Zomi Sabbath School Lesson: Hun Bei Kuan Khuapi Sung Nasepna 2016 3rd Quarter Lesson 12

Hun Bei Kuan Khuapi Sung Nasepna

  

Nipini (Sabbath) Nitak lam

    Sept. 10

Sim Dingte:  Sawl. 18:1-28; Pai. 2:23-25; Matt. 13:3-9, 18-23; John 15:12, 13; 2 Pet. 3:9.

Kamngah:  揘ote sal a kong koihna khuapi phattuam na ding bawl un la, tua khuapi adingin Topa tung ah thu nget sak un.  Bang hang hiam ci leh tua khuapi in phat tuamna angah leh no zong phattuamna angah mah  na hi uh hi? (Jerem. 29:7).

Vantung mi thumte tangkona in lungdamna thu, 揼am khempeuh, nam khempeuh, pau khempeuh, leh mi khempeuhte kiang ah gen?ding ahihi (Mang. 14:6, NKJV).  Tua hi a, mite tenna mun khempeuh ah, tua thupuak tangko ding ahihi. Tu lai mite khuapi sung ah tam ten uh ahih man in khuapite ah ih pai kul hi.
2007 ngawngaw ciang bel khuapi sung nasep akul ngiatzia  UN Statical Expert te tangkona ah, leitung tangthu sung ah akhat veina in khuapi sung a teng te tam zaw ta hi cih hong pulak uh hi.  Tu ni ciangin khuapi nasep pen SDA te nasepna ah vai laigil hong suak ta hi.
Gam tampite ah Adventist te nasepnate ah khuapi neu te leh khua neuneu te ah khuapi sung te sangin kimuibun zaw hi. Thu kankhiatnate pan in khuapi sung taktak te ah SDA pawlpi bel akiza kha ngei lo zah hi mai cih kimukhia a, 搗antung mi thum te?thupuak cih ki thei kha vet lo mai hi.
Tua hi a, akitel thu ah, leitung ih zelh nop leh khuapite ih zelh kul mawk hi.

*Sept. 27 Nipini adingin tu kal sinnate hong lim sin in maw.

Nimasani (Sunday)

   Sept.  11
Khuapite? Omzia

Khuapite in ngeina omzia tampi, minamte, kampaute, leh biakna tuamtuamte gawmkhawm mang hi.  Nidang in, akhenkhen in amau mun ciat ah om tek uh hi.  Tu lam ciangin minam kim mun khat ah veng leh paam in kinei uh hi.  Hih bang ngeina kigawm tuah gawpna in buaina apian sak mah bang in hunpha zong piang sak hi.  Ngaihsutna thak kisang thei zaw in biakna thak biak ding hun lui lai sangin baihlam zaw hi.  SDA te thupuak aza ngei lo dingte in zong hong za thei ta uh hi.
Sawl. 18:1-28 sim in la, Paul in khuapi sung a pawlpi aphuhzia khat en in.  Tua mun a asepna ah bang sin ding thu ih mu hiam?
______________________________________________________________
______________________________________________________________
____________________________________________________________________________________________________________________________

Hih bang khuapite ah minam leh gamtat kampaute kigawm tuah khin mang hi.  Paul in ama kizoppih theih mi hon khat hong mukhia hi.  Jew upmuanna anei, Rome gammi ahi, ama puanbuk lam nasep asemte khawng ahi uh hi.  Hih nasep tawh amah kitodelh hi.  Anung lam ciang Pasian nasem hong suak thu um innkuante tawh hong khuasa khawm uh hi.  Aki hawlkhiat mateng biakinn ah thu hilh in, thu um mite inn pen biakpiakna inn suaksak hi.  Amah in thu um thakte thumann hilh in panpih puahpha in tua mite amakaih ding mi kiginsa in koih hi.
Siang tak a muh theih thu ah Paul in ngeina kigawm, upna nam kim kawmkal khuapi sung a nasepzia ding thei in zong nuamsa hi (1 Cor. 9:20-23 zong en in).  Akiim apaam tawh kikoici zop a, thumann atheihsak nopte kiang ah akilawm pen in koici tangko ding cih thei hi.

