Sinna 1 Dec. 31 - Jan. 6
Sim Dingte:
2 Pet. 1:19-21; I Cor. 2:9-13; Late 119:160; John 17:17Kamngah: Pasian in Ama humuapna tawh hong piak Laisiangtho a om khempeuh in, Pasian mi in kicing a, ahoih na apawlpawl te asep theih nading a, akiging khol mi asuah nadingin; thuhilh ding, mawhnalak ding, dikna ding thu hilh ding, leh thumann thutak hilh dingin thupha abawl hi. (2 Timo. 3:16, 17, NKJV).
Laisianghtho in athu anuai a bangin hong gen a: “Laisiangtho buppi in Pasian humuapna tawh hong kipia hi a, Pasian mi in kicing a, ahoih na apawlpawl te asep theih nading a, akiging khol mi asuah nading in; thuhilh ding, mawhna lak ding, dikna ding thu hilh ding, leh thumann thutak hilh na dingin thupha abawl hi.” (2 Timo. 3:16, 17, NKJV). Laisiangtho
in Pasian kammal ahih man in hih thu tawh kituak a, Khasiangtho nasep tawh mite tung ah kilangh hi. Laisiangtho sung ah Khasiangtho in Pasian deihna hong lak a, Ama diksak nuntakzia hong lak hi.
Khasiangtho pen laisiangtho kipatcil lai bek a na asem hilo hi. Tu lai mahmah in zong vai tampite ah mapang hi. A thupi pen bel Pasian kammal sim a, ih telsiang nopna vai ahihi. Hih mun ah Khasiangtho ih kitangsamh hi. Hih Pasian Khasiangtho in Pasian kammal sannopna leh ih nuntakna ah athu bang a, tatnopna hong neisak hi. Tua bangin, Khasiangtho in Laisiangtho tawh eite khempeuh Khazih sung ah mithak asuak dingin hong zuun hi.
Tu kal sung in Khasiangtho in Laisiangtho tawh akizopzia ih sulzuih ding hi.
*Jan. 7, Nipini ading in tu kal sinnate hong kiging in maw.Nimasani (Sunday) Jan. 1
Khasiangtho leh Lahkhiatna
Pasian in Ama deihna mawhnei mihingte‟ tung ah muanhuai tak a apuak theih nangin koicih hiam? Khasiangtho‟ sepkhiatna tawh lampi 2 zang a: lahkhiatna leh humuapnate ahihi.Hih lahkhiatna vai ah mawhnei mihingte in amau thu tawh ahih theihloh uh ahih sak, alak dang khat aom‟ hong kul hi. Tua in, Khasiangtho in thumann hong hilh a, eite hong kigen‟ kul hi. (Gentehna in Dan. 2:19-23 na en in); tua lo in apian ngeina tawh kithei thei ngeilo hi.
Mangmuhna icih pen Pasian in Ama deihna mihingte tung a atheihsak dan khat ahihi. Hih kammal akhiatna bul in lakkhia, hoongkhia, aki immcip akiseelcip khat kitheikhia sak, cihna ahihi. Eite in tua bang lahkhiatna ih kisamh a, ciangtan om mawhnei, Pasian tawh aki khenkhia te hi in, ei theihtheihna pen tawm lua peuhmah hi. Ama deihna theithei dingin Pasian tung ah ikinga ngiat hi. Tua hi a, eite in Pasian hilo in, pianpih theihna tawm
bek nei in, Pasian hong lahkhiatna tung ah ih kinga hi.
2 Pet. 1:19-21 sim in. Laisiangtho genkholhna thute’ kipatkhiatzia hih thu in bang hong gen hiam? Pasian hong piak Laisiangtho thu in Laisiangtho’ thuneihna bangh hong gen hiam?
______________________________________________________________
______________________________________________________________
______________________________________________________________
Nungzuipi Peter in, laisiangtholui thute pen mihingte kiang pan a kipankhia hilo hong ci hi. Kamsangte in Khasiangtho‟ humuapna tawh agen uh thute in Pasian kiang pan ahihi. Athupuak amau kiang pan hi lo hi: mi gelh ahih hangin, “genkholhna thute mite deihna tungtawn a hong pai hi lo hi” (2 Pet. 1:21, NKJV). Laisiangtho in ih nuntakna ah thuneihna lian aneihna thu zong Pasian kiang pan ahih man mah ahihi.
Pasian in leitung ah Ama thu tangko dingin mihingte zangh hi. Tua bang dan a asem dingin, agelh ding hi lo in akigelhsa atangko dingin ei hong ki koici zat thei ding ahi hiam?
