SUAHTAKNA PAN KHRIS NIHVEINA HONG PAINA

 HUN NUNUNG A DING KIGIN KHOLHNA

KHAWKPI 12

SUAHTAKNA PAN KHRIS NIHVEINA HONG PAINA

“Hih khawk sungah hun thupi penpen, kum saupi kingak thupiang dingte kihel hi. Hih laibu deihna bulpi pen in, hun bei ding cianga haksatna hunpi pailet zo dinga kigin’kholhna ding ahihi. Tua ahih ciangin hih laitak ah, Khasiangtho hilhna bang kiciamtehna teng lakhawm in suahtakna leh Zeisu hong paina kikal hun sung teng ih lemto ding hi. The Great Controversy laibu leh Early Writing laibu in akizom in gen hi. Tua na lamdang piangte tomlakin, lakkhia ni. A kizom a ih muh theih na dingin a pai sa khawk sung te zong lakik ni.”

NA PIANGTE TOM KAIHNA

1. Pasian mite suksiat nadinga thu kibawl te.

(a) Zan khat thu a gawl meek khin ding.

(b) Mihonpi in awng gawp in amaute bawh ding.

(c) Amaute gitloh nasepna pan alencip meilom sahpi, Pasian minthanna aleng kik sak Sakhituihup leh, thakhat in ni kilang vat.

2. Pasian Awging kiza a, vandak un, a cih teh, “A zozo hi” cih thu kiza.

3. Lim leh na lamdang khat khit teh khat ki laih zat

(a) Guntui luitui te luang lo in khawl.

(b) A vom meeilom sahpi kitam zua zua

(c) Vanglianpi tawh Pasian awging kiza, van leh leipi, kilok gawp,

(d) Zinlingpi nasia piang.

(e) Vanpi kihong in kikhak duadua zel.

(f) Mualte kilongh khia in, suang tum golpipite thehkhia ziazua.

(g) Tuipi kinil in so zuahzuah.

(h) Pingpei lom kizial.

(i) Leitung buppi maitang, tuihual bangin kiniil, kisuuk, kihen; lei maitang ki tamgawp.

(j) Mihing tenna tui kulhte kivuk cip in mai mang.

(k) Tuipi gei khuate tuihual in valhtum.

(l) Gialpi gol mahmah kia in lei maitang teng deng zan cip.

(m) Khuapi kisathei mahmahte niamsuk. Kumpi innte kizan cip

(n) Thong inn kawmte ki balkeek. Pasian mi thongkia te suakta.

4. Thawh kikna pawl khat om. Tua sunga kihel te.

(a) Vantung mi thum tangkona sangkha man a, asi kik man leuleu khate.

(b) Khris mahmah a om lai a, ana khel bawl kha te.

(c) Herod.

(d) Topa pang beng a, amai cil tawh aphih te.

(e) Topa singlamteh a kilhna nasemte.

(f) Laitheite leh Pharisee te thuak siatna.

5. Avanglian aksi taang, meeilom vang sung pan.

(a) Midik te lungdam na leh lamet na, “Pasian in eite’ belh hi ci a akiko na uh.

(b) Pasian thukham palsatte thuaksiatna.

6. Van pan suangpekte tawi a, akilang khut khat.

(a) Mi khempeuh in tua suang tunga kigelh lai sim thei ciat uh.

(b) Upadi asikcip te launa leh cimawh buaina

(c) Mi khempeuh in Sabbath siangtho taka tan ding ahih thu aphawk uh ziakai lua ta.

7. Pasian upadi aleh a do khate amau thuak ding thaman.

(a) (Hih thu akim zaw in The Great Controversy (Kidona Lianpi) Laibu Page 640, 654-656 ah ki gen hi. Na sim un.)

(b) Amaute dahna tawh kidim uh hi. Ahih hang in kisik kik lo uh hi.

(c) Amau cih mawh luat pen, kam tawh kigen thei lo zah hi.

(d) Amau te khat leh khat kingawh uh.

(e) Amaute hong kigawm phot zaw zen in, amaute akhem Tuucing zuau theite ngawh huan heethaat uh hi.

(f) Amaute in haamsiat suuk penpen te tawh a Tuucing zuau theite uh samsia ta.

(g) Amaute ding khia in, Pasian mite thah nading a agalhiam zuunte uh, amaute makaite uh thahna dingin zang ta uh. Mun citengah kidona leh sisan luanna om.

(h) Eze. 9:1-6, Sihna nasem vantung mi in sem ta.

8. Pasian awging in Khris hong paina ni ding leh anai hun gen khia ta.

9. Meei vom lomno khat kilang. Tua pen Gumpa manna pen hi ta.

(a) Meeilom pen avaang tang semsem a, leitung hong naih semsem.

(b) Tua in nuntakna Kumpipa kiim uum. Amai tang uh nitang bangin te zia zua in tang.

(c) Khris hong kumsuk , mei kuang in tuam.

