Laisiangtho Lui Sunga Thumanna leh Hehpihna: Khen 1: Sabbath School Lesson Zomi 3rd Quarter Lesson 3

Sinna 3 July 9 - 15

  

Laisiangtho Lui Sunga
Thumanna leh Hehpihna: Khen 1

Nipini (Sabbath) Nitak lam July 9

Sim Dingte: Paik. 22:21-23, 23:2-9; Amos 8:4-7; Isa. 1:13-17, 58:1-14; Sawl. 20:35.

Kamngah: “Akinengniam mite adingin thumanna semkhia a gilkial te ann avak hi. Topa in thongkiate khahkhia hi; Topa in mittawte, khua mu sak hi. Topa in niam sakna athuak mite sangto sak a, Topa in thumann mite a it hi. Topa in peemtate kem a, meigong numei leh pa nei lo te ahuh hi; ahih hangin Amah in migilote‟ vaihawmna suksiat sak hi” (Late 146:7-9).

Kum tampi lai, khuadam simsim ni khat Newyork khuapi ah, kum 10 khawng apha pasalno khat khedap bulh lo, ling tantan kawm sa in khedap zuakna mun sumbukpi’ tawlet ah hong khuakha hi. Nupi khat akiang hong pai in, tawlet pan bangh galetet na hi hiam, aci leh; Pasian kiang ah khedap kop khat angen hing ci hi. Nupinu in zong asung lutpih in mawzaa (khetuam) kop 6 vaikhak in tui beelpi khat leh kinuulna ngen lai hi. Tua naupang anung lam ah paipih in, akhuttuamte asuah khit teh, akengg (akhete) sawpsak in kinuulna tawh null sak hi. Asai nu in mawzate hong paipih hi. Tua nupi nu in kop khat bulh sak in khedap zong leiisak hi. A lu zutsak in nop na sazaw hiam ci in dongh hi. Ciah ding a apaikhiat leh lamdang asa tua pasalno in khitui luangkawm in akhut lenkawm a, “nang Pasian zi na hi hiam? ci in dong hi.” - www.inspirationalstories.com/1/198.html.

Tua naupangpa in ama phawk khak sang, a nasiazaw thudik agen ahihi. Pasian pawlpi in Ama lawmnu azi ahihi. Ama zialehtongg ih kamngah sung ah hong dawk khin zo hi. Akipuahpha Apawlpi mite ihih man in, Ama zialehtongg alengg-kik ding te ihihi. Ama a ih hih takpi leh, azawng acimawhte adingin lainatna tak tawh vaihawm sak ding hi hangh.

*July 16 Nipini ading akiging ding in tu kal sinna hong limsin in maw.

Nimasani (Sunday) July 10

Hehpihna Leh Thumanna: Pasian Mite‟ Kiciaptehna (Kibilvuhna) Akipat pan a kipan mihontetung a thudik tak a om ding pen Pasian thukham leh adeihdan hiden hi. Mihonte tung a thudik tawh nuntaak pen Pasian geelna hia: akitangsamh khempeuh kicing in, mite’n nuamsa in, kilemna om hi.

Anuai a munte sim in la, hehpihna leh thumanna vai ahihkeh “mihon ading a thudik” vai agente tomkaih in. Pai. 22:21-23, 23-2-9; Siampi 19:10; Paunak 14:31, 22:7.

_________________________________________________________________________

__________________________________________________________________________

__________________________________________________________________________

__________________________________________________________________________

Tanglai Isrealte’ tung a kipia hehpihna leh thumann vaite Nipini thukham ah zong hong tellah hi. Pasian in tawlngakna vai nam 3 hong limgen diak hi.

Tawlngak hun vaite pan hehpihna leh thumanna vai hong koici dawk

hiam? Paik. 20:8-10; 23:10, 11; Siampi 25:8-55.

__________________________________________________________________________

__________________________________________________________________________

__________________________________________________________________________

1. Nisagihni Nipini tanna ding vai genna ah mi khempeuh kikimm tak a hunpha, tawldamna hun piakna hi a, silate, ganhingte, leh gamdang mite zong kihel hi.

2. Kum 7na sim tawlngakna pen leibaate pengg sak in, mizawngte donna lahna, leh silate suahtakna piakna cihte ahihi. Khawlngak kum sung in ganhingte zong akhawlngak ding Pasian in gen hi (Biakpiak 25:6, 7 en in).

