Zomi Sabbath School Lesson: ZEISU IN HONG ZUI UN CI-IN KHOO 2016 3rd Quarter Lesson 11

Hong Zui Un Ci-in Khoo

  

Nipini (Sabbath) Nitak lam       Sept.  3

Sim Dingte:  John 10:1-5, 16; Luke 9:2; Mang. 14:6, 7; Luke 19:1-10; Sawl. 26:11-27; Mang. 3:20.

Kamngah:   Ahih hangin midang nung azui kei ding uh a, akiang pan a taikhia ding uh hi.  Bang hang hiam na ci uh leh midangte?aw athei kei uh hi.  (John 10:5).

A.D. 362 in Rome gamhuam ukpipa Julian in dawibiakna phonglo hi.  Rome gamhuam teng ah Christian biakna in khuplet a, dawibia uliante lunghimawh uh hi.  Julian in dawisa-pipa khat kiang ah angaihsut alung-himawhzia, leh Christian te akhanna thu ama ngaihsutna leh amuhzia agenna ah:  dawisate in mizawngte donn lo uh a, mi mawkmawkte Galilean christian te in; mu in, huh in panpih uh a; amau a te bek hilo in, ei ate zong pia uh a, ei mizawngten ei kiang pan huhna ngah mel-lo uh hi.?- Quoted in Rodney Stark, Cities of God (San Francisco; HarperCollins Publishers, 2006), p. 31.
Rome mite in amakaipa uh Zeisu Khazih si leh, beimang dingin um uh hi.  Tua sangsik in Rome mi tampite in zui zawsop mawk uh hi.  Amaute in hih thu vai atelkhehna uh ah:  Zeisu?nungzuite in Ama itna pen akiim apaam a mite kitangsapnate ah panpihna tungtawn in kilanghsak uh hi.  Zeisu in hiah aom lai in tua cih a, anungzuite zong tua cih uh hi.  Zeisu nungzui ding a, akisap ciang azuih uh pen alamdang hilo hi.

*Sept. 10, Nipini ading kiging in tu kal sinna hong lim sin in maw.

Nimasani (Sunday)        Sept.  4

Ama Aw Thei Uh Hi

John 10:1-5, 16 simm in.  Zeisu aiawh ih hihna tawh ih kiim ih paam ah itna tak tawh kipawlkhopnate bawl in Zeisu kiang zuatpih ding athupitna ahang hih munte in hong koici lah hiam?  Ama aw azak nang un koici panpih thei ding ihi hiam?
______________________________________________________________
______________________________________________________________
______________________________________________________________

Mite Zeisu kiang zuatpih ding vai ah lawmte huauna aw pen midangte awtna sangin vanggnei zaw hi.  Ei hong muang lawm leh gual ih neih ciangin tuu cing hoih pa (John 10:11, 14) in ei tungtawn in, hih bang mite ama aw za in thei a, azuih theih nang un panpih thei hi.
Midangte'n Zeisu aw atheih nang un ih panpih theih nang in ei mahmah in ih theih masak ding thupi hi.  Khembawlna tawh adim Satan?aw leh Zeisu aw ih tel nangin Pasian hong piak khentel theihna ih kisamh hi.  Ih phawk tawntung ding thu in, eite kikingkalhna kawmkal ah ih om takpi a, guuk bawl nasep tawh asem den galpa in Zeisu hong hotkhiatna thu tawh ih kizop khakloh nading in hong dal den hi.
Ahita zong in mite in Zeisu aw atheih nang un avang nei ma apanpih theite ki suak thei hi.  Pianngeite tungtawn in (puukna vai khit ciangin), ahun amun zui a hong makaihnate, Khasiangtho in mihingte leh ama kammal tungtawn in hong huzaap hi (Khazih kiang zuatna, SC, pp. 85 - 91 en in).  Eite in tua awneem za a ih man抙 leh midangte amakaih theite kisuak thei hi.  Zeisu?gentehna bang keek a, mittaw in mittaw amakaih bang hi nuam hetlo hi hangh (Matt. 15:14 en in).
Bang hang a Zeisu in mite tua ci huup thei zo peuh mah mawk ahi tam?  Angsung khual lo tak a, ama hong kipiakna pen nial theih hilo hi.  Ama pumpi ahi eite in, angsung vaite nusia in, sawltaak bang in, ei sung ah Amah nungta khia sak leng ei sung pan a, Khazih?sapna aw in midangte huup in huzaap ding hi.
Tuu cing hoihpa aiawhte ih hih mah bangin eite in Ama nasepzia zuul in Amah zui dingin midangte khoo thei ding hihangh.  Kampauna ah citak muanhuai in Zeisu kipumpiakna, itna, omzia diktak zuul hi leng; ih panpih mite?bilte hong kihong in pawlpi sung leh mihon lak a kideidannate hong vengg mang ding hi.

