SINNA 09 - JESU A SIHNA LE A THAWHKIKNA

Thupatna: Nautangte' lakah Jesu a min thang mahmaha, mihau mi-minthang tampi in zong Ama thugente sang thei mahmah uh a hih hangin, Jesu a thah zawh mateng uh a lungkim het lo gam makai hon khat om lai hi.

1. Bang hangin gam makaite in Jesu that nuam uh hiam? Mark 11:18. Theih ding: Thu khat panin Jesu' minthanna in makaite' lungsim na sak hi. Thu khat leuleu ah, Jesu' thumaanna in amaute' simtatna teng selpho den hi.

2. Jesu in Ama thuak ding teng a thei khol hiam? Luke 18:31-33. Theih ding: Tanpa pen mihingbawla kibawl lo ding a hihna genkholhna in siangtakin hong gen hi. Isaiah 53:4,5.

3. Thahna a thuak dingin Jesu Amahmah a kipia a hi hiam? John 10:18. Theih ding: A sih ding hun tung nai lo a hih manin makaite in thah a sawm sialun Jesu suakta zel hi. Amah a kipiak kei ngal leh amaute in that thei tuan lo uh hi. A hi zongin sihna a thuak ding maha leitung ah Amah hong pai a hihi. A hi zongin lungsim khensat ding haksa sa veve hi. Matthew 26:36-39.

4. Kua in, koi bangin a galte' khut sungah Jesu zuak hiam? Luke 22:47,48. Theih ding: Judah pen Jesu in Amah tawh a kinaipen dinga a teel mi sawm leh nihte' lakah khat a hihi.

5. Thu a kisitna ah Jesu kikoici bawl hiam? Mark 15:15-20. Theih ding: Jesu thu a kisitna ah Judah mite' ngeina tawh a kituak lo-a a bawlna uh sawmnih vei val bang om a hih hangin, huatna tawh amaute hai khin uha, Satan mahmah in amaute tawsawn hi.

6. Judah mite in Jesu bang thu ah mawh sak uh hiam? Luke 22:70,71. Theih ding: A pu a pate un kum sawtpi a ngaklah uh Mipa, tu-in Judah mite in a nial uh a hihi.

7. Jesu in mawhna a nei lo hi napi-in koi bangin thu kikhen hiam? Luke 23:22-24. Theih ding: Khailupna pen Rome mite in mi gilopente a thahna uh a hihi.

8. Singlamteh ah a kikiah laitakin Jesu kua hiam cih maan taka a gen khia kua hiam? Matthew 27:54. Theih ding: A lung khauh galkap khat tung pana hih bang kammal zak ding a lamdangpi khat a hih hangin, Jesu kua hiam cih a hong lak ding thu tampi oma - Ama mai puakzia, Amah a thatte' a ding thu a ngetsakna, A thuakzawhna cih khawng zong hi pah hi

9. Jesu si taktak a hih lam bang in hong lak hiam? John 19:33.34. Theih ding: Singlamteha khaina tawh ki si pakpak khol lo hi. A hi zongin Jesu in leitung buppi' mawhna vangikpi a pua a hihi. Tua mawhna in Amah a that a hihhi. Amah si takpi a hih lam galkappa' teizum in hong kilang sak hi.

10. Jesu koi-ah kivui hiam? Matthew 27:57-60. Theih ding: Arimathea khua mi Joseph zong Jesu a na pakta sim gige khat a hihi. Jesu' luag kilawm taka a vui dingin tu-in amah hong ding hi. Hih thu zong tu ma kum za sagih lai-in kigen khol zo hi. Isaiah 53:9.

11. Jesu a kikhailup zawh nithum ni zingsangin bang piang hiam? Matthew 28:1-6. Theih ding: Hih thu zong Jesu in a gensa (Matthew 16:21) leh, nidanga a kigensa thu a tangtunna a hihi (Phatna La 16:10). Judah mite in ni a sim uh ciangin nilang bek zong nikhat bit mahin sim uh hi. Friday ni-in Jesu kikhailuma (Luke 23:54), Sunday ni-in tho kik ih. Tua a hih manin, Friday, Saturday, Sunday, nithum a hihi.

 12. Jesu tho kik a hih lam a nungzuite nih in bang mu hiam? John 20:6-8, 19,20. Theih ding: Hancing galkapte a ihmut kalin Jesu' luang kigu lo a hih lam a luang kitunna puante a kikep linliasa-in han sungah a kimuhna in hong lak hi. Jesu zong sikha suak lo-a pumpi tawh om a hih lam Thomas in tel hi.

Thukhupna: Rome ukpite' phala leh panpihna tawh Judah makaite in Jesu that uh hi. Bang hang hiam cih leh a za uh a kisuan ding amaute lau uh hi. Amah a sihna dinga khut leh kam a zangte peuhmah mithat pawl sungah kihel hamtang ding hi. A hi zongin Jesu in ei' a dingin A nuntakna a hong pia a hihi. Bang hang hiam cih leh mawhneite a hotkhiatna dingin Ama sihna a kitangsam a hihi. A hi zongin Jesu si paisuak lo hi. Nuntakna phungpi Amah a hih manin misite' lak panin Amah hong tho kik hi. Hancing galkapte hi ta leh, Satan' vangliatna hi ta leh in han sungah Jesu lencip zo lo hi.

Sinna 09 - Jesu a Sihna Le a Thawhkikna on Scribd