3. Jubilee kum pen kum 50 cin kum hi a, khawlngak kum 7 vei khit ciang ahihi. Innmun logamte atuung a aneite tung ah kipia hi; leibaate kimaisak in, thongkiate leh silate suahtakna kipia hi. Jubilee kum pen mi khempeuh angei abat kik hun hi a, mi khempeuh tung ah kipat thakna hunpha kipia hi. Hih thu in hauh luat leh zawn luatna kikal adawhtam kik thu ahihi. E.G. White, Damhna Thupha, M.H., p. 185.

Hih mun ah, Hebrew mipite tung ah, acimawhzawte lam pan a et in, thumanna leh hehpihna thu akiphan khop zia hong dawk hi.

Ninihni (Monday) April 11
Ahuampi a Geelna

Pian. 2:1-3 sim in. Hih thu ah Nipini vai in vai khempeuh ahuamna hong bangci gen hiam?

__________________________________________________________________________

__________________________________________________________________________

__________________________________________________________________________

__________________________________________________________________________

Nipini limtak in ih tanh takpi leh ei mimal tawldamna, (Pai. 23:12), hong kitatkhiatna (Thuhilhk. 5:12-15) leh vanthak leh leithak a, hong kiditkikna vaite tawh lungkim’ ding hi nailo hi. (Isa. 66:22, 23). Nisagih Nipi khawlngakna in leitung bup a nuntakna nei khempeuhte tawldamna huamkim hi. Nipini in ahuamkimna ah, azawng ahau eite khempeuh pawlkhat hong suah hi. Pasian pen ih Pa hong hi kim vek a mihing khempeuh hong kikimsuah sak hi.

Zanni a ih muh mah bangin, mihonte tung a thumanna vai in Nipi sim, kum sagih sim, leh Jubilee kumte zong huamkimmang hi. Siampi 23 leh 25 sung a khawlngakna thuguikhun in Christiante khempeuh ahuam-kimmang ahihi. Nisagihni Nipini in pian’sakna kawkden bek lo in singlamteh leh leithak zong kawk in nei den ding hi. Eite hong piang sak, hong lainat ih

honpa tawh hong kizomh sak in, a it mahmah; tanggsapna anei, azawngkhal, athuaksiate tawh hong gawmtuah kim thei hi.

Khawlngak kum leh Jubilee kumte pen tawldamna’ omzia telkhehna hi a, leitung a zat ding cihna hi vek tuan lo hi. Tu in zong ih zang kei hi.

Piancil hun mawhna hong lut ma a kizang Nipini (Sabbath) bang lo in tua te in pawi nipite tawh akipawl hi a, “hong piang ding thute limla” (Col. 2:16,17), Zeisu nasep leh hong kipiakna kawkk ahih manin singlamteh a hong sihna tawh picing khinta hi. Tua thu tungtawn in hih pawi nipinite (sabbaths) in midangte, adiak in azawng daipaamte, ih bawlzia ding thukhun hong pia ahihi. Tatkhiatte ahih man un Isreal te in leitung khuavak hi uh a,Pasian hehpihna khentuam omlo a lah ding mawhpuak neihna lak hi. Lungdamna

tawh Amah athei nailote tung ah Pasian zialeh-tongg Amah aiawh a ilah ding ahihi.

Amos 8:47 sim in. Hih mun ah bang thu om a, midangte tawh ih kipawl-khopna vaite ah tuate mah abang khalo ding in bangci nuntaak ding?

“Amau sepna bawlnate ka mangngilh kei ding hi” acih thu tawh bangci bang kizopna na mu hiam?

Nithumni (Tuesday) July 12
Genkholhna Thute: Khen 1

“Amau ading agen theilote adingin gen sak inla, azawngkhalte adingin vaihawm sak in. Gensak inla akilawm akituak in thu khen in; azawng daipaamte donn in.” (Pau. 31:8, 9, NIV). Hih thuguikhun tulai hun adingin koici lah in koici zat ding na hi hiam?

__________________________________________________________________________

__________________________________________________________________________

__________________________________________________________________________

__________________________________________________________________________

Tu kal tu hun dong ciang thute ah Pasian in Amite, Ama zialeh-tongg ahi hehpihna leh thumanna lunggulh a, gamta dingin deih cih ih mu hi. Hebrew kamsangte in acimawh mite adingin gen theizel uh a, simmawh pampaih thuak mite tung a Ama zia aleh lam a alahnate uh, kisiik dingin gen in hanthawn hi. Pasian in angsung khual tuanlo a, mite hotkhiat nopna tawh sepna bawlnate pen biakpiakna diktak na cizaw hi.

