“10+ Sawm Tungsiah Nungta” — Khen Nihna Agen: Pastor Teofil

December 24, 2016                                                                               Gam: Romania

 

Mission Story - Nipi 13na (4th Qtr, 2016)

           “10+ Sawm Tungsiah Nungta” — Khen Nihna         Agen: Pastor Teofil            

Siate aw: Hehpihna tawh tu zingsang in khen nihna na gen ma un, khen khatna tom cing kim dingin genkik masa un.

Camp Challenge

            Pastor Daniel in a tanu camp hong pai ahih manin sangsiapinu zong hong paina thu gen hi. Sangsiapinu pen Seventh-day Adventist-te paakta hetlo a, kha lam aa dingin a kibawl khempeuh langpan hi.

            “Camp bawlna a masa lam ni nih sung, hihna khempeuh hong langpan lua ahih manin an neek nadingin thungetna zong hoihtak in kibawl theilo hi”, Pastor Daniel in ci hi. Biakpiakna bawlna ah zong hun zangte’n limte zangin a gen kul mawk hi. 

            Pastor Daniel in hun khat a zatna ah laikhetna laitui leh nu leh pate’ thu naupangte tehkaaksak hi. Sangsiapinu’ tanu hong dingto in anu’ itna leh a pattahna thu lawphuai takin gen hi. Anu, sangsiapinu zong a tanu in camp a paina ah alawmnu Adventist tung panin thungetzia sin a, nitak simin ama’ aadingin thu a ngetsakna thu maitai takin gen hi.

            A thugen kawmin, lungdamlua ahih manin sangsiapinu a khitui luang liangh hi. “Ka tanu aw, thu nong ngetsak takpi hiam?” ci-in dong hi.  A tanu in zong nitak simin thu a ngetsak takpina thu gen hi.

            Sangsiapinu’ lungsim hong neem a, kikhopna, thungetna, thugenna leh lasaknate hong nopcita hi. Lungnuamtak leh thangah takin hun a zat dinguh zong hong hanthawn lai hi.

            Tua zawh kum nga sung kum simin camp ah sangsiapinu hong pai aa, ama’ khutnuai aa om sang khempeuh ah thusina leh laihilhnate a bawl dingin thu pia hi. Topa Pasian’ nasepna lamdang lua!

            Pastor Daniel in tu-in Romanian Union ah khangno makai (youth director) sem hi.  

Kithuahpih Khang Toto

            Pastor Teofil pen is Romania union sung aa om, Muntenia Conference ah Geelna makaipi (project manager) sem hi. Tu lianin  ama’ conference ah tan giat leh  tan sawm sang 50 te tawh “10+  ah Nungta” thusinna bawl dingin kithukim uh hi. Hih thusinna pen sang 10 lak pan sang 8 ah bawl thei uh hi.

            Nung kumin Pastor Teofil makaihna tawh Adventist-te’n a bawl thusinna ah sangnaupang 2,400 kihel thei uha, kumsim in kibehlap toto hi. Tua baanah, khangno lam khantohna phualpi in, sang hon madiak in sangsiate kikhoppi bawlpih uh hi.

            “Khawmpi sungin, “10+ Nungta ding” cih geelna ka hilh thei uh hi,” Pastor Teofil in ci hi.  “Sangsiate’n huzapzaw aa, lai ahilh theih nadinguh zong ka sinpih uh hi. Tua baanah sangsiate khat leh khat kimeltheihzawk nadingin kipulaakna ka neisak uh hi”, ci-in genbeh hi. Khangnote inn lianpi ah nung kum kikhoppi bawl in, Adventist a hilo sangsia 90 tak kihel uh hi.

Leitung Mun Hoihzaw Aa Bawl

            “A hoihzaw mun dingin leitung ka bawl nuam uha, thupi aa ka ngaihsutte uh zong ka genpih nuam uh hi. Thusinte hong kibehlap tohtoh nading pen ka kisapbel uh ahi hi’, Pastor Teofil in ci hi. 

            Tu kuata Sabbath sawm leh thumna sumpi pawlkhat thusinna ah zat ding van tuamtuam lei nadingin kizang ding hi.  Sumpi pawlkhat pen sangsia khawmpi bawlna sum beina ah kizang ding a, sumpi pawlkhat pen khal sung camp bawl nadingin kizang ding hi.

Tu kuata Sabbath sawm leh thumna sumpi phaltak leh cinghtakin nong piak uh lungdam mahmah hi.

#######@@@@@@@@@@@@@@@@@@@#######