Nipini (Sabbath) Nitak lam Feb. 4
Sim Dingte: 1 Pet. 1:14-16; Isa. 6:3; Heb. 12:14; 1 Cor. 6:11; 1 Tim. 1:8; Late 15:1, 2.
Kamngah: "Nopna hong pia Pasian mah in, note khempeuh hong siangtho sak ta hen. Note’ lungsim, kha, leh pumpi uh ih Topa Zeisu Khazih hong pai kik ciangin, mawhsakna tawh na kipelh nading un hong kem ta hen." (1 Thess. 5:23, NASB).
Pasian sianthona limh ngaihsut khalo in mawhna leh siatna Pasian' muhdahzia ngaihsut melloh ding baihlam mahmah hi. Sianthona pen Laisiangtho ah vai thupi mahmah ahihi. Sianthona delh in, Zeisu bang a itna leh kawk-banlohna pen Christian khepeuhte' masakpen ding thu ahihi. Eite in “kei-bel-nang-sang siangtho-zaw-buang-ingh” cih lungsim ih puaciat hi. Tua kawm mah in kawk-banglo siangtho nuntak vai kiphawk lo zel hi.
Pasian itna leh Ama sianthona pen khen theih hi lo in kinahvawh tuak hi. Pasian' sianthona lo tawh, Ama itna pen kineih tawmna bek hi ding a; itna lo tawh Pasian' sianthona pen alauhuai suak in naih theih hi lo ding hi. Ama' itna leh sianthonate in Ama pianphung bulpi ahihi.
Khasiangtho pen sianthona vai tawh aki nahvawh thu ahihi. Amin ngiat pen Khasiangtho hi a, “sianthona' kha” kici hi (Rom. 1:4, NASB). Amin in Pasian asiangtho ahihna hong phawk sak a, mawhneite Ama siannthona lim' puasak nuam mahmah hi.
Tu kal sung in sianthona vai leh siangtho nuntak ih nuntak theih nang vai ih encian ding hi.
*Feb. 11 Nipini adingin tu kal sinnate hong kiging in maw.
Nimasani (Sunday) Feb. 5
1 Pet. 1:14-16 sim in. Sianthona thu i vai bulpi pen bang hang in Pasian sianthona vai mah na hi ngiaumawk hiam? Siangtho nuntak nuntak ding bang thu in hong lunglut sak hiam? Pasian siangtho hi ih cih ciangin bang khiatna nei hiam?
_____________________________________________________________________________________________________________________________________________________________________________________
Pasian hong itna limh gen a, Ama sianthona awlmawh loh pen mihingte deihdan himawk hi. Pasian in kiitna ahih hangin Laisiangtho sung ah Ama min pen Ama hihna dangte sangin sianthona vai tawh kilimh-zopzaw hi (Late 89:18, Isa. 40:25; Jere. 51:5; Ezek. 39:7; Mang. 4:8). Sianthona icih in paubang lo ngaihsut pianphung omzia genna ahihi. Pasian sianthona icih ciangin Amah hoih kim in siahuai namkim tawh kipelh hi. Pasian sianthona in Ama hihna khempeuh ah apau-banlohna thu ahihi.
Pasian in: vannuai vangg, vannuai theihna, leh vannuai a om hihnate nei in, pauban' omlo sianthona nei kei mawkleh, ih kihtak mahmah ding vangg khat suak mawk ding hi. Tua hi lo in ih it ding Pasian ahihi.
Ama vangg in siangtho hi. Ahehpihna zong siangtho hi. Ama ciimna zong siangtho in Ama itna zong siangtho hi. Tua hi a, sianthona ih cih in Pasian tawh aki nahvawhpen kammal suak a, Pasian pianphung ngiat ahihi. Pasian sianthona ih nial leh Amah om ahihna ih nial sangin suuk-siazaw ding hi. Amah aom lobek hilo in a ithuai lo, a muhdahhuai Pasian suaksak ding hi.
