LAI SIANGTHO IH MUANG THEI DIAM?

1). Koi bangin Lai Siangtho hong piang khia hiam?

―Tua thu in lei piancil a kipan, A siangtho Ama (Topa Pasian) kamsangte kam tawh, A gensa ahi hi.‖ (Luke 1:70, ZSV).

―Pasian in tanglai in kamsangte zangin hun tuamtuam ah lam tuamtuam tawh i pu i pate tungah a genzo hi. Ahih hangin hih a nunung pen hun ah a Tapa tungtawn in hong hopih hi.‖ (Hebrew 1:1-2, ZSV).

―Banghang hiam cihleh genkholhna thute in mihing deihna banga hong piang hilo in Pasian misiangthote in Kha Siangtho sawl bangbang in a gen uh ahi hi.‖ (2 Peter 1:21, ZSV).

2). Bang ding in Pasian in Ama Kammal Lai Siangtho hong pia hiam?

―Lai Siangtho buppi in Pasian humuapna tawh hong kipia hi a, thuhilh nading, mawhna kiphawksak nading, kibawlphat nading, le dikna thu ah kipattah nadingin a manpha hi.‖ (2 Timothy 3:16, ZSV).

3). A beisa kum tampi sung Pasian’ Kammal kikheelna omlo cih ih muang thei diam?

―Topa kammalte paubang lo a, pummei tungman sun- gah sagihvei a kisiangsak ngun tawh kibang hi. Topa aw, kote bittakin nong kem dinga, tua bang mite pan a tawntungin nong dal ding hi.‖ (Late 12:6-7, ZIV).

―Van le lei mangthang dinga, ahi zongin ka thute a mangthang peuhmah kei ding hi.‖ (Matt. 24:35, ZSV).

120 Laisiangtho Dotna & Dawnna

4). Koi bangin Lai Siangtho ei adingin manpha hiam?

―Na thu in kei, lam hong lak ding meivak hi a, ka paina lampi-ah khuavak ahi hi.‖ (Late 119:105, RSV).

―A beisa huna kigelh thu khempeuh eite hong kithuhilh nadingin a kigelhkhol ahi hi. Hihin Lai Siangtho tungtawn a thuakzawhhatna le hehnepna tawh lametna i neih theih nading ahi hi.‖ (Rome 15:4, ZSV).

5). Thuman thutak in bang hiam? Mi kim in amau thu- man thutak ciat nei hilo hiam?

―Na thuman thutak tawh amaute siangthosak in. Na thu in thuman thutak ahi hi.‖ (John 17:17, ZSV).

―Tu in TOPA Pasian aw, nangmah in Pasian na hi a, na thute a muanhuai manin, na nasempa tungah hih na hoih na ciam khin hi.‖ (2 Samuel 7:28, RSV).

―Mihingte in thuman lampi hi a cih khakte pen, sihna lampi na hi kha thei hi.‖ (Paunak 14:12, RSV).

6). Thuman thutak vai Jesu in bang gen hiam?

Jesu in ama kiangah, ―Keimah in lampi, thuman thutak le nuntakna ka hi hi‖ a ci hi. (John 14:6, ZSV).

―Thuman thutak zong na thei ding uh a, tua thuman thutak in note hong suaktasak ding hi.‖ (John 8:32, ZSV).

7). Lai Siangtho telkhial a, ih tuk khak loh nangin koici kikep ding ie hiam?

―Amah in kua tungah thuhilh a, kua tungah thugen a kinei ahi hiam? Ang sung panin a kilakhia nawi tawh a kikhentung naungekte hilh-a kinei ahi hiam? Banghang hiam cihleh malkhat khit malkhat, gualkhat khit gualkhat, thukhat khit thukhat, cih bang hilel hi.‖ (Isaiah 28:9-10, RSV).

Laisiangtho Dotna & Dawnna 121

―Hih thute ka gen uh ciangin mihing pilna tawh ka gen kei uh hi. Kha Siangtho in hong hilh bang bekin ka gen uh a, Khalam thute kha thu mah tawh ka hilhcian uh hi.‖ (1 Corinth 2:13, ZSV).

8). Lungsim kihongsa le siangtho takin Lai Siangtho ih sim leh, tua in Pasian’ thuman thutak ah hong lamkai taktak ding cih koici muan ding ie hiam?

―Ahi zongin thuman thutak Kha a hong tun ciangin amah in thuman thutak khempeuh ah note lam hong lak ding hi. Banghang hiam cihleh amah in ama ut bangin thu hong gen lo ding hi. A zaksa thute bek hong gen dinga, hong piang lai ding thute zong hong hilh ding hi.‖ (John 16:13, ZSV).

9). Lai Siangtho ih sin ciangin eite in kua azong ie hi- am?

―Nuntak tawntungna ngah theih nading lametna tawh, Lai Siangtho na limsim mahmah uh a, tua na sim uh Lai Siangtho in keima thu mah gen in teci pang hi.‖ (John 5:39, ZSV).

10). Jesu in Lai Siangtho Thuciam Thak nam thum in koici khen hiam?

Tua khit ciangin amaute kiangah, ―Moses Thkham lai- bu, Kamsangte laibu le Late laibu sunga keima thu a kigelh khempeuh a tangtung ding hi ci in note tawh kong omkhop lai a kong gen thute in hih thute ahi hi,‖ aci hi. Tua khit ciangin Lai Siangtho a theih nadingun amaute lungsim a honsak hi. (Luke 24:44-45, ZSV).

11). Lai Siangtho simna ah Berea khua mite’ etteh huai limpha in bang hiam?

Thessalonica khua mite sangin hih khua mite a lungsim uh gina zaw ahih manin lawpna takpi tawh thu ngai uh a, a maan le a maanlo a theih nadingun nisim in Lai Siangtho tawh a sittel uh hi.‖ (Sawltakte 17:11, ZSV).

12). Tatsat lo a Lai Siangtho sinna in bang hong hisak ding hiam?

―Tua in Pasian mipa picing a na hoih khempeuh tawh a kigingkhol mi ahih theih nading ahi hi.‖ (2 Tim. 3:17, ZSV).

                        ===== xxx =====