Mission Story: Haanmual Ah Paina (Agen: Surayo Khudjamkulova, 34)

November 18                                                                                        Tajikistan Gam

Nipi 7na: Haanmual Ah Paina   (Agen: Surayo Khudjamkulova, 34)

Khangno laai khat ahi, Surayo in  Tajikistan gam ah a veengte sapna hangin Seventh-day Adventistte tawh kum nih sung biakpiakna bawl khawm uh hi. Ahizongin, kum 18 a phaak ciangin kikhawm nawnlo in, zato siamah seem ahihmanin Pasian nangawn mangngilhta hi.  Zato siama a sep kawm in pasal nei hi. Ama’ lamet bangin a nupa kikaal uh hong nuam hetlo hi. Ama’ pasal in sum kikhapna ah kimawl in, guihtheih khamtheihte zanga, a zi vua zeelzeel hi.  

Hih bangin khakuun in a om sungin, nungkum sawnin Adventist khat in a piak Lai Siangtho bu khat Surayo in hong mukik hi. Amah zong teelse loin hong leemziaua, Isaiah 5:4 na in a lungsim sukha  hi. Tua Lai Siangtho mun tamveipi sim phaaphaa hi.  “Ka leenggui lo aadingin ka hih naailoh ka hih ding a kilawm bang omlaai ahi hiam? Leenggah hoih gah ding ka lamet laaitakin banghangin gam leenggah hong gah mawk ahi hiam?”

A mittte khitui tawh hong kidim hi. Amahmah Topa Pasian in leenggah lo dingin a bawl ahi dingin theihtheihna hong nei hi, ahizongin ama’n thudon lo mawk hi. Amah in, “Topa Pasian aw, ka pasal tawh khantawnin kiteen ding nong awi leh hong vuavuasak nawnkei in.  Ka nupa-un Nang hong bia khawmsak theita in. Amah tawh ka kikhen ding Nong awizawk leh thunuam tawh kikhen theih nading lampi hong viahawmpih in. Nangma’ deihna bangin kong zui ding hi,” ci-in thu ngeen hi.

Thu a nget khitzawh a denmah ciangin, a pasal tungah Surayo in, “Nang saangin mi dangkhat ka itzaw hi. Amah pen mi khatpeuh saangin kei aadingin thupizaw hi,” ci-in hong taangkota hi.  

A pasal zong, “Kei saangin na it zawk om mah hi,” ci-in hong awng lualua hi.

“Tua bangdaan hikei. Topa Zeisu ka it hi. Nang zong Topa Zeisu na it ding deih mahmah ing,” ci-in Surayo in kamkhum tawh dawngkik hi. 

 “Mohammed na it hamtang ding hi. I kamsaangpa pen Zeisu hiloa, Mohammed hi,” ci-in hong haanggawp hi.

 “Ih kinial thu pen kamsaang vaai hilo hi. Topa Zeisu pen kamsaang khat saangin thupi zawtham hi. Gupkhiatna ih ngah nadingin Amahbek i Honpa ahi hi,” ci-in awneem tawh dawngkik hi.

Alauhuai Khensatna

Tawlkhat khit ciangin, Surayo’ pasal pen guihtheih khamtheih naakzatlua ahihmanin kikhapna kimawlna (avmif;upm;) ah, sum tampitak sumh hi. Amah in a leiba loh zoloa maizumin a nuntak saangin thong kiat ding khensatta hi. Tua ahihmanin a zi Surayo thah dingin khensatta mawk hi. Zaankim ciangin lamsiau khawm dingin a zi zol hi. Kha taang ah lam hong siau khawm uha, a paina mun a zi-in theikha lo hi. Misi vuina haan-ah a din lamuh Surayo in a hong theikhia ta in lamdang savat hi. Amahin a ngawng ah a vot leh a hiam temtaa khat!  a omlam hong theita hi.  A pasal in temtaa hiam mahmah a zi ngawng aatzal ding a hanciam nahi mawk hi.

Surayo zong a pasal khut khauhtakin leencip pah hi.  “Banghangin hong thah sawm nahi hiam? Thong ka kiat nading thu omlo hi,” ci-in a pasal tungah hong kiko hi.

A nupa-un hong kibuan uha, Surayo’ khutmeete tampi ki-aattan hi. “Topa Zeisu aw, hong honkhia in,” ci-in a zi kap ziahziah hi. Tua khit a sawtloin khua phawk nawnlo hi.

Tua zawh nai thum ciangin a lupna tung panin hong khanglo hi. A pasal in inn ah amah a ciahpih lam geen hi.

Surayo in thakhat thu-in a pasal tawh teeng khawm zo nawnlo ding ahihlam geenpah hi. A pasal in zong nialse loin a nupa-un hong kikhenta uh hi. Topa Zeisu in thu hoih tawh a nupa uh a kikhensak leh Topa Zeisu nungzui dingin a kamciamna kaal khat bang hong sawtta himahleh, Surayo in tua thu mangngilh khamawk hi.

Surayo in inndei khat saapa, zatopi ah zaan lamin zatosiama nasep khat hong ngah hi. Tua khit a sawt loin, Topa Pasian’ tungah a kiciamna hong phawkkik hi. Thu nget ding hong kipana, “Na nung kong zuih ding na deih leh hehpihna tawh bang pawlpi na suak ding kahi hiam? Nang phuh pawlpi hong lak in,” ci-in Topa tungah thuum hi.

Maanlong Mawtaw (Bus) Tuang Khialkhaa

Sabbath (Saturday) zingsang khat, zaan thapaai zatopi ah a  sepkhit cianginmorning, a ciah ciangin maanlong mawtaw (bus) tuang khialkhaa hi. Bus paina a tawpna dong   tun masiah Surao in bua a tuan khialhlam phawk khalo hi.  A khuadaak kawikawi leh Adventist inn khat mu hi. Bus a tuan khialh pen tuahsiatna hilo-in; Topa Pasian in Adventistte biakpiakna mun ah a puak a hihlam teksiamta hi.   

Tuani pen Sabbath zingsang hia, biakpiakna zong a kipanlian ahi hi. Surayo zong biakinn sungah luutvingvengpah a, Topa Pasian in Amah a biak nadingin a deihsakna mun a hihlam telsiam mahmah ta hi.  Amahin tua biakinn nusia ngeinawnlo hi.

Tu kuata Sabbath sawm leh thumna sumpi pawlkhat pen mi awn 8 teengin, Adventist 204 bek a omna Tajikistan gam ah a pualam phaakna nasepna ah kizang ding hi.

Na thungetna uah, Tajikistan gamsung Pasian’ nasepna nong phawkpih uh lungdam ung. Na Sabbath School sumpi uh tawh nong huh uh zong lungdam sawnsawn ung.

##########@@@@@@@@@@##########