Mi pum leh pawlpi bup in ahoih thei thei in koici kigin in koici kizop ding a, koici zelh kim thei ding ihi hiam?
____________________________________________________________________________________________________________________________

Ninihni (Monday)

   Sept.  12
Thuumna Taunate  Za  In Donn

Zeisu in Jerusalem, Caperanum leh tua lai khuapi dangte ah cina lunate, aliam abaite, leh mizawngte in damsakpa um抍ih  uh hi.  Alungsim in haksa thuak mihingte vei hi.
Khuapi sung ah mite, inn te, van zatte, leh thu nawngkai tampi om hi.  Hih thute in pawlpite masuan ah hong too thute ahihi.  Thupha tangkote in hih thute donn loh theih hilo a, athu ala bek ci mawk leng ei thupuak amawkna hong suak ding hi ta hi.  Ih sep ih bawlnate in veina, hehpihna, lametna cih ih gengente alahkhiat kei leh, ih gen ih hawmte in vangg neilo ding hi.  Thu leh vai tampite lak ah khat hong hi bek mawk ding hi.

Paikhiat. 2:23-25, 6:5; Late 12:5; Rome 8:22 leh Job. 24:12 sim in.  Hih munte ah bang thupuak kimu thei hiam?
______________________________________________________________
______________________________________________________________
______________________________________________________________
____________________________________________________________________________________________________________________________

Ih leitung haksatna tawh kidim hi.  Mawhna leh thuaksiatna vangikte nuai ah tau hi.  Hih vaite pan kuamah suakta lo hi.
Hih haksatnate mah in avangg nei teci panna hunpha hong pia ahihi.  Hih mun ah kidop ding thu zong om hi.  Pawlpi mi a hilo te in veeng leh paam vai ah pawlpi bang ci muh in; mihon vai leh mite?tangsapnate ah panpihna vaite kikal, kilamdan抸iate telsiam?ding hong thupi hi.  Mihonte adingin hun khat a khat vei innkuan sim ah ann ahawmkhia pawlpi leh khuapi sung a biak inn om mawk khat pen kilamdang veve hi.
Hih pawlpi in bang sem hiam?  Nisim in mipi nasepna phual ah pai den hi.  Mite zing sim in tua mun ah pai in zing ann sa vitvit ngah thei!  Pawlpi lian zong hi tuan bek lo.  Pawlpi mi 75 tang bek pha hi na pi aveng apaamte?kitangsapna khual pha mahmah uh hi.  Hih bang pen nasep hoih mah hi in, ki aapna leh atangsamhte huh nop takpina kisamh hi.
Ih pawlpi kim in ih kiim ih paam a hong piang toto thuumna taunate don takpi leh mihonte in hong koici muh ding cih ngaihsun in.

Nithumni (Tuesday)

    Sept. 13
Khuapi Sung ah Vawhna leh Annlakna

Matt. 13:3-9, 18-23 sim in.  Hih pen ih theihtheih ih zakzak thu ahih hangin ih kiim ih paam ah koicibangh  kisapna  oma koici teci pan ding cih hong hilhna ih telsiam zawk nangin koici lak thei ding ihi hiam?
______________________________________________________________
______________________________________________________________
____________________________________________________________________________________________________________________________

Khua neu vai a hong kigen ahih hangin, hih gentehna in, khuapi sung nasepna ah khuaneute sangin thupi zaw a, khuapi ah 搇eitangh manh tamzaw hi.  Hih thu in khuaneute sang khuapi sung ah tangkona neihhuai zaw ahih zia ahang hong tellah hi.
Aleitang tawh kizui in angah zah kilamdang a, tangkona ih neih ma in aleitang ih cian et masak kul hi.  A 搇eitang?ki tel et khit teh 搇ei hoih?mun atawm leh tua lei puahpha a akhauhte nell sak in, asuang alingte paihkhiat kul ding hi.  Tangkona amuibun dingin, pawlpi in na asepkholh, lei apuah kholh kul hi.  Hih bang sepna in ih tangkona amuibutzia kilamdang sak mahmah thei hi .
1 Cor. 12, Rom. 12 leh  Eph. 4 te ah Khasiangtho gahte thu na gen hi.  Silpiak tampi om a, masuan khat bek ahihi.  Leitangh omzia genna ah khaici vawhna khuapi sung nasepna ah silpiak namtampi kisamh hi.  E.G. White, gelhna mah bangin khuapite ah, 搒iamna atuamtuam anei mite kisamh,?sep dan bawl dan thak tawh sep kul hi.  Ahun amun akisapzia leh anuntakzia uh ngaihsut kul hi.?E.G. White, Evangelism, p. 70.  Pasian piak muhtheihna tawh khuapi sung a kisamh avaite mu thei hi.  Tu lai in lampi tuamtuam tampi, silpiak namtampi, sepzia bawl zia tuamtuamte ih zat hong kul hi.  Thu genna khat ahih leh sepna nam khat bek in gualzawhna sau veipi hong pia lo ding hi.  Tawlta khat sung in atun aban na ki thei zo nawnlo ding hi.  Sep kholh bawl kholh kisamh hi.

