Zomi Sabbath School Lesson: En Bangci Ngak Ding 2016 3rd Quarter Lesson 13

En  Bangci  Ngak  Ding

  

Nipini (Sabbath) Nitak lam

                    Sept.  17

Sim Dingte:  Matt. 24:35 - 25:46; 2 Pet. 3; James 2:14-26; John 4:35-38; 1 Cor. 3:6-8; Mang. 21:1-4.

Kamngah:  Nasep hahkat un la, thadah kei un.  Lungdamna tawh Topa na nasem un.  Lawp in lungdam un.  Gimna hong tun ciangin thuak un.  Thu ngen tawntung un.  Misiangthote asapna bang un na hawm un.  Zindo na hahkat un? (Rome 12:11-13).

1906 kum a, Sanfrancisco ah zinn hong linn ma kum tampi sung, California gam ke Sanfrancisco leh Oakland ah SDA hong khang mahmah hi.  Pawlpi mite in cinate leh cimawhte kiang ah vahawh uh hi.  Tagahte ading leh nasep neilote adingin inn vaihawm sak uh hi.  Cinate donn in inn khat khit khat Laisiangtho sin pih uh hi.  Christian laihawmte pia in cidam huai nuntakziate zongh hilh uh hi.  Pawlpi in Laguna lampi a kikhopna inn nuai khan ah naupangte ading sang hon?sak uh hi.  Nasemte omna mun leh zatui lam nasepna nei uh hi.  Acidam huai annte zuakna leh gah leh teh annsai zong hong uh hi.  Tenbaw khawlna mun neu ah zong tenbaw tawh nasep kipan uh a, kikhop innpi ah thu genna zong thuhilh siaten nei zelzel uh hi.
    E.G. White in hih pawlpite nasepna ah lung tai mahmah in 搆huaikai, khuaibu?nihte na ci hi (RH, July 5, 1900).  Nih vei kumkikna ih ngakkawm a, ih  sep theihzia ding hong hilh suak hi.  Ih Topa hong paikik ding cih zong ih thei hi.  Ngaihsut ding thu in ih ngak kawm in bang sem ih hi hiam? cih thu ahihi. 
    Hih dawnna tung ah mihingte tung a piang ding thu akinga ahihi. 

    *Sept. 24, Nipini adingin tu kal sinna hong kiging in maw. 

Nimasani (Sunday)

                            Sept.  18
Zeisu Ih Ngak Kawm In

Nungzuite in ni vang a teziahziah biakinnpi pen etlawmsa mahmah uh hi.  Zeisu in asawt lo a Christian pawlpite tuah ding thute omzia genna in nei a: 揌ih te mu hi ve uh cin maw?. . . . Ken kong gen in ah, hih suangte khat leh khat hih bangin omlo in kisusia mang ding hi.?(Matt. 24:2, NIV).  Agen thu lamdangsa in, hih thute hong koici pian ding a, nong pai na ding limm leh hun beikuan omzia hong koici ding hiam??(Matt. 24:3, NIV) cih na dongh uh hi.  Matt. 24:4-31 ah, Zeisu in hong kumkikma a hih leitung a piang ding thute gen hi. 
Hong piang ding limte agenna ah, Zeisu in, a tawpna ni hong tung ding hi pan lai a, hih thute in gimna thu kipatna ahihi.? (Matt. 24:8, NIV).  Nungzuite dotna adawnna lian aneu 14 ah hong kigen hi.  Vantung gam lungdamna thu mi nam khempeuhte kiang ah teci ahi dingin leitung mun khempeuh ah kitangko ding hi.  Tua khit ciangin beina hong piang ding hi.?(Matt. 24:14, NIV).
Hih vai genna ah, alian 24 amasa aneu 35 te in tua limmte ih tel et ding hong gen a, 揾un bei hun ding vai?koici ngak ding cih zong hong hilh lai hi (Matt. 24:3, NIV).  Kammal dang in gen leng, eite in tuu suk a ngak cih hi mawklo in kumkikna ih ngak kawm in ih sep ding tampi hong kipia hi. 
Matt. 24:36 - 25:46 sim in.  Hih sung ah gentehna thute  in Pasian mite in Zeisu hong kumkikna ih ngak kawm a, Pasian mite sep dingte hong gen tek hi.  Hih mun a, Topa hong thu gente tom lak leng mimal leh pawlpi bup a ih ki dot ding hong om a: Topa in gentehnate tungtawn a, hong gen thute koici ciang dong zui ih hi hiam? 
______________________________________________________________
______________________________________________________________
______________________________________________________________
______________________________________________________________
Zeisu in hih mun ah anungzuiten hong pai kik ding vai koici ngak ding cih hong hanthawn ahihi.  Hih hun sung teng in Zeisu nungzuite in kigingsa in ih om ding ahihi.  Ih ngak kawm in ki it, ki deih saknate leh kizahtaknate ki koici lah ihi hiam? Kigingkholsa in, tanggzang tak in, ih khalam vaite ah ih om ding hi.  Topa in akhut uh a akoih nazatte khang sak ding a, talent te leh sum leh paai te Pasian adingin zang in, hong it Pasian zia leh tongg diktak ahi acimawh pente ih kep ih donn ding ahihi. 

