HAAN PAI KHIT CIANG KIKHELNA (Mission Story)

Mission Story (5th Sabbath of 3rd Quarter, 2016)

July 30, 2016                                                                                    Sudan Khanglam

                                                                                                                      

HAAN PAI KHIT CIANG KIKHELNA

(A gen:  Mr. Florence Kolok)

Juba khuapi aa teeng Florence Kolok in,  “Ka nasep ka taan a, ka lungdam mahmah hi. Ka nasep taan lo hi lengh Topa Pasian thei kha kei ning. Ka nasepna ah manlah lua ka hih manin thudang mahmah kingaihsun thei lo hi.  Nasep hun khit ciangin meeting a hih kei leh zan tawm khualzinna ka nei den hi. Lai Siangtho sim hun ding cih thadah, thunget hun ding nangawn ka nei kei hi.  Ka nasep ka taan manin Pasian tawh kizop nading hun, Lai Siangtho sim nading hun leh thunget nading hun ka nei ta hi” ci-in gen hi

            Florence pen kum 60 a pha, innkuanpih a nei a tate tawh a teeng khawm meigong nupi khat a hihi.  Amah a khangno zawk lai in Kenya leh Uganda ah gaaltaai in om hi. Tua khit ciangin Baptist university ah (pilna lam) education leh Lai Siangtho lam sin a, lokhawh ankung ciin lam leh cidam nading anneek tuidawn lam pilna lukhuneelkai ngah hi. Aman’ sangsiama tawl khat a sep khit ciangin kumpi tawh kisai lo a dang nasepna NGO ah anneek tuidawn lam tawh kisai ah makaih lam sem hi.

Sudan khanglam aa teeng nupite tungah anneek tuidawn lam leh cidammna tawh kisai pilna hilh in, sum ngah khat pen bangci pun sak ding cih zong hilh hi. Amah in mipi’ cidamna lam hilh in naupangte hotkhiatna lam ah zong sem hi. Ama’ nasep nunung bel pen Sudan khanglam kumpi ah inn lam na lam leh khantohna lam sum lam ah manager sem hi. Hih zum pen 2013 kum in kikhak ta a hih man in Pasian a theih nading hunpha hong ngah ta hi.

Haan ah Dotnate

            Ni khat Florence in a lawmte khat kivuina haan ah pai hi. Pastor pa in, “Hih a si nupinu in van pan in amaute maitai takin hong en suk hi. Kapkap nawn kei un” ci-in hehneem hi.

            “Tu aa Pastor pa thu gen hi sa thei kei sing.  Misi nu Topa Zeisu tawh van ah om khawm khin a hih leh Topa Zeisu hong pai kikna kisam nawn ding a hiam? cih dotna a lungsim ah hong suak hi.

            Florence zong han pan inn a tun ciangin sihna tawh kisai Lai Siangtho sungah a mun hong zong pah hi. 2014 kum October kha ciangin thumaan sin ding hong khensat ta hi.  Adventist pawlpi sung ah a sanggamte khat om a, “khanglui vai biakna ah na om uh hai vai lua uh teh.  Tu hun tawh kituak kei” ci-in a sanggampa leh a innkuanpihte taai gawm zel hi. Ahi zongin, Florence in Lai Siangtho hong sim ciangin Topa in a lungsim lawng a hih manin “misi te koi ah om” cih thu leh Sabbath thumaan hong te thei ta hi.

Adventist Pawlpi ah Hawhna

            Florence in a sanggampa sam in mau biakinn ah kikhawm nuam a hihmanin kikhop hun ding dong hi.  Tuu a Sabbath ni mun dang ah pai ding a hihna leh mai Sabbath ciangin hong kikhopna ding a sanggamnu gen pih hi. Amah in a sanggampa te innkuan mai Sabbath ciangin a kikhawm kei uh zongin Central Adventist biakinn ah kikhop pah ding khen sat hi.

            Biakinn kikhop hun sungin “Mai kal sungah Lungdamna thu tangkona om ding hi” cih hun ukpa in hong tangko khia hi. Amah zong thugen na ah pai ding khensat pah hi. Thu tangkona hun sung in ama tel loh dotna khempeuh kidawng a hih manin thu tangkona a tawpma na ngawn in tui kiphum ding khensat hi. Tulaitak in Florence in  ama’ pawlpi sungah Women’s Ministry director (Nupite Pasian nasepna lam makai) sem hi.

            Florence ie a tate  Pentecostal pawlpi ah kikhawm uh hi. A tate in, “Tua a buaihuai Adventist pawlpi mi suak laizang na hi hiam”? ci-in dong uh hi. Ahi zongin a tate zong amau ciat in Lai Siangtho hong sim uh a, a tate nih zong tui hong phum beh hi.

“Ka sungah Zeisu Ka Nei Hi”

            “Ni dang tawh ka nuntakna tampi kilamdang hi,” Florence in ci hi. “Lungtom khat hi ing. Kilawm lopi in mi hong hopihna dawng kik ing. Ahih hangin Topa Pasian in ka lungsim hong nem sak a hih manin ka lawmte’n zong lamdang hong  sa uh hi. Ka lungnemna ahang pen ka sung ah Zeisu ka neih man hi ci-in ka lawmte gen ing. Lai Siangtho pen ka laisim bupi hita” ci in tha ngah huai takin gen zom lai hi.

            Florence in lungsim lam kikheelna nei bek lo in cidamna lam ah zong lamdang takin kikheel hi. Ama’n zunkhum vei in cina zel ahih manin in a tha zaw hi. Tu in hong khangno suah zaw in tha zong nei kik hi. Florence in Pasian a upna hang leh cidamna a zuihna hangin hih hamphatna a ngah pen thupi sa mahmah hi. Ama’n kawfi duh lua mahmah ta in inn leh zum ah tampi tak dawn hi. Sa meh zong a ne tawntung hi a, tu in mehteh mehgah ne ta ahih manin omzia heekzia nuam sa zaw tham hi.  Kum 15 sungin a khatveina a hi sikhum phazah pen zatui nek kul nawn lo ta hi.

            A siavuan ten Florence cidamna kikheel pen lamdang sa mahmah uhhi. Aman zong, “Ka cidamna a kikheel na pen Khristian (tapidaw) ka hih man leh cidamna tawh kituak an ka ne a, tui tampi ka dawn hi” ci-in gen hi. “Tu in thumaan ka thei ta hi!” ci-in a ngai nuam khempeuhte tungah tangko sawn hi.

   Pastor Elia Ibrahim in, “Florence ie huzapna hang tawh ih pawlpi in thupha sang hi” ci-in gen hi. 2014 kum aa kipan in  Catholic pawlpi mi tamna mun ah kikhop nading mun  haksatna hang tawh  mun li ah a kikhiin uh kul ding hi. Hih mun aa teeng te in Pasian’ thul a theih ding uh kisam a, Pasian’ thu zThe people here are in need of God’s word and this is a fertile place for hearingak nading lei hoihna mun zong a hihi.  

         “Leitung bup aa om pawlpi mi khempeuh in thu hong nget sak le uh cin, Topa Pasian in Ama’ vangliatna leh hih zawhna hong pia ding hi” ci-in Pastor Elia Ibrahim in huhna hong ngen hi.