Pasian sianthona in mawhna tawh kipelh in, Ama hoihna bang hoihna aom dingin hanciam hi. Kammal dang in gen leng, sianthona icih in lung-simpuak leh kikholhkhawmna vai kawk hi. Mawhna tawh kipelhna leh Pasi-an vangliatna vai bek hong suak hi.
Isa. 6:3 leh Mang. 4:8 ah Pasian pen “siangtho, siangtho, siangtho” na ci hi. Laisiangtho gelhte in athupite agen nop uh ciangin cih kikkikna tawh ih lungsim hong zawn hi. Zeisu in ih lungsim hong zawtna in athupite, “ken, amantakpi amantakpi kong cih in ah (John 5:24, 6:47 etc.), ahihkeh “Jerusalem, Jerusalem” (Matt. 23:37), ahihkeh min lawh kik kikna tawh “Martha, Martha” (Luke 10:41) cih bangin na gen hi. Athupi penpen gen-nopna ahihi. Pasian pianphung siangtho takpi hi. Amah paubanglo in hoih hi.
A vanglian mahmah ih Topa siangtho lo in itna nei lo hileh bang zahta in lauhuai ding hiam? Pasian pen Ahih bang a Ahihna thu in eite adingin bang zah in lungdamh-huai hiam?
______________________________________________________________
Ninihni (Monday) Feb. 6
“Zeisu tawh na kinai sem ciangin, na khialhnate na kimu semsem ding hi; na muh theihna hong siang semsem ding a, na picin-lohnate Ama picinna, pauban omlo Ama pianphung tungtawn in hong kilangh ding hi. Hih thu in Satan khemna teng vengg mang a; Khasiangtho huzaap in tha hong pia ahihi.” -- E.G. White, Khazih Kiang Zuatna, S.C. pp. 64, 65.
Eph. 1:4, 5: 25-27, leh Heb. 12:14 sim in. Pasian in Amite leh pawlpi ading a, a deihsakna thu bangh hiam?
__________________________________________________________________________________________________________________________________________________________________________________________
Sianthona in Pasian silpiak leh thupiak ahihi. Tua hi a, eite in siantho ding thu ngen a, nisim ih zon ding ahihi. Sianthona in Khasiangtho gah Khasiangtho leh Khazih tawh ih tonkhopzia ih nuntakna a hong kilangh thu ahihi (Gal. 6:5, 16, 22, 25). Sianthona pen mal khat in gen leng Khazih-tawh-kibatna ahihi. Zeisu tawh kipawl in Ama ta bang a itna leh thumanhna tawh kiaapna, Amah tawh kisut semsemna ahihi. Sianthona cih kammal khiatna bulpi in tuam pian, Pasian vai thupi ading a kituam-koih cihna suak hi. Thu-khat pan in, sianthona in lungsim puak leh kha lam omzia ahi Pasian mai a dikna leh pau-banlohna ahihi. Tua vai tegel aki gawmkhawm den ding ahihi.
Laisiangtho thak sung ah thu um mite pen misiangtho akicihna thu in Zeisu tawh akizopna uh in amaute, vai thupi ading a tuamkoih cihna ahihi. Siangtho cihna tawh; mawh nei lo, pau bang lo, cihna hi pah lo in, amaute pau bang lo, asiangtho a nungta ding in kikhel cihna ahihi (1 Cor. 1:2 tawh saikaak in la Paul in Corinthiante pen misiangthote acihna ah, amaute in mawh neilo leh paubang lo cihna hi lo hi). Thu um mite in sianthona lam azuat ding uh hi a, tua lo in kuamah in Topa mu theilo ding uh hi (Heb. 12:14). Thu um mite' Pasian sanna vai ah acil pan in pauban omlo hi a, ahi zongin sianthona vai ah ih khantohna in khantawn vai hi a, eite hong honkhia, hemna neilo Topa lim-leh-mel banga ih kikhel tohtoh ding ahihi.
