Zo Phualva Vol 08, Issue 07: Zite Itzia Ding

ZITE TUNGA PASALTE GAMTAT ZIA DING #(Zite Itzia Ding) 

---

1. Na zi thu na hilh ciang in awkhauh tawh taingawh kei in. A lungsim na liamsak kha ding hi. Pro. 15 : 1.

2. Na zi mawhna leh khialhnate midangte tung ah gen kei in,na gen bang in nazi mite in mukhial kha ding hi. Pro. 2 : 19.

3. Na zi tung ah na itna leh na deihsakna na kilat sak bangin numei dangte tung ah zang peuhmah kei in.Tuabangte in 'Angkawmna mawhna' lianpi a hi hi. Matt. 5 : 28.

4. Na zi pen ama zakin numei dang tawh teh kei in. Tua numei dangte in na zi sang thupi zaw kha mah in teh, a hih hang na zi pen nang ading a Pasian in hong piak hi cih phawk tawntung inla, amah it pen in nei in, a kisapna ah itna tawh thuhilh zaw in. 2 Cor. 10 : 12.

5. Na zi tungah itna leh deihsakna tak tawh a kisap bang bang hihsak in, tua hileh na kisap itna atam zaw hong pia kik kik zaw lai ding hi.

6. Na zi pen thu nengno hangnin gensia sia kei in.A lungsim na in nang tung ah lametna hong bei ding hi.Ki niamkhiat tak leh itna tak tawh thuhilh in pantah zaw in. Eph. 4 : 2

7. Na zi tung ah bang mah ipsim nei kei in. Note pumkhat na hi uh a, a kisapna ah mapangkhawm leh a kihuh tuah ding na hi zaw uh hi. Gen. 2 : 25.

8. Nazi a taksa amel pianziate ama maiah gensia peuhmah kei in, A taksa leh a melhoihna , a lungsim khempeuh nangmah in naungek bang in na kep na khoi ding in, phaltak in nang tungah hong kipia khin hi. Pro. 18 : 22

9. Midangte mai ah na zi tai in awkhauh zangh kei in. Thuhilh nuam na hih leh na lupna khan sung ah nogel bek na om ciang bekin itna tak tawh thapia in thuhilh in. Matt. 1 : 19.

10. Na zi' taksa leh a melhoihna ah lungkim in, itna tak tawh kem inla a tek ciang dong itpen in nei in. Eph. 5 : 29.

11. Inn sung nasep leh a kisam bang a sepna hang in lungdam ko in phatsiam in, tua asep khempeuh nang ading na thupi mah mah a sem a hi hi. 1 Thess. 5 : 18.

12. Anhuan mehbawlte a vekpi in alim pen in bawl thei kimlo hi cih thei in la(na zi pen anhuan mehhuan siam man a na ten pih hilo), a mehbawlte phatsiam.inla limsa tak in neksak in. Pro. 32 : 4.

13. Na zi tawh pumkhat na hihna phawk den in. Na zi pen nang tawh pumkhat suak ding in na khempeuh nusia in hong ki pumpiak hi cih phawk den in. Gen. 2:24.

14. Na zi' hong itna a kip sem sem na dingnin na itna tawh tuam lum sem sem in. A kisap leh a deihte leisak lecin a lungkimna leh lunggulhna pen nang tung bek ah kinga sem sem ding hi. Eph. 5 : 26.

15. Na zi pen Pasian biakna leh Lai Siangtho simna, thungetna neih pih den den in. Zec. 5 : 16.

16. Na zi pen kimawlpina (sport & game) neihpih zel in la, a lawmte tawh kikholhna lungkim sak in. A lawmte pen nangtung ah khasiatna hong tun thei ciang bek hikha ding a, na zi ahih leh na han mual ciang dong kap in hong zuiding na zi bek mah a hi hi. Pro. 9 : 9.

17. Na zi hoihlohna leh kisapnate gen khia kei in, nangma' minsiatna ding a tangko na hi lel hi. Na zi pen kem, humbit zaw in, amah pen na taksa peeng khat a hi hi. Eph 5 : 30.

