MS 9: Tan Giat mi in Pawlpi Lumlet

Bumchin Erdenebat, Kum 27 

September 1, 2018

Tan-giat sim Bumchin in Mongolia gam mualte tungah a tenuh ciangin Biakinn hoihtakin pai nuam uh hi. A tenna khuathak ah SDA biakinn na omlo hi. A tamzaw te Budhhist vive hizaw uh hi. A sang   inngei ah Sunday tang biakinn khat bel om hi.

nu kiang hawh ding, Bumchin patau mahmah hi. Keipen   hun in gilo mahmah ka hih teh, siama nu omna biakinn zong painuam ke'ng ci hi.

Mongolia gamsungah Adventist pawlpi te thu a thei tawm mahmah taleh Bumchin in telphamahmah hi. Akhualui ah Adventist pawlpi te sapnatawh Adventist biakinn pai thei hi. A pastor pa un, Mongolia khuapi Ulanbaatar ah khangno khoppi khatah paipih hi. Bumchin in Mongolia gam ah Pasian nasem kisam mahmah cih thei a, khuathak a tun ciangin, Pasian nasep ding lunggulh hi.

A mailam thu ding Bumchin a ngaihsut teh, zingsim in mualtung kahto hi. Mualdawn ah, Bumchin la sa in Pasian makaihna ngen tawntung hi. "Topa aw, hong zangin," ci hi.

Zingsang khat a thungetkhit teh, mualtung pan hong tuaksuk in, Sunday tang biakinnkhat ah hong lut hi. A sung a om mite khangham vive hi a, naupang amah bek a hih ciangin nuamsa mello hi. Khanghamte thugen teng a ngaih ciangin nopsaklohna teng mangngilh hi. Biakinn pen kikhaksuak ding hi ta hi.

“Tu tung i kikhop nunungpen hi ding hi,” pawlpimi khat in ci hi. “Bang, tawm taleng zomsuak leng aive?” khat in ci hi.

Biakinn pan mi tawptawp a hih cianga, mipite zong lungkia uh hi.

Bumchin dingto in a laisiangthobu hong hi 1 Corinthians 15:58. “Tua a hih ciangin ka hong it sanggamte aw, Topa hangin nanasepna te uh a mawkna hi ngei hetlo hi ci in na theih uh mahbangin Topa a dingin a tawntungin nasem unla, liing hetlo in lungsim kiptakin na om un,” cih simkhia hi. Christian te'n cihmah hunin lungkia ngeilo ding hong hanthawn hi. Naupangpa hanthotna mipi'n ngai khipkhep uh hi. Naupangpa pau a zawhkhit ciangin, mipi te in, “Hih kikhoppen a nunung pen hisak kei zaw ni, A thakin kipanpha zaw ni," ci zaw uh hi.

A sawtlo in, pawlpi mi honkhat in Bumchin tawh thungenkhawm dingin mualtung hong kahto uh hi.

Bumchin in a omna luiAdventist Pastorpa, tua Sunday biakinnahAdventist thupuakte gendingin sam hi. Pastorpazong thukim in, Bumchin huhna tawh, khakhat khatvei ta khaguk sung laisiangtho sinpih tawntung hi. "AmauAdventist hongsuak dingin zol zong hi ke'ng, Biakpiakna bawlpih thungetpih hi lel ing " Bumchin in ci hi.

Amualdawn thunget pai nawnlo a, hih pawlpi miteAdventist lam ah hong kikhel theihna dingin Topa hong zangin ci in thungen hi. Pawlpimi 27 hong phato a, Bumchin sangkahpihte zong hong kihel hi.

Kumbei ciangin, tua pawlpimi 27 teng, SDA pastorpa omna ah, Christmas bawlkhawm dingin hongpai ngeingai uh hi. Ainnlam uh a ciahkik uh ciangin, a pawlpi uh Adventist pawlpi a laihdingin hong thukim ngeingai uh hi. Mongolia gam ah pawlpi tangthu kum 27 sung, pawlpi bupkhat, Adventist pawlpi a kikhel cihpen hibekmah hipah hi.

Bumchin, Ulaanbaatar hong tun hunin, tua pawlpi thak mi 40 hong phato ta hi. Bumchin, kum 27 pha ta a, Adventist pawlpi phut zelzel hi. Tu ni in, amah Mongolia gam, Global Mission makaipi hi a, tua zong amau nupa mah in 2012 kum a hontawm mah a hihi. Khutul Seventh-dayAdventist pawlpi ah Sabbath sang hong kahmi 60 kiim pha tawntung a, khangno 45 zong om hi. MongoliaAdventist pawlpi in 2017 March kha in pawlpikip in sang hi. A ki tuiphum masak lai 2017 June kha in mi 10 ki tuiphum hi.

Bumchin i tan 8   nu zong, tu dong  mah hilhlai hi. Tu in Ulaanbaatar khuapi Tusgal Adventist sang ah sem gige hi. Amau zongin 2015 quarter thum, Sabbath 13 na sumpi letkhia te ngahkha uh hi.

Bumchin in bang sep a sawmlai tam maw? “Mongolia gam sungah pawlpi phutbeh nuamlai ing,” ci hi.

Andrew McChesney

Theihhuai Thu

• Mongolian te taangngeina inn pen “ger,” ki ci a, Russia te'n “yurt” ci uh hi. "Ger" cihpen buk tangzang hi; Avante zang mahmah a, puakna nuam hi.

• Mongolia gampen “Sakol Tuangte Gam” ci in kitheipha a, misang sakol tamzaw hi. Sakol pen vanpuakna nawinek leh sanek in kizang hi.

• Mongolia gamahAdventist nasepna pen,Russian missionaries te in 1926 kumin kipan hi.