Ninihni (Monday)

                            Sept.  19
Ih Ngak Kawm in Khanlawhna leh Kipuahphatna
   
2 Pet. 3 sim in.  Hih sung a hong kigen khanlawhna leh kipuahphatna thute tomkaih in.  Hih munte in tu quater sung ih sin thulupi tawh ki koici tuahkhawm kim hiam? 
______________________________________________________________
______________________________________________________________
______________________________________________________________

Pasian deihna mite khat sim?ih kisik ding?ahihi.  (Matt. 2:9 NIV).  Kisiikna vai Khasiangtho nasep ih sep theih loh hangin, gupkhiatna thupuak va theisak a, asan uh leh, kisikna lam hong zuan ding uh hi.
Ei pawlpi mite zong ih vekpi in ih kisiik?ding ahihi.  Kisiikna in zong kilawp suahna leh kipuahphatna lak a kihel thu khat mah ahihi.  Kilawp-suahna ih cih pen nuntak kikna, thaksuah kikna, dipkikna ahihi.  Kipuahphatna pen kibawlpha, thaksuah ding a, kipuahpha cihna hi (2 Cor. 5:17).  Pasian sutna diktak anei ding a khanlawhna pen ih kitangsap pen thu ahihi.  Hih vai pen ih sep masak pen ding thu ahihi.?- E.G. White, Teltuam Thupuakte, 1 SM, p. 121.
koici ngak ding cih vai?zanni a ih sinna ah khanlawhna, kipuahphatna omzia leh thupiangte ahihi.  Gentehna in, nungak 10 te akhanlawh uh kul tek hi. (Matt. 25:1-13).  Nungak haite in amau nuntakna ah Khasiangtho anei zawk theih ding uh kisamh hi.  Eite kiniamkhiat in, ang sung vai omlo in, thu ngen in Pasian kammal sim in, itna tawh sepna bawlna leh genna hawmna nei leng Khasiangtho leh guah nunung vang ih ngah thei semsem ding hi.  Ahi zongin Laisiangtho nak sim mahmah in ki angsung vai mahmah thei veve hi.  Khanlawhna leh guah nunung ading thu ngen in, angsung vai ading bek a, deihna kinei thei hi.  Khanlawhna in a angsung vai lo, khualna piangsak hi. Khasiangtho ih ki dimh ciangin, deihna tak tawh mite ading asemkhia nungzuite leh mapangte kisuak hi. 
Ih thungetnate, Laisiangtho simnate, anasia guah nunung ading a Khasiangtho ngetnate ah khanlawhna leh kipuahphatna ih kisamh hi.  Apawlpi mahmah in ih ngaihsutzia leh sepziate ah khanlawhna leh kipuahphatna kisamh hi.  Ih ngaihsutnate leh gamtatnate khempeuh ah 揳thu neu pen nangawn ah?khanlawhna leh kipuahphatna kisamh hi.  Hih vaite pen tu quater sinna thute ahihi. 

Zeisu hong kumkikna ding vai ah, a awlmawh-lote ih hih  loh nangin ki koici dop ding ih hi hiam?  Hun hong bei tohtoh bang in Topa hong pai kikna vai atakpi leh thukin mahmah ahihna koici ngaihsut den thei ding ih hi hiam?

Nithumni (Tuesday)

                            Sept.  20
Ih Ngak Kawm a Pawlpi Masuan
   
James 2:14-26 sim in.  Hih munte in ei kua hi a, hih mun ah ih omna ahang hong koici lomhgen hiam? 
______________________________________________________________
__________________________________________________________________________________________________________________________________________________________________________________________

