MS 3: Adventist Khat Kikheelsak Sawm

Ki-Jo Moon, Kum  71

Adventist Khat Kikheelsak Sawm

Khanglam Korea

July 21,  2018

[Pasal khat in simsak in.]

Seventh-dayAdventist pawlpi ka lunggulhna pen Laibuzuak nasem khatin kongkhak hong kiuh mapek sawtpilai pan hi zaw hi.

Pawlpi lian simtham khat i Pastor ka hih mahbangin, kei pawlpi leh mi pawlpi muhdaan te ka enkaak zel a, Presbyterian, Methodist, leh Adventist pawlpite aa tawh ka enkaak zel hi. Adventists te laibu te pen Ellen White at te pian vive hi zaw kasa hi. Asihna a sawtkhin lua Nupi khatpeuh hihzah a, a pahtak uh lamdang kasa lel hi.

Tua laitak mah in, ka pawlpi sungmah ah zong a kisamkhat om kasa hi. Ka pawlpi in khangno te Daniel leh Mangmuhna sinna banghang neihpih lo cih thu, Pastor khat ka dong hi. Hong dawnkik na ah, “Tua laibu te thu e'n tamtel khol kei hang e,” hong ci ziau hi.

Tua bangin ka dawpdawp leh, biakna ngeina te tawh ka kido kha hi. Khanglam Koreagam, Christian a tamzaw te in; biakna nampi thumin khen uh hi: Jehovah’s Witnesses, Seventh-day Adventist pawlpi, leh Khanglam Korean pawlpi a hi, Vanthak leh Leithak pawlpi cihbang a hihi. Vanthak leh Leithak pawlpisung a lut pasal khangno khat ka thei a, tua a pawlpi sungah kip mahmah a hihmanin, a zumhpi ah kavapai a, laisiangtho kava sinpih hi. Jehovah’s Witnesses te pawlkhat zolzawk kasawm hi. Tuakhit teh, Adventists te thu tawm sinbeh in, amau hilhna te nial ka sawm hi.

Adventist laibuzuak nasemnu Hee-Sook Kim hong hawh hi.Adventist te laibu hawmkhiatna pan a hongpai ka hihi, hong cih ciangin thakhatin Topa tung lungdam kako hi. “Lungdam ing,Topa aw, Adventist te thu ka theihnop mahmah laitakin, mikhat nong sawlzo hi." ka ci hi.

Hee-Sook Kim in laihawm dalno khathong pia hi. Nidang hileh bel lomsuuk in ka paai pahpah hi. Tutung peuhmah bel, “Thumaan khat peuhmah a om khatam: omkha zen leh, Tua thute sinkawmin amah tawh khalam kizopna nei in, amah zo thei leng" ka ci hi.

Ngeina Mah Hiam?

Tua khit teh, Ms. Kim te biakinnah hawh in,Adventist te pen ngeina zuite a hih leh hihloh muhkhiat ka sawm hi.Amasa in kapaisim khiankhian a, a sawt teh ka thungip sungah biakpiakna bullettin pen kazi in a muh ciangin ka kitawngpah zakzak uh hi. Ms Kim in cidamna thu sinna ah kah ding hongsap ciangin, Kazi hehsak lo in kikhop theih daan ding ka ngaihsun hi. Kazi in zong cidamnathu lunglut ding cih ngaihsutna tawh kazi tawh kiho dingin Ms Kim kasawl hi.

Kazi in sermon ngainuamlo ding cih ka thei a, himah ta leh hibang a niam lam thusinna tebekmah in, pawlpi tawh hong kizomsak thei ding cih ka thei hi. Adventist te pen gualhuai thei mahmah a, a muhpeuh kiangah "Hello" a cih uh zong zaleh ka ut hi.Anneekkhopna aneihte khawngzong ka musak nuam hi. Ko pawlpi sungah, Pastor te sabuaidawn a tu a mite'n buaipih ngeingai uh hi. Adventist pastor te leuleu in, amau ankuang tawi ciuteu in, a tutna'ng mun zong khialkhial zaw hi.

Tua cidamna thu te in kazi lungsimAdventist pawlpi te tawh kinaituam sak mahmah hi. Tua khitteh, Daniel leh Mangmuhna sinna kakah khawm lai uh hi. Kei zong ka ngaihsun hi, “Hih thu lamdang hi. Ko pawlpi sungah zong thunem tam mahmah hi naven, Adventist pastor te'n bel khaa-an lum hong vaak uh hi."

Kikhop tuak ciang, Siapa'n ki tuiphum dingin kei hong hanthawn hi. Aih hang kazi in ngaklai ding ci hi. Kei pen Pastor khat ka hih banah, makaipi khat kahih hong phawkkiksak hi. Ka pawlpilui a president kasepna pan khawl in, Adventist ah ki tuiphum ding kazi tawh ka kikum uh hi.

Ki tuiphum ding hun kasottoh khit Sabbath ni khat, kazi damlohna tawh biakinn pai thei lo hi ung. Anitak ciangin, pawlpimi khat innah hong hawhin kazi hanthotna hong piaksak hi. Ka kiho kawmun, “Na ki tuiphumuh kul ding," hong ci hi. Patau giauguau sa in kazi maitangenkawmin, "Ka thungetna uh hi, Pasian deihna bang hi in teh," ka ci hi.

Ka zi in calendar ensa in, “Feb. 4 ni ki tuiphum ni ding hoihsa ing,” hong ci hi. Umzo keiphial ing. Ka zi in kei ki tuiphum ding hong khawlkiksak a, tu'n amah ki tuiphum ding cih thu lamdang kasa hi.

2017, February kha ka kituiphum pan kipan kalung uh nop citakin nuam hi. Sabbath ni a sermon te zong zaknophuai thei lua uh hi. Adventist laibuzuaknu kikheelsak kasawm mahmah hi napi, amah'n kei hong kikheelsak zaw hi.

Ki-Jo Moon in, Andrew McChesney kiang ah a gen bangbang hi.

Ki-Jo Moon, Kum 71, Sunday-tang pawlpi khat ah kum 37 sung sitset Pastor sem hi.

Theihhuai thu

Gamsungbup mimalAwn 51 pha a, leitang 38,000 square miles (100,000 square kilometers), a pha Khanglam Korea gam pen leitungah mitamna gam khat hi a, 1 sq. mile sungah mi 1,300 teng hi. United States tawh tehkak leng, 1 sq. mile sungah mi 86 bek om hi.

•          Korea te'n, i nu sungpan i suakkhiat lianin kumkhat phakhin ci uh hi.

•          Sahmyook University pen, 1906 kum in, Euimyung College ci in AmericanAdventist missionaries te in Korea gamAdventist khantoh na'ng in a hon uh a hihi. Nihvei kikhak man hi: a masa, Japan te'n Korea gam a uklai leh, a nihna: Korea gal kido lai. Tuni tuhun in sangnaupang 5,787 om a, 100 ah 86 Adventist lo vive hi.

Pr Ki-Jo Moon Thu khat vei kigelh khin zo hi. A kimzaw in na sim nop leh hitak ah na mek sak in. Ki-Jo Moon.