Tuucingpa?awneem mite azak nang in bangci bang teng tawh panpih thei ding nahi hiam?

Ninihni (Monday)         Sept. 5

Ih Zon Ding Ahihi

Luke 19:10; Mark 1:17; Luke 9:2; leh Mang. 14:6, 7 sim in.  Hih mun teng a kigen kim athupi bang thu khat om hiam?  Tu hun a om eite bang hong theisak hiam?
______________________________________________________________
______________________________________________________________
____________________________________________________________________________________________________________________________

SDA pawlpi khat a pawlpi mite in, Topa aw hih mihonte kote kiang pawlpi ah leh nang kiang nai thei sak in?ci in thu ngen uh a, ih pawlpi siikhuup bangin kingaihsun kha zel hi.  Khat veivei bel mite in ih pawlpi ei hanciamna lo tawh hong zuan thei mah uh hi.
Ahi zongin kum tampi hong bei in kuamah hong sung tum het kei mawk leh?  Mi hong pai ding bek ngaihsun tha pai in kha ngah nangin Zeisu sepzia kizui kha lo hi.  Amaute tawh kipawlkhawm kikhawlkhawm in mite ih hotkhiat ding ahihi.  Mite in mite hong pai ding ngak lo in aomna uh pan ih vazonkhiat ding ahihi.. . .. . Amau kiang ih zuat kei leh aki honkhia lo ding mi tampi om hi.?- E.G. White, Khazih Gentehna Thute, COL, p. 229.
Zonkhiatna vai gentehna namtampi om a:
1. Tuu cing pa in amang tuu khat zongin 99 te nusia hi. (Matt. 18:10-14 en in).  Zeisu in hih thu naupangnote mawhna bawlna pan dal a, pattah vai agen ahihi.  Naupangnote pen naupang takpi leh Christian thu ah naupang laite zong hi thei hi. Leitung azuat kik zel mah uh leh zong, vazong a Ama kiang zuatpih kik ding ahihi.
Atung a thu tawh kivalak thu khat limhgen kik leng, amangte zonna ah akizanghte ihi ding hi.  Amaute avazongkhia ding ahihi.  Khat vei sunh pen Pasian thu hong hilh in; hotkhiatna thu thumann hong hilh in aci zongh om thei kha mah ding hi. Tua bang bel om zenn lo hi.
2.  Khazih in azon zia bel gah neilo in omlo ding hi. - E.G. White, Damhna Thupha, MH, p. 144.  揂niamna mun ah gahte?bek agen ahi hiam? - Ei tawh ih lungsim kuan akibanghte Christian pawlpi dangte peuh bek agen hi kei hangh.  Lawh haksa singgahte bang cih ihi hiam? - Aleitung vaite, Pasian omlo acite, Muslimte, Jew te, Hindu te, Buddist te khawng e leh; Christian ngaihsut picingte bel Adventist te san-theihhuai asa tampi om hi.  Upna, muhna, ngaihsutna dangdang neite tawh bel ih lim sep lai ngel kul ding hi.

NITHUMNI (Tuesday)  Sept. 6

TUA GUNLEIPI Pawlpi in kiim leh paam mite adingin cidamna lam, innkuan vai, sum zeekna vai, kileptuahna vai cihte kinei a: “hong zui in” cih theih nang mun koi teng hiam? kici kha thei ding hi. Ih dot ding pen tua gunleipi kua hiam? cih ding hi a, adawnna pen nang mah! na hihi. Lungdamna thu tangkona vai ah akhauhpai pen genna leh lahkhiatna in itna anei, mi ittheih Christian te ahihi. - E.G. White, Damhna Thupha, MH, p. 470. Ih nasepna vaite ah hong lunglut, thu theinuam a, hong kihel dente adon zo den, Pasian mite in lawm hoih ahi den nuamte, apanpih nuam dente ahi uh hi. Alang lam pan in lengla akin bawllo te, nawngkai peuh asa lel te in pawlpi khan’ nang vai adal pente suak thei hi. “Pawlpi mi, upna picing neilote leh anungtolh kik te hangin Topa in tu in mitampi hong lut sak nai lo ahihi. Upna picing neilo pawlpi mite in pawlpi mi thakte tung ah bangci huzaap nei ding hiam? Ih thupuak mawkna suaksak kha mawk ding uh hi lo hiam?” - E.G. White, Teci Panna Thute, 6 T, p. 371. Luke 19:1-10 sim in. Zeisu mu dingin bang hangin Zacchaeus in singkung tung ah kahkul sa-mawk hi ding hiam? Hih thupiang pan bang kha lam sinna la thei ding ihi hiam? Jericho a Zeisu kiang zuat theih nang akhaktan akiim a om mihonte in “mi mawh” Zacchaeus’ lunglutna thei in Zeisu khe phung zuan dingin na sam uh hi leh bang piang ding cih lung ngai un.

