhiatna sangin hoihna leh muanhuaina thupi-sakzaw hi” -- E.G. White, 2 T pp. 510, 511.
Ningani (Thursday) Feb. 16Lungnemna Leh Kidopsiamna
Lungnemna Leh Kidopsiamna
Gal. 5:23 leh Matt. 5:5 sim in. Khazih abang Christian makaihna ah bangh hang in lungnemna thupi mahmah hiam?
__________________________________________________________________________________________________________________________________________________________________________________________
Lungnemna pen thanemna hilo hi. Meidawina leh makaih theihlohna zong hilo hi. Moses bang leitung a lungnem-penpa na kici zawsop na pi, (Gam. 12:3)[3]; anasia Pasian mite makaipipa ahihi. A lungnemte phun', kitot, hat lo in angsung vai lo uh hi. Lungnem takin gamta uh hi. Apualam a nun-nemna in asung lam upmuanna leh khamuanna(kimuanna) lak a, ei kimuang hilo in, isung a nasem Pasian' vangg muanna ahihi. Atamzaw ah, ahangsan, aphun-hat, leh akitull-mawhte pen aki muanglo, ameidawite hizaw hi.
Gal. 5:23 leh Paunak 16:32 sim in. Ih kidop siamloh ciangin bang thu nawngkai hong om hiam? Kidop siam a, akilawm akituak a ih nuntak ciangin bang thupha teng kisang hiam?
__________________________________________________________________________________________________________________________________________________________________________________________
A nanung pen Khasiangtho gah in kidop siamna ahihkeh kideek kidamna ahihi. Hih mun ah ih kidop kul a, ih kizawh nang in hanciam tek hilo ihi hi-am? Mi khat in khuapi khat a uk theih ma in mihon khat, pawlpi khat, ama ngaihsutna a uk phot kisamh hi. Kidop ding pen neek leh dawn vai bek ah hilo in vai khempeuh ah kisamh hi.
Atung a thute khempeuh pen Khasiangtho gah khat sung pan vive ahihi. Laisianghto in ih sung a Pasian nasep agen ciangin siangtho nuntakzia hi ma-sa a, biakpiakna' omzia hilozaw hi. Aneng atawng khempeuh a Khazih sutna pen thu-um mite adingin thupi hi. Khasiangtho gah pen mun citeng ah muh theih hi a, apawlpi ah kithutuahna muhtheih in piangsak hi.
Na kidawpsiam ding akisap zawk laina thute ngaihsun in. Apang khat ah hoih in apang khat lam bel hi phalo zel hi. Pasian vangliatna tung-tawn in, vai khempeuh ah bang hang in kidop kul hiam? Nipini ciang nadawnna hong keng in.
______________________________________________________________
Kiginni (Friday) Feb. 17Ngaihsutbeh Ding:“Tu lai kamzat in Gal. 5:22, 23 pen hih bang suak kha thei ding hi: "Khasiangtho' gah icih in adeihsak, ait thei, lungsim hoih, alungdam thei, lungsim picing' leh ngaihsut picing, thu nawngkaite leh mi nainawngte thuak'siam in mite theisiam tak in hehpih a etlawm takin paupih siam a, cinghh tak a ngaihsutna leh mihingte it' ngiatna, bang ci hun ahi zonghin muanhuai-denna midangte lungdamh nading a kipiakna, na khempeuh ah angsung vai omlo in kikep siamna in picinna taktak ahihi. Hih in Khasiangtho gah i omzia ahihi. Gah icih ah hih te khempeuh kihel kim hi. Hanciamna tawh hilo in Ama tung a kingakna tawh hi a, lungkhamna tawh hilo in muanna tawh hi a, sepna tawh hi lo in upna tungtawn ahihi." -- S. Chadwick, in Arthur Walkingtong Pink, The Holy Spirit (Bellingham, Wash.: Logos Bible Software, n.d.), chapter 30.