“Nuntak Gimnam Kik” (Mission Story)

11th Sabbath of 3rd Quarter, 2016

September 10, 2016                                                                                      Rwanda

                                                                                                          

“Nuntak Gimnam Kik”

(Agen:  Samuel Nadagijamana)

                                                                       

            A lauhuai Sabbathni, 1994 kum, April 16 ni in Mugonero zatopi sungah  Samuel leh a innkuanpihte bu uhhi. Biakinn ah a bu teng a thah khit uh ciangin zatopi lam hong zuat kawm un a muh khempeuh baan thah uhhi. Thau tawi in Zatopi sung hong lut leuleu uh a, inndei sung khempeuh ah thah ding zong kawikawi uh hi. Samuel banga suakta sun te’n a kinaipih misite luang nuai ah kiphum in misi kineihkhem uh hi. Zan kim nai khat dong tua bangin Samuel a om khit ciangin a zingciang in buk nading mun zong leuleu hi.

            Samuel in, “Ko a suakta sunte zong Pasian’ hong hehpihna hangbek mah hi. Banghanghiam cihleh kha thum sung vilvel mi baan thah ngekngek uhhi” ci hi.         

Tualgal sung panin a suakta Samuel in, a mailam nuntak nadingin Pasian’ khut sungah ki-ap hi. “Pasian’ hong hehpihna hangbek in gal sung pan suakta in a nungta hi ung. Ka suahtakna uh a hang zong Pasian in thei hi’ ci-in genbeh lai hi.

            Rwanda gam kumpi thak te’n a nungta laite masuan ding vaihawm sak uhhi. Kumpi lam makaite’n phu la lo zaw in, buaina ah a kihelte mawhna maisak ding lam vaihawm zaw uhhi.

Tuni Mugonero Zatopi

            Tu-in Mugonero Zatopi pen cinate kibawlna mun, HIV-AIDS natna bawlna leh ki-atna, nu leh naupangte te khoina,nattun natna bawlna, tuap natna bawlna, khuak lam bawlna leh natna sittelna phualpi suak kik ta hi.

Samuel in thukin mawtaw hawl sem hi. Zatopi in khuasung mun 6 ah Health Center (Cinate kibawlna) phuan uh a, Samuel pen a kisam bangbangin mawtaw tawh a puak kawikawi tavuan kipia hi.

                        “Tualgal ma in zatopi khangto khin a, Nurse siama te sinna sang zong hoih mahmah hi” ci-in Samuel in gen hi. Ka lametna pen hih zatopi leh siama sinna sangte hong kipuah kin a masa lai zong hoih zaw tham ding in ka lamen hi. Siama sinna sang aa dinga sum tawh hong huhsa te khempeuh tungah lungdamna kong ko hi. AUCA aa ding aa nong piak uh sumpi hangin lungdam hong ko ung.

Zatui Tawh Kepna

            Nisuahna-A laizang Africa Division (ECD) ah cidamna lam makai (director) a sem Dr. Fesaha Tsegaye in  nisuahna lam Africa ah zato lam siavuante leh siamate nasem ding tampi kisam a, zatui mahmah zong kicing nai peuhmah lo hi, ci-in gen hi.

            World Health Organization (Leitung Cidamna lam kipawlna) in mi 8,000 ciangin siavuan khat pai sak ding vaihawm hi.

            Dr. Tsegaye in, “Siavuan siam tampi om leh, cinatna tampi dam ding hi. Siavuante hoihtakin kisin sak leh siavuan siam tampi hong om ding a, mitampi in damna ngah ding hi” ci hi.

Zatui lam tawh Pasian’ Nasepnate

            Rwanda gam ah mi tul 20 ciangin siavuan khat bek om hi. Hih mun ah cina tam mahmah uhhi. Naupaai lai nupite leh kum 5 nuai siah naupang si zong tam mahmah hi. Tua ahihmanin  Rwanda ah a kihong zatui lam sang thak ah Seventh-day Adventist mission sungah a sem dingin siavuan te siamna sin sak ding hi. Siavuan te-in cina bawlzia bek sin lo in cidamna lam tawh lungdamnathu tangko zia dingzong sin ding hi

            Tua a hihmanin phaltak aa sumpi nong piak man un cidamnalam ah khantohna nei thei tading kahih man un lungdam mahmah ung.