Sim Dingte: John 16:8-11; Rom. 5:10; Heb. 4:15, 16; 1 Pet. 5:8, 9; 1 John 5:12, 13; Late 31:24.
Kamngah: "Note in Khasiangtho vangliatna hang ah lametna pha tawh na dimh nading un, upna nei in lungdamna, noptuamna apawl-pawlte tawh na dimh na ding un muanna hong pia Pasian in lametna hong pia ta hen." (Rom. 15:13, NASB).
Tu quarter Khasiangtho leh kha lam nuntakzia thu sinna atawpna ah ih ngaihsut khak nai loh Khasiangtho' naseppi khat ih encian ding hi.
Zeisu in Pa kiang apai ding thu hong gen ciangin Khasiangtho paisak dingin kamciam hi. “Tua huhpa, Khasiangtho, Pa in ka min tawh hong puak ding a, na khempeuh hong hilh in kong gensate zong hong phawksak ding hi” ci hi (John 14:26, NKJV).
Zeisu genna ah, khasiangtho in, “huhpa” parakletos “hehnempa” “palai” ei aiawh a hong thuumsak ahihi. Tua palai sep ding zong Zeisu' gena ah: mawhna, dikna, leh thukhenna vai leitung “phawkkhia sak” ding ci hi (John 16:8, NKJV).
Nipini kal tawpna ni ciangin Khasiangtho nasep diakte ih tel et ding hi. Hih Khasiangtho in eite ading a anasep pen anasep dang thunihte tawh ki-koici zop a: hotkhiatna ngah kiciatna leh Zeisu Khazih nungzui ih hihna ah nuntak sungteng avanglian lametna lam hong zuatpih ahihi.
*Mar. 25 Nipini adingin tu kal sinnate hong kiging in maw.
Nimasani (Sunday) Mar. 19
Mawhna Kiphawk
John 16:8, 91 sim in. Athupi bang nasep Khasiangtho in eite adingin sem a, hih thu bang hang in thupi mahmah hiam?
______________________________________________________________
______________________________________________________________
______________________________________________________________
Zeisu in khasiangtho pen paraclete na ci a, akhiatna tampi nei thei in huhpa, palai, hehnempa cihna zong hi thei hi. Hih nasep thupi sepkhiatna vai ah Khasiangtho in sanggamte' mawhsakpa bang leh danpiapa bang in hong pai lo hi. Zeisu in eite mawhsak ding a hong sawl' hilo in, hehpihna aki tanggsapzia hong muthei sak ding hizaw hi.
Hehnempa bek mah huhpa in kisang ding hi. Christiante in deihsakna tawh ahi khaphial mah zongin mawhneite panpihna lam tawh hilo in mawh-sakna lam tawh vanai kha thei uh hi. Mite mawhna ih kawkk leh Zeisu hong sawl lohpi asem isuak hi. Ei mah zong mawhneilo hilo pi in mite mawhna kawk dingin kua hi mawk ihi hiam?
____________________________________________________________________________________________________________________________
Eite in Ama teci te ih hi a, amawhsakte ih hi kei hi. Ama hotkhiatna vangg teci pang ding a hong kisamm hi a, mite mawhnate akawkk ding ihi kei hi. Mite mawhnate theihsak ding ei nasep hi lo a, Khasiangtho nasep ahihi.
Mawhna phawk'sak ding pen hehnempa nasep ahihi (John 16:8, RSV). Anuntakna uh Zeisu a aaplote in mawhna bangh hiam cih ngaihsun kha lo uh a, asiathuai zia zong ngaihsun khalo uh hi.
Khasiangtho in mawhna nam tuamtuamte ban gen ding cihna hilo hi. Mawhna phungpi ahi Zeisu Khazih uplohna tawh bulpat hi (John 16:9). Ih hehpihhuai diakna thu pen ih kicinlohna hizaw lo in Pasian tawh iki gamlatna pan a honkhia ding a Pasian hong sawl Khazih san'lohna ahihi.