______________________________________________________________
Ninihni (Monday) Jan. 2
Humuapna icih pen, Khasiangtho‟ huzaapna tawh Pasian thupuak mihingte' tungtawn a aki piaksawnna thu genna ahihi. Khasiangtho humuapna hang in thumann thutak vai, genna hawmnate ah sinthu khat in tui bang luangkhawm hi. Khasiangtho in thumann thutak ahihna tawh (John 14:17, 15:26, 16:13), thutak sung ah hong makaih ding hi.
2 Pet. 1:21, Thuhilhk. 18:18, Micah 3:8, leh 1 Cor. 2:9-13 sim in. Laisiangtho agelhte leh Laisiangtho hong kipatkhiatna ah Pasian akihelzia hih munte in bangh hong gen hiam?
_____________________________________________________________
_____________________________________________________________
_____________________________________________________________
“Khasiangtho in hong makaihna bangin” (2 Pet. 1:21, NIV) cih kammal in humuapna ah Khasiangtho‟ panh-lakzia hong khauh gen mahmah hi. 1 Cor. 2:9-13 ah, nungzuipi Paul in Mangmuhna tawh lahkhiatna leh humuapna vai pen Khasiangtho nasep hi na ci hi. Ko nungzuipite tung ah Pasian in, mit in amuh ngeiloh nate hong lak hi, aneu 9 ah na ci hi. Pasian in Khasiangtho tungtawn a alah ahihi (1 Cor. 2:10). Nungzuipite in “hong kipia
khong nate ka theih nading un Pasian hong piak Khasiangtho ka ngah uh hi” na ci hi (1 Cor. 2:12, NASB). Tua khit teh aneu 13 ah “mihing‟ kammal mihing pilna tawh hi lo, khasiangtho‟ hilhna tawh, Khalam ngaihsutna leh khalam kammalte gawmkhawm in” humuapna vai hong gen hi (NASB). Paul in atangko thu koi pan a hong pai a, bangh ciangdong in thu nei cih lungheinei hetlo hi.
Laisiangtho sung mun tampi pen Pasian in alah ngiat ahih hangin hi kim lo hi. Khat veivei amau mahmah in limtak a angaihsut uh leh aomsa lai dangte khawng zatna tawh (Joshua 10:13, Luke 1:1-3) a thupuak kilangh sak hi. Tua bang dan in Laisangtho sung a thu om khempeuh akilakh leh humuap (2 Timo. 3:16) ahihi. Hih thu hang in Paul in akigelhte “khempeuh” in eite hong hilh in tua “Laisiangtho‟ hanthotna tungtawn in lametna ineih nang ahihi” na ci hi (Rom. 15:4, NASB). Kampauna tawh apiangsate, Pasian in atel mihingte tungtawn in mihingte kammal mah tawh muanhuai takin aki humuap ngaihsutnate gen in theisak hi. “Pasian in mihingte‟ tungtawn in Ama thumann mite kiang ah Khasiangtho tawh Ama na asem thei sak dingin hilh sawn hi. Agen ding, a at ding, thute ah alungsim makaih hi. Thu manpha mihingte tung ah kiaap a, ahi zongin van pan a hong pai thu taktak ahihi.” E.G. White, Teltuam Thupuakte, 1 SM. p. 2
Nithumni (Tuesday) Jan. 3
Mangmuhna tawh lahkhiatna ih cih pen, Pasian in ateeltuam mite‟ tungtawn a, thumann lamdang tak a hong lahna hi a, humuapna icih pen akammalte un Pasian thukimpihna angah nading un Khasiangtho in lai akigelhte adik aman takpi ding a, acin‟ akepna ahihi. Pasian in amann lo teci panna muhdah a, (Pai. 20:16) zuau thei lo hi (Heb. 6:18). Amah pen thumann Pasian kici hi (Late 31:5, Isa. 65:16). Tua bang mah in, Khasiangtho zong
“thumann khasiangtho” kici hi (John 14:17).
Late 119:160 sim in. Hih thu in Pasian hong lah thute vai bang hong gen hiam?
______________________________________________________________
______________________________________________________________
John 17:17 sim in. Pasian kammal tawh kisai in Zeisu in hih ah bang hong gen hiam?
______________________________________________________________
______________________________________________________________
Pasian kammal in muanhuai a, san‟n kim ding ahihi. Laisiangtho pen ei' sittel ding hi dih peuh mah lo a; Laisiangtho in eite thu sittel a, khen theih nading vangg nei hi. “Pasian kammal in nungta in vangg nei a, langnih a hiam namsau sang in hiamzaw in nuntakna leh lungsim, guhngek tangsung pailet in ngaihsutna leh lungsimpuakte khentel thei hi (Heb. 4:12, NIV).
