Sinna 8: Mawh Banglo Sisan

Nipini (Sabbath) Nitak lam Nov. 12

Sim Dingte: Job; Isa. 53:6; Rom. 3:10-20; Job 15:14-16; Job 1:18-20;

Matt. 6:34.

Kamngah: “Upna in lametna ah lungkimna hi a, a kimu nailo nate ah
lungkimna ahi hi” (Heb. 11:1). 

Algeria mi laiat siam Albert Camus in zong mihingte‟ thuaksiatna vai
buaipih mahmah hi. A laibu gelh (The Plague) Pulnatna acih sung
ah mihingte‟ thuaksiatna leh natna satnate acinuam ahihi. Pasalno
khat haksatna namkim athuak mulkimhuai tak a asihna thu gen hi. Tua khit
ciangin tua bang thu teng amu athei Siampi khat in, tua lai a om siavuanpa‟
kiang ah: “hih bang vaite sinso huai mahmah mihingte tel zawh lah hi lo. Ahi
zongin ih tel theihlohte zong ih san‟ kul mai lo dai” ci hi. Siavuanpa in
hehna tawh taibawl kawm in: “hi lo e, pa no, kei ngaihsutzia atuam dangpi
khat hi. Naupangte gim thuaksak gawp cih bang peuhmah ka sih dongin za
thei keng” ci hi. - Albert Camus, The Plague, (New York: FirstVintage International
Edition, 1991), p. 218.

Hih bang dan pen Job thubu a ih muh dan pian mah hi a: dawnna picing

aneilo vaipi khat upmawh sansat pong dan hi. Job in, hih doctor pa mah
bangin tua dawnnate in tu a vai tawh kituak peuh mah lo hi. Tua hi a, hih thu
in eite hong too a, khiatna nei lo abang thute pan bang thumanhpha mu thei
ding. Tu kal tua vai zomto lai ni.

* Nov. 19, Nipini ading tu kal sinna hong kiging in maw.

Nimasani (Sunday) Nov. 13

Job Dawnkikna

Eliphaz, Bildad, leh Zophar te genna vai ah: Pasian in siatna dantat mah

hi. Tua vai Job vai tawh akituak lo hi bek hi. Job thuaksiatna pen thuhkik
dantatna hi lo hi. Amau mawhna hang a, Korah, Dathan, leh Abiramte banga
Pasian in adantat hi lo hi. Job in mite vai ah ahi thei zel bang a avawh
bangha a at zong hi lo hi. Job pen midik ahihi; Pasian ngiat gen hi ven (Job
1:8 en in), Job in ama tung a thu piang athuak dingin kilawm lo bek lo in
amah zong in akilawm loh lam thei hi. Tua ziak in atauna vai thuakhak sa in
na sa mahmah hi.

Job 10 sim in. Amah in Pasian kiang ah bang gen a, ama thuaknate et in
acih ding mah a akilawm hi mai lo hiam? 0

______________________________________________________________

______________________________________________________________
______________________________________________________________

Tuahsiat hun ciangin, Pasian thu-umte in tua bang mah kidonghkha zel

hi lo hiam? Bang dia apian a hong piangsak nahi hiam? Bang cia kei hong
hi ci bawl na hi hiam, Topa aw? Ahih kei leh zong ka pian ngal a, hih bang
teng ka tuah sangin hong piang sak kei le teh hoih zaw mawk lo ding hiam?

Job in atel-siamlohna lai ah amah Pasian tung ah amuanhuai lam kithei

hi. Topa kiang ah awng in: “kei ka siathuai loh lam na theih hangin, nang
kiang pan hong honkhia thei ding kuamah omlo hi” (Job 10:7, NKJV).

Hih vai ah agen hak thu nawngkai om a: alawmte gen bang lo in, Job

thuaksiatna pen mawhna hang hi lo hi.
Tua thubu mahmah hong genna tawh kilehbulh a: hih vai ah Job‟ thuaksiatna
pen a muanhuai takpi man hi zawsop hi. Alian khat leh nih in hong gen
dan hi. Job in lah tua pen ahang hi zawsop cih zong thei kha lo in, thei mah
leh zong ama lunggimna leh sin tawlna veet sak kha zawlai ding hi.

Job thuaksiatna vai tuampian mah ta se leh hih vai pen leitung bup

huam dotna leh thu paipi khat hi a, adiak in tua thuaksiatna pen mi khat
mawhna hang dingin uang lualiang zel hi. Mawtaw nawh hawl lua kha a,
liau‟ pen thu khat hi a; mi khat taihlup khak sawnsawn pen thudang khat hi
sawnlai hi.