Nimasani?sinna ah, nungzuite in biakinnpi etlawmna vai hong gen uh hi.  Zeisu in bel abei ding hih leitung a ama masuan vai omzia hong hilh hi.  Athu in gen leng pawlpi aomna thu pen sep ding masuan om ahih man a, pawlpi om hi kik zel hi.
SDA te masuan akigenkhiatna General Conference Working Policy (A 05) ah, 搈i khempeuh nungzui suak sak in, tawntung thupha tangko in vangam lungdamna thu (Matt. 24:14) vantung mi thumte tangkona Mang. 14:6-12 tawh kizui in Zeisu amau honpa a sang a, abeibang pawlpi tawh khut kilen a, amah Topa a anei dingin hilh a, ama hong pai kik nang thu ah, kigin ding ahihi.?Thu genna, hilhna, leh damhsaknate pen hih masuan sepzia ding ahihi. Damhsakna vai ah Working Policy in: Lai siangtho in mihing apum atangin cidam tak in nungta a ih sep ih bawlnate tawh natnate damsak in mi zawngkhalte leh simmawh bawlsiat thuakte ading ama lainatna nasep masuan ah mapan?ding ahihi?
Tu quarter sinna ah Zeisu in mihingte angei bang kik a, Ama liim leh meel sun ding a, hong deihsak masuan ah vangnei tak a mipite tung ah ih mapan theih nang thu ahihi.  Leitung in tu ma kum 1900 lai a, akitangsap Khazih akilat ding mah kitangsamh lai uh hi.  Kipuahphatna nasia tak kisamh hang a, Khazih hehpihna tungtawn bek tawh a kingah thei pumpi, lungsim leh kha lam nuntakna thu ahihi.  - E.G. White, Damhna Thupha, MH, p. 143.
Zeisu nasepzia pen ih masuan ah hun nunung pawlpi in ih etteh ding leh ih masuat ding ahihna thu, seminar, thusinna, azak khit teh pawlpi mi khat in: No gei lam ah bel ngaihsutna thak, lampi thak cih te kingaihsun khol kei. Ih zaksa thu Zeisu sep bang a sepkhiat ding vai zong thuthak zong hi kei.  Ih ngaihsut ngei mah hi. Ih mangngilh khak ai veh?ci in hong genkhia hi. 

Sepna bawlna apiangkhia sak lo upna pen asi hi.?Upna leh sepna bawlnate kikoici tangaih uh hiam? Bangci bangin sepna bawlnate in upmuanna khang sak hiam? 
______________________________________________________________

Nilini (Wednesday)

                            Sept.  21
Ih Ngak Kawm in Ann Lak Nunung Ading Kiginna
   
Zeisu in vantunggam thu hong hilhna ah lo khawh vai tawh hong hilh in sinna 5 na ah kisin khin hi.  Lo khawh pen khat vei a aman hi lo in; lungduai tak a hun sawtpi kingak ahihi!  Hih thu in akiphukha kikkik thu hi in ahun, amun, ami tuamtuamte tawh kisai toto hi.  Khasiangtho makaihna tawh Pasian hong geel-saknate ah ei koici mapan in; leii bawlna, khai vawh khai tuhna, leh ann laknate ah mapang ding a, ih kigin den ding ahihi.

John 4:35-38 sim in. Bang limte tua ah kizangh a, midangte ading a ih mapanna ah bang thupuak om hiam?
______________________________________________________________
______________________________________________________________
______________________________________________________________

Mite lungtang bel theilo hi hangh.  Amau lungtang ah Khasiangtho in bang sem cih thei kei hangh.  Mite en in ann lak hun bel sawt lai ngel ding peuh na ci kha zongin; aki aap ding a nget ding bek angak mi zong na om ding hi.  Mi khempeuh adingin lungsim galdona om tek a, midangte in Pasian atel ding ih panpih ding ahihi.  

1 Cor. 3:6-8 sim in.  Midangte kiang ah sepkhiat ding vai hih mun ah bang thupuak om hiam?
______________________________________________________________
______________________________________________________________
______________________________________________________________

Gentehna masa a Zeisu genna bang mah Paul in ama gen dan a agen ahihi.  Midangte tung a sepkhiatna pen lokho nasep tawh kivalaak hi.  Ih sep kibang lo in tua lungsim zawh nang a kisamh masuan hi kim ciat hi.  Eite Pasian nasepna tuamtuamte ah akizangh ding ih hi a, atawpna ah mi lungsim kikhel ding cih pen Pasian bek in sem thei hi. 

Pasian hong piak masuan ah lungdam tak in kiniamkhiatna tak tawh hong kipia masuan ah lungdam dingin koici sin thei ding ih hi hiam?  Bang hangin hamphatna takpi hi thei mawk hiam? 
______________________________________________________________

Ningani (Thursday)

                             Sept.  22
Ngak Hun Bei Ta
   
Kum tampi lai in mikangte lai at siampa Charles Dickens in khuapi 2 te thu laibu: Tale of Two Cities akici khat at hi.  Tua khuapite pen London leh Paris te ahihi.  Laisiangtho mahmah zong lam khat pan in khuapi 2 te thu kici thei a, Babylon leh Jerusalem ahi uh hi. 
Mang. 14:8 ah leh Mang. 18 ah nungzuipi John in Babylon thu hong gen hi.  Amah pen dawi-kua hi a, kha gilote buu ahihi.  Kha lam pangg-tatna nei sak hi.  Ama siahuai tanhsia thute kitangko khin a, kicimh mang kici hi.  Hih khuapi pen asia huai, alehtat, Pasian alangdo khuapi hi a, ni khat ni ciangin kizo mang in kisusia ding hi. 
   