Laisiangtho pen hun khat lai a, mihon khat, mun khat a ngeina khat sung a hong kigelh hi a (tua bang hi kei leh koici thei tuan ding?) cih bang thu peuh tawh Laisiangtho‟ thupuakte awlmawh loh ding hi peuhmah lo hi. Tua bang ngaihsutna hong lut leh, Laisiangtho pen mihing te‟n thumann vai angaihsutzia uh tawh khentatna hong suak hi. Tua bang hong pian ciangin, Laisiangtho um a kinei te in; ni guk sung a piansakna, leitung bup tuiciim tunna,
siangtho a Zeisu hong pianna, pumpi tawh Zeisu hong thawhkikna, pumpi tawh kumkiknate hong nial ta uh hi. Hih bang thute pen tampi lak a tawmkha ih gen pak hi a, mihingte in Laisiangtho‟ vai sittel a thu aki khen ciang a, apaihkhiat uh thu pawlkhat ahihi. Tua bang lampi ih tot hetloh ding ahihi.
Ih ngaihsutnate Pasian kammal tawh sittel zaw a, ih lehpai khak loh ding bang hang in thupi mahmah hiam?
Nilini (Wednesday) Jan. 4
Khasiangtho in Pasian kammal, lai a hong pia hi bek lo in ih telsiam nadingin hong huh hong panpih ahihi. Mihingte in thumann thutak telsiam theilo uh a, a pianphung ngiat uh ah Pasian tawh kigalneih uh hi (Eph. 4:18).
Tua ziak in Pasian kammal a humuap Khasiangtho bekmah in hong telsiam sak thei hi. Laisiangtho pen telsiam theihloh thu ahih man hizaw lo in mawhna abang mihingte ihih man a, Laisiangtho sung a hong kilaak Pasian atelsiam theilo ihihi.
Khasiangtho in Laisiangtho telsiam semsem a, Laisiangtho hang a lungkim mahmah te hong hisak nuam hi. Athumann Pasian kammal hong phawk sak in tua thutak telsiamna thak hong guan in, ih nuntakna ah muanhuaina leh Pasian deihna bang a itna tawh a thumang nuntakzia hong neisak nuam hi. Hih bang thu pen kiniamkhiatna tak leh hilhna om bang a, man‟nopna lungsim ineih leh piang thei bek hi.
1 Cor. 2:13, 14 sim in. Khalam thute khalam vai tawh ih ngaihtuah akulzia nungzuipi Paul in na koici gelh hiam?
______________________________________________________________
______________________________________________________________
______________________________________________________________
Laisiangtho ih telsiam nang in Khasiangtho tung ah ih kingak kul hi. Khasiangtho lo tawh Laisiangtho kammalte‟ khalam thu paizia cihte kitel siam theilo in adeihna kitel lo a, kammal khiatna bek kithei hi. Tua ban ah mawhnei mihingte pen Pasian thumann tawh kilangneih uh a, tellohna hang hi lo in zuih noplohna hang hizaw lai hi. Khasiangtho lo tawh Pasian
thupuakte kilunggulh thei lo hi. Tua hi a, lametna, muanna leh itna cih te phulkhia thei lo hi. Khasiangtho in Laisiangtho‟ tangko thumann tawh kituak in thu nungta suaksak hi.
―Laisiangtho’ hilh thute ah akitukalh aom hi lo zaw a, akhiatna deihkaih nopna leh khalam mittawtnate hang hizaw hi. Mihingte in amau deihkaih ngaihsutna hoihlo te zui in Laisiangtho genna awlmawhlo uh hi - E.G. White, RH Jan. 27, 1885. Na nuntakna ah laisiangtho hong lah thumann bang zuihna ding pan, na kihihsakna in hong koici nawngkai sak hiam? Bang ci bang thute ah nang deihna in Pasian thumann hong sangsak theilo hiam? Na khempeuh Pasian aap thei dingin koici kisin thei ding nahi hiam?
______________________________________________________________
Khasiangtho leh Topa’ Kammal
Laisiangtho sung a thu omte mihingte tung a akilangh sak leh ahumuap pa in Pasian kammal tawh kitukkalh in hong makaih ngeilo ding hi.
John 5:39, 46, 47 leh John 7:38 sim in. Hih munte ah Zeisu in bang thuneihna paulamh hiam? Zeisu pen Messiah ahihna thu Laisiangtho in koici kipsak hiam?
______________________________________________________________
______________________________________________________________
______________________________________________________________
Mi pawlkhattte in Laisiangtho‟ sianggen mahmah thute tawh kilehngat thute Khasiangtho‟ “theihsak tuam diakna” ngah bang in kigen thei uh hi. Amau cih dan hi leh Khasiangtho in Pasian kammal sangg in thuneihna sangzaw nei cihna suak hi. Pasian humuap leh akigelh Pasian kammal leh akitel mahmah thupuak aki guaksuaksak ciangin Pasian Khasiangtho‟ makaihna zui lo a, alauhuai mun abanpai isuak hi. Laisiangtho bek mah in ikha nuntakna
hong cingg hong kem ahihi. Laisiangtho bek mah in upna vai leh sepkhiatna vaite ah amuanhuai thukip ahihi.
