“Sim Peuhmah Loin, Geen In Maw!”
May 26 Virginia Nitumna lam, America
Agen: John Peña, 57
Nitaak khat, John Peña in US gam Virginia pine (state) nitumna lam ah na asepna ah. set van khat puak kham hi.
Mount Hope khuapi neu ah huihmei laakna paihpi 23 tawh huihmei (gas) kithoh in, sum zonna khangto hanhan hi. Ahizongin, tu-in, sum kholna laaikhauhneu (card) kizang thei nawnlo in sumtang piak kuulta hi.
Limtak in a kizeem mi vom khat in a mawtaw sungah huihmei a thun laitak uh John leh a seppih numei khat in vil giigee uh hi.
“Sia aw, na huihmei man ding US sum dawla 40 nong piak kul ding hi,” ci-in John in geen hi. Tua pa in lamdang sa in, “Sumkholna laaikhauhneu (card) bek nei ing,” ci-in dawngkik hi.
A maneza pa tawh John kiho in, a mawtaw nusia pak aa, sum tang a va zon ding kigeen uh hi. Tu nitaak in sumtang angah thei nawnloh ding lam huihmei lei pa in geenta hi.
John in a thukhualna tawh, “Na huihmei man ken hong piaksak ning. Na matpongteen hong nusiat in. Sum nong piak ciangin hong piakik ning,” ci hi.
Huihmei leipa zong lungdam takin John’ khut leen aa, “Zingciang in hong paikik ning ei,” ci-in kamciam pia hi.
Tua huihmei leipa a paikhiat khit ciangin a seppih nu in John tungah, “Na sum ngah nawnlo kha ding na hi maw,” ci-in taai hi.
John in, “Tua pa hong paikik dingin ka um hi,” ci hi.
A zing ciangin, tua pa US sum dawla 40 tawh hong paikik takpi hi. US sum dawla 40 a piak kawmin, “Kong huh theih ding a om hiam? ci-in dong hi..
John in letsong, a vaal sum cihbang deihlo hi. “Bangmah ka kisap uh om kei, Topa Pasian in thupha hong pia ta hen. Hun hoih na zang thei o leh,” ci-in John in dawngkik hi.
“Nang zong Pasian in thupha hong pia ta hen,” ci-in tua pa’n dawngkik hi.
Lamet Kholhloh Kimuhna
Tua nitaakin, John in a zi Sharon tungah a tuahkhaak thu lamdang khat geen hi. Ahizongin a suungpa in Lai Siangtho sinpih ding a gen ciangin a thu geen dingteng mangngilh hi. Jim pen Seventh-day Adventist pawlpimi khat hi-in, amau pawlpi ah John a va hawh dingin a sap ahi hi. John in a hong tung ding Sanini ciangin na seem lo ding cih a suungpa Jim in thei ahihmanin a maakpa a sam phakik ahi hi.
“OK, Hi hen o! , Tu tung in hong kikhawm mah ning ei,’ ci-in John in dawngkik hi.
John pen Cleveland ah Sunday tang innkuan sungpan a piang hiaa, a zi tawh khatveivei bek Adventist pawlpi ah kikhawm uh hi. John in Virginia pine, Beckley khuapi aa om a suungpa pawlpi ah kikhawm ngeilo hi.
Sabbath zingsang ciangin, biakpiakna kipat ding ngaakin, nuam salopi mahin a suungpa Jim kiangah tuu hi. Minute tawm khit ciangin, pulpit nunglam ah pastorpa a pai mu aa, “John aw, Pastorpa tawh na kimuh ding deih mahmah ing,” a ssungpa Jim in ci hi.
“Hi mah ei pa. Laai Siangtho sungah thu pawlkhat amah ka dot ding om mah ei,” ci-in John in a suungpa dawngkik hi.
Pastorpa biakinn sung ah a nunglam panin hong luut ciangin, John in, “Hih pastorpa koi hiam khat ah mu ngei ngeel veng aw,” ci-in ngaihsun hi.
Pastorpa in Jim’ khut leen aa, lamdangsakna tawh John en geegaa hi. “Koi hiam khat ah kong mu ngei ding tawh kibang sii ee,’ ci hi.
A nihtuak un, tawmvei sung hong kisal leelaa tuak uh hi. Tua khit ciangin John in, “Kalaisai, Huihmei zuakna ah hong pai hilo nai maw! ci hi.
Pastropa’n zong, “Oh! “Nang ka huihmei man ding hong piaksak hilo na hia?” ci-in maaitai takin dawngkik hi.
Kikhop man ciangin, John leh Zambia gammi Pr. Samuel in nung kaal sung aa huihmei zuakna ah thupiang teng Jim tungah geenphaa uh hi.
A kihona vuah, John in, “Kaam hi ka ci thei zeelaa, tun bel thupha hi, ka ci hi,’ ci-in geen hi.
A Omlaai Taangthu
Hih bangin Adventist pastorpa tawh a kimuh khaakna in, John’ lungsim sukha mahmah hi. Beckley Adventist pawlpi ah Sabbath ni sim in kikhawm aa, tua nungciangin Spencer aa om, a inn uh tawh a kinaai Adventist pawlpi ah kikhawm hi. A sawt loin a zii tui kiphuum hi.
