MS 4: Sabbath in Munawng Dimsak

Soon-Ae Byun, Kum 64 

Sabbath in Munawng Dimsak 

Khanglam Korea

July 28, 2018

[Numei khat in gensak in.]

Pasian hong huhna tawh Korea gam ah pawlpi ka phut zelzel hi. Pawl tawmno khatpan kipanin; mi 40 banghong phato, mi hong tam semsem a; tuabangin munkhempeuh ah pawlpi ka phut kawikawi zo hi.

Himah taleh Pasian nakasep kawmkawm in, ka lungsim sungah a kisamkhat om tawntung hi. Pasian thu genna te ah kihel leng lungnopna lianpi kanei a, aih hang in kisapna lianpi khatin hong zui tawntung hi. Tua kisapna lianpi dipkikna dingin, Theology sang kakahkik a, ka pasalmah bangin Pasian nasemkhat hi napi ing in, hawm ka kisasa hi.

Nikhat, Seventh-day Adventist laibu zuaknu khat, ka inn hong lut hi. Laihawm tawm hong pia a, ka pasal zongAdventist biakinn kah hong kipan hi. A masa in, Sunday tang biakinn dangkhatah a pai kasasa hi. Asawt ciang Saturday ni in Adventist biakinn pai a hihlam kathei ta hi. Nikhat a zumhsung siansuahna kabawlsak leh,Adventist pawlpi i bullettin khat ka muh ciangin, amah bang hihhih cih kathei ta hi.

Tua ni, paulo in ka om dide phot hi. Azingciang Sunday ni, ka pau naikei lai hi. Monday ni takciangin ka tawnggawp hi. “Makaipi hi lo nahia le!, Tua ngeina te bangci zuihsawm na hia?” ka ci hi.

“Theikei ve teh aw, Ngeina maimai hi kei. Thuman thutak hi ven," hong ci hi. Hihbang teng ka zak khit teh, ka innsung a om ka pasal i koih Adventist laibu te, a simtham in kasimsim hi. Laibuzuakte kiangpan in zong Ellen White laibu te ka ngah zel uh hi.

Tua laibu te ka simsim ciangin, ka vaangkiam kasa a, ka pasal omloh kalkal in ka sim sim hi. Ka pasal mawtaw hong tung cih ka theih ciangin tua laibu te, a tautungah manlang takin kakoih kik zel hi.

Lawpna Khang semsem

Adeventist kihilhna te ka lunglut semsem hi. Laibu zuakpa in zong, cidamnathu sinna ah kahdingin hong zolzol hi. Kei ngaihsutdaan bel, “Hih pen Adventist te' upna te pen ngeina te vive cih kipsak ding a hihi. Cidamna thu sinna zong ni kizom in kisin a, a nithumni ciangin, Sen leh Korea kahbia (sisan kigawm) nupi khat in, “Pastor aw, mite'n hih pawlpi pen ngeina zui lel hi ci uh hi, Nang bangci muh," hong ci hi.

“Ngeina himah” ci nuam napi ing in, "Ngeina hi kei" ka ci zawsop hi. Hih pawlpi in Sabbath a kihel in, thumanthutak nei hi." ka ci a, a bang ka utna hiamzong thei tuan ke'ng.

Sen leh Korea kahbia (  ) nupi nu in thupi sazaw bilbel a “ka tanu tawh na pawlpi sung hong lutnuam ung," hong ci kik zaw hi.

 “Eh ,” kei pawlpi bel gamla lua, Hih anai biakinn ah hong paiziau zaw vuau, a mau in zong hong don un teh ka cih san hi.

Tua Sen leh Korea kahbia  ) nupi nu ki tuiphum hi. KeimahAdventist pawlpimi khat hilo sasa in,Adventist thuman thutak sungah ka kikheelsak masapen nu a hihi.

Cidamna thu sinna khit ciangin, Sabbath sang kava kah masak pen ni, tua pawlpi pen ngeinazui hi lel cih lakna ding munuam lua mahmah taleng, ka muzo kei hi.Adventist te in Laisiangtho bulzuih mahmah cih lamdang takin ka mukhia zaw hi.

Zeisu kiangpan Thupuak

Ka ki tuiphum nophangin, a sawt nailo a ka pasal tawh ki tuiphumsa ka hi uh hi. Thu kangen a, “Banghangin ki tuiphumkik ding ka hiam, Topa?” ka ci a, Topa hong dawnna ah, “Nangma a ding hi zaw hi” hong ci hi.Atawpna ah Sabbath palsat mawhna nei ka hihlam ka kiphawk a, ki tuiphum teekteek ding mah ka khensat hi.

Tua liatak in, Adventist pawlpi mikhat Sabbath nitakin ka inn hong hawh hi. Ka kihoho uh leh, na nupa un, na kituiphum kulding hi hong ci hi. Ka pasal in bel thungenngen lai ni a ci a, ke'n bel thunget kul kasa nawnkei hi. 2017 kum February kha sung in kituiphum thei leng ka cih bangin ka kituiphum uh hi.

Tun, ka sunmang in ka tanau te sagih in Sabbath thuman a saan dinguh ka deih hi.Gammangtulak khuano sungah mite, Adventist thupuak lehSabbath thuman a thei nailo te kiangah thupuak puakding a hi hi. Adventist pawlpi kaphuh tohtoh zawh na'ngun thu hong ngetsak un.

Tu'n, hawm kakisa nawnkei hi. Ka nuntakna sungah a kisam khat pen Sabbath thuman na hi gige hi. Zeisu sungah lungnopna lianpi kanei hi!

Soon-Ae Byun, in Andrew McChesney kiangah a gen bangbang hi. Soon-Ae Byun, kum 64, Sunday tang pawlpi khat ah kum 15 sung Pastor semkhin hi.

Theihhuai thu

• Koreagam ah Adventist missionary masapen , Son Heung Cho, pen Korea minam mah hi a, Japan gam a teng in 1904 kum in Adventist suak hi.

• Korean Union Conference sungah, East Central Korean, Middlewest Korean, Southeast Korean, Southwest Korean, and West Central Korean conferences cihbangin om hi.