Sim Dingte: Sawl. 7:51; Heb. 10:24, 25; Eph. 4:25-5:2; 1 Thess. 5:19-21; Mark 3:28, 29.
Kamngah: "Tatkhiatna ni atun dongin note hong ciamtehna ahi, Pasi-an Khasiangtho na dahsak kei un." (Eph. 4:30).
K hasiangtho in mawhnei mite mawhnei ahih lam uh akiphawk theih nading un makaih thei hi. Ih mawhnate pan Zeisu leh hong maisak-na thu san nopna hong neisak hi. Khasiangtho in eite agualzote suak a, Zeisu pianzia hoih akilangh sak thei dingin teh theihloh vangliatna nei hi.
Tua kawmkal ah athaneem mihingte in tua Khasiangtho kinial thei leuleu hi. Thahat thuciam in ei hong bawl lo hi.
Mawhna in hong zol in hong lunglut sak hi. Ahi zongin khem siam mah-mah a sihna hong tun' hi. Pasian sianthona leh hoihna tawh kilehngat ngiat hi. Pasian sianthona ih sut ciangin mawhna namcin tawh aki lehngat hi a, Khasiangtho dah mahmah ,hi. Ahi zongin ih donloh ciangin hong khaktan lo hi. Khasiangtho bang zah in vang lian hi mah leh Ama hong huup hong naihna tha kibeisak thei a, mawhna sung a nuntakna tawh kinial thei hi. Lungdamhna thu sung ah aki maisak theilo mawhna om cih hong gen a: Khasiangtho gensiatna ahi hi. (Matt. 12:31, 32).
Tu kal in Laisiangtho sung a Khasiangtho tha beisak-theihna leh dahsak-na vaite leh aki maisak theilo mawhna vaite ih sin ding hi.
* Mar. 18, Nipini adingin tu kal sinnate hong kiging in maw.
Khasiangtho Nialna
Sawl. 7:51 sim in. Hih mun ah bang vauna kipia a, koici bangin tu lai eite ading zongh hi pah hiam?
__________________________________________________________________________________________________________________________________________________________________________________________
Laisiangtho sung ah Khasiangtho tung a mawhna nam tampi aki gen om hi. Tua te mimal mawhna vai hi a, mi hon vai zong om thei hi; Sawl. 7:51 bang en leng. Stephen in amah amawh sakte ngawng khauh na ci a, Israel te'n bawngno abiak vai vuah acih bang dan ahihi. (Pai. 33:3). Khasiangtho anialna uh pen Pasian kamsangte tungtawn a, Khasiangtho cih bang amang nuamlo uh ahih man uh ahihi. Tua bang a Pasian geelnate langpanna pan in Zeisu Khazih mahmah zong hong nial kha uh hi. Zeisu nung azuih tang un, pua tham biakpiakna pen anungta Pasian tangin zangh uh hi.
Pasian piansak leh Ama tung a kinga ngiat kimlai mihing mawkmawk te in Khasiangtho nasepna leh Pasian hehpihna anial hong suak uh hi. Vang lian mahmah ahih hang in ei deihteelna lo tawh hong zawh thawh bawl peuhmah lo hi. Ih deihteelna ngak ngiat hi.
Pasian in thahat thuciam in hih sawm leh Eden pan a Adam leh Evete' laipek pan na hih ding a, mawhna thubuai zong omlo ding hilo hiam? Pasian in suahtakna hong pia a, deihtel theihna hong pia in, nuntakna sihna, apha maw asia, tel khuan hong pia hi. Hih pen asiangtho leh amanh tam mahmah silpiak ahihi.
Mihing in ei teelna tungtawn in mawhpuak ih nei a, mihon zui in zong mawhpuak nei ihih manin: khat leh khat muanhuai tak a om ding, Pasian thu-mann leh Zeisu kiang zuan ding a, iki hanthot ding ahi hi. (Heb. 10:24, 25). Laisiangtho leh kamsangte thupuak ih nial ciangin Khasiangtho anial ih suak hi.
Tang lai Israel te en a, amawhnate uh ah mawh-kawk in mawhsak ding pen baihlam mahmah kha ding hi. Ih teelkhialhnate ngaihsun ni maw? Tang lai Israel te bangin mawhnate mipi kithei sak himawk leh na koici om ding hiam?
"Itna leh gamtatpha" lam ah midangte koici panpih thei ding ihi hiam? Midangte in itna leh gamtatpha aneih nang un ih sep theih bang om hi-am?
______________________________________________________________
Khasiangtho Dahsakna: Khen 1
Eph. 4:30 sim in. Hih mun ah Paul in Khasiangtho dah sak hetlo ding in hong khoo hi. Khasiangtho dahsak ih cih akoici bang dan hiam?