“Thumann deihna lungtang naneih ciangin, thumann sung ah na kalsuan ding hi. Zeisu sung a na neih lametna thupha gen in na nei ding hi. Itna lungsim na neih leh, asiangtho upmuanna sung ah na mipihte na huaai ding hi. Na lawmte tatkhialhna vai gensia kha kei in. Galpa nasep ahihi. Hong genkhate kiang ah zong tua bang gen ding Topa'n deih lo, cih gen in.” -- E.G. White, He Shall Receive Power, p. 76.Kikup Dingte:1. Ningani dotna nunung a, kikep-siamna vai kikum ni. Hehpihna tungtawn a hotkhiat ihih leh bang hang a mawhna tungtawn a gual-zawhna in bang thupitna nei hiam? Judas thu ngaihsun in, duhhop mawhna in bang suah hiam? Mawhna tung a gualzawhna vai ama tung pan bang sinna ngah thei ding ihi hiam? Tua ban ah, E.G. White in hih vai bang hong hilh beh hiam? "Zialeh-tongg hoih lo, mawhnopna lung-sim ineih leh, lungdamna thupha’ vangliatna beimang sak ding hi." -- 5 T p. 53.2. Khasiangtho silpiakte sangin Khasiangtho gah bang hangin thupi zaw hiam?3. 1 Cor. 13 agingkhia in sim in la, akhiatna gen in. Paul in bang dia itna vai limgen mahmah hiam? Itna lahna vai Paul gen bangin koici bang a it thei ding ihi hiam? Angsung vai ah si a Khazih belh ding, ih huatte it’ ding vai bang hangin phamawh mahmah hiam?
Bible References
- 22 Ahi hangin Kha gah in: itna, lungnopna, kilemna, thuakzawhna, citna, hoihna, muanhuaina, 23 migitna le pumpi ukzawhnate ahi hi. Hihte a langpang ding thukham a om kei hi. 24 Christ Jesu aa ahite in tua mawhdim pianngei deihna le a lunggulhna teng tawh a kilhlum zo uh hi. 25 Kha hanga nungta i hi nungsangin Kha tawh kalsuan khawm ni. 26 Eite khat le khat kimisak, kihehsakin ki-eng kei ni.
- 1"Keimah lenggui taktak ka hi-a, ka Pa, tua lo neipa ahi hi. 2 Kei sungah oma, a gah lo hiang peuhmah a sattan hi; a gah hiang peuhmah tam a gah zawk nadingin heuhin a hahsiang a hi. 3 Note tungah kong gensa thu hangin na siang khin ta uh hi. 4 Keima sungah om un, note sungah ka om ding hi. Amah beka gah thei hiang a om kei hi. A guipi-ah a om pelmawh kul hi. Note zong keima sunga na om kei uh leh na gah thei kei ding uh hi.
5 "Keimah, lengguipi ka hi hi. Note hiangte na hi uh hi. Mi khat kei sungah oma, ama sungah kei ka om leh gah tampi a gah ding hi. Kei loin bangmah na hih thei kei uh hi. 6 Mi khatpeuh kei sungah a om kei leh amah, a kipaimang a vul hiang tawh kibang hi. Tua bang hiangte kitawmin mei sungah kikhula, a kangtum hi. 7 Kei sungah na om uh a, ka thute no sungah a om leh na ut peuhpeuh uh na ngen un; hong kipia ding hi. 8 Note in gah tampi na gah uh a, ka nungzuite na hina uh na lahna uh, ka Pa minthanna ahi hi.
9 "Ka Pa in kei hong itsa bangin note kong it zo hi. Tu-in ka itna sungah om un. 10 Ka Pa thupiakte manga ama itna sungah ka om bang tektekin, kong thupiakte na man uh leh ka itna sungah na om ding uh hi. 11 Ka lungnopna note sungah om a, note lungnopna a kicin theih nadingin hih thu kong gen zo hi.
