“Tualgal Sung Aa Naupangte” (Mission Story)

12th Sabbath of 3rd Quarter, 2016

September 17, 2016                                                                                      Rwanda

                                                                                                                      

“Tualgal Sung Aa Naupangte”

(Agen:  Alphonse leh Sebageni)

                                                                       

            Kum 7 a pha Alphone pen nu leh pa tawh anau 3 te tawh bu khawm uhhi. Kithahna pan a suahtak nading un sawlkawmte ah bu kawikawi uhhi. “Kanu leh kappa ten tualgal sungah buk nading mun hoih hong hilh uh hi. Ko zong a hih theih zah in hong keem uh hi. Kanu leh kappa uh hong kithah sak khit ciangin zong kanaute thum taawh ka bubu lai uhhi. Thahna ka thuak khak loh uh Pasian’ hong hehpihna hangbek hi” Alphone in ci hi.

            Tualgal a ven khitciangin Alphonse te unau 4 teng Adventistte’ tagah khoina ah hong tung uhhi. Hih tualgal hangin tagah naupang 115 pha uhhi.

Innkuan Khat Bang Ung

            Ka kisapuh anneek tuidawn, laisimbute leh sangsap ding hong vaihawm sak uhhi. Ko banga tagah naupang dangte tawh ka om khawm uh nuamsa ing. Ka om khop nahangun hunbeisa tuahsiatnate phawk nawn kong.  Kanu kappa dinguh hong kivaihawm sak a, nu aw, pa aw mah ci-in ka kiho uhhi. Ka u zawte uh u, kanau zawte uh nau ci-in ka kiho hi. Tua bangin innkuan khat bangin ka om thei uhhi. Pasian biakhawm, tui tawi khawm, kimawl khawm in ka om uhhi. Niguk kiginni nitak lamleh Sabbath ni ka tawlnga uh a, Pasian bia inthu kangen uhhi. La zong ka sinkhawm uh a, ka sakhawm uhhi. Tagah sang pan tan 8 ong ing. Kum 18 phata kahih manin mundang ah sang kah a, ka naute kiangah hawh zelzel in nuam sa mahmah ing.

            Tagah kepna pan ka paikhiat ciangin Moguni Zatopi aa sem Director makai thakpa in a lai at dingleh kamphen dingin hongs am hi. Kum 5 bang kasep khit ciangin sang ka zom kik a, 2015 kum patlam in Moguni Zatopi ah tu aa kasep mipi tawh kizopna leh cidamna lamah Director makaipi ka sem hi.

            2012 ciangin zi nei in,  tapa 2 nei ung. Kazi in siamate’nasepna makaih hi. Mogoni zatopi ah na kasep nuam sa mahmah ing. Zatopi aa nasemte tawh innkuan khat bang aka omkhop uh nuamsa phadiak ing. Zatopi ah nasemte a tamzaw Adventistte hi a, upna kibang ka hihmah bangun ka kitelsiam ciat uhhi.

Thunget Zomna

            Alphonse mahbangin Sebageni zong tagah khat a hihi. Anaute nih tawh nungta lai a, anu leh apa te zong  Adventist pawlpimi mah hi. Apa pen, Mogoni sangpi (University) ah na sem hi. Tualgal sung in kanu, kapa leh kapi te sangpi sungah om uh hi. Hih hun sungin kanu leh kapa te’n thunget den ding ahihna hong hilh uhhi. “Thuakzawhna neih nading, midangte a huh leitung in a kisap mi suah theih nadingin thu ngen un” ci-in kanu leh kapa in hong hilh uh hi.

Africa Laizanglam University (Sangpi) Pan Sapna

            2014 kum in, Africa Laizanglam sangpi pan in kanu leh kapa te tualgal sungah si uh a, amau in Mogoni sangpi ah na a nasepna hangun, ko a nungta lai a tate aa ding aa hong ngah sak uh sangsap piak kul lo in hih sangpi mah ah Sum tawh khatohna lam leh ki-ukna lam pilna ka sin hi.

            Sum tawh khantohna lam ka sinna a hang pen, hih lam aa nasem te’n Pasian mangngilh thei zel uh a hih manin ka huh nop man a hihi. Biakna lam a sin tampi om khin ahih manin Pasian’ thu a thei nailote tawh na sepkhopna ah Pasian’ hong itna tangko sawn ding ngimna a hihi.

            Ih ngah sum tawh Topa Zeisu’ nung kizui thei lua hi cih hong hen ning. Sum kem a, sazian a bawl mi tampi in sum gu thei uhhi. Sum gu thei sazian bawlte hih khak loh nadingleh lunggulhna om lo sum tawh midang bangci huh theih ding cih hong gen ning. Banghanghiam cih leh sum tawh khantohna pen midangte aa ding kihel lo a, eima aa ding bek kisem zawhi. A hoih zaw lampi hong hilh nuam ing.

Nungta Lai Ing.

            Sebageni deih Lai Siangtho mun pen Isaiah 41:10-“Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.” a hihi.

            Hih mun ka deihna a hangpen, 1994 kum lai-in mi tul zakhat leh tul sawmnih val in thahna thuak tazen hi. Kei bel, Topa hong hehpihna tawh tu dong nungta lai buang ing. Lai Siangtho in zong Topa Zeisu pen ih mawhna hangin hong si a, thokik hi cih hong hilh hi. Ka innkuanpihteng si khin uhhi. Tawlkhat sung bek ihmu ding uh a, tho kik ding uhhi.

            Lai Siangtho simna tawh lungnopna ngah in, ka kapkap nawn kei hi. Topa Zeisu hong pai kik ni ciangin hong laaktoh ding ka lamen hi.  Tua hun ciang bekin thusia khempeuh beimang ding hi.

            Ka sangkah man leng, sumzonna tawh kikhuasakna leitung ah Topa Zeisu hong hotkhiatna thu midangte gensawn ding ka khensat hi. Midang huhna pen thupi mahmah a, itna mah bulphuhna a hihi, ci-in Sebageni in gen hi.