Adik lo pi in thuaksia ci a akingaihsun mi khat kiang ah bang gen thei
ding nahi hiam?
______________________________________________________________

Ninihni (Monday) Nov. 14
Mawh Baanglo Sisan?

“Mawh baanglo” te‟n bang cia thuak mawk, cih dotna kiza kha zel hi.
Laisiagntho in zong “mawh banglo sisan “na ci a (Isa. 59:7, Jer. 22:17; Joel
3:19), ngongg-tatna vai, kisuamna vai ah athuak ding a kilawm lo te‟n athuak
uh ciang hidiak hi. Hih kammal hici zat leng leitung ah “mawh banglo” cih
theih ding tam mahmah ding hi.

Thu khat pan in Laisiangtho in mite mawhbanna leh mite tatsiatziate
hong gen a, “mawh baanglo” cih khiatna bang hi mawk cih huai hong hizel
hi. Mi khempeuhte in mawhna bawl in, Pasian thukham palsak le uh, mawh
bang lo kua om thei ding? Akici thei zel thu khat bangin “nau suah lai pi in
mawh nei nahihna lak hi.

Pasianthu-kansiamte leh Laisiangtho siamte in kum 100a sim in mihingte
mawhna tawh iki nahvawhzia vai ah kinial den
mah le uh, Laisiangtho in bel mawhna in mihingte hong huzaap hi cih hong
sianggen hi. Mite‟ mawhna vai Laisiangtho thak bek in hong hilh hilo hi.
Laisiangtho thak in laisiangtho lui gennate hong behlap sawnlai hi bek hi.

Anuai a munte in mawhna pianphung hong koici hilh hiam? I Kumpi.
8:46, Late 51:5, Paunak 20:9; Isa. 53:6, Rom. 3:10-20.
______________________________________________________________
______________________________________________________________
______________________________________________________________
______________________________________________________________

Laisiangtho‟ siang gen ban ah, Topa atelcian mite leh Pasian hoihna leh
sianthona amu kha ngeite in mihingte mawhban-zia telsiam uh hi. Hih bang
vai ah, “mawh baanglo” kua om thei mawk ding? (Naungekte leh naupangte
vai dam et ni).

Thu khat pan in, tua pen vai dang khat ahihi. Job pen mawhnei mi hi a;
a tate mah bangin mawh banglo hi lo hi. Ahi zongin tua bang a thuaksia
dingin bang hih a, bang teng bawl uh hiam? Mihingte thuaksiatna vai ah dotna
zungpi hih hi mawk lo hiam? Alawmte‟n “lei mite‟ kisuutna” (Job 13:12,
NKJV), acih san lel uh bangh lo in, Job in ama thuakte athuak ding a akilawm
ahih loh lam kithei hi.

Pasian leh ama sianthona theihna in, mihingte mawhna’ suksiatzia hong
theisak in singlamteh ikitangsapzia hong koici muh thei sak hiam?
______________________________________________________________

Nithumni (Tuesday) Nov. 15
Kamsiatnate

Job 15:14-16 sim in. Eliphaz in bang thumann Job kiang ah gen hiam?
______________________________________________________________
______________________________________________________________
______________________________________________________________
______________________________________________________________

Eliphaz in thumann agen (adangte mah bangin) hi a, mihingte amawh
vive ahihna thu ahihi. Mawhna icih pen vannuai thupiang hi a, thuaksiatna
zong tua bang mah ahihi. Thuaksiatnate mawhna hang mah ahihi. Thuaksiatna
tungtawn in Pasian in sinna tampi hong hilh thei hi. “Pasian in Amite
thuaksiatna meikhuk ah hong sinbawl hi. Meisa in ahoih taktak leh Christian
mawkmawkte nuntak hong kilangkhia sak in mawh-nate tawh hong
kikhenkhia sak hi.” -- E.G. White, Tuulpite leh Kamsangte, P.P. p. 129.

Thuaksiatna vai ah athuukzaw vaibuai om hi. Akiman‟na muh theih
aom loh hunte zong om hi lo hiam? Pawlkhatte si pah in ahoih lo hepkhiat
cih om tuanlo hi lo hiam? Pasian mann theilo pi a athuaksiate e leh? Athuaksiatnate
uh in alung ham sak, heh sak, Pasian a mudah sak lelngelte cih te
khong e leh? Dap koih theih hi lo in, atel nop dia bawl theih zong hi lo in,
bawl mah leng zong Job a mawhsakte mah kibang kha ding hi.

