MSS 1: Khaa 20 tawh Kidim

“Kuamah Sabbath ni nasemlo, Bosspa nangawn,” Jin Rong in ci hi. 

Jin Rong upna kip hangin, naseppih te lungsim kikheelzo a, mi 4 ki tuiphumzo uh hi.

Jin Rong nasepna ah tawl thei mahmah ta leh, tua bang mah in sem paisuak zaw hi.

“Tawl mah talehang, upna lenkip thei ding in hong kem Topa tungah lungdam ka ko uh hi, Ka thungetna te uh hong ngai a, lungnuamtak a hong om sak Topa tungah lungdam ung,” ci phapha hi.

Narrator:

Taiwan ah mite bek thamlo, Northern Asia-Pacific Division sung a om pawlpi mite in, Zeisu hong paikik ding thu tangko ding leh upna lenkip thei ding in thu nak nget mahmah uh hi. Thirteenth Sabbath sumpi tampipi hong pia leu cin mitampi te in lungdam thu hong zaksak thei ding uh hi.

nnnnnnnnnnnnnnnnnnnnnnnnnnn

Andrew McChesney

Khaa 20 tawh Kidim

Khanglam Korea

Si-Woo Noh, Kum 55

July 7, 2018

Si-Woo [SHE-oo] in a neulai pan kipan lutangnat damtheilo hi. Amah khanglam Koreagam Daegu khuapi ah teng hi. 

College a zawhkhit phetin pasal neipah a, tanu no khat neipah hi. A lutangnat dam theilo a hih manin nuntak nuamsalo hi. Doctor te'n zong a cih na'nguh theihpihlo uh hi. Noptuam ding lametna tawh Buddhist nungak siangtho suaknuamin biakinn te vahawh zel mah leh, phunggyi te in amah ciahkiksak zelzel hi. 

Si-Woo zong dawisia dawihoih tawh a kizomthei siampu khat kiang va zuan hi. Siampu in "khaano khat, Si-Woo lupna khaandei sungah lutkhol zo a, tua khaano pen, lutang liamna tawh a sisa, Si-Woo' sanggampa' khaa hi a, tua hang a Si-Woo in dam theilo lutangnatna thuakden hi" ci hi.

Si-Woo' sanggam pasal a sisa khat om hi, ama pianma a sikhin a hih manin a thu bangmah theihpih lo hi. Inn hong tunkik teh, a nu in a sanggam pa khat lutang liamna tawh si cih gen hi. 

Si-Woo in tua lutangnatvai dawisiampu tawh kikumphapha hi. Dawisiampu in, Si-Woo teekteek dawilutin siampukhat a suakkul hi ci hi. Tua thu a nialkhak leh, a tanuno dawi te'n suksiatsak ding hi ci hi. 

Si-Woo siampu hongsuak hi. Dawi a lut theihna'ngin, ni 100 sung thungenngen ding a, amah leh a pasal pianna mualtung khua ah hawh ding kul hi ci hi. Zankhat naithumsung thungen ding, zingsang nainihsung theungen ding, tuakhit teh tuivot kilkel tawh kisilsiangtho ding ci hi. 

Si-Woo dawi hong lut takpi a - khatbek hilo, 20 tak pha hi. Tua dawi 20 te a ding taattung khat bawlsak a, kum 20 sung thusuakthak te genkhiatna leh, cina damsakna, misikhaa te tawh kizopna in hun beisak hi. Omdan namkim tawh ama nasep tuakmahmah hi.Gilna a hongpai khat a ding gilnatpihna, lutangna a hongpaikhat lutang natpihna, lunggim te, lunggimpih na mah tawh bawl in damsak zelzel hi.

Si-Woo daupai mahmah taleh, lungnuam zolo hi. A lutangnat a dam hang, a pumpi gim mahmah in, a lungsim lam sukha mahmah hi. A pasal leh a tate in zong neeknuamlo liang uh hi. Kithahlup sawm tawntung hi. 

Tua laitak in mikhat in mawtaw tawh Si-Woo mawtaw nunglampan hong taihkha dihdih in, zato ah khakhat sung lum hi. Tua ciangin a lungsim buai in khua hong phawk hi. Mite' mailam thu ding genkhia thei nu in, ama mailam thu banghangin daal zolo hiam cih hong phawk hi. 

“Kum 20 sung ka biak ka pasian in kei hong keem zolo hiam?” ci in ngaihsun pha hi. “Hih pasiante in kei hong kepzawh kei leh, amau zong ke'n bangci muantheih ding?”

A upna a khauhtheih na dingin Si-Woo thungenngen taleh, kilamdang zo tuanlo hi. Suksiat na in, a taattung mei tawh haal a, hih pasiante ka bia nawnkei ding hi cih tangko hi. Tua ciangin khaa 20 te in, amah nusia uh hi. 

Taattung omloh ciang, Si-Woo hawm kisa in khalau hi. Ka pasian masa te sang a hatzaw pasian a omlai tam ci in ngaihsun hi. Seventh-day Adventist nupi khat in Zeisu thu khatvei a gen ngei phawkkik in, tua nu sam hi. Tua Adventist nupinu in, Pastor pensen lasa khat tawh kimusak hi. Pastorpa in laisiangtho sinpih a, Si-Woo in zong misite thu telsiang in, amah zong Satan' nasemkha a hihlam phawk hi. 2016 kumin tui kiphum hi.

Si-Woo in kei sungah Satan peuhmah siksan neisak ngei nawnlo ding cih khentat hi. Luke 11:24 na sung lungngai hi. Zeisu in, “Mi khat peuh sungpan dawi a kihawlkhiat khit ciangin, a teenna ding mun keu zongin a vak kawikawi hi. A omna ding mun a muhloh ciangin, hong kihawlkhiatna munmah lutkik ning ci hi.’” 

Zingsang simin laisiangtho simin thungenden hi. Lungnopna leh daihna ngah hi. Mark 5 sungah Zeisu in dawi a hawlkhiat khit ciangin, a thupiakna in, “Innah ciahin la, Topa in nang a ding a hong sepsak teng na lawmte kiangah genkhia in' ci hi(aneu 19). Tuabang lianmah in, Si-Woo zongin khanglam Korea gamsung khempeuh a om Adventist pawlpi te kiangah Zeisu in ama pumpi tung a nasepna teng a genkhiat ciangin, a zaa khempeuh in lamdang a sa uh hi. 

Byung Ju Lee, Korean Union Conference Sabbath School leh Personal Ministries director pa hi. 

Theihhuai Korea te thu

Korea te'n kimchi duh mahmah uh hi, anteh a thuk a kibawl nam a hihi. 

Ankam lum, tangmai cihte pan kipan nam 250 bang om hi. 

Nambat “4” pen Korea te a dingin kamsiatna nambat hi. 

Inntung kahtohna kahlei te zong, dawl '4' na pen “F” bekmah tawh lakuh hi.