Tua zawh ciangin, Spencer pawlpi in 2015 kum aa Sabbath sawm leh thumna sumpi pawlkhat ngah uh hi. Tua sumpi pen, Virginia nitumna lam ah Pasian thu geenna mun 35 ah zeek uh hi.
Spencer pawlpi ah pawlpi mi 30 phaa uhaa, a ngah uh sumpi tawh khua sung aa inn lian khat saap in, kaal nih sung upa William makaai in Pasian’ thu taangkona bawl uh hi.
John in Pasian’ thu geenna hun sungin, pawlpi mite lai-hawmna leh inn hawhna te ah kihel napi-in, Pasian’ thu geenna a tawpni ciangin tui kiphum ding ngeen lo mawk hi.
Tui kiphum ding ni nih a kisap ciangin, Pastorpa leh Daniel Morikone te John kiangah va hawh uhaa, Topa Zeisu tungah a lungtang a aap ding a daal lai thu banghiam cih va dong uh hi.
“Midangte ka et ciangin Topa Zeisu pianzia tawh kilamdang kasa aa, kei zong siangtho zo ding maw cih ka lungkham hi,” ci-in John in dawngkik hi.
“Topa Zeisu en loin, midangte na et thapaih leh cikmah in tui na kiphum nuam ngeikei ding hi,” ci-in Pastorpa in dawngkik hi.
Pastropa’ kammal in John lungsim sukha pha mahmah hi. A zingciangin. John in Pastorpa hopih aa, “Zingciangin, tui ka kiphumna ah bang hong keng ding kahi hiam? ci-in dong hi.
John zong midangte tawh tui hong kipphuum takpi hi.
Tui hong kiphum khit ciangin. “Pawlpi mite sungah Topa Zeisu a hoihna ka mu theita hi,” John in hong ci ta hi. John pen kum 57 phaa ta in, SpencerAdventist pawlpi ah upaneu (deacon) seem aa, ama’ kiim leh paamte kiangah Pasian’ thumaan geensawn ding lunggulh hi.
“Hih laai munah kum 30 ka teeng ta aa, mi’n hong thei mahmah uh hi. Tui ka kiphum zawh ciangin ka nuntak zia kilamdang aa, ka veengte kiang hawh in Pasian thu ka geen sawn nuam hi,” John in ci hi.
May 26 Virginia Nitumna lam, America
Huih mei (Gas) Phual Muhkhiatna
Agen: John Peña, 57
Nitaak khat, John Peña in US gam Virginia pine (state) nitumna lam ah na asepna ah. set van khat puak kham hi.
Mount Hope khuapi neu ah huihmei laakna paihpi 23 tawh huihmei (gas) kithoh in, sum zonna khangto hanhan hi. Ahizongin, tu-in, sum kholna laaikhauhneu (card) kizang thei nawnlo in sumtang piak kuulta hi.
Limtak in a kizeem mi vom khat in a mawtaw sungah huihmei a thun laitak uh John leh a seppih numei khat in vil giigee uh hi.
“Sia aw, na huihmei man ding US sum dawla 40 nong piak kul ding hi,” ci-in John in geen hi. Tua pa in lamdang sa in, “Sumkholna laaikhauhneu (card) bek nei ing,” ci-in dawngkik hi.
A maneza pa tawh John kiho in, a mawtaw nusia pak aa, sum tang a va zon ding kigeen uh hi. Tu nitaak in sumtang angah thei nawnloh ding lam huihmei lei pa in geenta hi.
John in a thukhualna tawh, “Na huihmei man ken hong piaksak ning. Na matpongteen hong nusiat in. Sum nong piak ciangin hong piakik ning,” ci hi.
Huihmei leipa zong lungdam takin John’ khut leen aa, “Zingciang in hong paikik ning ei,” ci-in kamciam pia hi.
Tua huihmei leipa a paikhiat khit ciangin a seppih nu in John tungah, “Na sum ngah nawnlo kha ding na hi maw,” ci-in taai hi.
John in, “Tua pa hong paikik dingin ka um hi,” ci hi.
A zing ciangin, tua pa US sum dawla 40 tawh hong paikik takpi hi. US sum dawla 40 a piak kawmin, “Kong huh theih ding a om hiam? ci-in dong hi..
John in letsong, a vaal sum cihbang deihlo hi. “Bangmah ka kisap uh om kei, Topa Pasian in thupha hong pia ta hen. Hun hoih na zang thei o leh,” ci-in John in dawngkik hi.
“Nang zong Pasian in thupha hong pia ta hen,” ci-in tua pa’n dawngkik hi.
Lamet Kholhloh Kimuhna
Tua nitaakin, John in a zi Sharon tungah a tuahkhaak thu lamdang khat geen hi. Ahizongin a suungpa in Lai Siangtho sinpih ding a gen ciangin a thu geen dingteng mangngilh hi. Jim pen Seventh-day Adventist pawlpimi khat hi-in, amau pawlpi ah John a va hawh dingin a sap ahi hi. John in a hong tung ding Sanini ciangin na seem lo ding cih a suungpa Jim in thei ahihmanin a maakpa a sam phakik ahi hi.
