MSS 2: Pastor Nih It, July 14, 2018

Hee-Sook Kim, Kum 64

Pastor Nih It

Khanglam Korea

July 14, 2018

[Numei khat gensak in.]

Khanglam Korea gam khuapi Seoul khua gei khuaneu khat sung ah Laibu zuak mi 2 leh kei innkhat pan innkhat ka lut ngiatngiat uh hi. Lampi dungkhat ka pai vualeh: Sunday tang Laisiangtho sangnaupang te thuthang tangkona dialpi khat kamu uh hi. Bangteng hiam enni ka ci uh hi.

Address ombang in kapai uh ciangin, Khanglam Korea gamsungah a lianpen Sundaytang pawlpikhat i Pastor nupa te tawh kana kimu uh hi. Aih hang kongpi honghon teh amaute ka theikei uh hi. “Kote pen Korea te laibu hawmkhiatna phualpi pan ka hi uh a, laihawm hong hawmnuam a hong pai hi ung," ka ci hi.

A lamdang mahmah in, a pasalpa in Seventh-day Adventist laibu hawmkhiatna phualpi na thei hi. Thu hong dongpah a, “Banghang a Saturday ni in biakinn kah na hi uh hiam? hong ci hi.

Piancil laisiangtho pan kipan piansakna thu ka genpah hi. Pasian in niguk sung vanlehlei a bawl kagen a, ni sagihni tawlnga, tuani Sabbath, siangthosak cih thu ka gen hi. Laisiangtho galsinna lai ka piapah a, a zom te zong maikal ah kong puaklai ding hi ka ci hi.

Ka kihoho uh ciangin, amah ka muhdan, amin Ki-Jo Moon [kee-jo moon], in laisiangtho tel simtham hi. Amau nupa pen kum 30 sungbang Pastor a na sem khinlua a hih thu ka theikhia uh hi. Tua a hih mainin laisiangtho galsinna lai kapuak nawnkei zaw hi. “Conflict of the Ages” i cih Ellen G. White laiat te ka puakzaw hi.

Laibung hoih litlet sungah a om teng—Patriarchs and Prophets, Prophets and Kings, The Desire of Ages, Acts of the Apostles, leh The Great Controversy—  cih teng hi a, Korea sumin Won 300,000, U.S.$265 man a hihi. Tuateng manngenlo in ka mawkpiak hi.

Pastorpa in Daniel laibu lunglut phadeuh in tua tawh kisai panpih theihna hong ngenpah hi. Ka vahawhkik uh ciangin Daniel leh Mangmuhna laibu te hilhcianna laibu kava pak uh hi. Hun tawmvei khit cianin, pastorpa in message khat hongkhak a, “Keileh kei laisiangtho ka simsim hang a tungtham bekmah muzo bek cih kithei ing, na biakinn vuah hong hawh leng a lemthei diam?" ci in gelh hi.

khawlvat hi. Lamdang ka sa mahmah hi. Kasap simin damlo, manlo cihbang paulam tuamtuam hong nei hi. A tawpna ah Adventist biakinn pailo dingin a zi in khaam a hihlam ka theikhia hi. A zi in hibangin taaigawp hi, “Pastor hi teh. Zumthei in! Na gamtatna kikheel in.” ci hi. Himah taleh ke'nbel biakinn paidingin zol teitei lai ing.

Kum sagihbang hong veikhit ciangin, Adventist biakinn khatah cidamna thu sinna khat kahdingin amah kasam hi. Tualai ah singgah tuamtuam kisuuktui tawh pumpi sung gu te hepkhiat daan pumpi kisiansuah daan te kihel hi.

Tua gusawpna training Pastorpa kiang ka genleh, amah'n, “Ka zi kiang gen lecin a hoihzaw tammaw,” hong ci a, a zi kasap leh, a nupa un hong paikhop ding uh thukim hi. Hih tungtangpen a zi in Adventist pawlpi tungah a lunglut masakpen na a hihi.

A nupa un Pasian thugenna paiding hong thukim ta uh hi. A lawmpa bel lungdamthu sangthei mahmah napi, pawlpi sung lutlian ding khensat theilo a hihmanin, thu tangkona nihveina ah ka sam leuleu hi. Nitak simin hong paikhawmuh a, “Na thupuak sungah tuikham ung” hong ci uh hi.

A kumgiatna kum a hi 2017 kha ciangin, a nupa un, Adventist pawlpi ah hong ki tuiphum uh hi. Pasian Kammal leh i thhupuak te in mite' nuntakna kheel hi.

Hee-Sook Kim in, Andrew McChesney tungah a gen bangbang hi. Hee-Sook Kim [hee-sook kim], kum 64, in Khanglam Korea gamah laibuzuak hunbit nasempa hi.

Theihhuai thu

· Khanglam Korea ah pawlpi 715 om a, tuiphumsa pawlpimi 247,143 om hi. Gambup mimal 75,916,000 pha a, mi 307 simin Adventisty khat om cihna hi.

· 100 ah 50 in biakna kipawlna meel neilo uh hi, Christian 28 hi a, Buddhist 16 hi. · Seoul khuapi huam sungah mi awn 25 tenguh a, Seoul khuapi in leitung khuapilian a thumna a hihi.

Mrs Hee-Sook Kim nasepna te tuma lamin ong kisuaksak khin zo hi. A cing zaw in na sim nop leh Mrs Hee-Sok Kim ah na hawh in.