MS 10: Leitung ah Ahoihpen Nasep

 Enkhmandakh “Mandakh” Bold, 

28 September 8, 2018

Seventh-day Adventist pen Mongolia gam communist beilian in moi mahmah lai a, Adventist Frontier Mission makai nupa kopkhat pen mi awn 3 sungah Adventist missionary te 1991 kum a, a lut masapen te hi pah hi. Tulaitak tuiphumsa 2,177 om a, pawlpi mite pen a ki tuiphum masapen te hipah hi. Pawlpimi kepcin ding tona lianpi hong piang hi. Kum 28 a pha, Global Mission makaipi Mandakh in, Mongolia te khuapi Ulaanbaatar ah ki tuiphum napi, tuakhit kum 7 ciang pawlpi nusia kik hi. A tangthu a nuai a bang hi.

Kei pen mi lungsimkhauh ka hi a, thukhen ka ut mahmah hi. mi khat peuh mawhna a bawl leh, a mawhna ka phawkkiksak hi. Daan piak khawng zong ka ut hi. Pasiain in zong ei daan hong pianuam lel in ka um hi.

Ka lung a gim mahmah a, Pasian up zong khiatna nei kasa melkei hi. Ka nuntakna ah a piangsual khat om hi. Biakinn pai, Sabbath tan, Sawm a khat piak cih te kakhawl hi. Ka zi dahlua in thu hong ngetsak hi.

Ka lungsimtawng ah bel, Pasian daan thuakin ka kingaihsun hi. Pasian in kum 7 thupha hong piakhin a, tu'n ka nungzang hong sat ta ding ci in ka um hi. Kumkhat bei taleh, kilamdanna pianglo hi. Daan hong piakding sangsik in, Pasianin nidang hong thupha piaksangin a tamzaw hong piakbeh lai hi. Mongolia Television channel zumah, endikpu (editor) in hong koih a, khasum tampi hong pia hi.

Patau liang ing. Ka lungsim Pasian kiang tungkik hi. Ka ngaihsutsut teh, “Nuntakna cihpen, sum zongin zangh, zong leuleu zang leuleu hi lel hi. A meet taktakpa pen, a hau semsem a neipa bekmah hi lel. Bang nasep hoih neithei peuhmah ding i hia?”

Sawtpi ka ngaihsut khit teh, Pasian nasep mah nasep hoihpen hi. Ka lungsim Zeisu tung ka apkik a, biakinnlam kilehkik hi. “Topa na nasem dingin nong deih leh, a kigingsa in om ing,” ka ci hi.

Kha tawmvei ciangin, Mongolia Adventist pawlpi makaipi te in, Global Mission makai in hong koih uh hi. Asi dektak pawlpi makaih ding ka hi a, Khuapi ah om in, Manglai sangkhat ah manglai hilh ding, ka zi in naupang Sabbath school ah Senlai hilh ding hi. Kaalkhat sung thu kangen a, television nasep khawl in, hunbit Pasian na ka semta hi.

Pasian na kasep khaguk hipan a nuamsa mahmah ing. Pasian vangtawh mihing nuntak kikhel dan sang a muhnopzaw bangmah om kei.

Sabbath masa pen ni, pawlpimilui khat Sabbath sang hongkah a, ka kitheikei tuak uh hi.Amah hoihtak hopih in, Mai Sabbath zong hongpailai nading ka hanthawn hi. Ka hatthot hang lawptuak melkei.

A hangthu bel ki ho nuaming ci a, hongsap teh tel ing. Kiho dingin ka vapai a, a zi in ma-nuam na hi leltak hi. “Bangcih ding ka hiam?” ci in hong dong a, Nang bang hih nuam? ka cih leh, "Theilo" hi lel hi. Laisiangtho thukhunte ka kikuppih a, sihna leh khialhna lobuang nupa kikhen theilo ding cih ka hilh hi.Azi tungah a thumanlohna teng mawhmaisakna nget ding leh tua te khawl ding ka sawl hi. Na zi tungah thuman genkhia in. Tupan kipan Pasian mi ka hi ta a, nang tungah ka thumaan tawntung ding hi ci in, ka ci hi. Thu ka ngetkhop khit uh teh ka kikhen uh hi.

Kaalkhat khit ciang, a langkhat nu kiangah keipen Pasian mi ka hita hi ci in tangko zo ing hong ci hi. A zi kiangah zong thuman genkhin zo a, a zi in zong maisak zo hi. Tu'n bel Sabbath simin biakinn hong pai a, lawp mahmah hi.

Mipoi, kumpi huhna, Mongolia sum togrog 160,000 a sangpa tungtawn in na lamdangkhat hong piang hi. Sabbath nitak khat, tuapa hopih in, "Sawm a khat, Topa pia in, Thupha hong pia ding hi," ka cih leh, hong nialpah hi.

Tawlkhat khit teh, phone tawh a cidamloh thu hong pulaak hi. Kumpi te'n, khanih ai kigawm piakkhat in hongpia ding hi hong ci hi. Ke'n bel, “Sawma khat Pasian pia in la, Pasian sinin" ka ci hi. Malachi 3:10, Pasian in, ‘Sawm a khat tawh kei hong sin un," hong ci hi.

Sabbath kikteh, biakinnah sawm a khat hong pia a, a piak masakna zong hipah hi. Kaalkhat khit teh hong gen na ah, “Nung Sabbath sawm a khat ka piakleh, kumpi lampan lai hongpai a, ka khasum 100 ah 50 khangding hong ci e," ci hi.

Alawpgawp hike'ng, Pasian itna in na kheelzo lua cih gennuam ing.Ama lungdamna kamtawh genzo ke'ng. Pasian itna theikim leng ut mahmah ing. Tua hangin Pasian na a sem hi ing. Pasian nasep mah leitungah nasep hoihpen hi.

Enkhmandakh “Mandakh” tangthu Andrew McChesney kiang a kigen.

Theihhuai Thu

• Mongolia khanglamah Gobi sehnelgam om hi. Sehnel sangin suangtumpi te tamzaw hi. Phalbilai in -40 degrees Fahrenheit (minus 40 degrees) Celsius, khuakhal ciangin +104 F (40C) pha hi.

• Mongolia Mission pen Mongolia’khuapi, Ulaanbaatar ah om hi. Pawlpikip 6 leh, tuiphumsa 2,177 pha hi.

• Mongolia mipi 3,095,000 pha a, mi 1,422 simin Adventist 1 om hi.