__________________________________________________________________________________________________________________________________________________________________________________________
Khasiangtho pen pumpi tawh hi a, hatna bang khat peuh hi mawk lo hi. Tua ziak mah in khasia thei hi. Eite in khasiangtho koici khasiat sak thei ihi hiam? Ih phawk ding ah Khasiangtho nasep pen mawhna hong muthei sak hi. Ih mawhnate hong mai sak a hong siansuah Zeisu kiang ah hong makaih hi. Tua ziak a, Pasian kha “siangtho” akici ahihi. Amah in mawhna hua cih-na ahihi. Ngaihsut gamtat kampau vaite khempeuh ah Pasian thu ih manh ciangin Amah lungdam hi. Pasian hong sapna tawh kituak lo a, ih om ciangin Amah khasia hi. Mawhnate kem gige in phamawh isak loh ciangin Amah khasia hi. Khasiangtho khasiatsak pen thu khawkk mahmah ahihi.
Eph. 4:30 a Paul gen Khasiangtho dahsakna vai pen Khazih lam ah ih kikhel ma leh ih kikhel khit thu agen ahihi. Khazih sungah mithak ihih mah bangin a lungduai, a diktat, a kiit, Khasiangtho sung ah pumkhat suak a, lungmuang tak a anungta dingte ihihi. (Eph. 4:2, 3). Khasiangtho thaksuah-sakna ngah in (Eph. 4:23), ih lutang ahi Khazih nung azui hi in (Eph. 4:15), Gentilete bang a, mawktat ihi kei hi (Eph. 4:17). Pasian deihna tawh kituak nuntak ih nungta hi (Eph. 4:24-31).
Hih alian 4 sung a thu hoihlote in ih lungtang ah mun angah uh ciangin ih kampau, ih gamtatte ah hong kilangh a, khasiangtho dah in khasia hi. Khasiangtho khasiat sakna ih cih pen mawhna sung ah nungta hamtang ihih man a, Ama hong puahphatna vai awlmawh lohna ahi hi.
Eph. 4:25-31 sim in la, Khasiangtho adah a khasia sak omziate agual in gelh in. Hih thute tawh Khasiangtho bang hang in khasia mawk hiam?
__________________________________________________________________________________________________________________________________________________________________________________________
Khasiangtho Dahsakna: Khen 2
Khasiangtho khasia thei cih hong genna ah Pasian in ih sep ih bawlte hong makaih nuam hi. Pasian pen ih nuntakzia le ih khentatna in sukha thei hi.
Eph. 4:25-5:2 sim in. Hih mun ah bangh sem bangh bawl dingin hong kisawl hiam? Laisiangtho’ deihna bang zui hileeng ih nuntak koici kilamdan ding hiam?
__________________________________________________________________________________________________________________________
Ahoih lam in gen leng: itna tawh thumann ih gen ciangin Khasiangtho lungkim a; mawhna hangin lungham a, ih mawh khak loh ciang; ei khut tawh sem in akitangsamhte ading a ih sep ih bawl ciang; mite a lungtai sak thute gen a, hehpihna thupha ih piak ciang; leh eite dik in lungnem in ih maisak ciangin Khasiangtho lungkim hi.
Christian minpua pong a, Ama hong makaihna leh Ama itna sung ah ih nuntak kei leh, Khasiangtho akhasia sak ih suak hi. Thumann saang in, ih nuntakpih loh ciangin; Khasiangtho ih dah ih khasia sak hi. Lungsim siantholohna in Khasiangtho dahsak hi. Ih gamtat khiatzia pen dikna lung-sim tawh akikhen loh ding ahihi. Ih nuntakzia ah Pasian tate bangin Zeisu ih kilatsak leh Pasian a lungdam sak isuak hi.
Eph. 4:3, 4, 15, 16, 32 sim in. Hih munte in Khasiangtho sung ah nun-takkhopzia hong bangci gen hiam? Khasiangtho adim nuntakna in mite sung ah hong koici kilat hiam?
__________________________________________________________________________________________________________________________
Eph. 4 sung mihon vai zong na kihel gige hi. Kipum khatna vai tam veipi hong gen hi. Paul in Khasiangtho ah kipum khat ding vai hong genna ah “khat leh khat kawmkal ah” Pasian nuntak bang a anungta ding ihihi (Eph. 4:32). “Khasiangtho ah kipumkhatna ih ngah nangin pawlpi sung ah khat leh khat kikoici zop ihi hiam? cih pen Khasiangtho khasiat sak loh nang thu ah vai thupi ahihi” (Eph. 4:3, NKJV). Khasiangtho biakinnpi ahi ih pum-pi sung ah khat leh khat kikoici bawl cih vai ah (1 Cor. 3:16, 17), Pasian lunghimawh hi. Khazih pumpi ahi pawlpi sung ah khat leh khat kikoici bawl cih pen Pasian Khasiangtho in athupi ngaihsutpen ahi hi.
