PASIAN' THUKHAM KOI BANG DAN?

PASIAN' THUKHAM KOI BANG DAN?

 

1).  Ih ngaihsutnate in asia apha a khen tel dingte mah ahi hiam?

―Na khempeuh sangin lungsim khemhatzaw a, kidam- sak thei lo hi. Kua in theitel ding ahi hiam?‖ (Jeremiah 17:9, ZIV).

"Na lungsim khempeuhin TOPA muang inla, nang theihtelna tungah kinga kei in" (Paunak 3:5, ZIV). 

2).  Gupkhiat nading geelna ah Pasian' thukham in bang pansan hong la hiam?

"Thukham zuihnate tungtawn in mawhna kilangkhia hi." (Rom 3:20b, ZSV).

"Tua ahih leh bang i gen ding hiam? Thukham in mawhna ahi hiam? Ahi peuhmah kei hi! Tua cih thadah in, thukham om kei leh mawhna bang hiam cih ka thei kei ding hi. Thukham in, "Deihgawh kei in," ci hi kei leh deihgawh- na in bang hiam cih ka thei kei ding hi." (Rom 7:7, ZSV).

"Tua ahih leh upna thu hangin thukham in kimanna neilo a suaksak i hi hiam? I hi peuhmah kei hi. Thukham a kipsak i hi zaw hi." (Rom 3:31, ZSV). 

3).   Akip tawntung, a kikhel lo, Pasian' gam ukna thu- khun in bang hiam?

 "Thukham ahi a, Kamsangte laibute ahi zongin a beisak dinga hong pai hong sa kei un. A beisak dinga hong pai hilo in a kicingsak dinga hong pai ka hi zaw hi. "Aman tak- pi kong cih in ah, van le lei a mangthang zongin thukham khempeuh a tangtun khit mateng laimal neu khat ahi a, lai- mal them khat nangawn ahi zongin a mangthang kei ding hi. Tua ahih manin thupiakte lak panin a neupen khat nangawn palsat a, midangte zong a palsat dinga a hilh mi peuhmah vantung kumpigam sungah a neupen kici ding hi. Ahi zongin hih thupiaknate zui in midangte zong a zui dingin a hilh mi peuhmah vantung kumpigam sungah mil- ian a kici ding hi." (Matt 5:17-19, ZSV). 

4).   Tuhun in Pasian' thukham azat tak lai mah hiam, (ahk) kheel huai hiam?

"TOPA thukham hoihkima hinna a puahpha hi. TOPA‘ ngeinakipte muantaka, mipil lote a pilsak hi." (Late 19:7, ZIV).

"Tua ahih manin thukham siangtho in, thupiakna zong siangtho a, thumaan in a hoih hi." (Rom 7:12, ZSV).

5).  Kua in thukham sawm gelh in, pia khia hiam?

TOPA in Moses kiangah, ―Mualtung kei kiangah hong paito inla hih lai-ah na ngak in; amaute lamlah nadinga ka gelhsa thukham le thupiakte kigelhna suangpekte kong pia ding hi,‖ a ci hi. (Paikhiatna 24:12, ZIV).

―TOPA in Sinai Vum tunga Moses a hopihna a man ciangin Pasian khutme in a gelhkuak Tecipanna suangpek nih, amah a pia hi‖. (Paikhiatna 31:18, ZIV).

―Suangpekte Pasian bawlsa ahi hi; a kigelhte suangpekte tunga kikhuak Pasian gelh ahi hi‖. (Paikhiatna 32:16, ZIV)

 

6).   Tu in thukham sawm koi mun ah hong gelhsak hi- am?

―Tua hun khit ciangin Israel innkuan tawh ka bawl ding thuciamna in hih bang ahi hi, Topa in ci hi: ka thukhamte amaute lungtang sungah koihin amaute lungsim ah ka gelh- sak ding hi. Amaute Pasian ka hi dinga, amaute in keima mite ahi ding uh hi.‖ (Hebrew 8:10, ZSV). 

7).  Hun nununga Pasian’ mite omzia in koi bang hiam?

―Hih lai ah Pasian thupiakte zui a, Zeisu upna a lenkip misiangte  in  a  thuak  zawh   keikai   ding   uh   kisam   hi.‖ (Kilaakna 14:12, ZSV).

===== xxx =====