“A Mittaw Lametna”

February 11                                                                                                                          Poland

Nipi 6na (1st Qtr, 2017)

“A Mittaw Lametna”

(Agen : Marian)

            Marian pen mittawsa aa suak ahih kei hangin a nu leh a pa in khua mu thei lo a hi dingin mu uh hi. Poland gam nisuah na lam ah a om Radom khuapi pan a ki gamla lo khua neu khat ah lokho mi Marian’ nu leh pa te in a tapa uh a pii kep dingin muanna tawh aap uh hi.

            Marian in “Ka pii tungah ka leibat lian penpen in Lai Siangtho ka thupi sim, ka zahtak na dingin hong pattahna ahi hi. Amah in Pasian’ thupiak sawm zong hong hilh sawnsawn hi”, ci-in lungdam takin gen hi.

            Marian kum (9) a phak ciangin, Warsaw khua saklam ah om Laski Educational Center (Laski pilna sinna phual) a bulpi lam leh a zom pilna sinna sang bawda ah sang kikah sak hi. Sang in ,mittaw naupangte aa dingin a hoih mahmah pilna hilh in a ki mu thei leitung ah lawhcing taka, a nuntak theih nadingin ki gingkhol sak hi.

A masapen Anasia Lai Siangtho Tawh Kisai Tuah Khak Thu

            Tan (4) a on khit ciangin Laski khuapi ah a kihong R.C te’ sang ah tan(5) pan kipan in pilna sin hi. Tua hun sungin Mirian in a masa pen a nasia Lai Siangtho tawh kisai tuahkhak thu nei hi.

            Apii in a hilh “thukham Sawm” te leh R.C pawlpi sangpi pan aa a kihilh “Thukham sawm” te a ki lamdanna Marian in hong mukhia hi. R.C pawlpi sangpan a kihilh na ah Thukham nih na ah a ki seek tawm milim bia lo ding cih omlo baan ah, Thukham sawmna zong khen nih ki suah lailai hi. Ama’n zong lamdang sa mahmah hi. Ahi zong in Topa Jesu in mualtung ah a hilh a nuai a Lai Siangtho mu a simkhit mateng bangmah gen lo hi.

            “ Moses Thukham leh kamsang te thuhilh nate a phiat dingin hong pai hi, ci-in hong ngaihsun kei un. Tuate a phiat dingin a hong pai hilo in, amaute hilhna a ki cingsak dingin a hong pai ka hi zaw hi. Hoihtak in na phawk ding uh thu pan in : Van leh lei a bei mateng, hih thukham te a neupen khat nangawn deih na tangtung lopi-in mawk mai mai lo ding hi. Matt 5:17-19

            “Banghangin Thukham Sawm namnih om hiam? ci-in Marian in Lai Siangtho ahilh siapa kiangah dong hi.

            “Thukham sawm namnih a om na a hang pen R.C pawlpi in Pasian mah bangin kheektheihna aana nei ahih manin Pasian’ Thukham Sawm pawlkhat a kheel ahi hi”, ci-in a siapa in dawngkik hi.

            Tua bangin hong kidawn khit uh ciangin Marian zong tua Lai Siangtho thu sinna ah hong kah nawn lo hi.

R.C Pawlpi pan A Taikhia Pawlpi a Dangte Thu Kanna

            Laski khuapi aa kiphut RC pawlpi sang panin gualzawhna (degree) hong ngah khit ciangin a ngaihbang a ithuai nungak Anna tawh ki teeng hi. Poland gam ah R.C biakna pen gambup biakna ahih hangin Anna in R.C pawi\lpi panin a taaikhia pawlpite tangthu thei nuam mahmah hi.

            Nikhat, Anna in leilak ah a om laihawm dalkhat mu in tawma, a sim leh Lai Siangtho thu gaalphina saang pan ahihlam hong thei hi. Tua sung aa om thute thei nuam ahih manin tua laihawm dal tungah a min thuh(gelh) pah in Lai Siangtho gaalphinate vaikhak pah hi. Tua Lai Siangtho gaalphina hong zawh khit ciangin Radom khuapi aa om Seventh-day Adventist Pastor pa mahmah in Anna kiangah va hawh in gualhzawhna lai pia hi. Pastor in mai Sabbath ciangin ahong kikhop nadingin zong zawn pah hi.