Tua “mihon” lak ah eite khat peuh in Ama itna “veii” in mawh nei mihingte, Ama itna angah nuamte a “lawh sawn” Christian te kisuak thei ding hi. Ei mah bang a mawhneite tung a, Pasian itna leh hehpihna vai, kin takpi hi leng; kha lam thu ah mi aban zo lote donn in Khazih kiang zuatpih thei ding hi hangh. Pawlpi sung a maitang thak te ih koici bawl hiam? Amaute na hopih tanghtangh hiam? Awlmawh lo in, midang khat peuh in na donn na’n cia peuh na ci mawk hiam? Na dawnna in nangma vai bangh hong pholak a bang kikhelna kisamh na hi hiam?

Nilini (Wednesday)         Sept. 7

Tua Sapna Aw

Zeisu leh anungzuite in mite dam sak in alungsim uh tawntung vai lam ah puak hi (E.G. White, Damna Thupha, MH, p. 20).  Mark Finley in mite Pasian?khalam thu ih hilh kei leh kha lam tatsiatna hi hong ci hi.  Zeisu?nasepzia pen amau kitangsap-pen vai uh tungtawn ahihi.  Tua in damhsakna nasep vai ahihi.  Khazih in pumpi cidamna bek tawh lungkim hi lo hi.  Ngimna pipen in Zeisu sung ah tawntung nuntakna ahihi.  Damh-sakna nasep pen Zeisu nung azui ding a upmawhte tung a nasepna hi lo in, Ama kiang azuatpih ding ih hihi.  Mite it ih hih manin Zeisu in amaute apiak nop khempeuh apia-nuam ihihi.
Ken Zeisu hih dan, amasa lam bek sem ning in hong zui in?cih vai lamsang bang mah hih kei ning!  揔en tua silpiak ngah keng peuh ci kha mawk ken.  Amasa lam teng sem le teh Zeisu thu gen kha in upmawh sang baihzaw sa-in alungsim uh ah abu-pi sem khin na hih man in hong ol mahmah ding hi.
Amite tawh na kitheih semsem ciangin, upmuanna thu gen nang hunpha Topa hoihzia gen khak nading hunpha ngak gige in.  Kha lam vai thu gen theih nang hunpha zong toto in.  Amau innkuan vai khawng anasep vai, abiakna vaite uh, dotna tungtawn in ih gen ih hop ding thute hong om toto ding hi.
Ei tuah khak thute pan in en leng avangg-nei teci panna hong suak in, lauthawng sak lo pen ding hi.  Nang tung a piang thu, Zeisu hong sep saksa thute agen na hia, gen ding tua bang thu ih neih ding mah ahihi.

Sawl. 26:11-27 ah nungzuipi Paul in Agrippa kumpipa kiang ah ama tuah thute hong gen hi.  Hih thu piang pan midangte tung ah teci pan vai bang sin thei ding ihi hiam?
____________________________________________________________________________________________________________________________
______________________________________________________________

Adawldawl a agen ahihi. Paul in Topa atheih ma, ama omzia  hong gen hi.  Tua khit teh akikhelna thu hong pulaak hi.  Tua hun a kipan Pasian in ama nuntakna sung ah hong sep khiat vaite hong gen toh khit ciangin hong deihsakna thu tawh hong leh um hi.

Ei nuntakna pen Paul bangin nasia lua kei mah leh, Zeisu tawh kisai na thu bang ciang hi a, midangte tung ah hunpha aom sim in koici hopkhiat thei ding na hi hiam?
______________________________________________________________

Ningani (Thursday)        Sept.  8

Na Zon Uh Leh Na Mu Ding Uh Hi

Mang. 3:20, Matt. 7:7, 8 leh John 1:12 sim in. Hih mun thumte koici kizop a, Topa zong a, ih muh vai bang hong gen uh hiam?
______________________________________________________________
______________________________________________________________
______________________________________________________________

