Sabbath Sawm leh Thumna Hungeelna

Sabbath Sawm leh Thumna Hungeelna (March 25, 2017)

Add caption

Nipi 12na (1st Qtr, 2017)

Kipatna La                             : Topa Aw Ka Nuntakna (ZBC-372)

Mipi Muakna                         : Sabbath School Makai pa/nu

Hunap thungetna                   :

Gamdang Adventist te           :

Thuthang gen na                    : Thuthangte Phawkkikna; Huh ding                    

Sumpi donna                          :

Tawpna La                             : Nangmah Tatkhiatna Ding (ZBC 207)

Hunkhak thungetna               :

Akihel Dingte                       : Thugen ding mi (2)

Akisam vante            :           (1) Croatia, Ireland, Norway leh Poland gamte laan khat ciat        (Laan a om kei leh a laaidal tawh a lim).

                                               (2) Europe gamlim a lian theithei 1.

Thugen 1 : Tu kuata sungin, Trans-European Division sungah a teeng mite’ nuntakna ah Pasian in a bawl a zaknop huai taangthu te zakhin hi hang.

Thugen 2 : Trans European Division sungah a om gamte in; Aland tuikulhte, Albania, Bosnia, Hezegovina, Croatia, Denmawk, Estonia, Faeroe Tuikulhte, Findland, Greece, Greenland, Guernsey, Hungary, Iceland, Ireland, /s/e of man, Jersey, Latvia, Lithuania, Montenegro, Netherlands, Norway, Poland, Serbia, Slovenia, Sva bard, Sweden, leh England.

Thugen 3 : Tu kuata sungin gam (11) te; Ireland, Poland, Norway leh Croatia pan thuthang ih za khin a, hih gam (4) tengin Tu kuata Sabbath sawm leh thumna sumpi ngah ding uh hi.

Thugen 2 : Hih Trans Europen Division sung aa gam (4) te taang thu tawmvei sung ngai kik ni.

Thugen 1 : Ireland gam Dublin khuapi ah kumtampi mah zu a dawn a pasal tawh akikhen nupi Teeda thu za hi hang’ Anu in Tedaa aadingin thu a ngetsaknate tangtung takpi a, Teedaa in tuni in Cuisle

phualpi ah a moibun a pualam miphaakna nasep seem hi. Tua Adventist phuh phualpi ah amah banga, zu leh za tawh akidiah mite aadingin Pasian’ na seem  hi.

Thugen 2 : Ireland ah Moldova khuapi pan a khangmoi nupinu Tatiana thu zong ih za hi. Amah in gambeel nupi khat ahi hi. Na lamdang tuamtuam tawh Lai Siangtho pan ama’ dotna a dawng Seventh-day Adventist pawlpimi upa pa tawh hong kimu kha hi. Tuni in Tatiana leh a tate thum teng pen a lungdam Adventist pawlpi mite ahi uh hi.

Ireland gam aa teeng

Thugen 1 : Elizabeth leh a pasal Mercha tangthu’ in zong Pasian in lam tuamtuam zzngin mite pha kawikawi ahihna hong phawk sak hi. Mercha in sihzah dong phial a lauhuai mortorcycle tawh kitaih khakna tuakkha hi. Elizabeth in zong Mercha’ nuu leh paa kiangpan in itna leh khualna ngah kha baan ah, Lai Siangtho thu sinna panin Thumaan laigil thei khia hi.

Thugen 2 : Dublin khuapi sungah Adventist pawlpi in biakinn khat bek nei uh hi. Hih biakinn panin khangto in pawlpimi a thakte saang, hotel leh mun dangdang te ah kikhawm uh hi.

Thugen 1 : Tu kuata Sabbath sawm leh thumna sumpi khen khat tawh Dublin khuapi sungah biakinn thak khat kilam ding a, pawlpi mite in thalawp huaitakin biakinn thak ah kikhawm ding uh hi.

Thugen 2 : Adang thuthang khat pen, Pasian in Paakhuan ah paina tawh Poland nupi thum tawh kituak kha a, Lai Siangtho thu sinna pan a tuiphum Ireland nupinu thu ahi hi.

