BANGHANG LEITUNG AH THUAKSIATNA LE NATNA OM HIAM?

1). Koibang Pasian’ zia-le-tong in leitung a mawhna le siatnate ama hang ahih lohzia hong lak hiam?

A beisa hunin eite tungah TOPA hong kilang a:

      ―Keimah in tawntung itna in nang kong it a, a migi itna in nang hong kai zo hi.‖ (Jeremiah 31:3, ZIV).

―Amah in eite hong it masa ahih manin eite in amah i it hi.‖ (1 John 4:19, ZSV).

―Itna a neilo mi in Pasian a thei kei hi. Banghang hiam cihleh Pasian in ki-itna ahi hi.‖ (1 John 4:8, ZSV).

―Ahih hangin hehpihna kicing a nei Pasian in itna lianpi tawh eite a hong it hi.‖ (Ephesus 2:4, ZSV).

2). Pasian in mawhna le siatna hong piangsak lo ahih leh, kua bawl hiding hiam?

―Tua ahih manin Dawimangpa le Satan a kici, leitung buppi a khem tanglai gulpi, a lian mahmah gulpi pen ki- lawnsuk a, a pawlte zong amah tawh kikhiasuk hi.‖ (Kilaakna 12:9, ZSV). 

―Gulpi in zuauthu tawh Eve a khem bangin lam khat- peuh tawh note zong hong khem a, Khazih sunga na neih uh a citak le a siangtho na lungsim uh hong suksiatsak khak ding ka lauthawng hi.‖ (2 Corinth 11:3, ZSV).

―Dawimangpa hong sawmnate na nanzawh nadingun Pasian hong piak galvante a kimin na silh un. Banghang hiam cihleh si le sa tawh kido i hi kei a, a zalianpente, a thuneite, tulai leitung khuamial a ukte le van lam a dawigilo honpite tawh a kido i hi hi.‖ (Ephesus 6:11-12, ZSV).

3). Satan koi pan hong pai hiam? Pasian in siatna bawl hiam?

―Cherub khat bangin nang sathau hong kinilh a, tua hangin nang kong kipsak hi. Pasian mual siangtho tungah na om a, meisuangte lak ah na vak hi. Nang hong kipiansak a kipan na tungah gitlohna a kimuh dong na gamtatna ah mawhsakna a om kei hi. Na melhoihna na kisaktheihpih a, na thupina hangin na pilna na siasak hi.‖ (Ezekiel 28:14-15, 17, ZIV).

Tua ciangin Jesu in amaute kiangah, "Satan in vantung panin khuaphelep banga hong tuaksuk ka mu hi," aci hi. (Luke 10:18, ZSV).

―Banghang hiam cihleh mawhna a bawl vantung mite na-ngawn Pasian in koihkhong loin hell sungah khia a, thu- khenna thuak dingin khuamial sungah sikkhau tawh a khih- cip hi.‖ (2 Peter 2:4, ZSV).

4). Mawhna hong koici kipat hiam?

Phalvak tapa zingsol aw, van pan bangci kiatsuk na hiam, khat vei lai-a minamte a niamkhiatpa lei ah hong kikhiasuk mawk hi lo maw! Na lungsim ah, ―Van ah ka kahto ding hi; Pasian aksite tunglam ah ka tokhom ka sangkhan ding hi; mual siangtho sanpenna mun mihonpi kikhopna vum tungah ka kumpi tokhomin ka tu ding hi. Meiite tunglam pekah ka kahto ding hi; kei le kei Sangpen Pa in ka kibawl ding hi,‖ na ci hi. (Isaiah 14:12-14, ZIV).

5). Koimun ah Lucifer' langpanna hong kipan hiam?

―Tua ciangin vantung ah gal kidona om a, Michael le ama pawl vantung mite in gulpi a do uh hi. Tua ciangin gulpi le ama pawlte in zong a lehdo uh hi. Ahih hangin gulpi le ama pawlte in lel uh ahih manin vantung ah amaute om nading mun a om kei hi. Tua ahih manin Dawimangpa le Satan a kici, leitung buppi a khem tanglai gulpi, a lian mahmah gulpi pen kilawnkhia hi. Leitung ah amah kikh- iasuk a, a pawlte zong amah tawh kikhiasuk hi.‖ (Kilaakna 12:7-9, ZSV).

6). Sia-le-pha kidona lianpi sungah hih ih leitung hong koici kihel hiam?

"Ahi hangin sia le pha theihna singkung panin na ne peuhmah kei ding hi; ahang in, tua na nek hunhunin na si pelmawh ding hi,‖ a ci hi. (Piancilna 2:17, ZIV).

"Numei in tua singgah a muh ciangin nek dingin limci sa-a, a mit la keei a, pilna zong ngah nuam ahi manin tawmkhat la-in a ne hi. Amah tawh a omkhawm a pasal zong tawmkhat pia-a, a pasal in a ne hi" (Piancilna 3:6, ZIV).

"Tua ahih manin mi khat tungtawn in leitung ah mawh- na hong lut a, mawhna hangin sihna a piang hi. Tua hi a, mi khempeuh mawh khinzo ahih manin mi khempeuh tungah sihna hong tung hi" (Rom. 5:12, ZSV).

7). A nunungpen Satan' kamsiatna in bang hiam?

"A zai mahmah na sumbawlna hangin ngongtat-in na mawh hi. Tua ciangin hong hehpih loin Pasian mual panin kong hawlkhia a, a kem cherub aw, meisuang lak panin nang kong hawlkhia hi. Na mel hoihna na kisaktheihpih a, na thupina hangin na pilna na siasak hi. Tua ciangin leitung kong denna-a, kumpite mai-ah pawi-et-a et kong suaksak hi. Aman lo-a na sumbawlna le na mawhnate tawh na mun- siangthote na ninsak zo hi. Tua ciangin nang panin mei ka kuangkhiasak a, tua in nang hong kangtumin nang hong vilgige-te muhna leilakah vut kong suaksak hi. (Ezekiel 28:16-18, ZIV). 

8). Atawpna ah Pasian in hih leitung a masa bangin hong koici bawl kik ding hiam? "Ahi zongin Topa Ni in zan laitak a hong pai guta bangin hong tung ding hi. Tua ni ciangin vantung nate gin- ngaih mahmahsa in a mangthang ding uh a, a sunga om nate zong salua in a tuimang ding hi. Leitung le a sunga om na khempeuh zong a kangtum ding hi… Ahih hangin eite in ama hong kamciamna bangin midikte a teena van thak le lei thak i lamen hi" (2 Peter 3:10,13, ZSV).

===== xxx =====