            Anna zong Sabbath ni hong kikhawm pah a, kikhopna mankhit phet in a tuahkhak thute a gen dingin nawhsa takin a inn ah ciah hi. Lawptak in a lawmpa Marian tungah a tuahkhak thu khempeuh gen in mai Sabbath ciangin zong Lai Siangtho a bulphuh takpi mah uh hiam cih a kan dingin kikhawm kik ding a hihna thu gen hi.

            Atate uh neu lai ahih manin Anna in inn ngak ding leh Marian Sabbath ni ciangin a kikhawm dingin geel uh hi. Marian pen ciangkhut a kaang tawh khuasung ah a pai kawikawi khat ahih manin amah guak biakinn ah a kikhop ding pen lem mahmah lel hi.

Phawk Thu Khat

            Adventist biakinn hong tun ciangin Marian in mittaw khat hi-in amahkia hilai mawk cih hong phawksan hi. “Adventist pawlpimite inkei biakinn kiim ah a pai thei ding hongsa loin biakinn sung tutna ah hong paipih a, kamkhum tawh hong hopihnate in ka lung hong nuamsak mahmah hi”, Marian in ci hi.

            Sabbath School hun ah thusinnate leh sun hunpi ah thugen na a zak ciangin hoihsa in thukim mahmah hi. Sun hunpi man khit ciangin sun an ne dingin pawlpimite khat in a inn uh ah sam hi. Marian inn a tun ciangin Anna in a pasal ngaihsut nate lawptak in dong pah hi.

            “Amaute’n Lai Siangtho thu limtakin sin uh a, ei zong ki khawm den leng hoih ding hi ci-in ngaihsun ing” ci-in a zi kiangah gen hi. Tua hun a kipan in a innkuan un Raadom Seveth-day Adventist biakinn ah Sabbath nisim in kikhawm uh a, a sawt loin Marian leh Anna a nupa un tui kiphum uh hi.

Vangil  Lianpi Khat

            Kum tampi mah Marian in pawlpi ah pawlpi makai (Church elder) leh Sabbath School makai (Superritendent)  sem hi. Amah in pawlpi nasepna thu ngaihsut a,  Sabbath School makai khat ka hihna tawh Lai Siangtho sinna lamlak pen Online (internet) pan la in Lai Siangtho thu ka sin hi” ci-in Marian in gen hi.

            Kaal sim in, Sabbath School lesson a hilh siatezat dingin Hope Sabbath School geel nate ngai in, lai bawl sak hi. Hih kithukkik aa Thu sinna (Lesson) pen Mangkam in kibawl a, Hope Channel Poland nasep na pan Poland kam tawh kiphen pen online ah youtube tung tawn in ki khah khia hi.

            “ Hope  Channel ka muang hi,  a hang in a tamzaw sem tawh ki zopna nei thei leng a hoih semsem ahihna ka thei hi”, Marian in ci hi. Amah in, “ Ka lawmte kiangah Lai Siangtho sinna tawh kisai kizopna (Link) ka khak a, tua kizopna mah Sabbath School sia ka meltheih (40) tungah email tawh ka khak hi” ci-in genbeh hi.

            Mi tampi takin Topa Jesu a muh theih nadingaa a huh ding mi ka kisam uh hi. Kamphenna tungtawn in thungai mi akhantoh nading pen Hope Channel Poland ngimna pi ahi hi. Ahi zongin a nasepna toi lua mahmah hi. Hope Channel nasem siate in TV studio (awkhumna) mei leh maanzaihnate ngah theih nadingin thungen uh hi. Tua hileh Thumaan a za nuam mipi aadingin a manpha thumaan bawl thei ding uh hi.

TV studio lamzawh nadingin Sabbath sawm leh thum na sumpi cingh tak a, nong piak uh lungdam mahmah ung.

***************