CHRISTIAN BANGIN KHANTOHNA

 

CHRISTIAN BANGIN KHANTOHNA

1).     Ih nuntakna Jesu kiangah ih ki-ap ciangin koi bangin kikhel ding ie hiam?

"Note tungah tui siangtho kong theh dinga na siang ding uh hi; na siantho lohna khempeuh uh ahi na milimte khempeuh panun kong siangsak ding hi. Note lungsim thak kong guan dinga; na sunguah kha thak ka guang ding hi. Na suang lungtang uh ka lakhia dinga satak lungtang kong guan ding hi. Note sungah ka Kha ka guang dinga ka thukipte hong zuisakin ka thukhamte limtakin kong tangsak ding hi." (Ezekiel 36:25-27, ZIV). 

2).     Thungetna tawh Pasian' Kammal vangliatna ih muan bikbek ciangin Laisiangtho in bang hong kamci- am hiam?

"Ama vangliatna le ama hoihna tawh eite hong sampa i theihna tungtawn in nuntakna le Pasian sutna tawh kisai na khempeuh Pasian ahihna vangliatna tawh eite hong pia zo hi. Amah in a thupi mahmah le a manpha mahmah kamci- amnate tua vangliatna mah tawh hong pia zo hi. Tua kamciamte tungtawn in a hoihlo lunggulhnate hanga a pi- ang hih leitung siatna tawh kipelh in Pasian pianzia na ngah theih nading uh ahi hi." (2 Peter 1:3-4, ZSV).

"Hih thu hangin Pasian tungah tatsat loin kote in zong lungdam ka ko den uh hi. Banghang hiam cihleh kote hong gen Pasian thu na zak uh ciangin mihing hong gen banglel in sang loin Pasian hong gen taktak bangin na sang uh hi. Tua thu in thu-um note sungah muibuntak in na hong sem hi." (1 Thess. 2:13, ZSV). 

3).  Pasian' nungzui taktak cih in bang a khiatna nei hi- am?

Tu-in hih in nuntak tawntungna ahi: nang bek a maan Pasian na hina le na sawlpa Jesu Christ a theihna uh ahi hi. (John 17:3, ZSV).

"Pasian Tapa hong paizo a, Pasian taktak i theih nad- ingin pilna hong pia zo hi cih zong i thei hi. Eite in Pasian taktak ahi, ama Tapa Zeisu Khazih sungah i om hi. Zeisu Khazih in Pasian taktak le nuntak tawntungna ahi hi." (1 John 5:20, ZSV). 

4).   Jesu ih theihtelna in ih nuntakna koi bangin hong kheel hiam?

"Banghang hiam cihleh keima deihna a sem dingin van- tung panin hong paisuk ka hi kei hi. Kei hong sawlpa dei- hna a sem dingin hong pai ka hi hi." (John 6:38, ZSV).

"Ka Pa hong thupiakte zui in ama itna sungah ka om tawntung mah bangin note in zong kong thupiakte na zuih uh leh ka  itna  sungah  a  om  tawntung  na  hi  ding  uh hi." (John 15:10, ZSV). 

5).  Jesu tawh kinai takin om khopna hong khaktan thei bang hiam?

"A honkhia zo lo dingin TOPA khut tom lua lo a, a za lo dingin a bengngong lo hi. Ahi hangin na khialhnate in na Pasian kiang panin hong khenkhia khin hi. Amah in hong zak loh nadingin na mawhnate  in  ama  maitang  a  liah  hi." (Isaiah 59:1-2, ZIV).

"Na nget uh cianin ngimna maanlo tawh note noptatna a zat ding bekin ngen  na  hih  manun  na  ngah  kei  uh  hi." (James 4:3, ZSV). 

6).  Gilopa' khialkhemnate eite in koici zo zo ding ie hi- am?

"Mihing thuakngei ze-etna a val note tungah a hong tung kei hi. Ahi zongin Pasian in a muanhuai ciampellopa ahih manin note thuak zawh ding zah val a hong kize-et ding a phal kei hi. Tua bang ze-etna na thuak uh ciangin zong na thuak zawh nadingun suahtak nading lampi a hong bawlsak ding hi." (1 Corinth 10:13, ZSV). 

7).   Ih Christian nuntakna koici bangin khangto suak thei ding hiam?

"Tu in ama deihna tawh kituak in na khat peuhpeuh i nget leh amah in i ngetna hong za hi cih lungmuanna ama sungah i nei hi. Amah in i nget peuhpeuh hong za hi cih i theih leh ama tung pana i nget peuhpeuh i ngah ding hi cih zong i thei hi." (1 John 5:14-15, ZSV).

"Tua hi a, note kianga kong gen in ah ngen un, hong kipia ding hi. Zong un, na mu ding uh hi. Kongkhak kiu un, hong kihon ding hi. Banghang hiam cihleh a ngen khempeuh in a ngah hi. A zong mi in a mu hi. Kong a kiu mi a kihon hi. Note lakah a tapa in a pa kiangah anlum ngen leh suangtum a pia ding, ngasa ngen leh ngasa tangin gul a pia ding kua om na hi uh hiam? Mihoihlo ahi note nangawn in na tate uh na hoih piak ding thei na hih uh leh vana om na Pa un a ngen mite Kha Siangtho hong pia zaw- kan ding hilo ahi hiam!" a ci hi. (Luke 11:9-11, 13, ZSV). 

8).   Jesu ii a gualzo Christian nuntakna pan bang sin thei ding ie hiam?

"Zingsang khua a vakma in Zeisu tho a, gamdaihna mun khat ah pai in thu a ngen hi." (Mark 1:35, ZSV). 

9).    Khialkhemna tungah a gualzo khamuanna koici ngah ding ie hiam?

"Note sungah nasep hoih hong pankhiapa in Zeisu Kha- zih ni dongin kicingtak in hong zomsuak ding hi ci in ka lungmuang hi." (Philippi 1:6, ZSV).

"Bangmah thu ah lung himawh loin na khempeuh ah lungdam ko kawmsa in thungen unla, na kisapnate uh Pasi- an tungah pulak in na ngen un. Tua hileh mite tel zawhloh Pasian hong piak lungmuanna in Khazih Zeisu tungtawn in note lungsim le ngaihsutnate hong cin hong kepsak ding hi." (Philippi 4:6-7, ZSV). 

10).   Thanem ih kisak ciang (ahk) haksat lua ih sak ciangin bang Laisiangtho kamciam man ding ie hiam?

"Kei hong thahatsakpa Khazih hangin na khempeuh ka hih thei hi." (Philippi 4:13, ZSV).

"Tua ahi ciangin lau kei un, note tawh ka omkhawm hi; Na tha uh hong dimsakin kong huh ding hi; note Pasian ka hi manin kilungneusak kei un. a thumaan ka taklam khutin kong len gige ding hi." (Isaiah 41:10, ZIV).

===== xxx =====