Isa. 1:13-17 sim in. Hih Pasian deihzia biakpiakna pen bangci bang hicih hong pulaak hiam? Hih mun a kipulaak thu koici lah in ih nuntakna ah koici zat ding ihi hiam? Hih munte in bang hong hilh ahi hiam?

__________________________________________________________________________

__________________________________________________________________________

__________________________________________________________________________

__________________________________________________________________________

Laisiangtho lui kamsangte in amau hun khit vai tampite agen uh hangin amau hun sung a khalam lungsim kuanziate ah kipuahphatna vaite leh angsung vai omlo sepna bawlna vaite zong nak gen mahmah uh hi. Pasian sawltaak kamsangte in biakpiakna lam hanciam ding anasia gen pen hun in athuaksia mite ading a lunghimawh Pasian lainatna phawk in neilo hi. Pasian biakpiakna vai ah “manlah lua a aki tasamhte ahuh manlote sang a asiahuaizaw

teci pang pen ngaihsut zawh hi lo hi. Pasian nasem a kineite in a“biakpiakna” vai uh pen midangte’ tanggsapna vaite’ panpihna lam in zanghzaw leuh maw.

Nilini (Wednesday) July 13
Genkholhna Thute: Khen 2

Isaiah hun lai leh tu lai adingin Pasian mite taina leh lametna vai ahi genkholhna thu hong pia hi. Ama mipihte vai ah ahehna thu agen khit teh (Isa. 58:1 sim in), tua mite thu Pasian muhzia hong koici gen hiam? Isa. 58:2 sim in.

___________________________________________________________________________________________________________________________________________________

_________________________________________________________________________

A “awhsuah” lian ih theih loh hang Topa genna ah apuatham kidiksakna leh aki upsaknate uh atakpi ahihlohna thei in taibawll hi. NIV ah ateikhiat dan en leng: “ka zia ka tonggte athei nuam takpi bangkeek in Nipini in hong zong den uh a, a Pasian uh ataisan lo Ama thu athei nuam, adiktak a gamta bangh- keek in om uh hi.” (Isa. 58:2, NIV).

Isa. 58:3-14 sim in. Hih mite tung ah Topa in amau biakna omziate (a ann ngawl vaite uh) adikloh zia koici gen hiam? Hih mun ah avai thupizaw bang hi mawk hiam?

_________________________________________________________________________

_________________________________________________________________________

__________________________________________________________________________

Hih mun ah athupi vai in: biakpiaknate zong angsung vai mahmah thei a: Topa aw hihte leh huate hong sep hong bawl sak in cih bang peuh himawk hi. Ahun leh athu tawh kizui in ei vaite ih nget akul hun zong om thei mah ding hi. Ahi zongin hih mun ah Topa gen thute in, biakpiakna diktak ih cih ah, “gilkial dangtak”, “bawlsiatna thuakte” leh “azawng angaute” panpihna akihel kul hi. Ahi zongin hih vaite ah midangte tung, thupha akibawl ciangin thupha asangte bek hi lo in apia te mahmah in thupha sang uh hi. Hih mun a kigen thu ah midang apanpihte’ tung a thupiangte sim ni.

Midangte ading a ih sep ih bawlnate leh midangte ihop ipiak tungtawn in thupha kisang hi. Hih bang kamciamte hun khat peuh ah a ngah khalo ki omlo hi. Mi cimawh dongtuakte ih huh ih panpihna tungtawn a lungdamhna, lungkimna, leh lametna angahte mu kha tek hilo ihi hiam? Hih bang sang a kilawm zaw a Khazih’ zialehtongg kilat khiatsak theih zawkna dang ding haksa hi.

Sawl. 20:35 sim in. Nang mah leh midangte sepna bawlnate ah hih bang

vaite koici muh in koici tuahkhak na hi hiam?

Ningani (Thursday) July 14
Thuhoih Piankhiat Nang Thatang

Bang zah a ahoih apha, alamdang thumann neihna bek kicing lo hi. Isa. 58 sung ah Pasian mite in biakna vaite leh sepna bawlnate ah kin’ ngaihsut mahmah napi uh, a upmuanna uh taktai’ sak ding vai ah thanem uh hi. Pasian in apawlpi thuhoih thupha piakkhiatna suaksak nuam in; Laisiangtho lui a kamsangte Ama zialehtongg akilangh-sak ding a asawlna thute

hong pehtawi sawn kik hi.

Anuai a munte sim in. Ei nuntak pan leh aleitungbup huam pawlpi ih hihna tawh, Pasian in ihmun ihmual a sepding a hong piak nate koicisepkhiat thei ding ihi hiam?