Siangtho cih leh sianthona lam zuan cih thute ah ngaihsut huai thu om hi. Eite in Pasian tawh akisai khinsate hi in, Zeisu hong kipumpiakna tungtawnn a Ama sung ah hong kisang khinsa ihih manin sianthona lam ih zuatna ah ih zuatzia hong ki koici lamdan ding hiam?
Nithumni (Tuesday) Feb. 7
1 Cor. 6:11, Titus 3:5 leh Heb. 13:12 in siansuahna vai bang hong gen hiam?
______________________________________________________________
Eite hong kisiansuahna thu pen upmuanna tungtawn hi a, (Heb. 11:6) Khasiangtho tungtawn ahihi (2 Thess. 2:13, 1 Pet. 1:2). Nungzuipi Paul gelh-na ah: “Note hong kisawpsiang in hong kisiansuah a, Topa Zeisu Khazih min tawh ih Pasian khasiangtho sung ah diktanna ih ngah hi” (1 Cor. 6:11, NASB). Zeisu in ih nuntak sungteng sianthona vai ah akhang toto dingin hong bawl a, Khasiangtho gahte hong gahsak hi. Amah tawh kibang a ih kikhelna thu pen “Khasiangtho ahi Topa kiang pan ahihi” (2 Cor. 3:18, NIV).
Gal. 5:16, 17 sim in. Hih munte ah Paul in bang hong gen ahi hiam?
______________________________________________________________
Thu um mite sung ah kidona om den hi. Mawhna ih sung ah om cih thu in hong lung hihmawh sak hi (Rom. 7:20). Nungzuipi Paul in a sihkuan a a tangko thu pan in hih vai atheih lam kithei hi: “kung atung khin bang a ka ki ngaihsut lian loh hangin; ka hih thu khat in: nungsang thu teng mangngilh in mailam a om thute delh in tung lam pan a Khazih Zeisu hong sapna ah tha-manh ngah ding in hahkat in kung dongin ka taai hi” (Philip. 3:13, 14, NASB).
Heb. 12:1, 2 sim in. Mawhna’ langkhat a, upmuanna’ galdona ih cih bang hiam?
______________________________________________________________
Ih do ding galdona pen ih upmuanna thu apankhiapa leh a picing sak pa ahi Zeisu mitsuat ding ahihi (Heb. 12:2, NASB). Ih biakna vaite ah ki ang-sung vailua kha den hi. Pasian tangg in ei zawh leh ei lelh vai mitsuatpi in inei kha hi. Mawhna tung a gualzawhna hong pia thei Khasiangtho in Zeisu mitsuan ding a hong panpih ciangin mawhna thute leh hong nawngkai sak thei thute ih hawlkhia hi (Heb. 12:1). Ahi zongin ih mawhna, ih cin'lohna te ih mitsuat khak ciangin Zeisu en lo in ei leh ei iki enkha hi. Ih guallelhnate ih muh ciangin ih lungkia hi. Ahi zongin Zeisu mitsuan leng, tha ngah in, gualzo tak in ih nungta thei ding hi.
Mi khat peuh in "Laisiangtho sung a hong kikamciam mawhna tung a gualzawhna koici ngah thei ding ka hi hiam?" hong ci leh bang ci dawn ding, bang hang in maw? Na dawnna Nipini ciang hong keng in.
Nilini (Wednesday) Feb. 8
Pasian in Athukhunte zui dingin hong khoo cih ih thei hi. Tua tawh gup-na ngah lo ding ahih leh bang dia Ama thukham zuih kul se ding cih dotna hong phulam hi. Sianthona vai ah adawnna kimu hi.
Rom. 7:12 leh 1 Timo. 1:8 sim in. Paul in thukham i kimanna na bangci gen hiam? Thukham in Pasian zia hong koici lah hiam?