Gamkang lak a, ahing kat khawm ganhingte sihna vaite khawng e?
Patau kangmei a si mi tultampite sem e? Gal sung a si gammite khawng?
Bang sinna ngah mawk? A innkuan vua maiman‟ lawh sawn lai? Asi Job‟ ta
10 te ban ah “namsau dan athuak” a nasemte (Job 1:15) ahihkeh meikuang a
site (Job 1:16) ahihkeh “zumleh hiam” tawh asi anasem dangte khawng
zong” (Job 1:17).

Job leh amah a mawhsakte in bang sinna ngah in, Satan in Job muanhuaina
tungtawn in bang ci gualelhna thuak mah leh adangte thuaknate bel
akilawm lo bang hi. A takpi in bel hih thute dik lo, kilawm lo, in mann lo hi.
Tu mah in zong tua bang mah kituak kha hi. Kum 6 pha naupang cancer
tawh asi cih khong? Kum 20 apha sangnaupang numei ki mawhpih gawp
cih khawng te, adik omlo hi. Kum 35 pha, ta 3 nei nupi mawtaw accident a
si cih khong? Japan mi 19,000 te 2011 zinling ah si mawk? Tua 19,000 ten
hih bang dantatna thuak dingin mawh bang uh maw? Tua hi kei leh bel
amau sihna zong thudik hi lo hi.

Hih bang ahaksa dotna tuamtuamte tawh kidim hi.

Nilini (Wednesday) Nov. 16
Anini Ading in Kicing

. . . .
Anuai a munte sim in la, asung a mite thuaknate ngaihsun in. Tua khitteh
nang leh nang kidongh in la: amau adingin nuntak anuam adik hi ih ci
thei ding hiam?
Job 1:18-20 ___________________________________________________
Pian. 4:8 _____________________________________________________
Paikhiatna 12:29, 30 ____________________________________________
2 Sam. 11:17 __________________________________________________
Jerem. 38:6 ___________________________________________________
Matt. 14:10 ___________________________________________________
Heb. 11:35-38 _________________________________________________

Laisiangtho in mawhna sung a tangciak ahaksa nuntakzia hong mu sak
a: siatna leh thuaksiatna om takpi hi. Pasian kammalte pan atungtham et pak
in leitung nuntak pen Pasian tung ah ih muanhuai nak leh dik in hoih in
mann hi ci thei kha mawk pak in thuaksiatna omlo ding peuh kisa kha thei
hi. Muanhuaina in tu mah in zong thamanh asang kha mah zongin thuaksiatna
leh natnate pan hong dal den sam lo hi. Job na dongh mah ve.

Mualtung thuhilhna sung ah Zeisu in nek leh dawnte ah lungkham kha
lo in Pasian ih muan ding thu hong gen mah hi. Zeisu in pianngeite pan, ih
tanggsapna ah Pasian hoihna leh muanhuaina vai hong hilh hi. Hih kammal
minthangte tawh hong gen a: “Zingciang ading na lungkham kei un:
zingciang in ama vai hong tawnpih ding hi. Tu ni thusiate tu ni adingin
kicing hi‟ (Matt. 6:34).

Tu ni ading in tu ni thusiate kicing hi. Zeisu in thusia om kei aci hi lo
in nisim in kicing den aci hi zawlai hi (Greek kammal pan “siatna”,
“nungtolhna,” “diklohna,” zong suak thei hi). Nisim nuntakna ah siatna om
den aci ahihi. Eite theihna azah tampi in leitung siathuainate vai Amanh thei
mahmah zawlai hi a, e‟n zong tampi mah thei tek hang.

Leitung nuntak adik loh lam aciam athei kha lo om ding maw? Tua
bang teng kawmkal ah Zeisu in hih diklohna hong hilhna in, tua bang
teng kal ah bang lungnopna leh thangahna hong nei thei sak hiam?

Ningani (Thursday) Nov. 17
Akimulo Nate

Pau. 3:5 sim in. Mikim theih hi mah leh, eite adingin tu lai ih sinnate
tawh kituak in athupi bang thupuak om hiam?
______________________________________________________________
______________________________________________________________
______________________________________________________________

Job a pen atuamdiak ih ci phial zongin mawhna dim leitung ah bel
thuaksiatna aom lam kilangh hi. Aom takpi lam bel Laisiangtho in hong gen
loh hang zong kithei kim hi. Ih kiim ih paam ah ki mu bek lo in ei mahmah
in zong tua bang sung a nungta ihihi.

“Numei sung pan a piang mihingte nuntak tom cik sung bek hi a, haksat
lungkhamna dim hi. Paak bang in hong pokhia in kivatmai a: limm bang in
leng mang in, om nawnlo hi” (Job 14:1 2).