Thumann, vantung mi thumte tangkona cihte theih huai mahmah a (Mang. 14:6-12), ahi zongin na dot ding dotna pen: midangte leh adiak in, na khut nuai mite, bang mah hong huh hong panpih theilote koici bawl na hi hiam? Bang mah hong thukkik zolo ding diakdiakte e?
Khasiangtho Mihsakna, Vennsakna
1 Thess. 5:19-21 sim in. Khasiangtho kikoici mihsak thei ding hiam?
____________________________________________________________________________________________________________________________
“Mihsakna” cih kammal in mei vai hong phawk sak hi. Tua bang kam-mal bul mah Greek ah na kizangh hi. 1 Thess. 5:19 leh Eph. 6:16. Hih thu pan in Khasiangtho vai pen mei bang a mihsak theih dan khat suak hi. Khasiangtho in athupi thu nih sem a: mawhna vai hong thei sak in, mawhna tung ah gualzawhna vangliatna hong pia hi. Anih un siansuahna thu tawh kizomh hi.
Pasian kammal tungtawn in, Khasiangtho in nuntak siangtho nuntak nang, ih theih ding a kisamh thute leh ih sung ah hong nuntakna tungtawn in hihtheihna tawh kikhelna vangg hong ngah sak hi. Khasiangtho ih mihsak khak loh nangin, “genkholhna thute thusimh loh khakloh ding” ahihi (1 Thess. 5:20, NASB). Paul in Thessolonian pawlpi mite kiang ah gen kholhna thute thusimlo khalo ding leh kantel ding in sawl hi
(1 Thess. 5:21). Khasiangtho mitsak khalo a, mihon vai ah Khasiantho' om-pihna ih ngaihsut ding hong gen hang in kan'tel akulna ah, hilhna diklo leh kamsang zuautheite in hong buaisak ding ahih man ahihi.
Kha khempeuh up ding muan ding hilo hi. Khasiangtho huzaap Laisi-angtho thu in khe ading in meivak hi a, lampi adingin khuavak ahihi (Late 119:105). Hih tungtawn in genkholhna thakte tehna khat ih nei hi. Laisi-angtho hun lai in meivakte ah mei akuang sak mei khau om a, zan a lampite ah khe adingin khuavak suak hi. Laisiangtho in “Khasiangtho sung ah kalsuan' (Gal. 5:25) zia ding hong hilh hi. Pasian kammal tung ah kinga a Khasiangtho' lunglut sakna tawh kizui in itat iheekzia ding hong lak hi.
Laisiangtho pen Pasian kammal hi ci a, aum a kinei mitampite in Laisi-angtho thuneihna omlo bangin amau nuntakna mahmah ah vangliatna taktak neisak lo uh hi. Pasian kammal thusimhlo a, ih awlmawh loh ciangin leh ei tung ah ih zat loh ciangin eite hong makaih dinga hong kipia hih meivak asumit amutmit gamtat hoih suanna lam ah hong heeikhia hi.
1 Thess. 4:7, 8 sim in. "Sianthona sung ah" hong kisam cih in bang khi-atna nei hiam? (NKJV). Na nuntakna ah siangtho nuntaak na nungta takpi hiam cih, koi lam teng khawng dot kul ding a, bang thu dot kul ding hiam?
______________________________________________________________
Khasiangtho Gensiatna (Samsiatna)
Mark 3:28, 29; Luke 12:10; le Matt. 12:31, 32 sim in. Mawhnate le sam-hsiatnate ki maisak thei ahih leh aki maisak theilo bang himawk hiam?
__________________________________________________________________________________________________________________________________________________________________________________________
Christiante‟ lak ah Khasiangtho gensiatna vai zah a ki theikhial leh akitel lo mawhna dang omlo kha ding hi. Pawlkhatte in Zeisu in mawhna nasia diak gennop nei hikha dingin ngaihsun uh hi. Mawhna pen akhawk diak aom mah zongin mawhna khempeuh Pasian adingin kihhuai lua mahmah hi. Zeisu in aki maisak theilo mawhna acih teh bang a gennuam hi mawk hiam?