“OK, Hi hen o! , Tu tung in hong kikhawm mah ning ei,’ ci-in John in dawngkik hi.
John pen Cleveland ah Sunday tang innkuan sungpan a piang hiaa, a zi tawh khatveivei bek Adventist pawlpi ah kikhawm uh hi. John in Virginia pine, Beckley khuapi aa om a suungpa pawlpi ah kikhawm ngeilo hi.
Sabbath zingsang ciangin, biakpiakna kipat ding ngaakin, nuam salopi mahin a suungpa Jim kiangah tuu hi. Minute tawm khit ciangin, pulpit nunglam ah pastorpa a pai mu aa, “John aw, Pastorpa tawh na kimuh ding deih mahmah ing,” a ssungpa Jim in ci hi.
“Hi mah ei pa. Laai Siangtho sungah thu pawlkhat amah ka dot ding om mah ei,” ci-in John in a suungpa dawngkik hi.
Pastorpa biakinn sung ah a nunglam panin hong luut ciangin, John in, “Hih pastorpa koi hiam khat ah mu ngei ngeel veng aw,” ci-in ngaihsun hi.
Pastorpa in Jim’ khut leen aa, lamdangsakna tawh John en geegaa hi. “Koi hiam khat ah kong mu ngei ding tawh kibang sii ee,’ ci hi.
A nihtuak un, tawmvei sung hong kisal leelaa tuak uh hi. Tua khit ciangin John in, “Kalaisai, Huihmei zuakna ah hong pai hilo nai maw! ci hi.
Pastropa’n zong, “Oh! “Nang ka huihmei man ding hong piaksak hilo na hia?” ci-in maaitai takin dawngkik hi.
Kikhop man ciangin, John leh Zambia gammi Pr. Samuel in nung kaal sung aa huihmei zuakna ah thupiang teng Jim tungah geenphaa uh hi.
A kihona vuah, John in, “Kaam hi ka ci thei zeelaa, tun bel thupha hi, ka ci hi,’ ci-in geen hi.
A Omlaai Taangthu
Hih bangin Adventist pastorpa tawh a kimuh khaakna in, John’ lungsim sukha mahmah hi. Beckley Adventist pawlpi ah Sabbath ni sim in kikhawm aa, tua nungciangin Spencer aa om, a inn uh tawh a kinaai Adventist pawlpi ah kikhawm hi. A sawt loin a zii tui kiphuum hi.
Tua zawh ciangin, Spencer pawlpi in 2015 kum aa Sabbath sawm leh thumna sumpi pawlkhat ngah uh hi. Tua sumpi pen, Virginia nitumna lam ah Pasian thu geenna mun 35 ah zeek uh hi.
Spencer pawlpi ah pawlpi mi 30 phaa uhaa, a ngah uh sumpi tawh khua sung aa inn lian khat saap in, kaal nih sung upa William makaai in Pasian’ thu taangkona bawl uh hi.
John in Pasian’ thu geenna hun sungin, pawlpi mite lai-hawmna leh inn hawhna te ah kihel napi-in, Pasian’ thu geenna a tawpni ciangin tui kiphum ding ngeen lo mawk hi.
Tui kiphum ding ni nih a kisap ciangin, Pastorpa leh Daniel Morikone te John kiangah va hawh uhaa, Topa Zeisu tungah a lungtang a aap ding a daal lai thu banghiam cih va dong uh hi.
“Midangte ka et ciangin Topa Zeisu pianzia tawh kilamdang kasa aa, kei zong siangtho zo ding maw cih ka lungkham hi,” ci-in John in dawngkik hi.
“Topa Zeisu en loin, midangte na et thapaih leh cikmah in tui na kiphum nuam ngeikei ding hi,” ci-in Pastorpa in dawngkik hi.
Pastropa’ kammal in John lungsim sukha pha mahmah hi. A zingciangin. John in Pastorpa hopih aa, “Zingciangin, tui ka kiphumna ah bang hong keng ding kahi hiam? ci-in dong hi.
John zong midangte tawh tui hong kipphuum takpi hi.
Tui hong kiphum khit ciangin. “Pawlpi mite sungah Topa Zeisu a hoihna ka mu theita hi,” John in hong ci ta hi. John pen kum 57 phaa ta in, SpencerAdventist pawlpi ah upaneu (deacon) seem aa, ama’ kiim leh paamte kiangah Pasian’ thumaan geensawn ding lunggulh hi.
“Hih laai munah kum 30 ka teeng ta aa, mi’n hong thei mahmah uh hi. Tui ka kiphum zawh ciangin ka nuntak zia kilamdang aa, ka veengte kiang hawh in Pasian thu ka geen sawn nuam hi,” John in ci hi.
########@@@@@@########
Lungdam ei. A hunhun in Mission news te na sim ziauziau thei ungh ei.
ReplyDeletePost a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.