Thugen 1 : Poland gam ii khuapi khat ahi Nowa Huta veeng thu zong phawk kha ding hi uh teh Pasian in cidamna thu genkhiatna leh Poland Hope Channel tungtawn in mi a kiphaak theih nadingin Ama’ nasep zia ih tel thei hi.

Thugen 2 : Poland gam pan a zi tungtawnin Thumaan a mu mittaw Marian thu ih phawkkik hiam? Amah in Lai Siangtho thu kigelh Laidal khat a kipaai mu in tawm aa sim pah hi. Tuni in Marian pen a tangzang a hanciam mahmah Sabbath School makai khat hi in Hope Channel sungah a kitaangko Hope Sabbath School khantoh nadingin hanciam hi.

Thugen 1 : Warshaw khuapi ah akiphut Polish Union Inn sung muntoina ah Hope Channel Poland naseem siate in kum tampi sung sem uh hi. Poland gamsung bek hilo in leitung mun tuamtuam ah a teeng Poland minamte tungah Thumaan a taangko khiat theih nading un, awkhumna (Studio) khat kisam mahmah uh hi.

Thugen 2 : A etlawm, a siangtho Norway gam ii khuapi ahi Oslo ah Bethel Seventh-day Adventist pawlpi taangthu ih za ciat hi. Tua pawlpi pen khuapi laizangah kiphut a, zatui tawh cina bawlna inn, sang, laikhetna innpi leh biakinn te zong om hi.

Thugen 1 : Tuni in Norway gam ah Adventist pawlpimi a tampenna Oslo khuapi ah hih innpi mah ah kikhawm in, Norway gammi khempeuh va phaak zawh nadingin kizang hi.

Thugen 2 : Ethiopia pan gambeel Mawlaai thu zong ih za hi. Khangno khat ahihna tawh Mawlaai in a upna hangin thong sung dongin bawlsiatna thuak hi.

Thugen 1 : Tuni aa ih piak Sabbath sawm leh thum na sumpi khenkhat tawh Adventist pawlpi in 1879 kum aa laikhetna setpi tawh Laibu bawlna mun ah biakinn thak khat kilamding hi. Pawlpi mi hong khangto seemseem a, tua tawh kizui in Sabbath School khaan tuamtuam, khawlkhopna khaan leh khangno te aading innkhaante lam nadingin munzaa kisam hi.

Thugen 2 : Yugoslavia gam ah sangnaupnag khempeuh pen Saturday (Sabbath) ni-in sang kikah sak hi. Naum in thusit mi (5) te tungah Pasian pen  a nuntakna ah akhatna ahihna leh Sabbath sim in kikhawm ding ahihna leh sangkah loding ahihna thu gen hi.

Thugen 1 : Kumte hong bei khit ciangin Naum zong Marusevek khuapi sungah akiphut thak Adventist sang ah a kah masa pen te lak ah hong kihel hi.

Thugen 2 : Sangpi (University) pan a zawh ciangin Marusevek khuapi ah hong ciahkik in tua Adventist sangah sangnaupang tampi pantah hi. Tuni in Croatia gam ah akiphut Adventist sangah pilna sin sangnaupang a tamzaw pen Adventist a suak nai lo Innkuan pan leh Pasian a thei lo innkuan pan sang hong kah uh hi. Naum in Marusevek sang pen lungdamna thu tangkokhiatna mun in ngaihsun hi.

Thugen 1 : Naum in, “A piang thei lo ding thu Topa Pasian in piang sak hi. Adventist ahilo sangnaupang (200) te in nitaksim, nisim, Sabbath sim in Pasian thu sin uh hi. Hih bang saang leitung ah a om ding hiam?” ci-in lawptakin gen hi.

Thugen 2 : Tu lian in Marusevek Adventist sang in Laisin nading khaan leh pasal bawda lam nading mun kisam hi. Tu kuata Sabbath sawm leh thumna sumpi khenkhat tawh pasal bawda khat kilamding a, bawda aa kizang innte pen Laisin na khaan in kizang ding hi.
Thugen 1 : Tuni Sabbath sawm leh thumna sumpi phaltakaa, nong piak uh lungdam mahmah hi. Croatia, Norway, Poland leh Ireland gam ah a kisapnate uh kihuh ding a, mitampi nuntakna kilamdang sak ding hi.                           ----------0000000----------