____________________________________________________________________________________________________________________________
Thukham in siangtho in, dik a, hoih hi. Hih thu thumte in Pasian ngiat kawk hi. Tua hi a, thukham in Pasian zia-lehtongg hong lak ahihi.
Khasiangtho tawh akidim nuntakna icih in Pasian' thukham bang a nun-takna ahihi. Tua thukham in akikhel ngeilo Ama sianthona zia ahihi. Thu-kham' mungphuh ahi Pasian bang mah in kikhel ngeilo hi. Zeisu in thukham kiphiat lo cih kipsak a, avek in tangtung ding hi ci hi (Matt. 5:17-19). Thu-kham zuihna pen thukham vai cih hilo in; muanhuaina ahihi. Thukham in hong honkhia lo in, zongh hong honkhia theilo hi. Thukham pen hotkhiatna lampi zong hilo hi. Hotkhiat mite' lampi ahihi. Thukham in, itna kilatkhiat-na amah mah hong kilaakna ahihi. Hih thu hangin Zeisu in, “thukham bang akizuih loh semsem ciangin mitampite' itna hong kiam ding hi” na ci hi (Matt. 24:12, ESB). Thukham akithupi simloh ciangin itna kiam hi.
Rom. 30:10 leh Matt. 22:37-40 sim in. Bang hang in itna pen thukham picinna suak thei mawk hiam?
_______________________________________________________________________________________________________________________________
Sianthona thu omtheihzia pen Pasian thukham tungtawn hi a, Ama sianthona bulpi in itna ahihi. Itna in Pasian‟ hotkhiatna kilahkhiatna hi a, mu-anhuaina tungtawn in hong kilang hi. Lungkimhuai tak leh itna tawh thu-kham zuihna omlo in nungzui hoih kisuak theilo hi. Itna lo tawh thukhamte alaimal in kizui thei na pi thukham zuilo pi in itna diktak kilak, kinuntakpih theilo hi. Itna diktak in muanhuai-nuam hi. Itna in thukham paaikhia lo in picing sak hi.
Bang hang in thukham in eite adingin Pasian itna hong lak suak hiam? Itna leh thumanhna kikoici nahvawh hiam? _______________________
Ningani (Thursday) Feb. 9
Late 15:1, 2; Eph. 4:22-24 leh; leh 2 Timo. 2:21 sim in. Sianthona vai bangh hong gen uh hiam?
__________________________________________________________________________________________________________________________________________________________________________________________
Pasian tawh lungdam tak a, ih kikholhkhawm theih nang in sianthona kisamh masa hi. Topa ah zattaak icin' theih nang a, akisamh masa ahihi. Khangluite‟n ana cih theih uh bangin, “na sepzel khat pen na ngeina neih ding a, na ngeina neih pen nazia natongg hong suak ding hi”. Genbeh lai leng “ihzia ihtongg in ih lawhtak ding ahihi”. Vantung ih zuatpih theih pen ihzia ihtongg bekmah ahihi.
Zialehtongg thak pen ei zon, ei ngahtheih mawk hilo hi. Sepzelna tung-tawn in Khasiangtho in sian'thona lam hong zuatpih hi. Christiante' adingin ihsep zel thute thupi hi. Laisiangtho tawh akituak omziate ahi lungduaina, itna, muanhuaina, dikna, hoihna, lung nemna, leh kidopnate ahihi.
Khasiangtho in ih lungsim hong tuam ciangin, Pasian ading in ih ngal-zangg ding hi. Hong siansuah pen Pasian ahihna ih mangngilh khazel a, ih sung a hong patkhiat sepna hoihte hong mualsuahpih dingpen amah ahihi (Philip. 1:6). Khat veivei Pasian nasep tuamtuamte tawh buai in thunget hun-nuam ila kha kei hi. Thu ih nget manloh ciangin Christian ahi manlo ihi hi.
