GALATI BU SUNGA LUNGDAMNA THU

KHANGHAM SABATH SCHOOL

LAISIANGTHO SINNA

"GALATI BU SUNGA LUNGDAMNA THU"

By: Carl P. Cosaert

Translator: Tuan Khan Nang

July, August, September

2017

THULU OMTE

1. Paul: Gentile te kiangah Sawltak

2. Paul’ thuneihna leh Lungdam na Thu

3. A kipumkhat Lungdamna Thupuak

4. Upna bek tawh Diktanna ngah

5. Laisiangtho Lui sung pan in Upmuanna

6. Sep masak ding Kiciamna

7. Upmuanna Lampi

8. Sila pan in Innluah zaa-ah

9. Paul’ Thuumna

10. Thuciamna Nihte

11. Khris sungah Suahtakna

12. Khasiangtho tawh Nuntakna

13. Lungdamna Thupuak leh Pawlpi

14. Singlamteh

Martin Luther leh Galati Laikhak

Protestant a hong piankhiatna kum 500 cin pawikham na ahi, Protestant kipuahphat na a hong piankhiat kum phawkna dingin a hong tung ding hi ta hi. Khasiangtho makaihna tawh Martin Luther in kum tampi sung, Laisiangtho sunga a kiseelcip thuman tampi te alampial Biakna leh Ngeina tawh a ding Pawlpi pan in a hong mukhia a hi hi. Mikhat in a genna ah, Galati sung panin (Rom bu sung zong a kihel) Protestant akici biakna khat tuma kum za lom kiim in, a hong piang khia ahi hi. Martin Luther in Galati bu sung a hong sim tak ciangin a vangnei 

lungdamna thuthak ahi Upmuanna tungtawn panin Diktan theihna hong mu khia hi. Tua thumaan hangin Protestant Reformation a kici Laisiangtho thugui leh Pasian sawltak te tawh kisai a kipom khial tampi te sung pan in khawvak ah suahtakna hong nei uh hi. Hih Laibu a simna hangin Luther in ki lamdan na hong nei ta a, Leitung mahmah in zong a ngeina hong bang nawn lo hi.

Luther puahphatna a bawlkhit kum tampi khit teh SDA a hong piang khia ahih manin, Luther tungah leiba tampi I nei hi. Galati sung a sinna tung tawn pan un, SDA khangno nih: E. J. Waggoner leh A. T. Jones te in Upmuanna hangin Diktan theihna SDA te a dingin 1880 leh 1890 kikaal sungin hong mukhia pha uh hi. Galati bu in, Christian te a dingin kha lam thu tawh kisai mun tampi ah muhtheih dingin na om mawk hi. Tua te in Suahtakna, Gupkhiatna sungah Thukham nasep, Khris sungah Mihing te dinmun, Khasiangtho makaih nuntakna, cih te leh, a kidong tawntung ahi: Hih zah taka mawh Mihing te in a Thudik leh Siangtho Pasian tawh bang ci bangin kizom thei? Cihte ahi zongin a dawnna na om a, Martin Luther mahmah in zong a muh nini a kipan nungkin lo in na mainawt to hi.

Rom sungah dotna tampi a om tei hangin Galati sunga te tuam diak hi. Khasiangtho in Paul a makaih a hih zia zong hih bu tungtawn in kilang diak hi. Laisiangtho misam tampi te upna ah, Galati in Paul laikhak te sung pan in, a masa penpen pawl hi dinga a minthang Jerusalem Khawmpi (Sawl. 15) khit in a gelh hi dinga hih manin AD. 49 kiim pawl hi dingin um uh hi. Christian te a dingin a kiphamawh thu te a ki-gelh na sung ah a bu lui pen hi kha ngel ding hi. Sawltak bu sung leh Galati bu sung tungtawn in I muh theih thu in, Pawlpi masa te in Christian hong suak Gentile te hangin, Gupkhiatna tawh kisai san dan kibat loh hangin nasia takin kilang panna, buaina hong piang hi. A diakdiak in Jew thu-um, Judaizer te in, christian a hong suak Gentile te a dingin Zeisu upna lel tawh kicing lo a, Moses thukham tawh kizui in a vun uh a-aat kul hi (Sawl. 15:1) tang cih uh hi. Tua te in Galati khua ah hong lut uh a, thu khempeuh hong buai sak uh hi.

Tua buaina thu Paul kiang a hong tun ciangin Paul in, na delh paha, a maan lo thuhilh te tawh Lungdamna thu laigil pulak na tawh Upna maan na pulak thei hi.

Tu Quarter Sabbath School Lesson a hong bawlkhia pa pen, Carl Cosaert, PhD ahi hi. A mah pen USA: Washington a om, ei pawl sangpi Walla Walla University a Professor a sem khat a hi hi.