MS 10: Mitot Haat Ui Khat

Sim peuhmah ke’n!!, Geen in!!

Nipi 10na: Mitot Haat Ui Khat
March 10, Trinidad leh Tobago Gam

(Agen: Shanelle Octave, 22)

[Hih thu khangno lai nupi or Siama khat geen sak in)

Southern Caribean University panin sangnaupang (12) te in a sang sum dingun khuakhaal sangkhak sungin inn sim ah laibu zuak uh hi. Sangnaupang tampi in Caribbean ah laibu zuak uhaa, ko, saangnaupang 10 kipawl in, Canada ah, ka zuak uh hi.

Alberta gam ii khuapineu Ponoka ah Mangpau tawmcik a pau thei Rom gam pan saangnaupang khat tawh ka tungkhawm uh hi. Guahciin ni Kiginni (Friday) ni-in, lamziikpi a langkhat tuak ah laibu ka zuak tuak uh hi. Nai tampi khit ciangin, ka lawmpa a lungkiat lam a hah daan in ka theiaa, “Kong huh ding hiam?” ci-in ka dong hi.

 Ama’ lu hong sing hi. Thu ngen in lampi dung zawh dingin ka khensat in ka kipankik uh hi.

Ka pai masakna uh inn ah, papi khat in Rom gam saangnaupang pa maai-ah a kong ginngeih takin khak hi. Kheltat sa ka hihmanin ka nui kha hi. Tua leh, ka lawmpa pen na maigum ngeungau mawk hi. Kei zong thaa pia in, “Ih nih in zuak khawm ni,” ka ci hi.

Ama’ zuakna lam ah ka paikhawm uhaa, thu ngeen in, a zom inn ah ka hawh uh hi. Kongkhak ka kiuh leh ui neu khat in hong tawng laklak hi. . Ui neipa in a ui un ngaihtakin hong tot pen deih hetlo aa, laibu zong lei nuamlo mawk uh hi. Kongkhak hong hon nupinu zong ko hong muh ciangin lungkim tuak hetlo hi. A hangsan a ui uh zong innteek nu khe gei ah omaa, tua ui zong lungkim loin, hong tawng laklak hi. 

Kei zong ui hong tot awlmawh loin, ‘Hong cidam sak Singkungte’ cih cidamna bu khat ka lak hi. Laibu thu ka gen kawm in, ka phawk vat khat hong omaa, a ui in hong tawng thapaai ahihmanin laibu hong lei lo ding hi cih ka thei hi. Kei zong, ui ka hopihaa, “Scruffy aw, bangci nahia? Banghangin haam laalaa thapaai na hia? Kei nong theih ngeiloh man maw?”ka ci hi. 

Nupinu in, “Ka inn vuah hong pai ngei nahi hiam?,” hong dong hi. Hong dotna in hong buaisak hi. “na inn vuah kong pai ngeikei hi,” ci-in ka dawng hi.

“Tua ahihleh Scruffy bangci theih na hihiam?” hong dong hi. Ama’ ui ka theihloh lam ka gen hi. Nunpinu in a inn sungah hong tumsak hi. “Scruffy pen ka khawi masak ka ui min hiaa, tua na dinna munlian ah si hi,” ci-in khitui luang kawm in hong gen hi. 

Hong gen thu lamdang kasa-aa, a ui sihna vaai ka hehneem hi. Nupinu in, Guah lakpi ah ka nasep uh banghiam cih hong dong hi. Ka nuihsat kawmin, laibu khat, ‘Khazih Kiang Zuatna’ ip sung panin la khia in, laibu sungah a om thute ka gencian hi. Nupinu in laibu man ding hong dot laaitakin a pasal hong ciah hi. 

Kei zong tua pa kiangah, Sia aw, tuni na vaai a lem hiam? Kei Shanelle hi ing. Nang e, na min bang ahia?” ci-in ka hopih hi. “John,” hong ci hi. “No way!” ka cikik hi. “Banghangin maw ‘No way’ na cih?” nupinu in hong dong hi. “Tua pen ka pa min hi!” ka ci hi.

Nupinu in hong kawiaa, kei koipan cih hong dong hi. Saint Lucia tuikulh ah ka suahna thu ka gen ciangin, a khitui hong luang hi. 

“Saint Lucia ah mai kha ciangin hun nuam zat sawm ung,” hong ci leuleu hi. A sumbawm a laak kawmin tuikulh thu hong gensak hi. Nupinu in, “Vanzuakte tawh ka kongbiang ah ka kiho ngeikei hi, hiphial mahleh, no tegeel pen ka vantungmi nahi uh hi,” hong ci hi. “Ka ui min Scruffy hong lawhsak, ka pai sawmna uh tuikulh pan hi laai, na pa’ min pen ka pasal min tawh kibang sawnsawn. Nang lah nuih maai sii. Vantungmi na hihlam uh na thei uh hia leh? lungkim takin hong hopih hi.

Nuihmaai kawm in ka min Shanelle hi ci-in ka genpha hi. Nupinu in laibu nih hong leiaa, ‘Lai Siangtho Kamciam’ cih laibu neu khat ka letsong hi. Amah in tua laibu a aang ah tawi cin-ten hi. Ka ciah ciangun, ka lawmpa in lamdangsa in, “Shanelle aw, bangci hih nahia? Nupinu in hong nolh khin hi phialmahleh lainu nih na zuak zo hi,” hong ci hi.

Tua laibu man sum amah ka pia aa, “Tua pen maw, Pasian ahi ve” ka ci hi. Tua kiimteng ah laibu ka zuak uhaa, nupinu a inn panin hong pusuak in, hong samaa, “Vantungmi bangin kong ngaihsun laai hi. Hih a tuamdiak laibu hangin kalung dam lua. Ka tanu tawh ka na sim khawm ding uh hi,” hong ci sawnsawn hi.

Tua munah laibu ka zuak khaak ka lungdam lua hi. Tua ni aa ka lungtup lawhcingaa, Topa Zeisu kiangah kha thak khat ka tunpih zo hi. Kum 22 a phaa Shanelle Octave in, Trinidad leh Tobago gam ah a kihong Southern Caribbean University ah sazian lam sin hi. Tu kuata Sabbath 13na sumpi pawlkhat tawh University ah a biakinn masapen uh kilam ding hi. Tua biakinn lam nadingin nong huh uh lungdam mahmah hi.

 ############@@@@@@@@@#############