“Laisiangtho tungtawn in Khasiangtho in lungsim lawng a, ngaihsutna ah thumann lunggulh sak hi. Tua bangin khialhnate pholaak a, mite nuntakna pan in notkhia hi. Hih thu in Pasian kammal tungtawn a Khasiangtho nasep hi a, Khazih in ateeltuamte Ama kiang azuatpihzia ahihi.” E.G. White, Khangcin‟ Lunggulh, DA p. 671.
E.G.White in kiciantak a hong genna ah, “Laisiangtho khengval in Khasiangtho kipia lo a, zong kipia ngeilo ding hi; bang hang hiam cih leh, Laisiangtho in teltak a agenna ah Pasian kammal pen thuhilhnate, mite tuahkhak thute telsitna thukip bulpi ahihi.” - E.G. White GC p. 9.
Pasian kammal khengg khia dingin Khasiangtho kipia ngeilo hi. Laisiangtho tawh kituak leh Laisiangtho tungtawn in Khazih kiang hong zuatpih a, Laisiangtho pen khalam thu ah amuanhuai thukip suaksak hi. Mi khatpeuh in Laisiangtho tawh akitukkalh thu hong gen leh tua mi in thumann agen lo ahihi. Eite in mi lungsim leh ngaihsutnate ih khentel thei kei hi. Pasian' thupaizia ih khentel thei a, Pasian kammal tungtawn bek a khentat ding ahihi.
Mi pawl khatte’n pawlpi sung ah Pasian kammal tawh kituak lo thute phuang nuam thei uh hi. (1) Tua bang a thudik lo aphuangte bang cih ding; (2) Tua thudik-lote koicih ding? ____________________________
Kiginni (Friday) Jan. 6
Ngiahsut Beh Ding:
E.G. White in „Kikingkalhna Lianpi‟ GC, sung „Laisiangtho kidalna‟ cih thulu sung pp. 593 - 602 sim in. E.G. White, “Note lungmang kei un” Khangcin‟ Lunggulh, DA pp. 662 - 680 zong sim in. Laisiangtho in hong hilh ahih man a, ih theih thumannte ngaihsun in. Gentehna in piansakna thu bang ngaihsun in. Pasian kammal in eite hong kipiansakna thu hong hilhna leh mihingte genna dan “the neo-Darwinian synthesis” acih uh bang e. Mihingte khialhzia endih ve. Kumkikna vai leh ni tawp ni cianga misite‟ thawhkikna vaite khawng. Hih thute ei zon'tawm theih hi lo hi. Hong kihilh hong kilah kul a; Pasian kammal Khasiangtho' humuapna tungtawn a itheih ahihi. Ataktak in, a thupipen thumann in; Zeisu Khazih in ei te mawhnate hang in si a, amah leh hong sepsakna thu ih upmuanna tungtawn a, hong kihonkhia hi a, ei thu a theih tawmm theih, zon'tawmm theih hi peuhmah lo hi. Hong kilak hong kitheisak ahih manin athei ihi hi. Pasian kammal in hong gen ahih man bek a itheih thudangte ngaihsun in. Hih zah a athupi thute Laisiangtho pan bek in kimu kingah thei
ahihna thu in, ih nuntakna ah Pasian kammal in thu lailii ahih akulna thu bangh hong gen, hong theisak hiam?
Kikup Dingte:
1. Bang hang in Laisiangtho in ei lungngaihna thute leh khalam thu tuamtuamte ah makai muanhuaizaw suak hiam? Laisiangtho pen thuhilhna khempeuh leh khalam vaite khempeuh ah abulpi leh avansat pipen a ikoih khak loh ciangin bang thunawngkai teng kituak thei hiam?
2. ―Thumann‖ cih kammal vai akizatna tampi ih za ngei tek hi. ―Thumann thutak‖ omzia amann leh amann lo cih bek hilo in ―mann ih cih ciang bang khiatna nei hiam? Thu khat peuh ―mann‖ ih cih ciang bang khiatna nei hiam?
3. Mi khat peuh in ―thu thak‖ nei ing, thei ing, acih leh pawlpi in koici ngaihsut ding hiam?
4. Laisiangtho in eite hong ki piangsak cih vai leh mihingte ngaithsutna’ kilamdanzia kawkkhia in. Mihingte ciimna in agenna ahi, piansawnna telsiamdan (evolutionary theory) nunung pen thu in Laisiangtho thupuak tawh kitukkalh ngiat mawk hi. Hih thu in Laisangtho
pen adang khempeuhte tung ah koih a ih muan ding ahihzia hong koici lah hiam?
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.