10. Vantung laidal zial bang in kizial khia, leitung liing gawp a, mualte leh tuikulh te bei.

(a) Milian, mineu, Sila, Topeng te, mual leh suangte in amaute vukcip dingin ngen uh.

(b) Migilote kam panin, “Ama hehna ni lianpi ni hong tung kua in thuak zo ding hiam? ci-in a awtna uh kiza ta.

11. Midik te thawh kikna. (Thawhkikna masa akici pen)

(a) Leitung ahawm suak sak tua buaina pi lak panin, Khris in, “Tho un” ci. Midik sisa teng khempeuh sam khia a,

(b) Leitung bup kim vial a, muat nawn loh na tawh ahong thokikte in, ahing lai midikte tawh kigawm in, Aw saupipi tawh, zawhna thu tangko in awng uh.

12. Ahing lai misiangtho te kikhel in minthan’na silh.

13. Tua pawl nihte kigawm in, Topa dawn in huih sungah kipuak to.

14. Ahing lai mi mawhte Topa hong paina vaangtaang pi in nuai lum suk khin.

15. Khris in, Ama nung zuite zawhna lim pia a, Pasian thumangte ciamtehna tawh tuam.

(a) A zo mite lutungah, Zeisu in ama khut mahmah tawh minthan’na lukhu khusak.

16. Zeisu in, Khuapi siangtho kham kong khak hong a, mi siangtho te lut ta.

(a) Tokhom mai, limlang tuipi galah, sapi leh, amilim leh aciamtehna pan zawhna angah misiangtho te ding uh,

(b) 144,000 te tua lai ah om uh.

(c) Eite zong tua limlang tuipi galah khat leh khat ih kimu ding hi.

“Pasian mite in hun nop ngah lua a, kha manphatna leh hun tomkh bek omlai thu ngaihsut in neinawn lo dekdek uh ka mu hi.” EW 120.

Tua hun a lauhuai na te tawh kisai in, mite pilvang ding kisam hi. Galvilte ihmu hi.” 5 T 715 (2 TT 322). 186.

“Ih mai a lungkhamna haksatna hun om pen ah, thuaksiatna, ziakaina, gilkialna te do zawh nading, upna kisam hi. Nakpi in hong kisit ta leh, apuk loding upna kisam hi.” GC 621.

“Topa in kahpasik tawh akibang mimaan nei a, tuate in suangpi kip bang a kip upna nei uh hi. Amaute in leitung a, A tecite ahi uh hi. Ama khut zatte in Ama kigin’ sak hun ciangin minthanna nasep tuam vilvel sem ding uh hi.” 4 T 594, 595 (1 TT 590).

“Tua ahih ciangin eite in Topa tawh kinai semsem in, Topa ni lianpi ni galdona a ih din’ kip zawh nadingin, akisamh bangin kigin’ kholhna hanciam in, zong ciat ni. Topa in siangtho a asiangtho longal te ama kiangah teng thei lo hi, cih phawk ni.” EW 71.

“A tawpna ah ute naute aw, Topa sungah thahat un. Ama thahatna vaang ngah un. Pasian galvan silh un. Tua hi leh, dawi deihna nanial zo ding uh hi. Eite in si leh sa do hi bek lo in, bulpite, vangliatnate, leitung khuamial ukpate, munsang a khagilote do ih hihi. Tua ahih ciangin Pasian galvante la unla, gilo ni hong tun’ cianga na pan’ zawh nading un, akisam nateng nei khol un.” Eph. 6:10-13.

“Ze-etna namkim thuak a, azote thamanh dingin, thumaan teci sawlna amangte in guah nunung sang uh a, ahing tang akikhel thei dingte ahi pah uh hi.” 1 TT 187, (1 TT 65).

“Mitampi in kigin’ kholhna neu ngaihsut in, Topa ni a ding kip thei dingin leh Ama mai a nungta dingin pian’thakna leh guah nunung ih lamet pen akitang samte awlmawh lo uh hi. Aw! mitampi tak mah tua buai na ni ciangin belh ding nei lo a om ka mu hi. Amau in akitangsam kigin’ kholhna awlmawh lo uh ahih ciangin, a siangtho Pasian mai a nuntak theih nading un, kipuah-siangna ngah lo uh hi. Kuamah in ama omzia pan, kisaktheihna, angsung khualna, leitung etlahna, kampau sia leh gamtatsia te, khempeuh pan zawhna angah phot kei leh, tua kipuah siangna pen tangkha thei lo cih ka mu hi.” EW 71.

“Topa mai ah kiniam khiat in anngawl thungetna tawh Ama thu zonga, adiak diak in thukhennate’ omziate ngaihsut sut ding kisam hi.” GB, 691.

“A kuamapeuh, amahmah kithasan lo a, Khasiangtho hansuahna tawh sep ding hun angak ziauziau mawk leh, tua mi khuamial sungah kisia ding hi. Note in Pasian nasepna ah, bang mah sem lo a, tut hithiat hun hi nawn lo hi.” Ch S. 228.