Ih theihna leh ih gualzawhnate in ei hong kimuang sak lua khazel a, isep ibawlnate ah Khazih leh Khasiangtho lo tawh bang mah kizo lo ding hi.
Sepna bawlna pen sianthona hi lo hi. Pasian ading na lianpi sem akisa om thei hi. Amah zui peuhmah lo laimawk uh hi. “Tua ni ciangin mitampite in Topa aw, Topa aw, na min tawh thu gen in dawite hawlkhia in na lamdang tampi bawl hilo ka hi uh hiam? hong ci ding uh hi” (Matt. 7:22, 23, NKJV en in). Pasian sapna leh Pasian na sepnopna cih te kibangh lo hi. Pasian aw ingaih masak kei leh, ih sepnop sem ding a aki pankhia isuak ding hi. Tha-tang, vangg, lungmuanna, leh thuphate tua nasep pan ih sang kha kei ding hi. Ih sianthona vai ah ih kitangsap pen thu in Pasian aw ngai in thathak ngah a, Khasiangtho makaihna ngahna ahi hi. Hih bang thute in ih nasep thamanh leh thupitna omsak ding hi.
Ngaihsut beh Ding: E.G. White, “Like Unto Leaven,” pp. 95-102 Christ Object Lesson pan sim in.
Mawhnei in apuukcipsa ihih manin Ama sianthona len kha beek ding maw? Ama sianthona in mawhna leh sihna dim leitung tawh ki tuamkoih hi. Ahi zongin a lamdangpen thu in: Pasian in Ama sianthona sung ah hong tualbual sak hi. Hih thu in Ama thuciamna sung a mite ihih man ahihi. Isra-el mite tawh kiho un la, na gen in: “Kei na Topa Pasian uh ka siantho bangin note zongh na siangtho ding uh hi.” (Siampi 19:2, NKJV). Hebrew thubu ah akigen mah bangin: “Israel leh Judah innkuante tawh kiciamna ka bawl hun hong tung ding hi. Israelte tawh tua nung ciang a ka bawl ding kiciamna in: Ka thukhamte a lungsim sung vuah ka koih ding a alungtang tung vuah ka gelh ding hi. Amau Pasian ka hi ding a, ka mite ahi ding uh hi” (Heb. 8:8, 10, NKJV). Hih munte ah sianthona, kiciamna, leh thukhamte kizopna kimu thei hi. Pasian thukham lo tawh ih siangtho thei kei a, ih lungtang leh ih lungsim ah Khasiangtho in A thukham hong gelhna lo tawh ih siangtho thei kei ding hi. “Ama sianthona ngah thei dingin hamphatna siangtho ih ngah hi” (Heb. 12:10, NKJV). Hih thu in Ama thukhamte zuihna ah hong ki-langh hi.
Kikup Dingte:
1. Nithumni sinna sung a, mawhna sung pan gualzawhna vai ih nun-takna ah koici ngah ding cih hong kidongh leh koici dawn’ kik ding ihi hiam?
2. Ih lungtang ah thukham cih thu in bang khiatna nei hiam? Suangpek tung ah kigelh bek tawh bang hang in kilamdang hiam?
3. Pasian sianthona na ngaihsut ciangin bang teng ngaihsun nahi hi-am? Mikim in Pasian sianthona vai a ngaihsutzia tek uh dongh kim in gensak in. Pasian sianthona vai Zeisu in bangci lah hiam?
4. Ih sianthona’ bulpi bang hi mawk hiam? Sianthona koici lawhtaak thei ding ihi hiam?
5. Tu kal Nilini sinna sung a hong kigenna ah: "thukham in hong honkhia lo in zong honkhia thei ngeilo hi. Thukham in hotkhiatna lampi hi ngeilo hi. Gupkhiat mite tot lampi ahihi" na ci hi. Hih thu in thu-kham nasep pen Khasiangtho nasepna tawh siansuahna angah Christi-ante’ zat ding ahihna thu hong koici telsiam’ thei sak hiam?
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.