KUM 1000 MAN’NA

 

KUM 1000 MAN’NA

 

1).  Jesu hong kum kik ma a si misiangthote ading bang kamciam kipia hiam?

"Banghang hiam cihleh Topa mahmah vantung panin kikona tawh, Pasian pengkul ging tawh hong kumsuk ding hi. Tua ciangin Khazih sunga a sisa mite hong tho masa ding uh hi. Tua khit ciangin a nungta lai eite (thu-um mite) in amaute tawh huihlak ah Topa dawn dingin meiipi tungah hong kilato ding hi. Tua ciangin Topa tawh i om khawm tawntung ding hi." (1 Thess 4:16-17, ZSV). 

2).  Christ hong kumkikna ah gupna ngah lo, mi gilote bang ci ding uh hiam?

"Leitung kumpite, miliante, mihaute, galkpa mangte, mi thahatte, sila le sila a hilo a suakta mi khempeuh lei- hawm sung le mualtung a suanghawmte sungah a bu uh hi. Amaute in mualte le suangte kiangah, "Kote tungah hong cim un. Kumpi tokhom tunga tupa maitang ka muh khakloh nading uh ahi zongin Tuuno hehna ka thuak loh nading uh ahi zongin hong vukmang un!" (Kilaakna 6:15-16, ZSV). 

3).  Gupna ngahlo mite tungah bang piang ding hiam?

"Vantung galkap honpite in zong sakol tung tuangin amah a zui uh hi. Amaute in a siangtho, a kang, puanpak a silh uh hi. Tu in tua pa kam sung panin minamte a susia dingin a hiam mahmah namsau khat a pusuakkhia hi … A puantualpi tung le a phei tungah, KUMPITE KUMPIPA LE TOTE TOPA, ci in min a kigelh hi. Tua ciangin ni sungah dingin a om vantungmi khat ka mu hi. Amah in vana leng vasa khempeuh kiangah, 'A lian Pasian nitak an a ne dingin hong kikhawm un. Kumpite, galkap mangte, mi thahatte, sakolte le sakol tung tuangte, sila le sila lote a kipan a neu a lian mi khempeuhte sa hong ne un,' ci in aw lianpi tawh a kiko hi." (Kilaakna 19:14-18, ZSV).

4). Kum 1000 sung Satan tungah bang piang ding hiam? "Tua ciangin vantung panin a hong kumsuk vantungmi khat ka mu Amah in taw neilo kuahawmpi tawhtang le sikkhau lianpi khat a tawi hi. Tua vantungmi in tanglai gulpi manin kum 1000 sung a hencip hi. Tua gulpi in Dawimangpa hi a, Satan zong a kici hi. Vantungmi in taw neilo kuahawmpi sungah amah khia suk in kuahawmpi a kalh khit ciangin a tungah ciaptehna khat a khetnelh hi. Tua ahih manin kum 1000 acin masiah minamte a khem thei nawn kei hi. Ahih hangin kum 1000 a cin ciangin tawmvei sung a kikhahkhia ding hi." (Kilaakna 20:1-3, ZSV). 

5).  Christ in leitung ah hong kum kik ciangin Ama kum- pi gam hong phut ding hiam?

Jesu in, "Note na lungkham kei un. Pasian um unla, kei zong hong um un. Ka Pa inn sungah om nading mun tampi a om hi. A om lo hileh kong gen khin zo ding hi. Note om nading mun bawlkhol dingin ka va pai ding hi. Va pai in note aa ding mun ka bawl khit ciangin kong paikik ding a ka omna mun ah note na om theih nadingun ka kiangah kong la ding hi." (John 14:1-3, ZSV).

"Tua khit ciangin a nungta lai eite in amaute tawh huihlak ah Topa dawn dingin meiipi tungah hong kilato ding hi. Tua ciangin Topa tawh i om khawm tawntung ding hi." (1 Thess 4:16-17, ZSV). 

6).  Kum 1000 sung vantung midikte in bang hih ding uh hiam?

"Tua ciangin kumpi tokhomte le a tung a tu mite ka mu hi. Amaute in thukhen theih nading thu a ngah uh hi. Zeisu

 

thu teci panna le Pasian thu hanga ngawn tanna a thuak mite khate zong ka mu hi. Amaute in sapi hi taleh ama lim hi taleh bia loin amaute taltang ah ahi a, amaute khut ah ahi zongin sapi ciaptehna a neilo mite ahi uh hi. Amaute nung- ta in Khazih tawh kum 1000  sung  a  maangkhawm  uh  hi." (Kilaakna 20:4, ZSV).

"Misiangthote in leitung mite tungah thukhen ding ahih lam thei lo na hi uh hiam? … Eite in vantungmite tungah thu a khen ding i hih lam thei lo na hi uh hiam?" (1 Corinth 6:2a, 3a, ZSV). 

7).  Kum 1000 abei ciangin bang piang hiam?

"Tua ciangin keimah John in Pasian kiang, vantung panin a hong kumsuk a siangtho Jerusalem Khua Thak ka mu hi. Tua in a pasal aa dingin kizemsa a om mothaknu tawh a kibang hi." (Kilaakna 21:2, ZSV). 

8).  Mi gilote' a nunungpen thawhkikna bang hun ciang hiding hiam?

"Tu in kum 1000 a cin khit ciangin Satan a kikhumna panin a kikhahkhia ding hi. Amah kuankhia dinga, Gog le Magog ahi leitung kiuli a om mite khem in galsim dingin tua mite a kaikhawm ding hi. Tua mite tuipi gei-a sehnel zahin a tam uh hi. Amaute leitung maitang dimin hong kuan ding uh a, misiangthote omna, Pasian it khuapi a umcih ding uh hi. Tua ciangin vantung a om Pasian kiang panin meikuang hong kiasuk in amaute a  valhtum  ding hi." (Kilaakna 20:7-9, ZSV). 

9).    Satan in Khuapi Siangtho sim dingin a mite a kaihkhop-na ah Pasian in koi bangin na dal hiam? A nunungpen Satan le a nungzuite in bang thuak ding hi- am?

 

"Amaute (a tho kik mi gilo galkapte) leitung maitang dimin hong kuan ding uh a, misiangthote omna, Pasian it khuapi a umcih ding uh hi. Tua ciangin vantung a om Pasi- an kiang panin meikuang hong kiasuk in amaute a valhtum ding hi." (Kilaakna 20:9, ZSV).

"Topa Zeisu vantung pana a thahat ama vantungmite tawh hong kilat ciangin bawlsiatna a thuak note le kote tawldamna hong pia khawm ding hi. Tua hun ciangin amah in Pasian a theilo mite le i Topa Zeisu Khazih lungdamna thu a umlo mite meikuang tawh a thukkik ding hi. Tua mite pen Topa omna le a vangliatna huam sung panin kihawlkhia dinga, tawntung kisiatna daan a thuak ding uh hi." (2 Thess 1:7-9, ZSV). 

10).   Satan le migilote a suksiat khit ciangin Pasian in hih leitung bang cih ding hiam?

―En un, a thak vante le lei thak khat ka piangsak ding hi. A masa nate kiphawk nawn loin lungsimin zong a kingaihsun kha kei ding hi.‖ (Isaiah 65:17, ZIV).

"Tu in, van thak le lei thak ka mu hi. A masa van le lei beimang khin a, tuipi zong a om nawn kei hi." (Kilaakna 21:1, ZSV).

===== xxx =====