Mawhna vai athu poi bulpi pen Zeisu umlo ihih manin mawhna khialhnate pan hong honkhia thei omsunn anial ihihi. Ei mah ki thupisakpen kha in Pasian kammal nialna in mawhna ahihi. Eite tangg a Khazih hong sih-na tungtawn bek a kingah thei kisiikna leh hotkhiatna vaite Khasiangtho bek in ih lungsim leh ih ngaihsutnate hong thei hi.
Ninihni (Monday) Mar. 20
Dikna Kitanggsamh
John 16:84 ah Khasiangtho in mawhna vai leh dikna vaite leitung mite theisak ding hi ci hi. Kammal dang in gen leng, leitung in mawhna bang hi-am? cih thei lian lo a, dikna bang hiam? cih zong thei tuan lo hi.
Akikhel takpi lo te in puatham etlawmna phazo sa uh hi. Amaute in Pa-sian dikna lunggulh lo in amau dikna bek ngaihsut in nei uh hi. Amau gam-tatna tungtawn a piang Pasian thukhamte bang a thumanhna bek lunggulh uh hi. Ahi zongin, thukham tawh kituak a, thumang a omna in Pasian mai ah dik hong tanggsak thei ngeilo hi..
Isa. 64:6 sung a kamsangpa in ama hun lai a, mite bawltawm dik gam-tatnate pen “puansianin” na cihsak hi. Biakna vai tawh ahoihpen a ngaihsut diknate pen na lehpai a: diklohna ahihi.
Ahi zongin Zeisu dikna pen eite adingin kicing hi. Pasian thukham kalhna khempeuh cin'kim hi. Pasian mai ah santham cing hi. Zeisu Khazih upmuanna tungtawn in eite in zong ngah theih ahihi.
Nithumni (Tuesday) Mar. 21 Thukhenna Vai Teltheih Ding Thu
John 16:8, 11 sim in. Bang thukhenna vai Zeisu in agen hi mawk hiam? Hih thu khenna pen bang ci a lungdamh huai thu suak thei hiam?
____________________________________________________________________________________________________________________________
Khasiangtho nasep vai ih teltheih ding khat aomlai pen thukham vai teltheih ding thu ahihi. Hih mun tawh kisai genna hawmnate in ahilo lam hong zuatpih zel hi. Mawhna leh dikna vai kikupna ah Christian tampite in Khazih anial mite tung a thukham' vai vauna gen thei uh hi. Tua bang a gen uh ciangin a hongtung ding thukhenna vai mawhnei mite patau sak uh hi.
Tua thukhenna pen adik ahih hangin. Zeisu in John 16:11 ah agen tua vai hi lo hi. Mai lam hun thukhenna vai John 12:48 ah agen bang Topa'n agen hilo hi. Tua mun a Zeisu gen thu khenna pen Calvary a Satan' thu kikhen zota aci ahihi. Thumann langdo dawimang Satan pen hehpihna hun a nungta ahihi. Thu khen hun hong tung ding ahita zongin, hih mun a kigen thu pen hih leitung mangpa kithukhenna hi cih thu ahihi (John 12:31).
1 Pet. 5:8, 95 sim in. Peter in Satan vai hong koici hilh hiam? En koici mat koici dal thei ding ihi hiam?
____________________________________________________________________________________________________________________________
Dawimang in, ama hun tom cih thei a, Cavalry ah akizosa hi napi anung-ta lai ahihi. Amah sinthak in, atam theithei valhtum sawm hi. Amah bel zawhsa hi lel hi. Zeisu in gualzawhna tangg khin hi. Zeisu sisan in hong suakta sak hi.
Galpi nihna lai, Nazi galkapte pen France (piancit) gam June 6, 1944 a gal simna pan em'sa suak khin uh a, Hitler in gal lel cih theihsa ahi zongin, D-Day tawh kikal kha 11 sung (gal kidona vai kipatpi hun) leh VE-Day (May 8, 1945 Europe a gal venn hun) kikal pen cikziat-huaipen zawlai hi. Tua mah bangin Satan in singlamteh ah agual-lelh lam thei khin hi. Ahi zon-gin, lung ngol tak in do in atam theithei valhtum ding hanciam hi. Hih bang hun lauhuai sung ah eite lungnem tak leh kigingsa a Zeisu' tung ah ih khasiat ih lunglennate ingak ding ahihna thu in Amanh eite hong donn' hong khualna hangg ahihi (1 Pet. 5:7, 8).
