CIDAMNA LE LAISIANGTHO

 

CIDAMNA LE LAISIANGTHO

 

1).  Ih nisim deihteelna in Pasian tawh ih kizopna a suk- khak zia Laisiangtho in koi bangin hong hilh hiam?

"Tua ahih manin sanggamte aw, Pasian hehpihna hanga kong kut in ah na pumpi uh a hing biakpiakna, a siangtho le Pasian san theih dingin pia un. Hih in note sep dingin a ki- lawm biakna nasep ahi hi." (Rom 12:1, ZSV).

"Kong it aw, kha lam thu ah na daupai mah bangin na pumpi zong dam a, na khempeuh ah na daupai nadingin thu kong ngetsak hi." (3 John 1:2, ZSV). 

2).  Jesu hong paikik nading ih kiginna in ih nuntak dei- hteelna, pumpi tatzia le cidamna ngeina te dongah a kisam mah hiam?

"Tu in lungmuanna hong pia Pasian mahmah in na sung na pua uh hong siangthosak tahen. Na kha uh, na lungsim uh le na pumpi uh, i Topa Zeisu Khazih hong pai ni ciangin kawkbanna a om lo dingin amah in hong kembit tahen." (1 Thess 5:23, ZSV). 

3).  Eite' pumpi le lungsimte Pasian' mai ah a thupi a zat ding mah ahi hiam?

"Note pumpi in note sunga om Pasian hong piak Kha Siangtho teenna biakinnpi hi a, note aa ahih loh lam thei lo na hi uh hiam? Note in man tawh a kilei khinsa na hih ma- nun Pasian aa ahi na pumpi uh le na kha uh tawh Pasian min thangsak un." (1 Corinth 6:19, 20, ZSV). 

4).  Khamtheih dawntui le zu tawh kisai Lai Siangtho in bang hong hilh hiam?

"Zu in mi simmawhsak a, zucil in mi kilaisak hi; tuate lamkhialhsak peuhmah a pil lo ahi hi." (Paunak 20:1, ZIV).

Kua in gimna thuak hiam? Kua in dahna thuak hiam? Kua kisel hiam? Kua lungkim lo hiam? A kul lopi-in kua liam hiam? Kua mitsan gega hiam? Zupeng uapte, zu helna phual zuante ahi hi. Hai sungah damdama kisung, a phuan seuhseuh, a san kilkel zu en kei in. A tawpna ah gul bangin hong tuin ngan bangin gupha hi. Na mit in nalamdangdang mu dinga na lungsim ah na a tuamtuam na ngaihsun ding hi. (Paunak 23:29-33, ZIV). 

5).   Piancil lai-in Adam le Eve a' ding Topa Pasian in bang an namte na pia hiam?

Tua ciangin Pasian in, ―Leitung buppi-a po khaici a nei lopa namkim le a gah sunga khaici a nei singkung namkim khempeuh  kong  pia  hi.  Tuate  in  note   an   ding   ahi hi." (Piancilna 1:29, ZIV).

Note: Mawhna a om ma, sihna omlo hi. Ganhingte kithat lo in, an dingin kizang lo hi. Tua hi in, ih nek ding an taktak a masapente in singgahte, tang anei kung namte le lo a piang buhte ahi hi. 

6).  Bang hun ciang antehte nek theih dingin hong kibeh- lap hiam?

"Nang adingin leitung in lingkungte le kiakte posak dinga lo sunga kungte na ne ding hi." (Piancilna  3:18, ZIV).

7). Bang hun ciang sa nek theih dingin hong om hiam? "A nungta a gamtang na khempeuh na an ding uh ahi hi. A kung hingte note kong piak bang tektek in tu-in na khempeuh note kong pia hi. Ahi hangin a nuntakna sisan, a sunga om  laisiah  a  sa  na  ne  peuhmah  kei  ding  uh   " (Piancilna 9:3-4, ZIV)

 

Note: Sasiang nam tampi hong om mah bangin, tuicin tun khit Noah tembaw pan hong pusuah khiat ciangin Pasi- an in nek theih ding acihte in tua sasiangte mah ahi hi.

8). Laisiangtho in sasiang le sasiang lo koici khen hiam? "A kihhuai na khatpeuh ne kei un. Na nek theih ding uh ganhing hihte ahi hi: bawng, tuu, keel, sazuk, sanang, zu- kzil, sathak, saza, zuksial le gamtuu ahi hi. Note in a khecin niha ka eknel hai ganhing peuhmah na ne thei ding uh Ahi zongin a khecin ka in eknel hai taleh kala-oh, bilpi ahikeh gam bilpi na ne kei ding uh hi. Tuate in eknel a hai uh hangin a khecin uh ka lo a; no adingin thukham in a nin-sak hi." (Thuhilhkikna 14:3-7, ZIV). 

9).  Mi tampite ii nek ziahziah sasiang lo khat in voksa ahi hi. Voksa nekna tawh kisai Pasian' Kammal in bang hong hilh hiam?

"Tuateh vok a khecin kiciantakin a kat hangin eknel a hai kei hi; tua pen note adingin asiang lo ahi hi. A sa na ne peuhmah kei ding uh a, a sisa zong na lawng kei ding uh hi; tuate note adingin a siang lo ahi hi." (Siampi. 11:7-8, ZIV). 

10).   Tui sung ganhing asiang le asiang lo khen theih nadingin Pasian in bang hong gen hiam?

"Tuipite le luituite sunga om a nungta ganhingte khempeuh lakah phe le lip a neite peuhmah na ne thei ding uh hi. Ahi hangin tuipite ahikeh luite sunga om ganhing phe le lip a nei lo – tuipek thei ahi a, ahikeh tui sunga a nungta ganhing dangte khempeuh ahi zongin no adingin a kihhuai ahi hi. Note in tuate na kih ding uh ahi nungsang a sa na ne peuhmah kei ding uh a, a sisate na kih pelmawh ding uh hi." (Siampi. 11:9-11, ZIV).

 

11).  Pasian in Israel te tungah Ama cidamna thukhun bangin a zuih nak uh leh bang kamciam pia hiam?

Amah in, ―Note in na Pasian uh TOPA aw limtakin ngai a, ama muhna ah thumaanin na na sep uh leh, a thu- piakte thupi sima, a thukipte khempeuh na zuih uh leh kei- mah in note hong damsak TOPA ka hi manin Egypt-te tunga ka tunsak cinatnate no tungah kong tungsak kei ding hi,‖ a ci hi. (Paikhiatna 15:26, ZIV). 

12).  Ngeina (ahk) zongsatna hoihte tungah gualzawhna a ngah nuamte a' dingin Pasian in bang kamciam pia hiam?

"Kei hong thahatsakpa Khazih hangin na khempeuh ka hih thei hi." (Philip. 4:13, ZSV).

"Kote Khazih hangin Pasian mai-a ka khamuanna uh tua bang ahi hi. Ko le ko hi ka kisak nadingun ko sungah kicinna ka neihman uh hilo in kote kicinna in Pasian kiang pan ahi hi." (2 Corinth 3:4-5, ZSV).

===== xxx =====