Na teci pan nopna mite ngaihsun in.  Bang ci bang leitang hiam?  Aleitang koici puah thei ding na hi hiam?
______________________________________________________________

Nilini (Wednesday)

   Sept.  14
Ami Mahmah Bulphuh

John 15:12, 13; James 1:27; leh Gal. 6:2 sim in.  Hih thute in, pawlpi pua lam nasepna ah vai thupi bang hong gen uh hiam?
__________________________________________________________________________________________________________________________________________________________________________________________

Khuapi ah mi tam lua ahih manin, upmuanna vai pen ami mahmah tawh kisai ahih lam kiphawk lo thei hi.  Khuapi sung ahi a, koi mun ahi zongin atawpna ah Zeisu tawh kitalsikh khak ngiat akisamh hi pipen hi.  Kankhiatna pan muhkhiatna ah SDA hong suak atam zaw te in SDA sung a meltheih aneihna tungtawn hi thei bul hi.  Kilawmtatna vai ah, mite kiang a vatangkona diak ah, ang sung vai bei a, mihingte phattuam sepna hi pipen hi.
Alei kall in, khaici tuh in vawh a, apo thakte donn to in alak hun dong leh anntangte kepcingnate ahihi.  Mite tawh koici kilawmtat ding cih ih sin kul a, amau thu koici ngaih in koici it thei ding cih te ahihi.  Tangkona munte ah hihte thupi mahmah in khuapi nasepna ah thupi zaw kan a, mite in khat vei vei akidonn loh ciangin, mihon tampi kawmkal ah amangthang banghin kingaihsun kha thei uh hi.
Khuapi sung nasepna ah athupi mahmah vai khat pen Laisiangtho thak hun a, 搃nn biakinn a zat?Sawl. 2:46 ahihkeh atam zaw mihonte pan honno khat zong hi thei hi.  Khuapi kiim ahihkeh khuapi sung a biakinn omlohna SDA pawlpi 3 leh atungsiah omna mun mihon no khat peuh kipankhia in mapang khia phot ding hi (E.G. White, 7 T, pp. 21, 22 en in.)
Khuapi sung ah hih bang dan a patkhiat kisamh hamtang hi.  Ngeina leh minam tuamtuamte, pau leh ham leh neih leh lamh tawh mite kituam-khennate kawmkal a khuapi lailawm sung a ahon khen nonote leh zia leh tongg tuamtuam neite cih bangin na kikhen toto hi.  Tua bang a khen tuam nono te angim veuveu ahon nonote lo tawh, Khazih masuan picing ngeilo ding hi.
Khuapi sung ah thu um mite Zeisu nungzuih ding ahaksatna tampi om ahih manin akhen nono te nasepna kitangsam hi.  Hong phu tuamtuamte; ze etna, ahi thei maimai upna, omziate leh ngaihsutna dangdangte zong kihel hi.  Thu um mi pawl khatte抧 hih vaite hangin pawlpi nusia in, pawl khatte leuleu in hih bang omzia teng athuak zo dingin akidalna lam un mi omziate ngaihsut sak khalo uh a, itna adim Zeisu kilanghsak thei kha nawn lo zel  uh hi.

Ningani (Thursday)    Sept.  15
Khuapite Va Phuangkhia

Apua lam ah Pasian thu vaphuang択hiat ding kuamah in baih ci lo hi.  Baih lo ahih man?ahihi.  Mihingte puuk in, sia huai in, kha lam vai lo uh hi.  Paul in ama vai agenna ah: 搕hukham in kha lam vai ahih lam ih thei a, kei lah mihing vai in mawhna?nuaisiah in ka om hi.?(Rom. 7:14, NKJV).  Paul in tua ci leh, Topa athei lo ahihkeh Zeisu sung ah nuntak kikhelna anei ngeilote bang suak mawk ding?
Eite siatna siahuai zo kei phial leh zong, khuapite anai-nawng抸ia uh pen akithei khin sa hi den hi.  Mawhna sung ah thangsiah a akilhcip theih nang a zolnate leh galpa khialkhemna tuamtuamte mite in thuak uh hi.  Tua hi a, khuapite va phonghlo ding cih thu abaih ahih peuh mah loh hang in, ih sep ding hi a, ih pawlpi in hong kisapna za a, muanhuai tak a ih sep ding ahihi.