18. Na zi' nu leh pa te zahtak in pahtawi siam inla, a unaute tung ah na itna leh thukhualna kilang sak den in.

19. Nang a dingnin na zi in a nisim nuntakna a zatna hang in na itna pen lungdam maitaitak takin a tung ah kilangh sak in. Zite in itna awkhum a zak uh ciang in a nuntakna lungdam in atawl uh dam zung zung hi. Eph. 5 : 25.

20. Na zi na itna thu ah Zeisu bang in khang sem sem in (Luke 2:52). Tua in mihoih na hihna leh na zi a ding in PASAL HOIH na hihna lampi a om sun a hi hi. Source: Nupa Nun.

Mipil te kammal pawlkhat:

*George Washington in, “ka muh ngei numei kheempeuh lakah kei’Nu mah hoih melhoih pen” ci hi. “My mother was the most beautiful woman I ever saw”.

*Ronald Reagan in, “Kanu tung pan in thunget na manphat na,tupna nei-in tua te tangtung takpi ding cih upna,cih te ka sin hi” ci hi. { From my mother I learn the value of prayer, how to have dreams and believe I could make them come true.}

*Thomas Edison ki ci electric bulb a bawl khia thei pa a neu lai in a sang pan in, a sia ten lai khat khak a, a lai sung ah, “Na tapa uh hai lua hi, ama ading bangmah hih thei kei ung” ci hi. {Yourchild is dumb, we can’t do anything for him} 

A nu in tua lai thuk kik a, “Ka tapa tel lo hi uh teh, keima’n lai ka hilh ding hi” ci hi. { You do not understand my boy, I will teach him myself.} A nu in acih bang in hilh takpi hi. A mah in a om ngei nailo a kibawl thak van leh na nam 1093 te bawl hi. A nu’ hanciamna hang in mi minthang suak hi.

Gout natna:

1. Guh leh taang natna pen uric acid tamna hang hi a, i guh kipeh na kikal ah uric acid ten mun luah in tua te hang in na in hg tep leh na mahmah hi. Bang hang leh bang ci bang in uric acid tam hiam? Cell tam leh compact tam, compact tam leh uric acid tam, uric acid tam leh purine tam, purine tam leh guh natna tam hi. Gtn: sa sin, sa lung, khuak leh sa sungkua te hipha deuh hi.

2. Tuisung ganhing(seafood) herring (ngatalau) trout ngasa, sardine ngasa, ngasa neu keu (anchovy), aisa, kaaikuang leh kep leh zu cih te hi phadeuh hi.

3.Silngo tawh kibawl an le tui nam te ah zong tam hi.

4. Be nam te ah zong uric acid alaihawl(moderate) om hi. Be pen be bek in ne leng poina omlo a tofu pen tam nekna in uric acid tamsak thei hi. 

Nek loh ding leh kidop ding

*Sa sin, lung, khuak leh sungkua nam te ne lo ding.

*Tuisung ganhing nam himhim tamnek loh ding a diakdiak in atung a I gensa teng.

* Silngo tawh kibawl an leh zu cih ten kidawm mahmah ding.

*Sa limlim tamnek loh ding hoih hi.

Nekding dawnding:

*Tampaya, yu(lime/lemon) tui pen sikeu 6-8 pen tui litre 1tawh hel in nisim in dawng den ding.

*Tampaya or yu in uricid acid te pen hawlkhia in kal sung a suang om kipan te nangawn damsak zo hi. bekthamlo in sisan siangsak hi.

Tui limlim ih dawn ciang in annek ma minute 30-45 kihal sak ding hi. Annek khit nai 1 leh lang bang peuhmah kihal sak ding. I gilpi in acid leh enzyme te pen tui tawh kigawm leh peeng in angawi na susia thei hi. 

Vitamin B1 zong beisak thei hi. Tui i dawn ciang in thakhat a tampi dawn sang themthem a tampi vei dawn hoihzaw pek hi.