BUHTANG LEH CIKHUM LEITAWI

7. BUHTANG LEH CIKHUM LEITAWI                                                                                    

            University sangnaupangte pawlkhat pen midangte’ sangin huhna kisam theizaw uh hi. Tano 2 te’ nu ahi, Beatrice pen ettehtak cing mahmah nupi khat hi. “Antang tawm hong leitawi sak ve?” ci in Beatrice in a innteknu, Maria’ kiangah a ngen hi.

Tua Colombia gam, Monetia khua a, inn golpi khat nei in, mi a saapsak, a sangkahpih Maria in buh khawm hi. Ni tawmkhat khit teh Beatrice in kitangsap hong nei leuleu hi. “Cikhum tawm hong leitawi sak ve” ci leuleu hi. Maria in cikhum a pia leuleu hi.

            Tua khit ciangin Beatrice in nahtang, antang le cikhum kisam leuleu hi. Phun se loin Maria in Beatrice piapia hi. Tua bangin khat le khat kipawl khawmin Khris’   zia zui in pualam vaphakna a semuh ahi hi. Ellen G White’ pulak ahi, Khris’ zatdan, cih tawh kisai in “The Ministry of Healing” kici laibu, laimai 143 sung a simkha ngei hi. Tua sungah, “mite’ kiang i phakzawh nadingin Khris’ zatdan bekin lawhcinna hong pia ding hi…. Amah’n amaute vei in, a kisapna uh pia a, amaute’ muanna ngah hi.  Tua khit ciangin, ‘Hong zui in’ ci  hi.”

        Maria in a veina lakin Beatrice tungah a kisapnate a piakna hangin amau tegel kikalah kilawmtatna nei uh hi. Maria pawlpi in effort a bawl ciangin Beatrice va zawna, amah zong va kikhawm pah hi. Beatrice in kikhop nuamsa ahih manin a nih   un Lai Siangtho sinkhawm uh hi. Tawlkhat khit ciangin, Beatrice ki tuiphum hi. Thungetna le Lai Siangtho sinna zomsuak uh a, Beatrice tate kum 12 pasal khat, le kum 8 numei khat zong ki tuiphum uh hi. Adang sangnaupang innsaapte’n zong kaalsim Lai Siangtho sinna ah va pawlin, mi 30 bang phata uh   hi.

        Tua khit ciangin adang university sangnaupang khatzong Maria kiangah huhna ngenin va pai hi. A directornu kiangah thu a gen ciangin a na thukimpih dingin cial hi. Anih un university a tun uh ciangin directornu in Maria a om lam thei lo hi. “Amah kua a hia?” ci in tangvalnopa kiangah dong hi….“Ka Lai Siangtho sinna vuah hong makaihnu hi,” ci hi.

         Lamdang sakawmin, directornu in dotna pawlkhat dotbeh hi. Maria in, ama’ kiangah university sangnaupang honkhat tawh Lai Siangtho a sinkhopna uh le kipawl khawma panpihna khat a phuat khitna uh a gen  hi.

            “Kalai, thupi lua hi lo maw! Tu hun ciangin deihsak takin a piakhia ding mi haksa mahmah hi ven” directornu’n ci hi. Maria in a Lai Siangtho sinna uh university huang sungah a tuah nadingin directornu’n a ngen  hi.

“Tua banah na pawlteng pen university sangnaupang bekbek hilel hi ven,” ci hi. Tua hi a, university center ah tua kipawlna tuah in, inn tungkhum le tutnate bek   om phot hi. Kongpi le kawm, paden cih khawng om selo hi. Sangnaupang dangte’n zong tua kikhopna hong theita uh a pawlkhatte va kipawl uh hi. Mi 40 bangah hong khangto pah a, tuate lakah university siate zong 3 kihel  hi.

        Tuate lakah a kipat lamin a lut nuam pak hetlo, Maria’ khanpih Rosa zong kihel hi. Rosa a kipawl pak noploh hangin Maria patau selo hi; a lawm hi peuh leh ci lel hi. Rosa call in message zong khak hi. A inn ah an ne dingin a sam hi. Rosa in Lai Siangtho a simkhak ding dah hi, ahang pen Jesu a lelh ding lau hi. Ahizongin a tawpna ah va kipawl hi. Lai Siangtho sinin thu a nget ciangin a launateng bei in Jesu hong umthei ta hi. Kha tawmkhat khit ciangin a lungtang Jesu pia in, a ki tuiphum   hi.

Rosa in a lungtang Jesu a piaklam Maria in a theih ciangin lungdam mahmah hi. Lai Siangtho sinpawlte kipat zawh kum 3 sungin Rosa pen a ki tuiphum 10na ahi hi. Bible Study group te lawhcinna taktak pen Khris’ zatdan a zat man uh hi, ci in Maria in pulak hi.

“Rosa ka muh theih nading le ka sap theih nadingin Khris’zatdan ka zang hi. Ka group sunga hong lut khangno khempeuh ka ngah nadingin Khris’ zatdan bekbek ka zang hi” Maria in ci hi.

Tu kuata sabat 13na i mission sumpi khenkhat tawh, Nuntak nuamzaw “phualpi” hon nadingin kihuh ding hi. Tua phualpi pen Colombia gam sunga, the Seventh-day Adventist University ah om a, Maria te’ khua panin vanleng tawh nai 2 sung ki leng hi. Sumpi nong piak manun lungdam mahmah  hi.

 

 By Andrew McChesney