SUM TAWH KISAI THUBU IN BANG GEN?

 

SUM TAWH KISAI THUBU IN BANG GEN?

1).  Na khempeuh a nei kua hiam?

"Leitang le a sunga om na khempeuh, leitung le a tunga tengte TOPA aa ahi hi." (Late 24:1, ZIV). 

2).  Leitung le a sunga omte Pasian' neihsa ahih manin, tua hong piak nate tungah bang mawkpuah nei ie hi- am?

"Neihsa kemte in mi muanhuai ahih ding  uh  kisam hi." (1 Corinth 4:2, ZSV).

"A topa in, 'Hoih mahmah hi. A muanhuai nasem hoihpa aw, a tawmno khat tungah citak na hih manin na tampi kong uksak ding hi. Na topa tawh hong lungda- mkhawm in,' a ci hi." (Matt 25:21, ZSV). 

3).  Eite neih-le-lam, sum-le-paaite kua' hong piak hiam?

"A hoih le a cingtak letsong peuhmah tunglam a om i Pa kiang panin a hong pai hi a, amah in khuavakte Pa ahi hi. Amah in nili  kihei  bangin  a  kikhel  themthum  kei  hi." (James 1:17, ZSV). 

4).  Eite in Pasian letsong te tungah lungdam thei in, koi- ci piak kik thei ding ie hiam?

"Mi khat in Pasian a buluh ding mah ahi hiam? Tua hi napi note in kei nong buluh uh hi. Ahi hangin, 'Bang hong ci buluh ka hi uh hiam?' na ci uh hi. 'Sawma khat le biak- nate ah nong buluh uh hi. Note in kei hong buluh na hi ma- nun na minam buppi un hamsiatna nuai-ah na om uh hi. Ka inn sungah an a om theih nadingin ansal sungah sawma khat a buppi-in hong puak un. Kei hong zia-et dih un. Van- tung kongkhak zapite hongin a koih nading na neih loh zah dongun thupha kong sungkhia hiam, kong sungkhia kei hiam?' Thahatpen TOPA in ci hi. Na ankungte uh a kinektum loh nadingin lungnote ka dal dinga, na lo-ua lengguite a gah a mawk pulh kei ding hi,' Thahatpen TOPA in ci hi." (Malachi 3:8-11, ZIV). 

5).  'Sawma-khat' cih a khiatna bang hiam? Sawma-khat piakna in tuhun ei a' dingin Pasian' geelna mah hiam?

"Leitanga piang na khempeuh sawma khat – leitang pana piang gah ahikeh singkung pana gahte TOPA aa ahi hi; TOPA adingin siangtho hi. Bawng hon le tuuhon pana sawma khat buppi - gancingpa ciangkhut nuai-ah paisaka, a sawm cinna pen peuhmah – TOPA adingin a siangtho hi ding hi." (Siampi. 27:30, 32, ZIV).

Note: Sawma khat in ih sumlut seh sawm sung pan seh khat hi a, siampite khasum dingin siangtho tak a ki-ap ahi hi. 

6).  Thuciam Thak (NT) ah sawma khat piak kul lai mah hiam?

"Biakinnpi sunga a siangtho nate tawh kisai in na a semte in tua nate mah ne uh a, biaknatau a nasemte in zong tua biaknatau tunga kipia nate mah a ne uh hi cih theilo na hi uh hiam? Tuamah bangin lungdamna thu a tangkote in lungdamna thu mah kivakna in nei uh hen ci in Topa in hong pia zo hi." (1 Corinth 9:13-14, ZSV). 

7).   Sawma khat ban-ah, Laisiangtho in bang sumpite hong hilh lai hiam?

"TOPA note Pasian in thupha hong piak zah tawh kizui-in piak ding na keng ciat ding uh hi." (Thuhilhkikna 16:17, ZIV). 

"Tua gamah mizawng a om den ding hi. Tua ahi ciangin na gamua na sanggamte uh le mizawng le a tasamte tungah na cingh un, ci-in thu kong pia hi." (Thuhilhkikna 15:11, ZIV).

"Mi khatpeuh in a lungsim sunga piak dingin a sehsa bangin pia tahen. It pipi le piak loh phamawh hi cihna tawh pia kei hen. Banghang hiam cihleh Pasian in lungkimtak a a pia mite bek a pakta hi." (2 Corinth 9:7, ZSV). 

8).   Citak taka apia khia Ama mite tungah Pasian in bang kamciam hiam?

"Mizawngte tungah a piate in Topa' tungah a pia hi a, Topa in a cingin amaute tungah lohkik ding hi." (Paunak 19:17).

"Pia un. Tua hileh limtak a a kiteh, a kihenhen, a kitattat, a dimlet in note ang sungah hong kisung ding hi. Banghang hiam cihleh note zattehna tektek mah tawh note aa ding a hong kitehsakkik ding hi." (Luke 6:38, ZSV).

===== xxx =====