MS 6: Zeisu in Ngabengte Man

Kurihara Kimiyoshi, kum 39 

Zeisu in Ngabengte Man 

Japan

August 11, 2018

[Pasal khat gensak in.]

 Kum 48 a pha, ngabengpa Sadayuki kamuh ciangin ka lungnuamlua hi. Gampi pan a gamla mahmahna,Tsushima tuikulh ah, amah ki tuiphum hi. Kum 15 sungbang ngabeng a sep khit ciangin, amah Zeisu in man hi.

Sumzuakna sai golpi supermerket ah zateep hong ngetna pan in Sadayuki ka muh masakpen na a hihi. Japan leh Korea gam kikal, mi 30,000 bang a tenna Tsushima tuikulh tungah ka zi leh ka tanu uh nih tawh ka teenguh hi. Kopen pawlpi mi kumkhat beek a kipia hamtang, Global Mission madawk te ka hi uh a—pawlpi lutzawklohna mun te ah lut ding ka hi uh hi. Tua tuikulh tungah ka tunhun, nung kum sagihlai pan kipan tua tuikulh tungah SDA ko bek ka hi uh hi.

Ka mawtaw kongvang ah Sadayuki hongdaak in, “Cigarette zialkhat beek nong pia zo diam?” ci'n hong ngen hi. Manlang takin kadawng a, “Nei het kei ing ey, sorry,” ka cikik hi.

Hibang zateep hong ngente ka dawndaan hi lel hi. Amah bel lungkiat tuak mahmah hi. A paikhiat ciang, ka tanu te tawh ama ading thu ka ngen uh hi. Ka thunget khit uh ciangin, laihawmkhat pialeng a hoihtam cih phawksan ung. Mawtaw sungah laihawm dalkhat zong ka puakei uh hi. Lampi dangkhat hong honsak dingin Pasian tung thu ka ngen uh hi.

Ka mit ka hakkik ciangin, mawtaw sungah laihawm lui khat kia ka mu uh hi. Ka tanu neu in sikkha in niin pian mah taleh a laimal te kitel lai aih manin, a dang piakding mahmah neihloh tawh tua laidal mah pia dingin tua mipa ka delhkik uh hi. Tua mipa ka phakuh leh, laisiangtho munkhat ka lungsim sungah hong suakvat hi. Nungzui Peter in, khutdawhngenpa tungah a pau kammal, “Ngun leh kham nei ke'ng, ka neih sun kong piak hi” cih kammal hi(Sawltak 3:6.). Kei zong tua mipa kiang ah, "Sorry, zateep nei hetlo hi'ng, ka neihsun hih hong pia ing" ci in tua laidal kapia hi.

A kisiikcipsa laidal hong sangnuam tammaw cih ka laupian hi ven, hong sang a, simsukpah denden hi. Lungdam hong ko samsam keei hi. “Amantak cileng, ka naihuaipen pawlpi khat zuanning cih ka ngaihsut laitak hi ven, lametna khatpeuh ka muh laikhak leh ci a, ke'n zuan thei nailo a, nang hong paikha nai veh," hong ci hi.

Tua ka zak teh kadiip hong kuaduak hi. Pasian hong geelsak hi lian hi. Keitawh nisim in laisiangtho hong sinin la, anneek tuidawn na kisap leh zong, hong vaihawm nung ka ci hi. Tua mipa lungdam lua in ka innvuah laisiangtho sin dingin hong paiding cih kamciam hong piapah hi.

Sadayuki, a zingciang hong paipah a, khathumsung laisiangtho ka sin khawm uh hi. Sadayuki in zuhai lua a, lungkia mahmah ta cih kana theikhia uh hi. Amah leh amah kisuamlum dingin, nihveibang zatang tampi ne khinzo a, doctor te in a nuntakna hong gupkhiat sak zel hi. Zeisu mulo a a sih ding Pasian in phal nailo deuh hi.

2015 kum in Sadayuki ki tuiphum hi—hih tuikulh ka tunkhit un a kituiphum thumte lakpan a nihna pa ahihi. Zu zong a dawn nawnkei hi. Zuhai te a dingin ngaihsutna khat peuhpeuh neih ding ut mahmah hi.

Khatvei, Buddhist leh Shinto te lak a Pasian nasepna haksa mahmah a hih manin, ka nupa un ka lunguh kia mahmah hi. Sadayuki in bel nui hiuhiau in, "Pasian lampite pen ei lampite banglel hilo hi, Amah'n, thumaan a zong mite kiang hong paipih thei lel hi," hong ci hithiat hi.

Kurihara Kimiyoshi, in Andrew McChesney tungah a gen bangbang hi.

Kimiyoshi, minno “Kimi,” a kici pa, Global Mission pioneers 2500 te lakah kihel pawlpi who 11,000 val phutzo te lakah kihel hi. Kimi inbel Global Mission pioneer lak ah lutding ngaisun ngei hetlo hi. Vanleng hawlna licence nei a, vanleng tawh Pasian nasem ding geelmah ta leh Pasian geelna pen a tuampi khat na hi zel hi. Vanleng mahtawh na kimawl mawl hi. Kimi in vanleng tawh a kimawlna link sungah en in. bit.ly/praying-for-students1.

Theihhuai thu

Japan an lak ah buh, ngasa, gah leh teh, leh sa tawmbekmah kihel hi.

Sathau tawmsak a, cidamhuai mahmah hi. Tua hangmahin Japan te pen leitung midangte sangin cidamzaw, khansau zaw uh hi.

Sumo wrestling in Japan te minam kimawlna a hihi. Sumo kimawlna ah gualzawhna dingin, a langkhatpa in a kual sungpan paikhia, aih kei leh, a pumpi leh lei kisat cih te kisam hi.

•        Christian biakna zong,Japan gamsungah Jesuit missions te in 1549 kumin lutpih uh hi. Tuni tuhun in, 100 lakah 1 pan 2.3 ciang bang Christian a hi uh hi.

•        Japan ah Pawlpi kip 97 om a, tuiphumsa 15,151 om hi. Gambup mipi 125,310,000 a phakna ah, 8,270 ciangin Adventist khat ta om hi.