Bang dia thukhenna pen lungdamna thu hi thei hiam? Hih thukhenna ah ei aiawh kua himawk hiam? Thukhenna vai ah launa sangin lametna kilangh thei sakzaw dingin koici bang genna hawmna nei thei ding ihi hiam?
Nilini (Wednesday) Mar. 22
Hotkhiat Kitelcianna
I John 5:12, 136; Rom. 8:15-177; leh 2 Cor. 5:58 sim in. Zeisu gumpa a ih san khit teh, nuntak tawntungna ngah takpi ding bangh hangin ci ngam thei ding ihi hiam? Hih bang a, cih ngamna thugui bangh himawk hiam?
___________________________________________________________________________________________________________________________________________________________________________________________________
Khasiangtho in mawhneite Zeisu kiang azuatpih ahihi. Eite tang a Zeisu hong sihna in Pasian tawh kilemhkikna hong pia hi. Zeisu' hong maisakna in Pasian tate banga nuntak thak nungta ding in suahtakna hongpia hi. Tu in Pasian galte ihi nawn kei hi (Rom. 5:10), Khasiangtho deihna bang in ih nungta a, (Rom. 8:4) Khasiangtho vai takin ih ngaihsun hi (Rom. 8:5). Khazih diehna bang ih zuih kei leh Ama tate hi lo in Amah tawh ih kipawl thei kei ding hi (Rom. 8:9). Tu in ahih leh ih sung a hong tengg Khasiangtho tawh sunglam kipawlna ih ngah hi. Eite Khazih tawh ih kipawlna teci hong pang a, Pasian gamh luah in Khazih tawh gamh ih luah khawm hi (Rom. 8:17). Sihna pan Zeisu atho sak avanglian nuntakna ei sung ah hong tengg a, khalam a asi kimlai hong nungta sak hi (Rom. 8:10). Tua thamlo in, Pasian tawh ih kipawl takpina hong picing sak hi. Eite hong kihotkhiatna thupha zaa a aum khempeuh in ih gam-hluahna thu akip akhosate Khasiangtho tawh Zeisu ah ih picing hi. Thu um mite khempeuh in hih lungmuanna ngah theih ahihi (1 John 5:12, 13).
Eph. 1:13, 14 9sim in. Khasiangtho tungtawn a picinna ngah icih in bang khiatna nei hiam?
__________________________________________________________________________________________________________________________________
Khazih asang takpite “Khasiangtho ah” piangthak uh hi. (John 3:3, 5). Khasiangtho in hih thu ih tungtang ah kipsak a, hotkhiatna ah lungmuang in Pasian' taa suahna ah lungdamna ih tangg hi. Khasiangtho in Khazih tawh kipawl in hong ciamteh hi. “Mi khatpeuh in Khazih lungsim bang aneih kei leh, Khazih tawh kipawl lo ahihi. (Rom. 8:9, NIV). Pasian pen hong it ih Pa ahihna thu ih phawk leh, eite in Ama tate ihihi. Khasiangtho in Amanh sun'hpi masa bangh hi a, piakkholh leh atawpna nihvei kumkikna ah hong kipia ding kamciam piakna bang ahihi (1 Cor. 15:51-54). Hih in upmuanna picing ciaptehna ahihi. Tua bang khamuanna nei lo pi in tapidawte in teci pan ding haksa mahmah hi.
“Tha sann vai, upmuanna leh lametna vaite gen in naneih uh leh Topa sung ah khuavak na hi ding uh hi. Khazih in na mai a akoih kuama khaktan theihloh akihongsa kongpi ngaihsun un. Pasian hun pha na piak leh siatna khempeuh pan hong huu ding hi. Galpa tuikhang bang a hong pai ciangin, Topa Khasiangtho in nang ading munsang hong bawlsak ding hi. -E. G. White, Adventist Tangko, RH, April 16, 1889.
Ningani (Thursday) Mar. 23
Khasiangtho leh Lametna
Rom. 5:4, 5; 15:13; leh 1 Cor. 13:13 sim in. Itna leh lametna kikoici naih uh hiam? Khasiangtho in eite itna leh lametna hong koici piak hiam?