Anuai a munte in Pasian thu theh zak ding vai athupitzia hong koici gen hiam?

2 Pet. 3:9 ______________________________________________________
______________________________________________________________

1 Timothy 2:4 __________________________________________________
______________________________________________________________

Pasian kammal Laisiangtho sung ah bel Khazih hong sihna  pen mawh neite khempeuh ading hi a: mihing khempeuh huam in Adam leh Eve akipan asuan aknakte khempeuh huam hi.  Hih thu in, leitung khuapite sung a mite khempeuh huamkim hi.  Tua athupi anasia, amanpha thu azak kim uh kul hi.
揚asian hong piak thupuak ah akilaih omlo hi.  Khuapi sung a nasepna pen tu lai a akul thu ahihi.  Khuapite ah Pasian deihna bang a, aki tangko?khit ciangin, ih muh ih theih khak ngei loh anasia sepkhiatna hong kipan thei ding hi.?- E.G. White, Medical Ministry, p. 304.
Khuapite ah thupha tangko ding pen mi sim tung a sawlna hi a, Khazih tawh athuukzaw a kizopna, geelna picing leh kiginkholhna, sepkhiatna, cih te kisamh hi.  Khanlawhna leh kipuahphatna tungtawn ahihna pen Khasiangtho tungtawn bek a picing ding ahih man ahihi.

Rom. 10:14, 15 sim in.  Khazih nungzui akici eite adingin bang thuguipite kipulaak hiam?  Gupkhiatna nasepna ah koikoi a om ih hi zongin bangci bangin semkhia thei takpi ding ih hi hiam?

Kiginni (Friday)

   Sept.  16

Ngaihsut beh Ding: Ministry to the Cities, (Hargerstown, Md.:  Review and Herald Publsihing Association, 2012) sim in.  Tua laibu ah E.G. White in khuapi sung nasep vai tawh kisai agelhnate akikaikhawm ahihi.

Khuapi sung a nasepna vai a thu thei siam SDA te khat in E.G. White lai atnate sung a khuapi sung leh pua a sepna agenna thute telsutna hong nei hi.  Tua vai agenna thu 107 tangg aom  lak pan 24 te in khuapi pan paikhiat ding vai ahihi.  Ahi zongin mun 75 te ah khuapi sung lut a sep ding vai hong gen hi.  Adang 8 te bel amun vai genna hi lo hi.  Pawlpi tangthu sut pa khat in ih munpite leh ih mualte vai E.G. White gennate ah khuapi pualam pan a sep dingin hong gen a, khuatual pawlpi?nasepna vaite ah khuapi sung pan a sep ding thu hong gen hi na ci hi.
Khuapite a nasep vai ding na pawlpi in bangh geelna nei hiam? Na pawlpi khuapi pan bangh tan gamla hiam? Pawlpi kim in khuapi a sep ding vai amau tawh kisai ahih lam angaihsut ding uh ahihi.  Adventist pawlpi sim in hih vai ah sepna bawlna neih ciat ding ahihi.  Khuapite ngaihsun kha lo a, khuapi pualam teng bek ah sepna pen Zeisu hong sawlna bangh manh taktakna suak theilo hi.
揔huapite sung ah tu lai thumann athei innkuante bang hang in tengg lo ding uh hiam? . . . . Akhuavak uh midangte tung a tang sak ding a, . . . . khuapite. . .  . azuan pawlpi mi . . . . hong om ding hi.  E.G. White, R H, Sept. 29, 1891.

Kikup Dingte:  

1.  Athupi thupuak ih neihte ngaihsun in.  Ih lametnate tu mah a nuntak picing zaw, leh tawntung vai alian lametnate ngaihsun in.  Zeisu sung ah ih neih lametna tawh kisai diak sung ah na deih diak Laisiangtho munte bangte khawng hiam?  Bang hangin tua te in khiatna nei diak hiam?  Nipini ciang kikumkhawm ni.

2.  Tu a ih nuntak; ih gim ih tawl, ih liam ih baai, ih buai, ih bangh teng tawh lamet omlo in si in han ah muat lel ngel cih ngaihsun le cin, bang tawh kibang ding hiam? Hih bang pen khuapi sung a mi tampite up dan peuh hi mai mawk hi.  Tua hi leh bangci bangin mihingte amau om omna ah va nai?a, itna tawh va theihsak nopna koici neih thei ding ihi hiam?