Late 82:3 ______________________________________________________________

_________________________________________________________________________

__________________________________________________________________________

Isa. 1:17__________________________________________________________________

__________________________________________________________________________

_________________________________________________________________________

Khuapi sung a pawlpi khat thauvui thautang vai tawh akisawh pawi mihonte lak ah om kha hi. 2011 sung in khuapi sung nasepna vai kikhoppi ah a Pastor pa un thu hong sungkhia hi. Ama gennate lak pan: “Christiante’n sihna lam zuan lo ding hi hang!” Zeisu in Nain khua nupinu leh sii kha a apai mihonte (Luke 7:11-17), a khawlsak mah bangin lampi lamkal a thusia khang semsemte en mawk kei ni. Apiang peuh phat ding a om pawlpi ihi hiam?

Pasian kiang ah, bang cia hih thuaksiatnate phal mawk na hi hiam? ci lo ding maw? Pasian in, “bang cia hih bangte phal mawk hong ci hi ven e?”

Hih pawlpi in kimm leh pamm khantoh-sakna vai, nasia tak in sem hi. Lampi teng ah lapawlte manlah uh hi. Lasa in, lai hawm in, akitangsamhte panpihna pia uh hi. Hih ci bangin pawlpi in mipi huh in, veengleh paamte’n noptuam lawh uh hi. Lampi tuamtuamte tawh pawlpi in mipi noptuam nang nakpi in bawl hi.

Hih pawlpi in koici bangin isep ibawl theih peuh tawh mite phattuamna leh damhna apiangsak apawlpi ih suah theih dan ding lampi tampi lak pan khat ahihi. 

Mipi lak a atasamhte panpih nang in bangh sem bangh bawl thei ding na hi hiam?

Kiginni (Friday) July 15
Ngaihsut beh Ding: E.G. White lai at, Tuulpite leh Kamsangte, P. P.

sung a The Law Given to Israel,“ pp. 307-314; “God’s Care for the Poor,” pp. 530-536, sung sim in. Laisiangtho sung ah thumann leh hehpihna vai kimu thei hi. Gehtehna in, Thuhilhk. 24:10-22 sim in. Hih vai ah hong ki tuam hilh khaknate en ni.

Mizawng nasemte, leiba thangba neite ading Topa lunghihmawhna vaite kammal etlawmte tawh ahamsia zawte vai agen mawk bek hi lo in sep leh bawl ding thute vai ah bangh sem bangh bawl in, banghte sem lo bawl lo ding a, leiba thangba neite koicih in acimawh nasemte bang cih ding cih thute zong hong gen hi. Hih thumann leh mite ading a sepna bawlna thute mi khempeuh tung bek a piak lel ding in pammaih lua hi. Nidang in kikoicih cih thu pan in acimawhte lak ah koicih ding cih te hong genna ngaihsun ni.

“Egypt ah sila na hihna uh phawk un. Tua ziak in hih bangin thu kong pia hi (Thuhilhk. 24:22, NIV). Christiante ih hihna tawh, Pasian hehpihna leh ih kilawm loh pi a hong piak thuphate phawk den un. Tua hi a, Zeisu sung ah akicing ineih ilamhte tungtawn in (Eph. 3:19, Col. 2:10), ihuh ih panpihna akisamhte adingin ih kiging den ding hi.

Kikup Dingte:

1. Thupiak lina in Nipini a silate khawlngak sak ding vai thupiakna in mi khempeuh Topa mai ah kikimna thu hong bangci gen hiam? Hih thu in ei na hong sepsakte leh ih khut nuai mite kilawm tak a koici bawl ding cih ih telsiam nang hong koici huh thei ding hiam? Singlamteh a Khazih hong sepsakna thu in Pasian mai ah mi khempeuh ih kikimzia hong koici kilat sak hiam?

2. “Khazih lungsim bang lungsim ih puak ciangin, leh Ama sepnate ei sepna hong suah ciangin Isaiah in agen ann ngawlna vai: “kei teelkhiat annngawlna in siathuaina thute pan kisuutkhiatna, vangikte omsak-lohna hi lo hiam? (Isa. 58:6). Mizawng thuaksiate kisap bangh hi a, itna leh lungnemna tawh hihngamna, lametna, leh kimuanna aneih-theih nang un Pasian hong piak neihleh lamhte hopkhiatna ahihi.” E.G. White, in Pacific Union

Recorder, July 21, 1904. En bangci ding - Khazih sung a ih neihte akimu akilawng thei dingin akitanggsamhte koici hopkhiat mawk ding?

-0-