Mang. 21:1-4 sim in.  Jerusalem khua thak leh Babylon ki koici langkaak hiam? 
______________________________________________________________
______________________________________________________________
______________________________________________________________
   
Khuapi nihna in khuapi siangtho, Jerusalem thak, Mang. 21, 22 sung ah na kigen hi.  Tua khuapi a omte in mo pa tel khin uh a, angsung vai leh kha lam kihhuaina anialte ahi uh hi.  Pasian hehpihna tawh, tatsate in athupiak thukhamte mangin Zeisu upmuanna akilengg-kik nei uh hi (Mang. 14:12).  Amau thuakkei-kaina leh Zeisu abangh sepna bawlnate ah mapang uh a, leitung a aom sung un, van nunna ciam khin uh hi. Zeisu upmuanna tung tawn in hotkhiatna ngah uh a; ama dikna bek in vantung tawh kilawm sak hi.  揝immawh pente?adonna (Matt. 25:40) pen ahon-khia upmuanna akilangh sak apua lam a kidawkkhia thu ahihi. 
Tuu no sisan hangin (Mang. 5) pawlpi?lainatna nasep pen lungdam kipahna suak hi (Mang. 5:13, 14 en in).  Tua alungdam huai leh asiangtho khuapi ah amau khitui te Pasian in nul sak ding a, sihna, dahna leh kahnate om nawnlo ding hi.  Natna satnate zong om nawn lo ding hi.?(Mang. 21:4, NKJV). Lungmuanna picing om kik ta hi.  Pasian liim leh meel, lungsim vai leh kha lam vai, pumpi lam vaite ah zong Pasian liim leh meel sunn ta hi.  Kikingkalhna vai adongg tung ta a, neu penpen pan alian pen dong, na khempeuh, nun nei leh nei lo, amau hoihna phatnate leh apicing lungdamna tawh Pasian in itna hi ci in tangko uh hi.  E.G. White, Kikingkalhna Lian, G C, p. 678.
   
Mang. 22:21 sim in. Laisiagtho anunung pen mun in, koici bangin ih upna thu vaite khempeuh man khawm kim hiam? 

Kiginni (Friday)

                            Sept.  23

Ngaihsut beh Ding:  Matt. 5:16; Col. 3:17; Heb. 13:15, 16 sim in.  E.G. White, 揙n the Mount of Olive?pp. 6272-636 sim in la, The Least of My Brethren?pp. 637-641; Khangcin Lunggulh, DA, ah simkik in.

Zeisu in Ama hong kumkik ma hun bei kuan omziate hong gen a, ahoih omlo hi.  Gal vai sa vai, gimna khamhnate ahihi. Mite in siatnate vai Pasian nialna in zang leh azat ding uh tun zong om in tam semsem lai ding hi.  Tua hi a, Pasian mite adingin leh anung ka zui aci te ading in ama zia leh tongg leimite kiang ah ih muh sak ding ahihi.  Eite ih kiniamkhiat  leh Pasian mai leh mite tung ah dik in migi in lung nem leng tu a, mi khat hong kikhelna ah mi aza in hong kikhel ding uh hi.?- E.G. White, 9 T, p. 189.  Midangte tung a tangkona ah avang nei mahmah thu ahihi.  Zeisu hong pai kikna ih ngak kawm in, amah in ama pawlpi mite in lungdamhna thu tawh kituak in agen ahawm anungta ding leh amah leh ama nasepna ah ei mah leh ih neihsate zangh in; mite it in zahtak in ih don ding a; Khasiangtho adingin ih nuntakna ih pia vek ding hi.  Hih thu pen nialna khempeuh in amaiman?sak theih loh teci panna ahihi. 

Kikup Dingte:  
    1. Babylon leh Jerusalem a omte kikoici lamdan ding cih thu kikup bawl ni.  Tua khuapi gel?kilamdanna pi pen bang hi ding hiam?  Amunte leh aom mite kilamdanna koi pan kimu pi pen ding hiam? 

    2.  Christian te ading dotna picing in,  Christian te upmuanna vai ah gamtatna in mun anei hiam? cih hi lo in; nei mawk mah hi.  Ih dot zawk ding thu pen, gamtatna in hong gup theih kei leh Christian upmuanna ah bang mun la hiam? Hih vai midangte tawh ih kizop ih tangkonate ah koici dawn ding ih hi hiam?

    3.  Zeisu hong paikik nang koici ngak ih hi hiam?  Ama hong kum kik ding ih lamet takpina lahna dingin bang sem mawk ihi hiam?  Kumkikna a um lo te tawh ih nuntakzia bang hang in kilamdang ding hiam?