__________________________________________________________________________________________________________________________________________________________________________________________
Khasiangtho in ih lungsim ah Pasian' itna hong sungg hi. Pasian tawh hong kizomh sak in ih sung ah Pasian' itna hong tengg sak hi. Pasian itna kip leh akikhel lo hong itna in eite lametna ahangg leh atawphah ahihi. Itna lo tawh lametna omlo hi. Itna in lametna picing sak hi. Pasian itna pen Ama cihtakna' muanhuaina tawh kizui in eite in Ama hong paikik ni ciangin Ama omna mun ah lah ding alamdang lametna ih nei hi.
Late 31:2410 sim in. Lametna in eite tung ah bang huzaap hong nei hiam?
____________________________________________________________________________________________________________________________
Lametna in lunglawpna piang sak a, tha thak guan hi. Lametna in lung-dam in la hong sa thei sak hi. Lametna in nuntakna ah aphamawh thu ahihi. Lametna lo tawh nuntak in bang kimanna nei hiam?
Lamet neihna in ahoihlam ngaihsutna tawh kibangh lo hi. Ahoih lam a ngaihsunte'n na khempeuh hoih semsem dingin: khua hun, nasep silbawl, pilna lam, sum leh paai vaite ah, ngaihsun uh hi. Lametna pen ahoih lam a ngaihsutna hi gummawk lo in, Pasian muanhuaina leh hong kam-ciamnasate ah kinga hi. Lametna in, Pasian in akamciamte tangtung sak ding cih lamen a, Amah muanhuai in thumann ahih man ahihi. Pasian muanhuai den a ciam-pel lo hi. Ama citakna leh Ama thu manhna in ih lametna' bulpi ahihi.
Ih lametna bulpi zong singlamteh a Zeisu ahihi. Singlamteh ih et ciangin, Pasian hong itna lian diktak vanggnei takin kimu thei hi. Sin-glamteh tung a ih mawhnate tangg a si, Zeisu in vannuai a tehpih omlo Pasi-an zia hong lak hi. Mawhna tawh adim mihing leh papo in hih azai vannuai ah lametna kimu thei a, ei sung ei sepna linlian te ah hilo in, singlamteh a hong kilangh ih Pasian ah ih mu thei hi.
Kumkikna lametna in amuanhuai Pasian kamciamte ah koici bangin kinga hiam? Lametna in ih nuntakna koici huzaap hiam? Lung kia mawk lo in lametna dim nuntakzia koici kilat sak thei ding ihi hiam?
Kiginni (Friday) Mar. 24
Ngaihsutbeh Ding: E.G. White in ateltuamte (selections of) pan, Ye Shall Receive Power, acihna sung a, October kha sung a te diakdiak ahi “Ready for the Spirit” na sim in.
Khasiangtho nasep atom in gen leeng, Khasiangtho in Pa Pasian leh Tapa Pasian tawh ki thuhual takin ih hotkhiatna picing sak hi. Khasiangtho in khalam sihna pan hong phong hi. Ih mawhbannate hong kitel sak in ei' omom in amangthang ihihna hong kimuthei sak hi. Ih sung ah kikhel-nopnalam, Zeisu Khazih' lam, ih sungtawngg lunggulhna lamah hong makaih hi. Hotkhiatna kitelcianna hong pia in, Zeisu kiang hong naih nuam sak a, Zeisu hong sepsak thute hong lak hi. Zeisu tawh hong kisunn sak semsem hi. Pasian tawh ih kalsuan-khopna ah hong citak sak hi. Pasian deihna bang hong semzo sak in Ama nasepna lam-ah hong mapang siam sak hi. Pasian kammal Laisiangtho eite hong kem sak in Christian nuntak leh thugui-khunte bulkip suaksak hi. Khasiangtho lo-tawh ei koi lam tung mawk ding? Khasiangtho lo-in ih septheih bang om peuhmah mawk? Ei hehpih-huai, mangthang in Pasian minthan nang bangmah sem theilo ding hihangh. Khasiangtho' hong sawl Zeisu tung ah lungdam hangh. “Khasiangtho in sil-piakte lak pan asangpen hi a, Ama mite tawi'sang theih nang Pa kiang pan ngetsak hi”. - E.G. White, Ye Shall Receive Power, p. 13.
