MS 7: Zaa Tampite' Nu

Mayumi Nagano, Kum 58 

August 18, 2018

Mayumi kici nu pen Japan Seventh-day Adventist nupi te lakah a zah takhuai khat a hi hi. Hilo dektak zawsop hi. Asangkah ma in nihvei sihkhial hi.

Mayumi' nu leh pa te pen zuhai in lungsim manphalo te a hi uh hi.Atanu no don ngei vetlo a hih manun, tui a so salsal niangbeel nihvei paltuk hi. A masa kumthum a phaklai leh; a nihveina kumnga a phaklai a hi hi. A nihvei mah in a pumpi tung tuisa in kaanggawp a, a damciangin pawngawp hi. "Topa'n ka nuntak na nihvei hong kepsak hi," amah'n ci hi.

Kum kua a phakciang, a nu mansuah leuleu a, mukik ngei nawnlo hi. Mayumi a dingin lametna liankhat, tanguk a sim ciang hong piang hi. American te khat a inngei vuah hong teng a, mangpau pau thei, laisiangtho simthei lawh hi. Matthew 7:12 ah Zeisu in "Note tungah hong kibawlding na deih bangun mitung ah bawl un" a cih khamthukhun te a simtheih ciangin amah leh amah bang ki um zolo zawzen hi.

“Hih mun ka zakteh, lampi mu in kingaihsun ing,” Mayumi in ci hi. “A beisa te kheelthei ke'ngin, ka vunpawn te zong damkik theilo mahleh, ka nu leh pa kiangpan ka lamet itna bang, mite tungah ke'n zong neithei ding cih thei ing. Tua ni pan kipan naupang kepding lungsim hong paaipah hi.

Haksatna bel hong phukha masa hi. Kum 21 in pasal nei a, tua khit kum 10 ciang kikhen uh hi. Zuhaipi zahaipi hong suak hi. Kisuamlup bang sawmphial hi. Kum 38 in pasal neikik a, nuntakna thak hong kipan hi. Sun naupang kepna ah a sep kipat ciang haksa sa mahmah hi. Thukhun te khauh mahmah a, nute pate zong gilo thei mahmah uh hi.

Cisa na kumkhat naupangkhat a nialna uh pan in, thu hong kikheel hi. A nu naupang damlo kephun kipia lo a hih manin hanggawp hi. Azingciang, tua nu hong paikik a, naupang damzo ci hi. Naupang a damkikpak theih dan Mayumi in thei zolo hi. Naupang zundap a kheksak ciangin a thu theipan hi.Anu in naupang tawvang ah zatang na thun a, tua tawh a dam hi gige hi.

“Tuabang mawkmawk hoihlo hi,” Mayumi in ci hi. “Tua a hih manin, mipi masakna lungsim tawh keima naupangkep na kasem a, cisate nangawn ka sang hi. Tua naupang kepna Mayumi innah om a, nikhat nai 24 kihong hi. Innkuan 500 in lut theihna'ng lai hong thun uh hi.Amasepzawhzah, azah sawmnga hi tahi. Naupang khat a ci a sat leh, naucing khat in a innah zuisak a, midangte kilawhsaklo hi.

Mayumi in mite naupang teng a kepsak kawmin, ama tanute tawh buai leuleu hi. Tanu nih nei a, a neuzaw nu in, tan 4 khansung lutnuam hetlo hi. Ka Sia te in "mihai" hong ci uh a, khut, baan khawng hong sat hi ci hi. Tumging hilh Sianu in khatvei pengkul tawh hong sat hi ci hi.

Mayumi in sang hoihzaw a zonzon leh, Adventist sang mukha hi. “Adventist sangpen sangdang tawh tehna in paradise himai,” Mayumi in ci. “Sia te zong hoihthei lua,” ci hi.

Atanu zong Adventist sang kahpah a, kum tawmvei khit teh ki tuiphum hi.Asawtlo in, Mayumi, a pasal, leh a tanu omlai zong ki tuiphum uh hi. Mayumi a ki tuiphumkhit ciang hong piangthak hi. Khatvei thaulua, tu'n hoih bek ta.Amah nuamlua hi.Alawmte, nu leh pa te, naucing dangte nangawnin bangteng piang cih hongdong ngeingai uh a, Mayumi in zong hangsan takin Zeisu thu genpah hi.Ama huzaap tawh, a naucinna lui te khawngpan mi 30 bang, tu'nAdventist sang hong kahthei uh hi.

“Ka naukepte kiangah, sang na kah uh teh,Adventist sang ah kahun ka ci a, hoihsa uh hi” ci hi.Abeisa kum 4 sung tengbek zong, a naukepte' nu leh pa te mi 45 bang ki tuiphum thei uh hi.

Tuni in Mayumi leh a naseppih te in, Tokyo ah, nau 50 bang omna nau kepna ah semuh a, nau hong koihte pen thu umlo mi tamzaw hi. A kizomin, naupang nuntakdan hilhna sang hontoh sawmlai hi. Mayumi in mitampi Zeisu kiang a tutzawh na'ngin thu ngetpih ciat ni.

Andrew McChesney

Theihhuai Thu

• Japan Union Conference sungah, East Japan conference, West Japan conferences leh Okinawa Mission ci in khenthum pha hi.

• Pawlpi kip 97 om in, Tuiphumsa 15,151 pha hi. Gambup mimal 125,310,000, om a, 8,270 sim in Adventist khat ta om hi.

• Japan te lai theihna 100 ah 100 hi phial hi.