Hih munte in, mihingten ih nget ih zon a, Zeisu ih san ding ahih thu hong gen hi.  Tua kawm mah in Mang. 3:20 ah Zeisu in kong khak ah ding in kieu a, ih hon a ih lut sak ding  ahi hi.
Hih thute kitukalh lo hi.  Khasiangtho vangliatna tawh Topa in mite lungsim ah na sem a, amite抧 athei kei phial zongin lamnaih den hi.  Khat veivei apiang theilo thute zong mawk uh hi.  Tua bang thute ah lampi dik lakh a azon uh amuh nang un ih lam-pii ding pen thuhoih thupha leh hunhoih hunpha  ahihi.
Tua hi a, nang tungtawn in Zeisu in na mipihte nuntak lungsim hong khakpi?akieu suak a, tua kong deihna tak tawh ahong a, Amah asang mite khempeuh in Amah tawh hong tonkhawm thuphate sang ding uh hi (Mang. 3:20, John 1:12).  Tua ban ah, Amah in anungzuite kiang ah ngen in, zongin, akong  vakieu a, Ama gam 搒ilpiakphate?ngah ding in hong khoo hi  (Matt. 7:7, 8, 11).
Khasiangtho in na lungsim hong lawng a, mi khat peuh in Khazih lut nangin a kong hong nuam cih na theih ciangin kei tawh thu ngenkhawm in Khazih sang inla ainnkuanpih suak lo ding na hi hiam??ci in va zol in.  Anuai a bangin thu ngen thei ding hi:  Topa Zeisu aw, mawh ka hih lam ka thei a, nong maisakna ka kisamh hi.  Ka mawhnate tang a, nong sihna thu ka um hi.  Tu in ka lungsim sung ah hong lut dingin kong khoo hi.  Topa leh honpa in nang hong muang in kong zui nuam hi.  Zeisu min in kong thum hi Amen.?
Bang hun a khentatna ngen ding cih ih theih nangin kha lam phawk theihna kisamh hi.  Hangsan lua cih zong om thei a, hang ngam lo lua cih pen siazaw lai thei hi.  Khat veivei mihingte in Topa ading teelna vai ah itna tawh khauh tak a tawsawn kul thei zel hi.  Pawl khatte in tawntung nuntakna leh tawntung supna kikal ah akivaivei kua hi ding cih gen theih omlo hi.
Hih bang vai ah asiangtho mawhpuak ih nei takpi hi.

Kiginni (Friday)       Sept.  9

Ngaihsut beh Ding:  Late 77:20; Hosea 11:4; 2 Cor. 5:11-21 sim in. E.G. White, Teaching and Healing, pp. 139-146 leh Help in Daily Living, pp. 469, 470; Damna Thupha, MH, sung ah; This Man Receiveth Sinners?pp. 185-197 leh Into the Highways and Hedges, p. 228-237, Christ Object Lessons sung a te sim in.

Topa a it Zeisu thu agen nuam khangno khat om hi.  Pau zong kiva in, lawp mahmah a, teci nasia mahmah khat suak hi.  Ama thu gen kiza nuam hi.  Ahi zongin, thu nawngkai khat om den a: mite Zeisu kiang kiaap dingin gen ngam lo den hi.  Hih vai in pawlpi midangte lamdangsa sak hi.  A thu dangte ah hangsan mahmah bang na pi, a upmuanna zong genkhia nuam mahmah na pi ci uh hi.  Tawl khat khit ciang, adot uh leh, Nilini a sinna vai mah bangin ken tua silpiak ngah keng ci lel mawk hi.  Amanh khaici vawh nuan in midangte?at ding in nusiat hi.  Tawl khat khit teh hong nial ding uh ka lau man hi pi pen cih thu gen hi.  Teci pang dingin kihawmthawhna khat nei den a, (tua pen ahoih hi sam na pi) anget khit teh a ki aap loh ding uh lauthawng ci hi.  Palwpi midangte in teci panna pen ei vai hi lo a, Zeisu thu hi ven ci uh hi.  Eite bel akicingtaak lo hi den hang.  Thungetna leh itna tak tawh Zeisu kiang ih kawhmuh khit ciangin, Khasiangtho nasep kisem theilo a, ki theihna leh kikhelna Amah bek in piangsak thei hi. Eite bel Khazih hong itna athei sak ding kamtaite bek ihihi.

Kikup Dingte:
1. Zeisu sung ah ki aap ding a mite sawl ding lau mai ing acite khat peuh kiang ah bang na gen ding hiam?

2. John 1:9 ah: tua in leitung a hong pai khempeuh khuavak apia adik khuavak hi?(NKJV) ci hi.  Topa in hotkhiatna mi khempeuh thei sak nuam cih thu hong koici telsiam thei sak hiam?

3. Na pawlpi in lenglate alawm bawl?uh hiam? Kongpi pan a hong lut midang khat koici donsiam zaw thei ding nahi hiam?

4. Na biakinn vuah lampi pan a hong lut ziau khat peuh aom nunung pen bangh hun hiam?  Pawlpi in koici lengla do hiam?

5. No inndei sung ah na kikhelzia gen phot in.  Teci panna in koici zat khin a, koici zat thei lai ding na hi hiam?