MS 5: Hong maisak in, Pa aw

Horita Risa, kum 24 

Hong maisak in, Pa aw 

Japan

August 4, 2018

[Nungakno khat gensak in.]

Kei in Christian khatin ka khangto kha kei hi. Japan gammite awn 127 te mah bangin, Pasian cih limlim zong phawkin ka neikha kei hi. Aih hangin ka pa ka phawkdenden a, ka ngai hetkei hi.

Ka neulai in ka nu leh ka pa kikhenuh hi. Ka nu bektawh nungta in, nipi ni tata in kapa kiang ka hawh zelzel hi. Kum 14 kaphak laitak in, kapa a cina a, nipi nite ah kapa kakhoi zel hi. Ama' dammawh khoi ding ka utkei hi. Lunggimhuai mahmah a, keilah khangno sepding tampi neilai, “Kei sese” ci in ka phun hi. Kapa kamuh simin, “hong mudah ing,” ci in kakap hi. Ka pa zong kapkha in um ing. Sawtlo in kapa si hi.

United States ah tai in cartoon pilna sin ka sawm hi. Los Angeles khua ah sang ka lut ma in, Chicago khua a om, Seventh-day Adventists a hisa ka tanau te kiang ka hawh hi. Sabbath ni in biakinn ah hong paipih uh a, nuam kasa hi. Christian biakinn ka tun masak penna a hipah hi.

Sangkah kipat khit ciangbel biakinn paiding hun kangah nawnkei hi. Sanggamte in Adventist biakinn zongin hong cih, kha guksung bang ka zonzon ciangin, Los Angeles khua sungah . Glendale Filipino Seventh-day Adventist Church ka mu hi. A sermon te ngai in, inn ka tunteh ka nu genkik ding ka ci hi. A pawlpi vuah khangno tamlua mahmah a, ka paikhiat ding teh hong lenuh a, sun an hong neekpih uh hi. Nitak hun zong zangkhawm dingin hong zollai uh hi..

Ka lawmthak tengin zingciang zong kimu kik ni hongci uh hi. Nisimin kakimu uh hi. Hong thusiamdaan te lamdanglua kasa hi. Tua a hihmanin, Pasian in hong itna Christian te tungtawnin honglak a, kalawm te'n Pasian hong itna honglakuh hi. Ka theih semsemnop manin, Pasian thu laisiangtho ka dong hi. Khatnu pen Lai Siangtho Siama hi a, hong hilhpah ngiatngiat hi.

Ka lawm teng ka it manin, ki tuiphum nuamta leng, ka pa ka hih daante ka phawk kikkik hi. Mawh maisakna ka ngen nuamlua hi.

Zan khat, mang ka manh hi. Ka pa sualtungah lum ka mu hi. A mai daang(laemtn bei) lua mahmah a, si dektak bangin om hi. Hong en gega in paulo hamlo in om hi. Tuabang hong et gega ciangin, “Oh, hong maisak zolo maw,” ka ci hi.

A zankik ciangin zong tua mangmah ka man leuleu hi. Ka pa sualtung mahah lum hi. Tutung bel nuihmaisa in om a, “Lungdam,” hong ci hi. Ka pa'n ka mawhna hong maisak hi. Pasian in zong hihmah bangin hong maisak hi. Nisimin thu man zolo mah tale'ng hong it in hong maisak tawntung hi.

Kapa'n, ka mang sungah “lungdam” hongcih teh, suahtakna a limdaan ka phawkkha hi. Ka lungsim gikteng paikhia hi. Mawh maisak ngah kahihlam kaphawk hi. Ka khanlawh ciangin, “Lungdam hi Topa aw, Zeisu mawhmaisakna ka ngah a, hong itna ka ciamkha hi," ka ci hi.

Tua mang in ka kituiphum ding hong dal, anunungpen hong sukkhapsak hi. Pasian in mawhna maisak thei cih ka thei a, pawlpi mite tungtawnin Pasian itna kaciamkha hi. 1 John 4:12, sungah, “Khat leh khat i ki it ciangin, ei sungah Pasian om a, hong itna in ei hong picingsak hi” cih ka tel hi.

Ka mangmat khit khathum ciangin kaki tuiphum a, ka sanggampa, Chicago pan in hong lengphei vingveng a, ka ki tuiphum hong uap phei hi. Ka khentatna te lamdang sathei lua uh hi.

Tu'n kum 24 ka pha a, Tokyo khuapi sung NGO ah na kasem hi. Cartoon lam nasep pen video game lambek a hih manin, kasem nawn kei zaw ding hi. Video game bawl ka ut nawnkei hi. Naupang cidamna lamah kasem zaw hi. 2011 kum Japan ziin nakpi ling hangin a damlo naupang tampi takte khoi in na kasem hi. Ka nu in zong, Zeisu a saantheih na'ng ka thungetna hi. Tokyo khuapi sung   a om kapawlpi a ding zong thungen ing. Setagaya pawlpi in keimah bang Japan Adventist khangnote, Japan gambup lungdamthu tangko dingin training pia hi. Tu quarter nipi 13 ni sumpi khenkhat in Japan khangno te nasepna khangto sak ding cih lamen ung.

Horita Risa, in Andrew McChesney kiang a gen bangbang hi.

Theihhuai thu

Japan gam penAsia taih i nisuahna lam a om tuikulh saupi khat a hihi. Tuikulh liann 4 om a: Hokkaido, Honshu, Shikoku, and Kyushu cihte hi. Tuikulh neunono 4,000 val omlai hi.

Japan gam ah, lei maitang kilaih pahpah thei a, zinliing sak pahpah hi.

Kumkhat in 1000 valvei bang zinliing thei hi. Meimual 200 bang om a, mual 60 bang nungta lai hi.

Shinto biakna pen Japan te biakna lianpen hi a, mi 100 lak ah 80 bangin bia uh hi.