- (Moses a lungnem mahmah mi khat hi a, leitungah om mi khempeuh sangin a lungnem zaw hi).
- "Israel a naupan lai-in ka it a,
Egypt panin ka tapa ka samkhia hi.
2 Ahi hangin Israel ka a sap semsem ciangin
kei b kiang panin gamla pai semsem hi.
Amaute in Baal-te tungah biakna pia uh a,
milimte tungah gimnamtui a hal uh hi.
3 Keimah in Ephraim lampai kisinsakpa ka hi-a,
a bante un amaute ka zam hi;
ahi hangin amaute a damsakpa ka hilam
a phawk kei uh hi.
4 Mihing migitna khauzente in amaute ka makaih a,
itna in ka khih hi;
a ngawng panun hakkolte ka sankhia a,
amaute vak dingin ka kunsuk hi.
- 22 Ahi hangin Kha gah in: itna, lungnopna, kilemna, thuakzawhna, citna, hoihna, muanhuaina, 23 migitna le pumpi ukzawhnate ahi hi. Hihte a langpang ding thukham a om kei hi. 24 Christ Jesu aa ahite in tua mawhdim pianngei deihna le a lunggulhna teng tawh a kilhlum zo uh hi. 25 Kha hanga nungta i hi nungsangin Kha tawh kalsuan khawm ni. 26 Eite khat le khat kimisak, kihehsakin ki-eng kei ni.
- 1"Keimah lenggui taktak ka hi-a, ka Pa, tua lo neipa ahi hi. 2 Kei sungah oma, a gah lo hiang peuhmah a sattan hi; a gah hiang peuhmah tam a gah zawk nadingin heuhin a hahsiang a hi. 3 Note tungah kong gensa thu hangin na siang khin ta uh hi. 4 Keima sungah om un, note sungah ka om ding hi. Amah beka gah thei hiang a om kei hi. A guipi-ah a om pelmawh kul hi. Note zong keima sunga na om kei uh leh na gah thei kei ding uh hi.
5 "Keimah, lengguipi ka hi hi. Note hiangte na hi uh hi. Mi khat kei sungah oma, ama sungah kei ka om leh gah tampi a gah ding hi. Kei loin bangmah na hih thei kei uh hi. 6 Mi khatpeuh kei sungah a om kei leh amah, a kipaimang a vul hiang tawh kibang hi. Tua bang hiangte kitawmin mei sungah kikhula, a kangtum hi. 7 Kei sungah na om uh a, ka thute no sungah a om leh na ut peuhpeuh uh na ngen un; hong kipia ding hi. 8 Note in gah tampi na gah uh a, ka nungzuite na hina uh na lahna uh, ka Pa minthanna ahi hi.
9 "Ka Pa in kei hong itsa bangin note kong it zo hi. Tu-in ka itna sungah om un. 10 Ka Pa thupiakte manga ama itna sungah ka om bang tektekin, kong thupiakte na man uh leh ka itna sungah na om ding uh hi. 11 Ka lungnopna note sungah om a, note lungnopna a kicin theih nadingin hih thu kong gen zo hi. - (Moses a lungnem mahmah mi khat hi a, leitungah om mi khempeuh sangin a lungnem zaw hi).
- "Israel a naupan lai-in ka it a,
Egypt panin ka tapa ka samkhia hi.
2 Ahi hangin Israel ka a sap semsem ciangin
kei b kiang panin gamla pai semsem hi.
Amaute in Baal-te tungah biakna pia uh a,
milimte tungah gimnamtui a hal uh hi.
3 Keimah in Ephraim lampai kisinsakpa ka hi-a,
a bante un amaute ka zam hi;
ahi hangin amaute a damsakpa ka hilam
a phawk kei uh hi.
4 Mihing migitna khauzente in amaute ka makaih a,
itna in ka khih hi;
a ngawng panun hakkolte ka sankhia a,
amaute vak dingin ka kunsuk hi.
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.