Tua bang teng tawh khiatna nei lo bang a ih muh mawh baanglote‟ sisan
luanna vaite leh thuaksiatnate koici ngaihsut ding ihi hiam?
Job thubu patna lam a ih muh bang leh Laisiangtho mundangte pan a
hong kilah mah bangin Satan om takpi in hih thuaksiatnate‟ bul leh naak ahih
thu tai theilo hi. Tu quater patna lam a ih muh bangin (Sinna 2),
kikiangkalhan thupaipi in leitung ah thusiahuai vaite nawkzia dingte ah hong
panpih thei hi.

Khat veivei bel thupiangte hong pian ciang, telsiam hak veve lai mawk
thei hi. Khat veivei telsiam loh thute tampi mah piang zelzel hi. Tua bang a
telsiam‟ zawh loh thute hong pian ciangin Topa‟ hoihna muansiam‟ ding ih
sin hong kul hi. Ih kiim ih paam a thupiangte vai ah ahoih hong pian na ding
muh theih aom loh ciangin zong Pasian muan ding ih sin kul ngiat mawk hi.

Heb. 11:1 sung ah: “upna in lametna ah lungkimna hi a, akimu nai lo
nate ah lung muanna ahi hi”. Ih muh nate tungtawn in, ih muh nai loh
nate ah, Pasian koici muan thei ding ihi hiam? Job thubu a ih sinsate
pan in Job in koici sin khin hiam? Ama hih bangin en zong koicih thei
ding ihi hiam?
______________________________________________________________
______________________________________________________________
______________________________________________________________
______________________________________________________________

Kiginni (Friday) Nov. 18
Sinbeh Ding:

Nung Nipini thupatna pen leitung nuntak vai abuaipih mahmah
Albert Camus thu tawh kipan a, thuaksiatna ngiat in nuntak pen buai‟huai
sak sem sawnlai hi. Pasian um lo midangte mah bangin tua vai ah ma
tun mel lo hi. Ama gen akiciamteh pi pen in: “thu nawngkaipi khat in hong
zui a, ei mah kisih bawlna vai ahihi. Nuntak thamanh om maw omlo cih pen
hih lungngaih-na thuguipi dawnna tung ah kinga hi. - The Myth of Sisyphus
and other Essays (New York: Vintage Books, 1955), p. 3. Mihingte thuaksiatna
vai pen dawnna baih omlo thu ahihi. Job thubu in adalna khat hawkkhia in
ahuampi ei muhtheih sang a picing zaw hong lak a, ahi ta zongin
tua teng ih sin khit ciangin zong akidawng kha kimlo in ih dotnop thu
tam sem hong nusiat lai hi.

Ahi ta zongin hih dotna vai Pasian lo tawh abuaipihte leh Pasian tawh
abuaipih khawmte a akilamdan‟ mahmahna hong om ngiau hi. Pasian umte
adingin thuaksiatna vai a buaihuai-zawkna ah, amah om gegu a, hih bang thu
buai om veve cih thu khat ahihi. Thu khat pan in eite in Pasian a um lo Camus
in aneih loh dawnna leh ngaihsutnate ih nei thei hi. Camus pen anung
lam ciang tui zong kiphum nuam hi napi mawtaw accident tawh asawt lo in
hong si hi.” Eite in, “Pasian in khitui khempeuh hong nulsak ding a; sihna,
dahna, kahnate leh natnate om nawnlo ding hi: bang hang hiam cih leh thu
masate venggmang ta hi.” (Mang. 21:4). Khat peuh in hih leh Laisiangtho
sung a kamciam dangte a um kei phial zongin, khiatna nei lo gimna khamna
tuamtuamte kawmkal ah buaigawp in atawpna ah si maimang ding cih
pongmawk sang bel lametna khat neih pen nuntak nuamzaw hamtang ding
cih thu asan kul veve hi.

Kikup Dingte:
1. Siatna vai tawh kisai pawl khatte nialnopna ah, leitung ah bel
siatna leh phatna om tuak na ven. Phatna tamzaw in lianzaw hi aci ten,
Amasa in atua cih lam koici theih thei ding ihi hiam? Anihna ah tua
dawnna mann phial mah leh zong Job adingin hih thuaksiatna ah bang
phatuam peuh mah mawk hiam? Thu ngaihsun siam Arthur Schopenhauer
in hih vai sialehpha kikal tawikhaina vai ah, “leitung nopnate in
haksatnate lek mang hi; tua hi kei leh zong hih gel kikhaikimna khat om
hi” na ci hi. “Hih thu asim peuh in adikna amuh theih nang in ganhing
2 te ngaihsutzia ding lungngai leng; nek athuak leh ane ganhingte en ni.”
Ahoih in asia lek buang hi cih vai na koici dawn ding hiam?