Kikup Dingte:
1. Mawhna bangh hi a, dikna bang hiam cih ngaihsun pha ni. Ei, Chris-tiante, Laisiangtho pen Pasian kammal cih a umte in, mawhna leh dikna thu vai ih telsiang zia bang hang in kilamdang ding ahi hiam? Tua kilamdan-nate banghte khawng hiam? Mawhna thu leh dikna thu vai ah mundang pan a kigen lo Laisiangtho’ honghilh bangte khawng hiam?
2. Khasiangtho vai bangh thu pen nang adingin thupi diak cih kikum un. Bangh hangin tua pen thupi a, na nuntakna koici sukkhak hiam?
3. Zeisu sung a ih lametna thu kikum ni. Bang cia hih lametnate kinei thei? "Na lametnate ahang" (1 Pet. 3:15, NKJV) hong kidong leh bangci dawn ding, bang hang in maw? Na dawnna san’taak koici cin’sak thei ding nahi hiam?
4. Tu kal sinna sung ah, hotkhiatna ah kha muanna vai kigen hi. Bang himawk hiam? Ih neih leh bang hang a nei? Bang bulphuh kul? Kipum muanna tawh ki koici kilamdan’ hiam?
1 John16:8 Amah hong pai ciangin mawhna, thumaanna le thukhenna thu ah, leitung a mawhna a a laktel ding hi: 9 mawhna thu ah, mite in kei hong up loh hang uh ahi hi; ↩
2Rom 2:1Tua ahi ciangin midangte tunga na thukhenna mun mah ah nangmah a kimawhpaih na hih manin midang khatpeuh tunga thukhen nang in paulap ding na nei kei hi. Bang hang hiam cih leh nang a thukhenpa mah in tuate mah na hih hi.↩
3Matt 7:3 "Nang mittanga singpek ngaihsun loin bang hanga na sanggampa mita singatvui them en na hi hiam?↩
4 John16:8 Amah hong pai ciangin mawhna, thumaanna le thukhenna thu ah, leitung a mawhna a a laktel ding hi: ↩
58 No le no ki-uk zo unla pilvang un. Na gal uh - dawimangpa, a nawmvalh ding zongin humpinelkai bangin humhamin thamvak kawikawi hi. 9 Leitung bupa na sanggamte un zong no thuak banga a thuak lam uh thei na hi manun, amah do unla upna-ah kip un.↩
612 Tapa a nei mi in nuntakna a nei hi; Pasian Tapa a nei lo mi in nuntakna a nei kei hi.
13 Pasian Tapa min a um note in nuntak tawntungna na neih lam uh na theih nadingun no tungah hihte kong gelh hi.↩
7
15 Ahang in, note launa sila hong suaksak kik kha a sangte na hi kei uh hi; ahi hangin tapa-suahna h Kha na sang zo uh hi. Tua hi a, ama hangin eite in, "Abba, i Pa," i ci hi. 16 Pasian tate i hina eimau kha tawh tua Kha mahmah in teci a pang hi. 17 Tu-in tate i hileh gouluahte i hi hi. Christ minthanna eite in zong i tanhpih theih nadingin ama thuaknate i thuakpih takpi leh Christ tawh gouluah khawm Pasian gouluahte i hi hi.↩
8 5 Tua hi-a hih ding mah a eite hong bawl Pasian in hong tung ding khamkholhna-in Kha hong piakhol zo hi.↩
9 13 Note hong hotkhiatna lungdamna-thu, tua thutak thu na zak khit uh ciangin note zong Christ sungah hong kihuai khawm hi. Na up khit uh ciangin ciamtehna khat, hong kikamciamsa Khasiangtho-a kiciamtehsa na hi uh hi. 14 Tua pen ama minthanna pahtawi nadingin Pasian neihsate tatkhiatna dongin i luah ding hong kamciamna ahi, khamkholhna ahi hi.↩
1024 TOPA a lamen khempeuh aw, kihatsakin kilungkhauhsak un. ↩
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.