MAWHNA LE SIHNA PANIN KOICI SUAKTAK THEIH DING?

MAWHNA LE SIHNA PANIN KOICI SUAKTAK THEIH DING?

 

1).  Mawhna in eite hong koici sukkhak hiam?

"Banghang hiam cihleh mi khempeuh mawh khin uh a, Pasian minthanna cinzo nawnlo uh hi" (Rome 3:23, ZSV).

"Leitungah a maana gamta a mawh ngei lo a thumaan mi kuamah a om kei hi" (Thuhilhna 7:20, ZIV).

2).  Mawhna ii thaman hong piak bang hiam?

"Banghang hiam cihleh mawhna thaman in sihna ahi hi" (Rome 6:23, ZSV).

"Tua ahih manin mi khat tungtawn in leitung ah mawh- na hong lut a, mawhna hangin sihna a piang hi. Tua hi a, mi khempeuh mawh khinzo ahih manin mi khempeuh tungah sihna hong tung hi" (Rom. 5:12, ZSV).

3).   Mawhna in Pasian tawh ih kizopna hong koici suk- khak hiam?

"Ahi hangin na khialhnate in na Pasian kiang panin hong khenkhia khin hi. Amah in hong zak loh nadingin na mawhnate in ama maitang a liah hi" (Isaiah 59:2, ZIV).

"Migilote kiang panin TOPA gamla a, ahi hangin a thu- maante thungetna a za hi" (Paunak 15:29, ZIV).

4).  Mawhna buai vaite Pasian in koici sian sak hiam?

"Banghang hiam cileh Pasian in leitung mite hong it mahmah ahih manin khat bek a neihsun a Tapa a hong pia hi. Tua Tapa a um mi khempeuh in kisialo a nuntak tawntungna a ngah nading ahi hi" (John 3:16, ZSV).

5).  Mawhna pan koici bangin hong ki honkhia hiam?

Amaute in, "Topa Zeisu Khazih um in. Tua hileh nang le na innkuanpihte in hotkhiatna na ngah ding uh hi" aci uh hi. (Sawltak 16:31, ZSV). 

6).   Jesu in Amah aituam gumpa in a sangte le apiak khong gupkhiatna upna tawh a sangte bang kamciam pia hiam?

"Tua nuntak tawntungna in nangmah bek a maan Pasi- an na hihna le na sawlpa Zeisu Khazih a theih nading uh ahi hi." (John 17:3, ZSV).

"Banghang hiam cihleh mawhna thaman in sihna ahi hi. Ahi zongin Pasian hong piakkhong letsong in eite Topa Zeisu Khazih tungtawn a kingah nuntak tawntungna ahi  hi." (Rome 6:23, ZSV).

7).  Ih mawhna amai nading singlamteh ah Jesu hong sih ding pen koi bangin piang thei ding hiam?

"Ahi zongin tu hun ciangin Khazih amahmah gangawh biakna banga a kipumpiakna tawh mawhna a lakhia dingin khatvei hong kilang zo hi" (Hebrew 9:26b, ZSV).

"Sisan  kibua   loin   mawh   maisakna   a   om   kei   hi" (Hebrew 9:22b, ZSV).

"Tu in ama sisan tawh diktansakna i ngah bekthamlo in ama tungtawn in Pasian hehna panin hong kihonkhia ding hi. Banghang hiam cihleh eite in galte i hih laitak in ama Tapa sihna tawh Pasian in amah le eite hong kilemkiksak zo a, i kilemkik khit ciangin ama nuntakna tawh hontkhiat- na i ngah lai ding hi" (Rom 5:9,10, ZSV).

"Banghang hiam cihleh siangtho mun taktak lima hi khut tawh a kibawl Siangthopen Mun sungah Khazih lut loin eite tangin Pasian mai ah a va kilang dingin vantung mahmah ah a lut hi" (Hebrew 9:24, ZSV). 

8).  Gamtatna pha tawh hotkhiatna a ngah ie hiam?

"Banghang hiam cihleh hehpihna thupha hangin upna tawh hotkhiatna na ngah uh hi. Note thu in hotkhiatna a ngah na hi kei uh hi. Hih in Pasian letsong ahi hi." (Ephesus 2:8, ZSV).

===== xxx =====