Ataktak in bel hih munte in aki maisak theilo cilo in, aki maisak loding mawhna aci ahihi. Ih phawk ding ah: mawhnate aphawk angaihsun kha sak leh amai sak Zeisu asang nuam sak thu pen Khasiangtho makaihna hang ahihi. Tua ahih manin Khasiangtho gensiatna ih cih pen Zeisu hotkhiatna nasep awlmawh noplohna leh nialna ahihi. Mi khat peuh in Khazih leh Ama hotkhiatna leh hehpihna thu nial a angaihsut noploh ngiatna pan a apiang ahihi.
Zeisu gen pen mi khat peuh kampau siahuaite agen hilo hi. Khasiangtho gensiatna pen Zeisu nial a langdona lungsim puakna pan apiang ahihi. Khasiangtho gensiatna icih pen thupiang khat tungtawn a, piang hilo in, lungsimpuak pan a piang nuntakzia leh omzia ahihi.
“Adikna thu akimuh theih nading munte leh Khazih sepzia bawlziate vantung pan ahihzia teltheih nading munte keekmah ah, dawi vangliatna tawh asep hi ci zawsop lai uh hi. Hih thu in Khasiangtho tung ah mawhna ahihi.” E.G. White, Lomalinda Messages, p. 156.
Pasian langpan ding in lungtang akigin khit ciangin theih gige a Zeisu asang nuamlo, lungkhauh a Zeisu Khazih tungtawn a, Pasian hotkhiatna thu Khasiangtho teci panna thei nuamlo a, lungsim khauhsakna ahihi. Hih mawhna in maisak theih hilo a, Pasian maisak theihloh leh maisak noploh hi zawlo in amite in amawhna uh kimu thei nawnlo ahih man uh hizaw hi. Tua hi a, tua mi in Zeisu maisakna sang lo hi. Tua bang lungsim puak in tawntung vai sukha hi.
Eite in Khasiangtho langpan in Pasian alangdo nuntakzia tawh ih nun-tak loh takpi lam koici kitheih thei ding ihi hiam? Gentehna in, 1 John 5:3 leh Rom. 8:14 en in).
______________________________________________________________
Ngaihsutbeh Ding: Mihingte in maisak theihloh mawhna bawl kha ka hi hiam ci a, alungkhamna vai keek mah un abawl khakloh lam uh alak ahihi. Bawl kha khin hi le uh, tua vai tawh lung himawh vetlo ding uh hi. Alungkham ngiat uh pen Khasiangtho makaihna a zuihnop-laina uh hong lak thu hi zawlai hi. Tua bang mite in Zeisu dikna ngah ding in Zeisu dikna len-cip in upna leh thumanhna tawh ma nawt ding uh hi. Pasian' dikna ahi “Khazih‟ dikna” in hong tuam ciang bek in (Rom. 10:3), tu a akitanggsap uh lungmuanna leh khamuanna ngah thei ding uh hi.
Pasian in a maisak theihloh mi khat aom sun pen, mawh maina ngah ding a, Zeisu kiang azuan nuamlo, a nialden mi ahi hi. “Khasiangtho gensiat mawhna pen kampau gamtat khat hang hi zawlo a, kiptak leh khauhtak a, thumann leh kilaakna thute sanlohna ahihi” -- E.G. White, 5 SDA Bible Com-mentary, p. 1093. “Khasiangtho gensiatna pen alamdang theihzawh theihloh thu bang khat a ngaihsut ding hilo hi. Khasiangtho tung ah mawhna in kisiik ding a, zolnate nialdetna ahihi” -- p. 1093.
Kikup Dingte:
1. Aki maisak theilo mawhna abawl kha ding bang a, akingaihsun mi khat na kiang ah hong pai leh, bang gen in, amah na panpih nangin bang mun teng man ding nahi hiam? Upna tawh diktanna thu telna in amawh cip a kingaihsun mi khat panpihna dingin bang hang in thupi mahmah hiam?
2. Khasiangtho hong makaihna ih nial ciangin adah sak ih suak hi. Khasiangtho koi mun ah dahsak kha thei ding ihi hiam? Ih nunna ah Pasian makaihna ih neih lam thei in koici kiaap ding ihi hiam?
3. Ih tel zawhloh hong khasia sak vaite, khat veivei ih nuntakna ah Pasian in hong tuakkha sak hi. Job tungtang bang tua dan ahihi. Ih nuntakna ah alungkim theilo lungsim puak in Khasiangtho nasep bang hangin nawngkai sak thei ding hiam? Pasian muang takpi in, ih hun haksapente nangawn ah ih nuntakna amah koici aap thei ding ihi hiam?
4. Pawlpi sung a vai nawngkaite in "asiat sak ding" launa tawh pawlpi ataisan a atanggtat om thei hi. Tua bang ngaihsutna ah bang khial a, bang hang in hih vai pen Christiante’ zuih dingin Laisiangtho tawh kituaklo hiam?
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.